會所1號 博藝會

營業中

休息中

今日想去黃埔行吓街 就去咗黃埔飲早茶 咁就試一試呢間啦😼餐廳啲檯放得幾闊落 坐得好舒服 但係冷氣都幾大 怕凍嘅要著外套😛今日未夠十一點就到咗 但係佢有啲野食要十一點後先供應嘅 好似我叫嘅 XO醬煎蝦米腸 同 生滾斑片粥為例🤧 另外我地仲叫咗四個點心 招牌焗雪山叉燒包 外皮都幾鬆脆 個餡都幾足夠🐷迷你珍珠雞 都好熱辣辣斑蘭椰汁糕 原來佢係凍嘅 不過個顏色有少少恐怖 個斑蘭味就唔算好出🤔鮮蝦炸雲吞 炸到脆卜卜好正😻生滾斑片粥 佢啲米幾多 比較似潮州粥😗XO醬煎蝦米腸 XO醬味就冇乜 但係腸粉就煎得唔錯👍🏻總括嚟講係一間坐得幾舒服嘅酒樓 好啱一大堆人嚟🤤

前兩日去黃埔睇醫生，順便去黃埔美食坊飲茶。一點黎到，有分上下兩層，因為有人包場所以要等位，等左十分鐘左右就入座。每次黎到，我都必叫依個特色腸粉，入面有蝦有啲紅蘿蔔再用油炸鬼同腸粉皮包住，熱辣辣好好食。難得黎到飲茶，點可以唔叫蝦餃同叉燒包，依到啲蝦餃皮簿餡靚，蒸得能唔會過龍，抵食。叉燒包唔算大個，但肉汁鮮甜多餡。前墨魚餅，好香口，但食落有小小酸味，唔知係咪有啲變左。鵪鶉蛋燒賣，依家唔係到到有得叫，估唔到咬落去有好多蝦肉有驚喜。依到食野價錢唔算平，如果入左會就有折扣，可以係集團其他食店一齊用。

星期六晚去博藝會ClubONE食晚飯，價錢比想像中便宜，特別是用了ClubONE 8折週末優惠🤣近排佢哋推出了以美極醬做主打的菜式:#川汁大虎蝦#菌皇川汁牛小柳#龍皇汁碧綠小生蝦#美極鐵板秋葵而我哋叫左其中兩款，每一碟都好大碟，物超所值:1. 菌皇川汁牛小柳: 以川汁煮的牛小柳，微辣，所以食完都幾開胃，而且牛小柳好lum，老人家都食得。2. 美極鐵板秋葵: 除了秋葵，還有木耳，紅黃椒及百合，再配以美極醬，較濃味。另外，我地仲叫左栗子排骨煲，味道好咸🙈最後，ClubONE d 服務都幾好，食飯過程中會不停有侍應幫你添茶。

第一次在這一間Club One 飲茶，食物質素比其他Club One 都要差。最吃驚的是餐具的清潔度，餐具上清楚見到之前餘下的‘珍饈百味’，魚翅、鮑汁樣樣齊，服務員又不夠，態度又差，管理層真的要認真檢討檢討。

朋友就結婚，去左club one食飯，因為佢將會喺度擺酒，所以就順便過黎睇睇個環境🤣呢度環境唔錯，媲美酒店！有好靚嘅台，佈景冇設計過都唔錯～ 有草牆令到環境雅緻！廁所都好大同好靚！係比較少服務員～呢度仲有free parking，幾好~朋友叫咗少少當日會食嘅餸菜，好似係想試吓味～燒肉就細咗少少，同埋擺得麻麻地，但係未到超級好！唔會太多肥膏~ 呢道餸好特別，有啲似煙肉，有啲似魷魚，有啲似豬腸，好爽口👍🏻👍🏻 個湯都唔錯，我唔知係咪真嘅魚翅，但係味道好好，唔會太鹹，唔會腥👍🏻👍🏻呢個真係好食，佢外面係脆脆地有蛋黃味嘅外皮，包住蝦～ 蛋黃味整得好好，唔會好heavy!!! 咬落去已經咬到蝦，大大隻，而且脆既位同蝦唔會分開左~好入味好香口！至於魚就細條左少少，唔係好夠一圍食，但係肉質幾鮮甜，唔會好鞋~荷葉包飯就麻麻哋，唔係幾有荷葉味，不過飯就乾咗小小！伊面幾好食，雖然汁就唔多，但係軟林林，唔會太硬，因為最後先上，就算好飽都會想食下！至於菇同菜就唔錯，味道淡少少！但係齋來講，好推介👍🏻只要甜品就係班蘭椰汁糕，幾特別！顏色都唔錯！整體來講，不過不失！質素唔算好差，飲宴來講算係高中質素👍🏻👍🏻👏🏻

星期日梗係要同屋企人飲下茶啦～🍵岩岩屋企人有張club one 既會員卡，就諗住去飲茶啦落到去個知客問有冇book 位，話如果冇book 就唔做walkin 客，因為今日好full... 咁冇辦法啦，諗住轉場🙈🙈跟住我媽咪就話佢要book 就打去book 啦🌟點知佢又真係肯比我book 位wo, 我就book 左10分鐘後lol (係咪好奇怪，咪即係有位）跟住我地黎到等左一陣就有位，仲開左間房仔比我地添👍🏻👍🏻d 點心都係d 大路野，但聽講係呢到廚房現場整既，幾好味，可以再黎，但記得book 位🙆🏻‍♀️

會所一號，顧名思義，是以會員制，要入會才能享用優惠，星期一至星期五惠顧有七折，星期六及星期日則八折。地方闊落舒適，窗外望到黃埔號，好光猛、開揚。見到點心紙價錢看似好貴，但其實折左後，同其他酒樓差不多，勝在會員才會來，唔駛同人迫，感覺身份都尊貴啲😂。今次兩個人來歎茶，order 了幾個點心，蝦餃燒賣係必選😋濃湯小籠包好味，好juicy！懷舊四寶扎唔係到到有，心水之選。招牌焗酥皮叉燒飽，有不同層次嘅口感，要試啊！

一直以為博藝會酒樓只接待會員，這天朋友帶我到此嘆茶，才知原來非會員都可自由光顧，以後又多一個嘆茶好地方了。酒樓環境一流，裝潢設計走高檔優雅格調，還有田園氣色的佈置，給人悠閒寫意的感覺。加上地方寬敞開揚，座位間隔闊落，又不像一般酒樓嘈嘈吵吵，令人坐得十分舒適。點心款式大眾化，也有一些具特色的招牌點心，除此之外，亦有假日精選而價錢較相宜的粉麵供應。招牌焗酥皮叉燒包好快送到，以為放涼了，誰知是熱騰騰的，咬開後更冒著煙。酥皮香脆可口，內裡的叉燒餡料滿滿的，醬汁香濃且甜甜的。鮮蝦腸上碟前已切開大大的一件件，方便夾起。腸粉滑溜，鮮蝦頗大隻，啖啖肉又彈牙，配上豉油更惹味。脆皮炸春卷好美味，炸得金黃香脆，餡料極多，又不會好油膩，十分香口。法式圍蝦伊麵賣相滿分，用大量香濃芝士烤焗，香噴噴又美味，圍蝦大大隻與芝士伊麵相襯，加上碟邊滿滿的薯蓉配搭新鮮，意想不到的完美組合，個人十分喜歡。蟹籽燒賣皇好大粒，蟹籽頗多，豬肉夠嫩，蒸得恰到好處，不會好乾。菜苗帶子餃出面少有，幾特別，餃皮晶瑩通透，餡料飽滿，口感豐富。

今日放假，帶家人去飲茶。平時去開d酒樓環境都好一般，又好逼好嘈。想去d無論環境食物質素好d既酒樓飲茶。發現原來博藝會都有！😮仲以為只係搞婚宴既添！一於就揀呢間，個場一定唔會差得去邊😁家人一定喜歡喇！坐低當然要叫壼鐵觀音🍵嘆一嘆啦！都幾多人黎飲茶，第一層坐滿哂。要上二樓！最重要既係唔洗同人搭枱🍽😃傾計都方便d. 除左點心外，見有啲粉麵飯都幾吸引。價錢唔會貴。所以就叫左 法式圍蝦伊麵🦐原來即係芝士焗蝦伊麵黎！！賣相好靚！我最鐘意既一道菜佢有啲唔同既係旁邊放滿了薯蓉的！所以會更香！多個口感！這搭配又幾好喎！濃濃芝士味既焗伊麵 ，好好味！而大蝦亦吸收哂啲芝士。所以食落好重芝士味。呢碟伊麵都幾大！飲茶點少得燒賣！大大粒，賣相幾好。叉燒包，剛新鮮蒸好。好辣手！叉燒少少甜，麵包蒸到軟棉棉。食落好滿足。雞札🐤都幾大舊！枝竹包住左芋頭，火腿，菇，雞肉。我就鐘意分開一樣樣食😋很豐富。這個春卷，好味！佢唔係一般既春卷。佢好足料，有蝦的！食落好多唔同口感。蝦好彈牙。春卷炸到好脆！最後當然要叫個甜品：牛乳芒果布甸！！😍😍加上牛乳，令到布甸更香更滑！味道唔會好甜！最重要既係有粒粒芒果入面！好正！！估唔到婚宴會所

趁假期同友人過左黎呢間位於黃埔會所一號嘅博藝會飲茶。眾所周知會所一號係專做婚宴嘅酒樓，新派裝潢唔焗促嘅感覺深受年輕夫婦喜愛，有別於傳統中式酒樓俾人俗氣嘅感覺。想不到黎飲茶，假期繁忙時間都能保持到優雅寧靜嘅環境！餐牌方面，傳統或fushion d 嘅點心都會有，比起外面酒樓價錢會貴少少。不過，有會員卡平日7折、假日8折。焗酥皮叉燒包 （大）外層擁有墨西哥包皮、裏面熱辣鬆軟。叉燒肥肉是爽口的部分。魚蓉韮菜角 （大）外層炸得超脆，裏面係鯪魚肉膠拌入蝦米同韮菜，感覺都幾新穎。排骨珍珠雞（大）珍珠雞都有兩塊排骨放面，蒸嘅過程將排骨嘅精華都可等糯米飯吸收到。蟹籽燒賣皇（大）賣相與一般的無異。燒賣口感比一般Q彈，冬菇味好濃。菜膽雲吞雞 $98細細粒雲吞一啖一粒，雞湯放左超多嘅娃娃菜去煲，湯底變得清甜！同時娃娃菜都煮得非常稔。上菜上得非常快，一碟接一碟甘影，就黎齊晒喇！紅豆沙 （中）紅豆量好多，煲到起晒沙，唔會太甜。法式焦糖燉蛋 （大）焦糖面比較厚，燉蛋部分都算幾滑。

ClubOne集團，或許因為主力做婚宴，再加千多元的入會門檻，閒日晚市散坐得兩三枱客，環境清靜闊落。服務是好，但可能因為太靜局，有時要在樓面找個員工幫忙也不易。麻辣雞煲半隻，原價約$180，雞肉少，薄肉，切得細細碎碎，沒什麼雞味。醬汁過稀，像湯，沒有辛辣味。芋頭南瓜肉排煲，同樣醬汁過稀，湯水一般，肉很少，椰汁味濃。最美味是清炒小白菜，菜嫰清甜，很久沒在餐廳食過這麼好食的菜。會員閒日點小菜七折，weekend 八折。

Old school mates gathered for a few back from Sydney Toronto And Boston Was led to Whompoa clubClub one the waitress strongly persuaded to have the 3388$12 persons dinner so I thought should be ok the deep fried crabs 🦀 filled with shrimp 🍤 minced are ok 👌🏻 I have 2 because we're all together 11 people The duck 🦆 legs are quite tasty But only vegetables 🥒 and some mushrooms Very common types Red fried chicken 🍗 just passed No need to mention Because 3300$For a dinner We expect more only the stea

因地鐵新沿線開通， 為食鬼就梗係走去新地方找野食啦!最新目標---黃埔未通車前， 很怕去黃埔😨， 搭船又等得耐， 搭車又搭得耐，轉巴士又轉小van才去到， 又要行一大段路才去到， 食咩野mood都係無哂， 現在好多啦！✌✌今次介紹的酒樓在美食坊內， 一出c出口就到✌雖然轉站都轉到暈😅不過30分鐘內搞掂✌爸爸試過這間晚宴， 所以極力要求再encore多一次， 所以在整座美食坊咁多間食肆， 最後試食尼間午餐， 無法嘆早茶， 因為佢開12點㗎😅我地點左壽包、蝦芒卷、龍躉腩炒麵、灌湯餃、菜膽雲吞雞、砂鍋豬頸肉河粉及芋角壽包:超大個， 睇!幾大個鹹蛋黃， 鹹蛋黃油多到流哂落包底，蓮蓉唔黏口👍蝦芒卷:麵條炸得金脆， 足料蝦膠， 蝦膠大大塊，不過芒果肉較少， 整體👌龍躉腩炒麵:麵底炸得 bo bo 脆， 可惜骨頭多過腩肉😅灌湯餃: 湯味道及材料都一般菜膽雲吞雞 :大大鍋， 超多雲吞， 全部細蓉，大白菜半棵， 湯富雞味， 不過雞肉較老砂鍋豬頸肉河粉:熱辣辣的大鐵鍋， 豬頸肉厚薄適中， 每條河粉都沾上醬油， 味道一流， 熱鍋保持河粉的溫度👍不過亦因為大鐵鍋太熱，將6成河粉都整燶，特別接近鍋底的河粉，

我都明白過時過節出去食飯都唔好要求得太多，但係一個$3000-8人份的手寫餐， 都唔好碟碟都上4-5人份畀我啦卦。湯一人一碗竟然唔夠。碟菜好似人地食唔哂，激細碟。燒味拼盤近$500，8個人竟然一人一件义燒都唔夠。問部長佢話隻碟細左姐，入廚房叫佢換隻碟畀你囉⋯⋯呀，真係好野。碟飯⋯⋯追左一個鐘之後先黎，又係一人分唔到一碗。廚房handle唔到就唔好接咁多booking啦。食到成家人一肚氣仲要去食第二餐因為完全唔知食過咩。會唔會離譜左小小呀？到上糖水，隔離左右有湯圓，我地個圍無，做節無湯圓激到老人跳起。問部長佢竟然話人地自己加架，菜單無架喎，你要入廚房加幾粒畀你囉。此時大家已經決定放棄。絕對無下次。

食物水準差，燒賣上居然有一條1cm的頭髮，蝦腸唔滑，鞋的。春卷，炸雲吞還可以。雪山叉燒飽果然雪山，唔熱。服務態度差，有兩款點心沒來，問左3次，又唔覆有無落單，又唔覆有無追到，不會再來第二次