273
24
13
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
以上資料只供參考, 請與餐廳確認詳情
食家推介
相關文章
板神最近既感謝祭menu十四品$398起，價錢上的確係頗吸引，所以趁生日都黎左一試🤗餐廳都幾大，間咗幾個唔同嘅區有私人包廂、海景位、omakase sushi bar，我地就被安排左去一間樓底好高嘅暗黑房，頗有空間感，當日廚師大概係1對4位客人😌厚燒澳洲和牛套餐($548/位)📌前菜 有沙律🥗同水雲，後者爽口得黎又黏又滑身，加左少少薑夠開胃😋📌三款刺身 帆立貝、油甘魚、赤身，🐟刺身都切得偏薄，無咩鮮味同口感🤔📌南非鮑魚夠爽口同彈牙👍🏻而且都算幾大隻😆📌大蝦配上蝦膏汁煎得夠哂香🤩📌鵝肝好厚身🤣而且配埋個包可以當mini burger咁食😚油脂感重，食完會念念不忘🤗📌季節野菜當日有粟米仔、紅椒、翠肉瓜同菇📌厚燒澳洲和牛重點既澳洲和牛會切粒上🥰每一粒都會見到入面呈半粉紅，煎得剛好接近medium😋每一粒放入口都感受到嗰種油份係口入面浪浪下🥹絕對有被驚艷到‼️最後仲有味噌湯、炒飯、漬物，同埋板神招牌焦糖多士🍞多士用牛油🧈煎香後加上滿滿既糖令一層脆焦糖皮形成😆又甜又脆🤩最後仲有甜品/咖啡，Momo同Boo飽肚度同滿足感都爆燈💯🤰🏻🫃🏻
繼續閱讀
早前同同事一齊外出上TRAINING上完當然要一齊食餐好啦今次就揀左銅鑼灣人氣板神鉄板燒最近推出的$398感謝祭鐵板燒十四品套餐真的超級優惠一齊睇下我地食左咩啦先來前菜及沙律用上柚子醋調味夏天吃非常開胃然後是刺身三款雖然只有三片不過非常鮮甜最愛是當中的帶子刺身再來有南非鮑魚, 大蝦看著生猛的鮑魚在熱板上扭動很殘忍但卻可以証明鮑魚都是很新鮮的鮑魚口感非常爽脆又彈牙但完全唔會韌大蝦肉質嫩滑蝦頭燒得香脆還吃得到淡淡的蝦膏香YUMMY之後是帶子, 白鱈魚及鵝肝任揀一款我自己揀了帶子燒得半熟的帶子面層有點焦香裡面還是嫩嫩的非常JUICY同事有點鵝肝多士的也有揀白鱈魚的也同樣覺得很好吃魚肉嫩滑不粗鞋鵝肝油油的配上多士有助減低鵝肝嘅油膩感接下來我們大部份同事都揀了美國牛肉薄燒一大盤牛肉拿出來時真的很再卷上蒜片同蔥牛肉肥瘦剛剛好 一口咬下去充滿著牛脂香 不會覺得太油膩 而且中間夾住嘅蒜片烘到好脆口真的超想ENCORE然後是季節野菜有翠玉瓜、雞髀菇、紅椒同粟米仔絕對不用擔心吃太多肉會吃滯哦最後再加上炒飯, 漬物, 麵豉湯, 甜品及咖啡甜品有焦糖多士及抹茶蕨餅焦糖多士賣相超吸引需要很高卡但一定不能錯過一直很喜歡吃鐵板燒坐在爐邊看著師傅表演食物一燒好就可以馬上品嚐味覺及視覺都大滿足這次的優惠聽說到9月就會完想試的就馬上訂座哦
繼續閱讀
板神做緊一個感謝祭優惠$398可以食到14品嘅鐵板燒😍咁啱史努比又就快生日😎決定提早幾日慶祝食餐豪嘅生日飯今次系第一次食鐵板燒 滿心期待廢話唔多講 我哋入正題*今次格式有少少改動 rating直接擺隔離 symbol亦冇特別意思🙌🏿*-♡ 鐵板燒十四品 $398加錢可以update轉生蠔或鮑魚或者系龍蝦不過我哋就冇加 想食翻original嗰個set🙌🏿♡ 前菜沙律 (7/10)師傅準備食材嘅時候 會先上前菜沙律同一般日本菜一樣 都系用柚子醋調味酸酸地咁幾開胃🤭略嫌醋嘅份量落得太多食到底嘅時候味道太重🙌🏿♡ 刺身三款 (8/10)分別系帶子、赤身同油甘魚帶子厚肉鮮甜 史努比最鐘意呢款😍赤身口感順滑 冇筋👍🏿油甘魚夠新鮮 正常水準♡ 南非鮑魚 (9/10)睇師傅整嘅時候已經好吸引隻鮑魚有成隻手掌心咁大😍切成三件 師傅suggest先試原味再點sauce嚟食食落牛油味好香 個人認為可以落少啲牛油鮑魚口感非常爽脆又彈牙但完全唔會韌 好容易就咬得開😆點完個sauce又系另一番風味其實就咁食都好好食😋♡ 法國鵝肝(9/10)超厚切嘅鵝肝😍煎到香脆內軟 入口即溶🤤鵝油嘅香味喺口腔爆發出嚟用麵包夾住嚟食有助減低鵝肝嘅油膩感呢個mini burger奢侈得嚟好好食😂媽媽👩🏻食完講咗句真系好好食 比師傅聽到佢即刻講多謝🤣🤣🤣仲話聽到好開心唔鐘意食鵝肝嘅話仲可以揀食蠔或者時令海鮮🙌🏿不過我哋大家都想食鵝肝就揀晒鵝肝😆♡ 大海老 (8/10)蝦頭同蝦身分開上蝦頭切開煎香 蝦膏鮮甜完全冇苦味😚大蝦用咗秘裝醬汁烹煮蝦肉彈牙而且鮮甜佢哋嘅homemade sauce食到有蝦膏味 令蝦嘅鮮味更特出👍🏿平時對蝦麻麻地嘅史努比都覺得幾出色🤭♡ 美國牛肉薄燒 (10/10)主角出場啦🤩唔食牛都可以揀豚肉見隔離嘅豚肉賣相都唔錯😆師傅首先將一大堆蒜片放上鐵板烘 再喺上面加蔥之後就煎牛肉 我哋嗌咗5成熟師傅將蒜片同蔥放喺牛肉上面再捲起一份有兩塊牛肉 每塊牛肉會切成兩件師傅好細心♥️見我哋4個人就分開兩件兩件咁上菜 先煎比史努比同媽媽👩🏻然後就到細佬👦🏻同爸爸👨🏻等我哋可以食到熱辣辣新鮮煎起嘅牛肉😚賣相好吸引😍牛肉肥瘦適中 一啖咬落去充滿牛脂香 又唔會覺得太油膩中間夾住嘅蒜片烘到好脆口食落好有層次感😋史努比決定封佢為是日MVP🤤♡ 季節野菜 (8/10)有翠玉瓜、雞髀菇、紅椒同粟米仔師傅整晒之後發現多咗件翠玉瓜唔知系咪見到史努比好可愛 然後送多件俾我😂😂😂jkjk蔬菜調味啱啱好 爽脆清甜😆雞髀菇仲好juicy 唔系誇張連菜都好食🤣♡ 面豉湯 (8/10)面豉湯唔會好鹹入面有啲好得意嘅彩色波波不過食完都唔知佢系乜😂♡ 漬物有啲酸蘿蔔同埋另外嗰啲史努比都唔知系乜😛♡ 炒飯 (9/10)望住師傅炒飯個畫面特別治癒🥰真系好勁 炒咁耐都咁有力🤭雖然佢炒到一半有落油 但食落完全唔油膩炒到好乾身 飯粒粒分明😆而且有蛋香味雖然落咗史努比唔鐘意嘅蔥 但食落竟然完全冇令人討厭嘅味道😳個飯值得一讚👍🏿最後系甜品😚可以揀奶凍或咖啡我哋揀咗奶凍 另外呢個set包埋一份焦糖多士應該都系佢哋嘅signature之一🤩♡ 焦糖多士 (9/10)雖然已經好飽 但見到個多士賣相咁吸引 再飽都食🤭搽咗牛油烘到微微脆口面頭瀋咗白砂糖燒到變焦甜而不膩 而且帶有牛油香好好食🤤不愧系signature👍🏿♡ 奶凍(7/10)本身史努比對奶凍興趣不大呢個做得唔錯 奶凍好smooth 牛乳味幾濃郁唔系咁鐘意佢同紅豆蓉嘅combination😗但整體系唔錯嘅-整體食物幾高質 以鐵板燒嚟講$398呢個價錢算幾抵食慶祝生日就食豪啲啦😂😂師傅幾funny 隔唔中都同我哋講下笑鐵板燒師傅嘅服務就當然系滿分啦🤭美中不足嘅系啱啱開頭食嘅時候等咗好耐都冇茶水 不過之後佢哋亦有一直幫我哋加茶整體用餐體驗感覺好好 尋日我哋食得好開心😆整體評分：味道: 9/10環境: 9/10服務: 8/10衛生: 9/10抵食: 7/10回頭率就唔評啦 始終鐵板燒都系啲貴價嘅食物 平時唔會無啦啦走去食架嘛😂慶祝特別日子嘅話呢間絕對系個好選擇👍🏿想再食豪啲可以+$200食A5和牛🤤推薦大家去試下🙌🏿🙌🏿-
繼續閱讀
上星期我到訪咗銅鑼灣人氣✨板神鉄板燒✨最近推出$398感謝祭套餐，分別係✨鐵板燒十四品✨及✨十五品御膳✨🔥套餐至到9月全日供應，週末及公眾假期都可預約都幾抵食架！我哋每人試咗💓鐵板燒套餐 及 💓十五品御膳餐安排咗我哋坐壽司吧檯🔥鐵板燒十四品 $398前菜、沙律、刺身三款、南非鮑魚、大蝦、法國鵝肝、季節野菜、薄燒美國牛肉、炒飯、漬物、湯、甜品▪️刺身三款鯛魚、赤身、帆立貝，幾鮮甜新鮮◼️主食鐵板燒▪️南非鮑魚、大蝦、鱈魚 鮑魚爽口鮮味，大蝦彈牙，鱈魚油脂香濃軟嫩✨如果份量多啲會更加好☺️食物都好味👍🏻✨▪️薄燒美國牛肉中間包咗蒜片夾左蒜片令味道更昇華，美國牛肉牛味濃郁，好味😋下面塊方包吸晒啲油，隔咗層油令牛肉唔使咁油膩▪️之後上埋漬物、湯、炒飯炒飯都幾得幾香同粒粒分明食埋個炒飯都好飽✨▪️甜品係奶凍好香奶味，唔會太甜至於另一款感謝祭套餐✨👍🏻🔥十五品御膳 $398前菜、沙律、刺身三款、壽司五款、天婦羅蝦及野菜、西京燒、湯、甜品▫️刺身帆立貝刺身，加了柚子皮，味道好清新，帶子非精鮮甜✨▫️燒油甘魚火炙燒過嘅油份好香▫️安康魚肝鮮甜甘香▫️ 網燒魷魚食落有煙燻的味道，好味😍✨▫️壽司五款依佐目、真鯛、間白、赤蝦、中拖羅師傅一次過整晒5件咁，刺身新鮮✨中拖羅油脂適中▫️天婦羅蝦、茄子、南瓜天婦羅天婦羅炸得香脆，炸粉薄薄地蝦口感爽口
繼續閱讀
不斷回訪依間人氣日式餐廳😍 板神熱推既感謝祭鐵板燒及日式御饍套餐，真係性價比好高✨ 而且仲係星期一至日全日供應，想食記住要提早預訂喇💕✨ 鐵板燒十四品 ($398/ person)❀ 前菜｜沙律 🥗雜菜沙律配蕃茄柚子汁，酸甜開胃❀ 刺身 🐟有帆立貝、赤身及深海池魚✨ 三款都好新鮮，帆立貝鮮甜爽滑，赤身魚味濃郁，深海池魚爽嫩亦帶油香味❀ 南非鮑魚｜大蝦｜鵝肝 🔥擺盤精美😍 鮑魚口感鮮香爽彈，大蝦味道香濃又彈牙，鵝肝外焦內嫩，入口即溶，配搭迷你漢堡包食平衡油膩感❀ 美國牛肉薄燒 🐮薄薄既牛肉片卷住蒜片及蔥花，口感好豐富❀ 季節野菜 🥬❀ 炒飯｜漬物｜湯 🍚飯粒炒得粒粒分明，帶有焦香味❀ 焦糖多士｜甜品 🍞最後當然唔少得香甜脆口既焦糖多士及香滑既紅豆奶凍✨ 十五品御饍 ($398/ person)❀ 前菜｜沙律 🥗❀ 刺身 🐟帆立貝加上柚子皮，令味道更顯清新，網燒油甘魚入口魚油香好豐富，食落帶點煙燻味☺️ 而慢煮鮟鱇魚肝香濃軟腍，表面灑上紫蘇花增添香氣❀ 壽司 🍣當日由廚師發辦5款壽司，有中拖羅、間八、赤蝦、伊佐木及真鯛💕 中拖羅入口油香滿溢，間八鮮美爽嫩，赤蝦口感好彈牙，伊佐木鮮甜爽口，肥而不膩，而真鯛灑上柚子皮，食落好清香❀ 天婦羅 🍤大蝦、南瓜及茄子炸得香脆，保持鮮嫩質感❀ 西京燒 🐟銀鱈魚魚皮煎得香脆，魚肉好細嫩，入口油脂豐厚，醬汁鹹甜惹味～❀ 湯 🥣❀ 甜品 🍮
繼續閱讀
您可能會有興趣的...