會所1號 博藝會

營業中

休息中

頭盤亂猪全体，皮脆肉嫩無比，還帶著暖意的👍南乳吊燒雞，同是皮簿脆口的，也有那南乳香味👌茄汁大明虾球，肉多鮮美，酸甜又可口😀此也是最經典的是桂花炒排魚翅的呀！魚翅十足料加上桂花陣陣的清香，真可又有人生的又一樂享啊👍👍😀😀😀👄❤️👌✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️✌️️

上桌還帶著温熱感的乳猪肉嫩皮質爽脆無比，火燑雞絲魚翅，味道濃香兼十足夠料的呀！偶爾嚐嚐也是人生的一種享受的呀！桂花蚌帶子炒蜜豆，鮮嫩的帶子伴著青綠色蜜豆及再加上紅椒，此也給桂花蚌更增添了五彩繽紛顏色！色香美全！

博藝會就間唔中都聽人講過，好似係黃埔開左好多年。不過上到黎又唔覺好多年，因為好新正，田園風，好earth，感覺幾好。叫左好多野食食，最鐘意就係酸辣海蜇，勁入味，又爽口，勁開胃。之後仲有個小龍包，識食一定食小龍包，湯水夠晒，不過就美中不足地唔夠鮮甜。牛柳粒，簡單，但不錯哦!!!!嫩口!!!

又黎附近開會，同事一早黎攞位但因為趕時間，只係好快咁食左兩樣1. 沙薑雞腳保持水準！非常入咪兼有咬口😀2.燒賣（飲茶必食）成日以為度度燒賣差不多但原來唔係，豬肉新唔新鮮都好大影響今次食既燒賣好在都好新鮮，而且彈口第二次黎食，都keep到水準，下次有機會試埋晚餐先。

每逢假日當然要同家人去飲茶，依家黃埔有埋地鐵，大條道理同家人去轉黃埔行下，順便同埋佢地去博藝會飲茶。（因為真係好味麻）野食方面其實飲親茶都係果幾味，但我最鍾意就係每次黎都有啲新菜式試下，今次嗌左「口水雞」對於我呢啲無辣不歡嘅人黎講，辣味有啲唔夠，但佢夠香同入味，粉皮連埋汁食仲過引，呢個可以再試。

今日星期日，一家大細去左黃埔博藝會飲茶，叫左勁多野食，樣樣野食都唔錯，咁就介紹番自己中意食個Ｄ啦第一個要介紹一定係牛柳粒，真係好入味，味道又唔錯。仲有蒜片其實先係重點，分分鐘好食過牛柳粒，對某Ｄ人黎講。之後就係雪山叉燒包，同出面既叉燒包皮又Ｄ唔同，不過相信好多人都食過，咁博藝都做得好鬆化，食完一個會想繼續食最後就係單骨雞翼，雖然份量有Ｄ小，但都幾香口，同埋唔知係咪有用咸蛋黃過味過，食落好香。Overall, 感覺都唔錯, D 位好闊落, 星期六日都會繼續幫襯! 

辛勞了1週，放假當然希望可以舒舒服服地歎茶啦，來過依度幾次，每次都服務好，食物水準好，最緊要係唔洗迫來迫去可以真正放鬆下因為依度係會員制，要訂位，入左會飲茶有7-8折，好抵最鐘意食依度既雪山叉燒包，熱辣辣又多叉燒，次次食完都想食多個蝦腸都是每次必嗌，舊舊都有爽彈既大蝦，唔似一般酒樓得蝦肉碎，好足料八味豆腐即係炸豆腐，個皮好脆豆腐好滑，凍左都好好食唯一要挑剔就係有人添茶但無乜人針茶，不過環境舒服搭夠，地方夠大，唔會好嘈聽到哂隔離檯講野

我都幾鍾意飲茶，感覺一籠籠的的式式可以試好多味今次去朋友新屋到玩，第二朝就建議不如一行三個人去飲茶啦，arm arm 夠分d 點心呢間茶樓都幾靚裝，似係夜晚會擺婚宴既點心紙好多野簡大家玩完唔係好餓，就order 左四份點心一個粉麵叉燒包*內裡有大大粒叉燒，有咬口。個汁甜甜地唔夠訓都唔會話食唔落：p蟹子燒賣皇*蝦好大隻同好彈牙，我覺得比一般茶樓既好味豉汁蒸鳳爪*每次飲茶我都要suen 腳趾 呢間唔止鳳爪入味，d 花生都好正，同d fd 爭住食haha懷舊四寶扎看圖秒明解。真係好大件 芋頭好林但又未至於一夾就散，優質法式圍蝦伊麵最後叫多個麵，果然係做開婚宴，水準非常高。d 汁又濃又惹味，超出預期地滿意最後飲多幾杯茶，清醒返個人又開始新一天啦

好耐已經無咗放假飲早茶呢個習慣，因為放假總會不由自主訓到「黃朝百晏」連早餐都可以省卻埋。但岩岩嘅星期日，阿媽就想我陪佢飲個早茶，我當然要神咁早去附近搵個地方，齊齊飲杯茶、食個包啦！最後就齊齊去咗博兿會飲茶，大約等咗5分鐘已經有位。星期日早上10點，食客唔算太多，多數一家人飲茶為主。內裡裝潢簡約舒適，而且枱與枱之間空間亦好寛闊。點心紙上有好多唔同類型嘅點心選擇，有蒸品、腸粉、粥品、前菜、炸物等等非常全面。茶水就選擇了普洱茶，有好濃普洱茶香，早上飲一杯岩岩好。蟲草花香撈螺肉螺肉微辣且爽口，而份量都算好多，係一個唔錯嘅醒胃頭盤。生煎墨魚餅表面金黃煎得剛剛好，食落去相當香口，重點唔會好油。彩蔬蒸牛肉球牛肉球一籠三大粒，當中大廚亦花心思加入不少蔬菜，令軟淋適中嘅牛肉球更加清新，加埋牛肉球嘅絕配喼汁一齊食呢個化學作用真係無法抵擋。有機茄湯鮮竹卷平時大多只會食到炸鮮竹卷、濃湯浸鮮竹卷等，但食咗呢個有機茄湯鮮竹卷之後我已經返唔到轉頭，因為佢真係好夾、好好味。材料豐富不在話，重點係佢個有機茄湯相當清甜，令鮮竹卷內裡嘅蝦滑、素菜有提鮮嘅作用，真係可以再encore！叉燒包包身鬆軟拎上手時仲熱辣辣，而內裡大

父親一向愛吃中菜，又要求環境要坐得舒適，故今年父親節晚飯選址在黃埔花園博藝會。博藝會分兩層，今次坐上層，入面地方闊綽，裝潢高貴優雅，以紫色為主調，感覺溫馨和諧，超高樓底亦低調地顯出高貴氣派。舞台上一片紫色的花牆也是不少顧客拍照留念的佈景板，延伸滿滿的浪漫風情。四個人最划算還是點套餐，『精選海鮮餐』$598（4位用）有4餸1湯，有肉有魚，價錢非常合理。服務員另外再推介『孖寶套餐』避風塘瀨尿蝦球+甜粟百合炒珊瑚蚌($348)，父親一向愛吃海鮮，今天大日子就來個豐盛晚餐吧！是日老火湯是野葛豬展湯，可盛到大約6碗，湯料有另碟送上。豬展煲至軟腍出味，湯底清淡足料，媽媽說有清熱去骨火之功效，故最近少在家吃飯的我也喝多一碗。蔥爆蝦球大大粒，蝦肉厚肉彈牙，惟調味略嫌稍鹹。西芹炒得爽口，蔥爆香後更為惹味。脆皮吊燒雞約半隻雞，雞肉燒得皮脆肉嫩，吃來仍有肉汁，調味恰如其分，不消一會我們就完全清碟了！清蒸海蘇鼠大大條，魚肉肉質細嫩，鮮甜嫩滑，清蒸帶出魚的原汁原味，加上面頭的青蔥絲，清香增味，我完全吃不停口！魚湯蕃茄翡翠也是健康之選，成品大大鍋，有紅有綠，色彩繽紛，賣相甚佳。莧菜盡吸魚湯的鮮甜味美，入味非常。是

博藝會是只招待會員的會所式餐廳，菜單款式很多，海鮮海味食材不會少，而價錢算合理。我們一行四人，剛好點了四人份的"海鮮餐"($598)。今晚是野葛菜煲生魚豬𦟌湯，大約有六碗，味道清而鮮甜，豬𦟌肉都煲淋，野葛菜有清熱功效，我也不忘喝多一碗！先上碟的主菜是蔥爆蝦球，蝦球份量算多，而且大隻厚身，蝦球爆香後口感更彈牙，而配上西芹炒亦香爽甜。脆皮吊燒雞上碟則較簡單，半隻雞切好鋪開，但雞皮很脆而不油，但不太像燒雞。雞肉雖嫩滑，但略微紅肉，再熟一點點便好了。之後上碟的是清蒸海蘇鼠，服務員貼心地用刀叉切開鼠斑，其實當中精華全在鋪滿的蔥絲上，爆香後和魚肉一起食用，真是很香很惹味！魚很大條，清蒸把鮮味保存得更好。魚湯蕃茄翡翠亦不錯，其實就是上湯蕃茄煮莧菜，簡簡單單，但連湯一起起食用，味道很不錯，既鮮甜亦中和當晚的大魚大肉！晚餐以紅豆沙結束，紅豆沙煲得算綿，不會太甜。整體的環境很舒適，有個漂亮佈置板，當晚見到有幾代同堂的食容人才濟濟地拍照。所以氣氛很適合一家人晚飯。

即興與同事們到 會所1号·博藝會 飲茶，服務及食物質素一流。服務態度良好，即使是午市繁忙時間職員都保持笑容。食物上枱時樣樣都熱辣辣，最愛沙薑大鳳爪因為本身已經夠晒入味。另外八味豆腐外脆內軟；平時唔食叉燒包嘅我，對住雪山叉燒包真係零抵抗力，大推！

上星期三，平日放假，黎度叔叔黃埔花園呢邊玩，成家一行八人包括bb, 午餐時間去左會所級既博藝會飲茶聽講博藝會新裝修左，入到大廳勁舒服，有一大片草海咁，由於book 左位，所以都唔洗等，即刻有位坐！點晒食物後勁期待，阿b都好好奇，因佢第一次黎！無幾耐，黎左個雪嶺叉燒包先（因為個名好特別所以記得），熱呼呼又甜美，忍唔住都俾阿b試左一小口！再來芝麻醬配凍茄子，唔好睇佢賣相普通，其實會食唔停口，尤其是我係茄子怪！再黎必定要提提鴛鴦米，其實係米粉+粉絲，有肉絲炒，又清又唔濟，阿b都可吃！其他食物水準都好高，九肚魚，沙薑雞都係必吃！上枱時又熱辣辣！推介大家一試呀！

之前去過呢個集團既另一間分店食... 感覺唔錯咁岩前幾日去黃埔見完客... 於是同同事黎呢度食個晏先返公司墨魚餅 - 幾香口，不過太多油喇超超超超超推介！唔洗點任何沙薑汁都好鬼死夠味！雪山ｘ燒包 - 一咬落去熱到呢..... 證明佢係新鮮整好XD一坐低, 待應就即刻推介呢個粉絲MIX米粉俾我地，最初睇到價錢成$16X 一碟覺得幾貴不過見到佢咁大碟... 而且味道好好.. 所以都覺得抵返哂好在我地有5個人... 都清得哂...

係公司都將近渡過 10 個年頭了，已參加過幾位同事既婚宴，恭喜晒 ﹗如果無數錯，今次應該係第 4 次喇。美味菜單，都有幾款心宜對象喎，期待中。鴻運乳豬全體、碧綠花枝珊瑚蚌、百花釀蟹拑、花膠野菌扒翡翠、紅燒鮮蟹肉大生翅、清蒸海星斑、蠔皇原只鮑魚扣鵝掌、當紅炸子雞、富貴炒飯、上湯水餃、蓮子百合紅豆沙、意式泡芙酥。樓底又會那麼矮啊，好有壓迫感，空間感薄弱，而且枱櫈都擺放得密麻麻，感覺侷促唔夠開揚。天大既面子呀，連一向討厭聚餐宴會既老闆都抽空出席呢 ﹗順例影張合照，我經常懶到相都唔想行出去影啊。大會有以自助形式提供婚宴小點，每一出菜，賓客們就殺呀 ﹗我就靜靜地坐係度觀戰，非常有娛樂性。一輪撕殺後先出去睇睇有咩食，真係有點肚餓了 ﹗侍應們預備左碟雜錦喎，麻煩晒，我就試依碟啦。煙鴨胸雜果沙律，酸咪咪涼浸浸作開胃菜真係幾好，沙律醬撈雜果再搭上嚥韌鴨胸片塞入口，甜酸咸香同時出現，味道撞得精采。鮮蝦長春卷，我咬極都係得春卷皮既？無餡架？哈哈。燕窩蛋撻，一篤仔燕窩當然食落都 feel 唔到啦，蛋撻仲要極甜又結實，食緊砂糖一樣，不過酥皮做得唔錯。合桃酥，外形就好靚，感覺好膩好滯啊。鐵觀音，每次婚宴我都係選擇