東昇樓海鮮酒家

營業中

休息中

一個月前嘅平日嚟食晚飯，嗰日冇乜客，而出品就極有水準！最欣賞就係嗰碟蒜蓉開邊蒸蝦，個賣相十分專業、美觀，虾亦十分新鮮，其餘仲食咗幾個小菜，包括鹽焗奄仔蟹、煎肉餅丶上湯花甲等，都極有水準。諗住年夜飯返兜一次，點知就出事喇。可能係當晚人客太多，廚房冧曬檔，出嚟啲嘢嘅賣相都有啲求其，最慘嘅就係，想再食一次鹽焗奄仔蟹，點樓面就話少咗個師傅，所以整唔到喎。所以退而求其次就食咗另外一啲餸，味道雖然有水準， 但一睇就知人多嘅時候就會踢曬腳。總結一句， 水準可比美大酒家，價錢實惠，但係過時過節就唔好嚟喇，而且佢又的確係遠咗啲。