東昇樓海鮮酒家

營業中

休息中

在逸東村旁邊的村屋,隱藏著間不起眼的酒家"東昇樓",如非住在逸東村的同事告知,也不懂得摸上門.早上來到飲茶,點心絕對少得可憐,我問有咩點心?)店員鳳爪,排骨,盅頭飯,同埋包之類.)我咁有無蝦餃,燒賣之類?)店員無呀,唔好意思.)心想唔*係卦?一間做早市的酒家,連呢類點心都無?有無搞*錯?)店員我地有腸粉,即拉的.)好,就信你.先行盅頭飯,盅頭飯為白飯,鳳爪排骨就分開上.兩者來到才交個朋友.白飯都蒸得分明,排骨都有肉汁,最後放在一起吃,也吃出個味來.即拉腸粉為蝦腸,都說即拉一定不差,粉皮很滑,餡料的蝦就沒有味,而且腸粉內還包著薑茸.腸粉搭薑茸,聞所未聞,吃罷感覺頓時有點光怪陸離.午市再來,為了吃燒腩,這個時段吃的燒腩,一定是出爐不久.燒皮未去到入口即化地步,但一樣香脆,腩肉口感鬆化,皮同肉之間的肥膏,更是爽口.燒腩下的蕎頭,其酸味用來燒滯就最適合.再來個椒鹽鮮魷,脆漿有點點過厚,咬落也香脆可口,內裏的魷魚就很鮮味彈牙.連伴碟炸蒜也不放過.又燒腩又椒鹽鮮魷,去到最後,連白飯也忘記去吃....

終點在東涌，就是為了食這間據說又抵又好食的海鮮酒家。6點去到還未有人，不過已說訂滿，唯有坐樓上。到8點多走時，原來整條街都給他霸佔了。未點菜已送上例湯，是章魚蓮藕湯，火喉十足，真材實料，所以沒有飲到味精的蹤跡。避風塘瀨尿蝦- 4大隻瀨尿蝦一開為3份，用了避風塘煮法很難唔好食，因為有香炒的蒜蓉和辣椒，是勁為香口惹味，蝦肉尚可。豉椒炒蜆及蟶子-兩款也欠缺鑊氣，味道也不夠。辣酒煮花螺-夠辣又夠花彫香味，這個湯比花螺好，可借沒有淨粉絲，而且叫一窩淨米粉要$45，大家認為唔抵，所以無要。如果將粉絲或米粉浸了湯後，吸收晒味道更加滋味。將海杉蚌二味，炒球及炆頭腩，前者不及炆頭腩來得入味。炒球始終較為清淡些，魚肉結實，但魚味稍為欠缺，但勝在獻汁不過太糊口，而墊底的西蘭花夠多又夠爽。炆頭腩就入味非常，不過沾了太多粉來炸的魚頭，入口有點漿口感覺。配料的豆腐亦為過老。海三寶蒸茄子-頗特別的一味，將原條茄子，放上了鹹魚仔、蝦乾及魷魚乾來蒸，有這三寶來吊味，當然惹味非常。除了以上海鮮外，再另加幾碟小菜。燒腩仔-皮燒得幾脆，肉更加好，夠嫩。最特別是用蕎頭來作伴菜。生炒骨-頗為難食又乾又，甜酸味不夠。腐乳通菜及麵醬

Half an hour late for our reservation, we were still able to catch our table, in fact an entire roomful of tables to choose from. At the seafood stall choices are ample, we ordered:1. Razor Clams steamed with fried garlic and vermicelli (Clams slightly overcooked but well flavored. Love the vermicelli soaking up the juices)2. Live boiled cuttlefish (fresh ocean sweetness from cuttlefish. Nothing's better than simple method like this)3. Cuttlefish stirfry with celery (this one, though is a disapp

jan 04, 08,2人來dinner,叫咗 : 1) 老火湯(送)-喺菜乾湯,都幾大兜-都幾夠火喉同夠味,而且無嘜味精,起碼我無發作-不錯的1個good start2) 海鮮火鍋$200-menu上無呢樣嘢,要獨立同老闆傾出嚟.............但唔喺我哋傾番嚟(請見尾段)-大碟同多嘢到你唔信-全晚,我同友人就喺淨"隊"呢碟嘢作為mission...............其他咩都唔洗叫-海鮮包括: i) 極度欣賞(因好鮮甜)有瀨尿蝦(2隻),中蝦(6隻),帶子(2隻),鮑魚仔(2隻),蟹(1隻),魷魚片,手滑墨魚丸(4粒),鯪魚球(4粒) ii) 普通欣賞有扇貝(2隻),生蠔(2隻除咗殼),九肚魚(2條),泥鯭(2條),魚肚iii) 唔多欣賞有大蜆(4隻) - 有3隻死因點淥都唔開口,亦食到有死死地嘅味東風螺(2隻) - 有少沙-肉類: 牛肉(4片) - 好嫩滑,濃牛味連骨雞肉(4件) - 好滑,有雞味豬膶(4片) - 好新鮮,唔"un"唔"鞋" -蔬菜類(唔計湯底本身嗰d) : 金菇,大番茄,菠菜,唐生菜,粉絲,鮮腐竹,全部都好新鮮,好脆同清甜(可能喺中段過後才食,個鮮甜

豉椒蟶子皇好大隻,豉椒味剛剛好,不會太鹹.椒鹽賴尿蝦又係好大隻,好新鮮.白酒蛋白蒸蟹好香,肉好甜.扇貝都很新鮮.乳豬燒得很脆,又不太肥,非常好($250一隻)浸雞非常滑,又有雞味.勝瓜魚肚好鬼大份,都係$45,扺食夾大件.仲有好多海鮮都好新鮮,仲有我鍾意的樽裝汽水,我地九個人食.每人都係$200,正正正

5年前吃過一次, 貨色覺得一般, 不過叫做抵食, 若專登入去東通搵食計埋車錢就唔太化算. 今年端午節去完愉景灣看龍舟賽事後, 順道再去呢間試試, 我地同行同行7大4細, 覺得菜色都係一樣, 又無講得咁差. 燒腩肉都叫脆, 其他咪同一般酒樓差不多. 唔記得個老火湯(青紅蘿蔔豬骨湯)係咪送o既, 因為一坐低就有得飲.唔知我地係咪因為第一檯人到, 所以招呼比較好, 回程去地鐵站係坐30人小型旅遊車仔. 唔知係咪知自己d 車舊, 買o左呢架車. 又坐得幾舒服.我地叫o左: 燒腩肉/鹽焗雞1隻/西蘭花鮮魷/咕嚕肉/椒鹽大大隻懶屎蝦3隻/ 豉椒聖子/ 白灼蝦/ 蒜茸白菜仔/7碗白飯...共:$830.

五年前去過，覺得唔錯。三年前再去，大不如前，物非所值。今年五‧一，去完昂坪，一行八人，俾多次機會佢，可惜.....叫左以下食物：1. 燒腩仔: $40，塊皮硬到咬崩牙，肥肉還肥肉，瘦肉還瘦肉，唔係五花腩，一啖超膩，一啖勁"鞋"，絕對唔配叫做燒腩仔。2. 豉椒炒蜆(例牌)：真係好"例牌"。3. 豉椒炒蟶子(例牌)：又係"豉椒"，唔係因為我地鍾意，係佢地問都唔問就煮左。非常鹹，0的蟶子唔知有冇浸夠，好多沙，啖啖沙，中招機會率係超過百分之八十。4. 椒鹽大賴尿蝦(1斤)：$168/斤，3隻。一般貨色，唔好期望有驚喜。5. 中式牛柳：d洋係生0既。6. 海鮮粉絲蝦米雜菜煲7. 東江豆腐煲：好多又腥又多骨0既鯪魚球，湯底好多味精。8. 揚州炒飯環境：好多蚊，好大隻。大量烏蠅鍥而不捨地騷擾食客。服務：叫天不應，自生自滅，有人行來行去，但係全部都睇你唔到。差0的嗌破喉嚨，終於有人應，但係佢完全唔熟菜譜，問佢除左紅燒豆腐有乜野豆腐菜色，佢答：「都係果0的囉」??? 結果我地自己"發現"東江豆腐煲，不過都係貼錢買難受之作。隔離仲搞笑，想訂兩個禮拜後食飯，個待應叫佢到時先好打電話黎，咁早訂，佢地會唔記得，

我們一行八人叫左椒鹽瀨尿蝦－好，蒜蓉好野味，好香鹽焗雞－好，好入味帶子－好，啖啖肉燒肉－好，肥瘦剛剛好花蘿－好，有少辣，但食落唔覺生炒骨－ｏｋ，但切得細件左八爪魚－ｏｋ，一般燒鵝－ｏｋ，唔夠入味白菜仔－ｏｋ，多油豆苖－ｏｋ，多油例湯白飯可以再去．

已同朋友去過3、4次了，一個字"抵"。每次去食都必定叫一隻3斤多的龍蝦，一半上湯一半芝士，通常都送E底，個人喜好上湯好味好多。豉汁蒸聖子皇，聖子皇又大又鮮，豉汁非常好味。蒸海上鮮，有d約$200-$250斑好正。蒜蓉蒸扇貝，大大隻鮮甜美味。召鹽瀨尿蝦，一流。脆卜卜燒肉2碟。炒西蘭花及炒時菜。白飯可叫一碗或一窩。例湯2窩。氣水2-3個，啤酒3-4支。唯一就係唔就腳，有車方便但路橋費唔平，但平過去布袋澳食呀。每人消費約: $150-200

最近約埋一班好友趁住復活假去了大嶼山寶蓮寺食素及參觀大佛, 之後仲跟住由寶蓮寺行山路去東涌東星樓食海鮮, 需時約3個鐘. 我們一行十一人去到己急不及待就挑選海鮮, 那裡的海鮮非常新鮮, 而且價錢比西貢碼頭及布袋澳還要便宣, 我們挑選了六樣海鮮, 包括:瀨尿蝦, 蜆, 聖子, 大型墨魚, 魚, 中蝦及其他小菜, 另外我們叫了一些出名的小菜如燒脯仔及沙薑雞腳. 而且還叫了五支大啤. 埋單$1200都唔使, 認真抵食.

從不知道東涌有這些開在村裡的酒樓，還有專車接送，真的捨得落本！一入到去，便見到好多蚊(很大隻那種)飛來飛去，自己還未填飽肚子便要做蚊的晚餐！！(>_<)甫坐下來，便見到一位約中三的女孩子端來一大碗湯，還替我們用熱水淥一淥碗筷(一向在酒樓也是自己動手的？！)，服務真的好得沒話說。由於友人跟老闆熟稔，所以菜式由老闆發板，待每道菜都端來時，我和其他朋友才知道點了甚麼。先來一碟燒肉及鴨胸，兩碟都好好味，燒肉七分瘦三分肥，燒得恰到好處，皮脆肉嫩；鴨胸有點似薰蹄，很特別。跟著其他菜式一次過來到︰有荔蓉茄子、豉油王煎大蝦、酥炸生蠔、金銀蛋莧菜、清炒西蘭花、燒豬骨、椒鹽鮮魷。全部以味道取勝，沒甚賣相，極有住家式風味。可惜油落得太重手，兩碟青菜都曉得"反光"，真的嚇了我一跳，不過總括來說，若食嫌了商業式的酒樓菜，來這裡一試也無妨。