東昇樓海鮮酒家

營業中

休息中

今日係妹妹生日,同時都係媽咪既受難日*0*為左吾洗媽咪咁辛苦..我地決定一家人去左附近既村屋食生日飯^^1) 叫左10隻蒜蓉蒸蟶子,超好味新鮮又大隻,配左香蔥加蒜蓉煬絲,真係好鮮甜tim呀!最緊要係媽咪中意食而且食得開心2) 例牌燒鵝- 皮脆而且肉質嫩滑聽爸爸既朋友介紹話呢度既燒鵝都吾錯..如果晏d黎仲好快賣晒tim><今日一於試一試佢>>>叫左個例牌,大家都好快手食晒..因為真係吾錯,爸爸既朋友無介紹錯!!3) 上湯勝瓜浸魚肚- d汁好鮮甜,魚肚好爽勝瓜又甜。爸爸媽媽都好中意呢個餸。有d湯可以飲又有蔬菜可以食,健康!4) 避風塘瀨尿蝦- 媽咪中意食辣,我地叫左個避風塘瀨尿蝦。d瀨尿蝦都好大隻呀!!食到媽咪好滋味><佢話d瀨尿蝦鮮甜又有d辣味。夠晒刺激!5) 椒鹽魷魚- 細佬叫既,意想不到既特別!一d都吾多粉!而且香,脆,好味令人一不離二,二不離三。真係停吾到口6)最后,餐廳送左個豆腐花比我地做甜品簡直係完美既happy ending!Happy birthday to my lovely sister>3<

今天係小女子舊曆生日早喺9/8車婆婆車公公巳入東涌跟我慶祝一番還要多謝美味生日蛋糕~晚餐去東昇樓搞掂,沙薑雞腳我的最愛入味得嚟又唔散爛~ 炭燒乳豬今天水準好高皮脆肉嫩好吃~燒豬仔脾醃味時間不夠頗淡口還好的是肉質不鞋這個吃剩幾件~ 羅漢齋味道一流獻汁僅僅包裹素菜好吃非常~ 魚湯魚肚浸勝瓜每次嚟也必定要食魚湯香濃材料十足味道魚肚索滿香甜魚湯滋味無限~ 店子送的豆腐花滑得可以不過要早才有得吃因為很快便送光光了~當晚有雷暴警告食食下就黑晒哈哈都幾羅曼蒂克呢!! 多謝家人的愛護我也必定好好愛護我愛的家人~

友人囝囝生日約埋喺東昇樓食晚飯慶祝一番,送的粉葛豬骨湯都算唔錯不會稀流流上次同老婆食過沙薑雞腳超掂今次亦冇失準有咬口又入味正爆送要多碟冰鎮豬腳仔未夠入味一般已而炭燒乳豬記得早年質素超高現在皮夠脆不過肉底較鹹退步很多小炒皇送洒菜師傅係咪死鹹蟲咁鬼重口味嘅不過成功地令我們多飲幾支啤酒椒鹽鮮魷算正常粉漿不過厚酥脆可口酥炸桶蠔外層金黃酥脆敗在桶蠔口感粉爛好難頂豉椒炒蜆醬汁太杰身蜆肉冇鮮味no good魚湯浸魚肚勝瓜呢個簡直係必食永冇甩拖,魚肚吸滿奶白魚湯超鮮甜好吃

車車康復得飛快已大致回復正常這夜要同老公出街食餐飯鬆一鬆不過都係近近哋去東昇樓撐一陣檯腳咁多啦,這舖環境很棒唔講都唔覺係食中菜呢~好有味道的吊扇燈~ 內裡竟有個百子櫃買少見少了~ 還有個大銅鑼好懷舊喔!! 木櫃裡放入紅酒出奇地匹配~ 門口放了很多海鮮不過這夜只想吃小菜~這頭盔令我想起流民皇帝朱錦春唉是否未飲先醉呢haha~店方送的青紅蘿蔔豬骨湯都算濃郁不會水汪汪啊沙薑雞腳$48雞腳炆得好入味軟硬剛啱好送酒一流~ 炭燒燒肉$65皮未做到脆卜卜肉亦過鹹肉質鬆散比起第一次食差十萬九千倍~肥佬蒜蓉蒸鮮魷$78蒜香滿口鮮魷淋滑有彈性墊底粉絲更是美味無窮~鮑汁螺片扒生菜$68螺片夠淋但味不夠鮮鮑汁稀杰做得不錯生菜也爽脆都算OK啦

和爸爸二人吃晚飯，不想走太遠，便到了隔離村的小菜館。我地落單無幾耐個呀姨就上左兩碗例湯，個湯好足料，吾似平時d hea到爆既例湯！叫左三個餸，食到勁飽！蠔王螺片生菜，d螺片偏林，吾使點咬就吞得。黑椒牛仔骨，好多牛仔骨，但d肉好似無咩味，同埋有d鞋。個鮮魷就幾正，炸粉吾算厚，好味！

I normally don't write review for restarant. This is my first time to write becasue this is the worst seafood restaurant I have ever been in my life which I want to share with you.Good thing is that they have car pick up at Tung Chung Station. Other than this is nothing......Seafood is expensive and normal taste. Some people said the Honey Pork is delicious, but we found very so so. Bocconi is no taste, the comparative delicious dish is Shrimp Paste seafood fried rice as it is the only dish can

是晚友人生日一班好友成機聚頭吃餐勁嘅揀咗屋企附近的東昇樓甫坐下先送上例湯每人一盅,青紅蘿蔔豬骨湯當然冇自己煲咁濃甜但例水嚟講算飲得下的~堂燒乳豬~即燒上檯皮脆肉嫩頗不錯不過還是比起早年退了步~ 咕嚕肉~有小朋友在此菜必叫啦酸甜對板如能再香脆些更得人愛~ 椒鹽鮮魷~炸漿夠薄脆魷魚淋滑又彈牙瞬間被吃光光~豉椒炒蜆~正常味道沒甚驚喜~ 豆豉鯪魚炒油麥菜~夠鑊氣油麥菜清爽好吃~ 叫了兩桶生一桶整蠔薑蔥生蠔煲~桶蠔比較粉薑蔥較吸引我多點~ 另一桶整我最like嘅砵酒焗生蠔~成品煮得不夠香no good~魚湯浸勝瓜魚肚~這個水準一流用木盤上檯好大體,魚湯香濃加上勝瓜木耳等爽口之物配上充滿魚湯的魚肚好清新怡人~ 蒜蓉開邊蒸蝦~選上海中蝦新鮮味美大家更搶吃墊底索晒味的粉絲呢~ 辣子雞~堅係辣我吃了條洋蔥巳投降但不代表好吃我認為香辣要並重才叫好吃囉但這菜我只吃到辣並無香氣 豉椒炒聖子~跟炒蜆一樣不過不失啦~ 大家要飲啤酒叫多碟小炒王送酒炒得好香口腰果鬆脆魚蝦乾鹹香加上爽口西芹真係酒都飲多幾杯~飲勝haha 炒飯我都飽到吃不下了 最後仲有窩心小甜品吃,豆豆要食啫喱佢就爽快哋只問我一個吃不吃我便說吃呀但我冇

Tung Shing is a very local seafood restaurant located near Yat Tung Village, it is not one of the easiest place you can find, i spent fifteen minutes walking from the bus stop, not to mention a half hour journey on the bus and a full hour by the MTR. But as people always say, "good things (food) are worth the wait”.I was there at around 12 and two out of three of their dining lounge was full with hungry eaters. What really caught my eye was their large fish tanks filled with marvelous and varied

幾個懶人齊集在家裡，忙了半天，手頭上的工作終告完成！由於時間不早，只好撇除懶人一向喜歡的外賣服務，唯有動身下樓出發到食肆去。老公提議到東昇樓，因 "尾尾"、"野蠻女友" 和 "油雞安" 還未到過這邨內有村的食肆。東昇樓提供免費接送服務予顧客，專車停泊在東涌市中心。車一路行駛，穿過了逸東邨停車場的閘口，再往內進發，不久便到了燈火通明的馬灣涌村。馬灣涌村的地勢低陷，我們甫下車，猶如站在山丘往下望，看到村內食肆將桌子伸延到空地上，坐滿了食客，氣氛儼如大牌檔般熱鬧，"尾尾"、"野蠻女友" 和 "油雞安" 紛紛對這自成一角的邨內村感到興趣！`東昇樓是馬灣涌村其中一家食肆，以海鮮和燒味聞名。東昇樓設有兩處室內及一處戶外座位，雖然佈置有點凌亂，但從東昇樓的實木大門，木櫃子、貝殼掛畫，還有分隔兩個用餐區的魚缸等擺設，不難發現老闆的個人品味與設計心思。侍應姐姐先為我們送上例湯。蓮藕豬骨湯湯料充足，可惜未能掩蓋其化學調味的味道，不過對例湯並無任何要求的我們，用作暖暖喉嚨便是了！因為沒有預訂，所以未能一嚐燒鵝的滋味。而侍應姐姐早前提及的半份燒乳豬，最後又由別的食客搶購了，所以燒肉是唯一的燒味選擇。仍存有暖意

行完山，在等巴士回東涌時致電酒家，會有專車接送往來東涌站，很貼心的服務，加分！首推蜜糖豬𦟌骨，賣相一流，而且味道十分好！一碟六十五元有六支。是燒烤或者是焗的，好香，好好味，到現在還懷念着那味道，不日會再去的。次推鹽焗雞，新鮮彈牙，正，八十多元半隻。其他家常菜也不俗，總的來說，平靚正！推介！

想也沒有想過我竟然會有一篇在東涌吃晚飯的食評，一方面這個地方實在太遠，另一方面則是這邊好像沒甚麼岩食；但似乎我不應該這麼懶惰，要到處看看有甚麼好吃。這天由車友帶著我們一直走到過來一間位於馬灣涌村的酒家，不是由車友帶來，真不知道這裡有一個這樣的地方，一條巷仔兩邊都是酒家，格局有點像鯉魚門、流浮山的海鮮街；環境一般，地上都是水，走路時要比較小心吧。我們這天在歷史悠久的東昇樓海鮮酒家用餐，從一間小小的店舖發展成今天有數間店連在一起，說明實力不小吧。未點菜，看來了一煲例湯，這個例湯是不用收費的。雖不用收費，但味道絕對不差，餡料十足，味道濃郁，湯頭亦不是像水一樣，而是有厚度的，鹹度亦適中，當中還帶點清甜，而且沒有甚麼油層，喝也喝得安落。先到的是燒腩仔，從前我是不吃的，因為怕肥，但現在似乎拒絕不到，肥從口入，肥了這麼多也很正常，看來我是時候要下定決心減肥了。叫脆皮絕不為過，那層皮真的十分香脆，吃時發出"咔嚓咔嚓"的聲響，肉質未算超好，帶點嚡口，不過也算不錯；當中還有一層肥豬肉，入口溶化，實在太美味；肉質充滿鹹香，沾上芥辣醬，更加刺激。雖然未算超級好吃，但都算是不錯。看似平平無奇的雞，但上來還是熱的

踩左一日單車, 成個人散左, 見到之前啲食評話呢間唔錯就試吓啦. 一行五人叫左五碟嘢:- 椒鹽九肚魚 (OK, 夠熱香口)- 燒腩仔 (皮脆, 肥瘦均勻)- 油鹽水大蜆 (有沙)- 粉絲什菜煲 (一般)- 蟹籽炒飯 (揚州炒飯加蟹籽, 好食......不過同我expect個look唔同)碟頭唔算大, 但都夠飽. 送左個例湯及豆腐花, 湯好甜冇乜味精. 豆腐花好滑及好重薑汁(睇你鍾唔鍾意薑汁), 唯一唔好就係唔係自己落黃糖.服務都唔錯, 會主動介紹海鮮及跟進食物到左未.

General ImpressionIf you get Free 10+1 ticket from MTR. Tung CHung is a good choice for you to spend your day.You can enjoy shopping in Outlet, watch movie in the cinema or go 360 or so.There is free shuttle bus from Exit A to the restaurant but waiting time is pretty uncertain, you better leave a call to restaurant before reaching the restaurant. Dont expect the one who pick the call delivering clear message but it is better to have some reassurance.....EnvironmentTypical those island old style

東昇樓可以係話係東涌最似樣嘅飯店，推介：勝瓜魚肚，冰梅骨，鹽焗雞，豉召炒檉子王，蒸魚，油鹽水大蜆。以前椒鹽鮮魷都好食，不過而家唔掂喇，成碟都係魷魚鬚，仲要黑猛猛。呢度有個樓面阿姐做嘢又慢又多嘢講，多人食又話做唔切，打工都禁多怨言，真係幾搞笑。而家隔離開左間新飯店，我近排都轉左場喇。

這間店真係物超所值...2個人叫左豉椒炒蜆, 2隻避風塘炒賴尿蝦, 金銀蛋炒白菜仔, 鴛鴦炒飯仲要送埋每人一盅例湯(西洋菜湯)食物方面, d炒蜆十分抵食同美味, 咁大碟都只係$55仲要好耐無食過成碟都無沙, 美味可口, 至於賴尿蝦我地叫左本地既$160/斤,2隻只係半斤用上大量蒜炒十分味道只係覺得偏濕如果乾身少少就更好味, 不過佢地炒既海鮮真係做到岩岩熟十分好功夫.至於白菜仔都係$50大大碟又係一讚...最後我覺得最正係個炒飯..真係唔好睇少個炒飯係出面既茶餐廳一定搵唔番這個小時候既鴛鴦炒飯既味道 , 此店完完全全做得到炒飯唔油仲要蕃茄汁酸酸地另一邊係白汁2邊同樣出色, 唔好飯既我既食左3碗, 仲要送上完全煮家既燉湯.心想一定會收茶又加一每位都幾碼加多20-30元啦...點知又一意外係此店係完全無收任何茶錢加一...誠意推介大家去東涌都要來此店食飯...食物美味我地2個人叫左4樣野(當中仲要2樣海鮮)每人都係120元..宜家係邊都搵唔到..此店環境就麻麻又多蚊, 不過食物同服務絕對值得推介