東昇樓海鮮酒家

營業中

休息中

長輩生日請食飯好幾年前去有去食過東昇，海鮮價錢及新鮮度都好好。今次再食，又可一再回味！仲可喺食飯前去附近碼頭，睇下濕地及日落晚霞，吹吹海風的確寫意~炭烤燒鵝香脆肉厚，個汁咸咗少少，但仍然好野味！燒乳豬皮脆肉嫩鮑魚爽口鮮味，陣陣果皮香氣，滿足口中味覺同時果皮香味衝擊臭覺。白灼海螺彈牙甜香蒸班蒸得剛好，肉滑嫩美油鹽水上湯粉絲大蜆，粉絲吸晒大蜆鮮甜海水味，蜆肉鮮嫩唔韌，中芹香味撲鼻蒜泥粉絲蒸聖子芝士大蝦伊麵

燒鵝一流，水浸大蜆，都好抵食，不過路程太遠，在東涌地鐵站乘的士不用起錶,但假期要一早訂位，以免掃興，有兒童都可以去，因為有BB椅供應，適合一家大細一起去進餐....

一個月前嘅平日嚟食晚飯，嗰日冇乜客，而出品就極有水準！最欣賞就係嗰碟蒜蓉開邊蒸蝦，個賣相十分專業、美觀，虾亦十分新鮮，其餘仲食咗幾個小菜，包括鹽焗奄仔蟹、煎肉餅丶上湯花甲等，都極有水準。諗住年夜飯返兜一次，點知就出事喇。可能係當晚人客太多，廚房冧曬檔，出嚟啲嘢嘅賣相都有啲求其，最慘嘅就係，想再食一次鹽焗奄仔蟹，點樓面就話少咗個師傅，所以整唔到喎。所以退而求其次就食咗另外一啲餸，味道雖然有水準， 但一睇就知人多嘅時候就會踢曬腳。總結一句， 水準可比美大酒家，價錢實惠，但係過時過節就唔好嚟喇，而且佢又的確係遠咗啲。

親友離港進修，當然要送行，駕車載同其他家人先吃餐晚飯，久聞東昇樓大名，今次順路去一去車可泊在門口，星期日晚不算太多人第一味送上是椒鹽鮮魷，皮脆而鮮魷唔韌，推介雜菜煲，煲大到夠八個人食，味道偏淡，菜略嫌煮得太淋海鮮炒飯，炒得很乾身，鑊氣夠，份量大概有八碗，抵食燒腩仔，絕對值得推介，皮超脆而肉質唔硬，水準之作蒜蓉蒸蟶子,$55／隻，蒸到過晒籠，好韌，失敗鹽焗雞半隻，聽聞是走地雞，但食落絕對唔係，一般水準，唔難食食完飯吃甜品，紅豆芋圓，芋圓糖水浸住又硬又無味，又係一般埋單五個人，七百幾蚊，碟碟大大碟其實算抵食，不過食物不是樣樣都好味，要多睇食評揀清楚至叫！

屋企無煮飯，東薈城大食代又執左，一於去偏d既地方食。其實同公司lunch有時都會過黎點小菜食，味道ok就唔貴,十個男人叫十幾個餸食到飽一飽都係百零蚊左右。而今日係第一次食套餐。豉椒炒蟹飯，配中湯連餐飲 $38一開始擔心d蟹會唔會唔新鮮，或者分量少。不過之前食過幾次，對餐廳都有信心，就一於試下！蟹分量好多！有足三隻細蟹(奇怪係無蟹蓋既，同行既同事都無)，食落好新鮮，蟹肉一絲絲唔會梅。豉椒炒非常惹味！餐湯同餐飲(凍咖啡)質素都幾好！雖然地方唔就腳，不過呢個價錢同質素，去邊搵呀！

今晚呀媽吾想煮飯,所以決定一家3口去左東昇樓食小菜。我地叫左個蒜蓉炒菜心,蒜蓉粉絲蟶子,招牌鵝。蒜蓉炒菜心- d菜心好鮮甜,好嫩。雖然d人話出街叫送叫菜食好吾抵,但食菜健康呀招牌鵝- 呢度既招牌鵝好早就會賣晒,所以我試真d個味。鵝既皮好香脆,鵝肉鮮嫩多汁。難怪咁搶手!蒜蓉粉絲蟶子- 大大隻既蟶子配香料:蔥同蒜再加粉絲既味道真係一流。最重要係蟶子好新鮮又無沙!

第一次去食野，食物quality ok！但燒鵝、乳豬、海鮮全部計雙份價錢（伙計態度仲要好惡劣,計錯張單，仲要鬧返我轉頭）。就算有幾好食，我都唔再去！大家去食嘢，記住要計清楚張單。

生日前夕已到了東涌在酒店安頓好打電話到東昇樓訂位和詢問如何能到達？接電話的說可以有車到酒店接我們，到達時約六點九。首先在店外選海鲜因為只有我和老公所以點了兩隻每隻五十元的大扇貝、一隻半斤重的大瀨尿蝦、大花蛤。揀完後進入對面有冷氣的地方坐下再點了燒鵝例牌和金銀蛋莧菜。侍應送上前菜醃酸籮白之收送上例湯兩蛊。籮白醃製得剛好很開胃。油盬水花蛤~這裡的油鹽水帶有較重的胡椒香粉絲吸了花蛤的鮮甜和胡椒味很好吃。金銀蒜蒸大扇貝~蒸的時間剛好所以十分鮮甜粉絲吸收了扇貝的鮮甜和金銀蒜香勁like。避風塘大瀨尿蝦~上桌時切成兩件我們剛好每人一件避風塘料炒得香口瀨尿蝦味道不過不失我心想早知要普通蝦。燒鵝~鵝是下裝所以有全隻脾位和肚位送上桌還是很熱醬汁很好味不用點酸梅醬也得好吃個人認為比深井的燒鵝好吃。金銀蛋莧菜~味道不錯份量大足夠四個人吃我兩將海鮮吃完已飽了七、八成吃完金銀蛋莧菜很已經很飽。最後將餘下很多的燒鵝包走回酒店當宵夜吃。這裡還每位送上自制豆腐花，豆腐花很滑糖水帶有薑的香味。勁鍾意！六百多元能吃到一餐有海鮮、燒鵝、菜、甜品還有包走的燒鵝真的物超所值

天氣雖然難以捉摸，可是無論怎壞也沒預計冬天高溫如夏天，夏天則瀰漫如春天的霧氣，不只作為農夫的頭痛，極端變幻的天氣也苦了工作受季子所限的一群人！趁著假期，「助手」可有空幫忙打點農田的工作。甫抵達農天不久，天色驟變得深沉，厚厚的黑雲密集並開始下降，相信暴雨快天將要來臨，即使工作還沒開展，決定跟「助手」離開！走到離農田不遠、靠近公共居邨的天橋，面前的景色變得灰暗，只剩下灰與黑，天好像快要塌下來了！遂進入馬灣涌村，急降的雨水來不及排走，形成大小的水氹。本想到一家日本餐廳用膳，可惜還在午間休息中，要待六時半才營業。眼見雨沒有停下的跡象，於是退而求其次，選擇在「東昇樓」提早享用晚餐，實際他也是我們躱雨所！例牌燒鵝記憶中曾到過「東昇樓」兩次，菜式不差，但也不是令人難忘的那一回事，不過在東涌有這樣的水準已不錯了！印象中燒鵝需要預訂。時候還早，於向姐姐一問，她稱燒鵝大概六時半才備妥，到時可給我們預留。剛巧又是六時半，不過我們可先坐下避雨，總比在街上呆等濕身好多了！上網、玩電話、閒聊一會，時間不知不覺中消逝，一轉眼燒鵝已端到桌上。燒鵝帶微溫，入口鵝皮半脆半腍，部份鵝肉帶點繃硬，不過論到最特別的要算是鵝汁了

作為100毛的粉絲經常被他們的報導看得會微笑心,尤其喜歡東方昇的冷面報導更為吸引!為何會忽然想起他咪因為這天跟好友Kan夫婦一同到東昇樓吃了餐極具風味的午餐囉!!東昇樓分别有四個鋪位其中一個擺設極度懷舊連把吊扇也裝上復古風味的,環境像在熱帶雨林般可按此回味一下這兒環境^0^原本打算去赤坂食午餐可惜因內部裝修要休息7-10日所以便轉戰東昇樓去,人夫想食{豉椒炒蜆}當然奉陪啦哈哈!!蜆肉很新鮮份量也算足,可惜豉椒味不足而且獻汁又過濃稠呢!!另外叫了三款午市套餐有西洋菜例湯送贈(忘了影相!!),{麻辣肉絲米線}$38,麻辣味頗香辣度也不少米線不會過淋,整體也算不俗對得起這價錢呀!!{鹹魚肉餅籠仔蒸飯}$38飯粒夠乾爽本應加埋肉餅吃剛好,而且味道也不錯的好可惜肉餅質地軟爛沒彈性入口即化的認真係好難食呀!!最後一個{四寶飯}$38,特别在其中一寶係豬腳仔如果車爸爸來一定開心到跳起^0^這個四寶飯每樣也不俗,尤其那油潤鹹蛋黃有它真的可吃兩碗飯呀!!

與灰熊在迪士尼遊玩完畢, 看完煙花後, 已晚上八點多, 搭港鐵出東涌, 轉車去逸東邨, 來到東昇樓海鮮酒家晚餐, 我們先在出面選海鮮, 再坐下等吃。原本想要不要叫其他, 海鮮都來了後知道不用了, 份量蠻多的。這邊有裝修過, 但氣氛仍很懷舊感覺。兩個人叫了五個海鮮, 及兩個例湯。蒜蓉粉絲蒸扇貝蒜蓉弄得非常惹味, 扇貝蒸的時間算得很準確, 熟度剛好不會老, 肉質仍嫩滑鮮味, 且很大隻肉厚, 啖啖肉很滋味。豉椒炒大蜆, 醬汁好濃味, 夠火候, 很香口, 蜆沒有沙, 肉質爽滑。油鹽水煮蝴蝶蚌..印象中還是第一次吃這個, 比較少見。蝴蝶蚌很爽口有咬口但又不靭, 滲出淡淡的鮮甜味, 大廚加入粉絲、芹菜、炸蒜、磨菇等一起煮, 用料豐富亦飽肚。蒜蓉粉絲蒸開邊蝦, 蒜蓉同樣很惹味, 蝦隻是最大size的, 頗貴但又真的好新鮮, 爽甜彈牙, 煮得很好吃, 只是碟底比較多油。果皮蒸鮑魚, 這種鮑魚樣子好精緻, 不過味道不算很濃, 要靠果皮香提味, 口感煙靭。例湯熱辣辣的, 材料有粉葛、青紅蘿蔔、雞腳、豬骨等, 好足料, 好老火湯的味道。最後還附送薑汁豆腐花, 薑汁味不算很重, 豆腐花有豆味亦算滑。灰熊原本讓

今日係妹妹生日,同時都係媽咪既受難日*0*為左吾洗媽咪咁辛苦..我地決定一家人去左附近既村屋食生日飯^^1) 叫左10隻蒜蓉蒸蟶子,超好味新鮮又大隻,配左香蔥加蒜蓉煬絲,真係好鮮甜tim呀!最緊要係媽咪中意食而且食得開心2) 例牌燒鵝- 皮脆而且肉質嫩滑聽爸爸既朋友介紹話呢度既燒鵝都吾錯..如果晏d黎仲好快賣晒tim><今日一於試一試佢>>>叫左個例牌,大家都好快手食晒..因為真係吾錯,爸爸既朋友無介紹錯!!3) 上湯勝瓜浸魚肚- d汁好鮮甜,魚肚好爽勝瓜又甜。爸爸媽媽都好中意呢個餸。有d湯可以飲又有蔬菜可以食,健康!4) 避風塘瀨尿蝦- 媽咪中意食辣,我地叫左個避風塘瀨尿蝦。d瀨尿蝦都好大隻呀!!食到媽咪好滋味><佢話d瀨尿蝦鮮甜又有d辣味。夠晒刺激!5) 椒鹽魷魚- 細佬叫既,意想不到既特別!一d都吾多粉!而且香,脆,好味令人一不離二,二不離三。真係停吾到口6)最后,餐廳送左個豆腐花比我地做甜品簡直係完美既happy ending!Happy birthday to my lovely sister>3<

今天係小女子舊曆生日早喺9/8車婆婆車公公巳入東涌跟我慶祝一番還要多謝美味生日蛋糕~晚餐去東昇樓搞掂,沙薑雞腳我的最愛入味得嚟又唔散爛~ 炭燒乳豬今天水準好高皮脆肉嫩好吃~燒豬仔脾醃味時間不夠頗淡口還好的是肉質不鞋這個吃剩幾件~ 羅漢齋味道一流獻汁僅僅包裹素菜好吃非常~ 魚湯魚肚浸勝瓜每次嚟也必定要食魚湯香濃材料十足味道魚肚索滿香甜魚湯滋味無限~ 店子送的豆腐花滑得可以不過要早才有得吃因為很快便送光光了~當晚有雷暴警告食食下就黑晒哈哈都幾羅曼蒂克呢!! 多謝家人的愛護我也必定好好愛護我愛的家人~

友人囝囝生日約埋喺東昇樓食晚飯慶祝一番,送的粉葛豬骨湯都算唔錯不會稀流流上次同老婆食過沙薑雞腳超掂今次亦冇失準有咬口又入味正爆送要多碟冰鎮豬腳仔未夠入味一般已而炭燒乳豬記得早年質素超高現在皮夠脆不過肉底較鹹退步很多小炒皇送洒菜師傅係咪死鹹蟲咁鬼重口味嘅不過成功地令我們多飲幾支啤酒椒鹽鮮魷算正常粉漿不過厚酥脆可口酥炸桶蠔外層金黃酥脆敗在桶蠔口感粉爛好難頂豉椒炒蜆醬汁太杰身蜆肉冇鮮味no good魚湯浸魚肚勝瓜呢個簡直係必食永冇甩拖,魚肚吸滿奶白魚湯超鮮甜好吃

車車康復得飛快已大致回復正常這夜要同老公出街食餐飯鬆一鬆不過都係近近哋去東昇樓撐一陣檯腳咁多啦,這舖環境很棒唔講都唔覺係食中菜呢~好有味道的吊扇燈~ 內裡竟有個百子櫃買少見少了~ 還有個大銅鑼好懷舊喔!! 木櫃裡放入紅酒出奇地匹配~ 門口放了很多海鮮不過這夜只想吃小菜~這頭盔令我想起流民皇帝朱錦春唉是否未飲先醉呢haha~店方送的青紅蘿蔔豬骨湯都算濃郁不會水汪汪啊沙薑雞腳$48雞腳炆得好入味軟硬剛啱好送酒一流~ 炭燒燒肉$65皮未做到脆卜卜肉亦過鹹肉質鬆散比起第一次食差十萬九千倍~肥佬蒜蓉蒸鮮魷$78蒜香滿口鮮魷淋滑有彈性墊底粉絲更是美味無窮~鮑汁螺片扒生菜$68螺片夠淋但味不夠鮮鮑汁稀杰做得不錯生菜也爽脆都算OK啦