影片
開飯介紹
以烹煮出食材鮮香原味為宗旨，配合主廚的精湛手藝，使從日本直送的優質時令食材化身成獨一無二的、精緻的鐵板燒料理。
繼續閱讀
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
以上資料只供參考, 請與餐廳確認詳情
有關獎賞計劃
相關文章
出去食飯想食得啲特別啲會去日式鐵板燒，一頓享盡色香味🥰係銅鑼灣、觀塘都有分店嘅板神鉄板燒日本料理就係不少人食鐵板燒嘅不二之選😎趁住五周年，佢哋會推出超級抵食嘅套餐！價錢因牛肉選擇而定，揀美國牛肉薄燒，最平$555起就食到15品料理，有南非鮑魚、鵝肝、刺身等，全部食材都好高質，性價比極高🤑🤑銅鑼灣店環境具氣派，部分位置仲有海景😻🥗時令蔬菜沙律、季節前菜沙律係甘筍汁沙律，比較特別。清新酸甜嘅沙律菜加上大量蟹籽、炸春卷皮、櫻桃蘿蔔、蕃薯等，開胃又好食。🍣刺身三款隨餐附送3款刺身，每款都厚身又鮮甜。牡丹蝦尤其爽彈。🖤南非鮑魚不需過多調味，單純食南非鮑魚本身嘅海水鮮味，已經夠煞食。鮑魚爽彈，中間保持嫰度，口感一流。🦐大蝦天使麵口感特別豐富，將大蝦煎至剛熟，食落特別彈牙，如同蝦肉係口腔彈跳一樣。蝦頭煎至香口，裡面有滿滿甘香蝦膏，令蝦肉更添香濃。底下配襯脆口嘅天使麵，脆卜卜嘅口感同大蝦相映成趣。🤎鵝肝鵝肝亦係上乘之作，煎到剛剛好，外面香口，內裡僅僅熟，滲出油花，食落滿口甘香。食嘅時候夾上脆脆地嘅麵包，口感一絕。🥩牛舌芯下一道菜越趨邪惡，呢度牛舌芯口感極其彈牙，咬嘅時候中間爆出油花，好食。🫑季節野菜四款係食其他牛之前，先嚟少少蔬菜隔一隔，特別清甜嘅野菜令味蕾可以稍為平衡一下。🥩和牛A5薄燒 $755見師父使幾道板斧，兩三下已經整好呢道牛肉薄燒夾蒜片。和牛軟滑富油香，中間香口嘅蔥蒜正好中和牛肉嘅油脂。🥩澳州和牛厚燒 $705厚燒則更著重牛肉口感，牛肉有咬口之餘充滿肉汁，肉味濃，果然係澳州和牛。🦪生牡蠣 +$68叫呢個套餐可以優惠價追加更多海鮮，食得更滿足。呢個牡蠣超級大隻肥嘟嘟，簡單配以柚子醋啫喱，生蠔一放入口隨即滑入喉嚨，口感極其滑溜，而且富有海水嘅鹹鮮味，高質。🤍帆立貝 +$68帆立貝亦不輸其他海鮮，煎到僅僅半生熟，食到帆立貝本身嘅鮮甜味。🍚炒飯、湯、漬物除咗海鮮、肉類，其實炒飯都可以睇到鐵板燒師傅嘅功架。呢個炒飯就炒得好好，飯粒粒粒分明又香口，味道豐富。🍌香蕉煎餅平時唔食蕉嘅我，居然為呢道看似平平無奇嘅香蕉煎餅而覺得十分驚喜！見師父好有耐心咁將煎餅每邊慢慢煎脆，餅皮酥香，香蕉餡幾近融化，好似cream狀，冇咗香蕉本身嘅味道，我自己更喜歡。🍮甜品／咖啡是日甜品有抹茶椰子奶凍，抹茶味甘醇，奶凍超級滑溜，為呢頓晚餐劃上完美句號。推介指數（10分為滿分）：8分
繼續閱讀
銅鑼灣的板神鐵板燒真是個讓人驚喜的地方，尤其是食物，品質真的不錯。點了A5和牛厚燒，肉質嫩得入口即化，炭火烤出的香氣撲鼻，搭配蒜片和蔥花，味道層次超豐富。龍蝦更是亮點，原隻燒得彈牙多汁，淋上蝦膏醬，鮮味直接爆棚，讓人忍不住多吃幾口。炒飯也超讚，粒粒分明，蛋香濃郁，連簡單的配菜都炒得恰到好處。環境是另一大加分項，信和廣場這家旗艦店，空間寬敞得像置身豪宅，復古燈光和裝潢很有格調，坐著超舒服。不過吃有點趕，但衝著這食物和環境，還是值得偶爾來享受一下。
繼續閱讀
今次帶我黎嘅朋友佢地都食左好幾次，食左咁多次唔係伏啦🤣 叫左個週年慶鐵板燒套餐，食物質素可以、師傅手藝定係擺盤，全部都係社交平台打卡able✨ 套餐一開始有 沙律、季節前菜。有送刺身三款，不過不失。之後黎個南非鮑魚。一路燒啲人就一路嘩曄嘩，仲生毆毆架~整大蝦天使麵都係 🤣 Wah ~ wah~ wah~ 美國牛肉薄燒+澳洲和牛 ，全ME，師傅喺你面前即席燒，油花分佈ok，嫩滑多汁。牛舌芯、鵝肝都唔錯😌我哋仲追加咗 帆立貝 ($68) 同 火焰北寄貝 ($128)，帆立貝燒得啱啱好，保留咗鮮甜同彈牙口感；而火焰北寄貝就師傅用火槍一燒，火焰瞬間竄起，濃郁嘅蒜香同北寄貝嘅鮮味都幾襯👍🏻套餐仲有季節蔬菜、炒飯同味噌湯，炒飯粒粒分明，充滿鐵板燒嘅鑊氣；甜品係 香蕉toast。
繼續閱讀
今晚去咗銅鑼灣阪神鐵板燒，銅鑼灣店好大間。入門口有一個金碧輝煌嘅酒吧枱。左手邊一條走廊行落去，有多間鐵板燒房。今日雖然平日，但每間房都有客人。每間房嘅房型同容納嘅人數都唔同。我坐低呢間係高雅嘅日式風格。今晚點咗周年慶鐵板燒套餐，裏面有鐵板燒15品。周年慶鐵板燒套餐鐵板燒15品美國牛肉薄燒 $555 牛肉薄燒的肉質嫩滑，火烤後的香氣令人垂涎，搭配醬汁更添風味。美國牛肉厚燒 $606 厚燒的牛肉肉汁豐富，口感厚實，肉汁鮮甜。龍蝦 + $198 龍蝦肉質鮮嫩，彈牙的口感，加上精緻的醬汁，真是奢華。火焰北寄貝 + $128 北寄貝的香味經過火焰炙烤後更加濃郁，肉質鮮美。刺身三款 刺身新鮮，色彩繽紛，尤其是蝦肉好鮮甜，搭配醬油更是完美。時令蔬菜沙律、季節前菜 蔬菜沙律清脆爽口，搭配季節前菜，營養又美味。南非鮑魚 鮑魚肉質滑嫩，嚐起來有著獨特的鮮味。大蝦天使麵 天使麵口感柔滑，大蝦的鮮味融入麵中。季節魚 季節魚新鮮直送，肉質鮮嫩，簡單的烹調方法突顯了魚的自然鮮味。鵝肝 鵝肝綿滑細膩，入口即化，將鵝肝夾入漢堡包仔當中中和左油膩嘅感覺。季節野菜四款 季節野菜色香味俱全，清新的口感平衡了整頓餐的豐富。炒飯，湯，漬物 炒飯粒粒分明，湯品清爽，漬物酸甜可口。香蕉煎餅 香蕉煎餅外脆內軟，淋上煉奶簡直係絕配。大福餅 大福餅外皮柔軟，內餡香甜。
繼續閱讀
今次試咗【板神】五周年鐵板燒套餐，體驗好正。十幾道菜，每道都似藝術品，由新鮮海鮮到頂級和牛，食材同廚藝都好出色廚師喺鐵板前熟練操作，火焰升起，香氣撲鼻，好似一場美食表演。每道菜都係即場製作，保留食材原味。特別推薦大蝦天使麵，蝦肉鮮嫩，麵條口感豐富，味道鮮美，令人難忘其他菜式都好出色，例如外脆內嫩嘅和牛，入口即化；新鮮嘅生蠔同扇貝，配上特製醬汁，味道一流。成個用餐過程唔單止係味覺享受，仲係視覺盛宴，廚師嘅手藝同菜式擺盤都令人讚嘆咁樣嘅用餐體驗令人感受到生活嘅美好。無論係慶祝定係犒勞自己，【板神】嘅鐵板燒套餐都係唔錯嘅選擇如果你鍾意美食，不妨試下
繼續閱讀