影片
更多
2016-06-19
2459 瀏覽
好耐已經無咗放假飲早茶呢個習慣，因為放假總會不由自主訓到「黃朝百晏」連早餐都可以省卻埋。但岩岩嘅星期日，阿媽就想我陪佢飲個早茶，我當然要神咁早去附近搵個地方，齊齊飲杯茶、食個包啦！最後就齊齊去咗博兿會飲茶，大約等咗5分鐘已經有位。星期日早上10點，食客唔算太多，多數一家人飲茶為主。內裡裝潢簡約舒適，而且枱與枱之間空間亦好寛闊。點心紙上有好多唔同類型嘅點心選擇，有蒸品、腸粉、粥品、前菜、炸物等等非常全面。茶水就選擇了普洱茶，有好濃普洱茶香，早上飲一杯岩岩好。蟲草花香撈螺肉螺肉微辣且爽口，而份量都算好多，係一個唔錯嘅醒胃頭盤。生煎墨魚餅表面金黃煎得剛剛好，食落去相當香口，重點唔會好油。彩蔬蒸牛肉球牛肉球一籠三大粒，當中大廚亦花心思加入不少蔬菜，令軟淋適中嘅牛肉球更加清新，加埋牛肉球嘅絕配喼汁一齊食呢個化學作用真係無法抵擋。有機茄湯鮮竹卷平時大多只會食到炸鮮竹卷、濃湯浸鮮竹卷等，但食咗呢個有機茄湯鮮竹卷之後我已經返唔到轉頭，因為佢真係好夾、好好味。材料豐富不在話，重點係佢個有機茄湯相當清甜，令鮮竹卷內裡嘅蝦滑、素菜有提鮮嘅作用，真係可以再encore！叉燒包包身鬆軟拎上手時仲熱辣辣，而內裡大
但岩岩嘅星期日，阿媽就想我陪佢飲個早茶，我當然要神咁早去附近搵個地方，齊齊飲杯茶、食個包啦！
最後就齊齊去咗博兿會飲茶，大約等咗5分鐘已經有位。
星期日早上10點，食客唔算太多，多數一家人飲茶為主。
內裡裝潢簡約舒適，而且枱與枱之間空間亦好寛闊。
點心紙上有好多唔同類型嘅點心選擇，有蒸品、腸粉、粥品、前菜、炸物等等非常全面。
茶水就選擇了普洱茶，有好濃普洱茶香，早上飲一杯岩岩好。
蟲草花香撈螺肉螺肉微辣且爽口，而份量都算好多，係一個唔錯嘅醒胃頭盤。
生煎墨魚餅表面金黃煎得剛剛好，食落去相當香口，重點唔會好油。
彩蔬蒸牛肉球牛肉球一籠三大粒，當中大廚亦花心思加入不少蔬菜，令軟淋適中嘅牛肉球更加清新，加埋牛肉球嘅絕配喼汁一齊食呢個化學作用真係無法抵擋。
有機茄湯鮮竹卷平時大多只會食到炸鮮竹卷、濃湯浸鮮竹卷等，但食咗呢個有機茄湯鮮竹卷之後我已經返唔到轉頭，因為佢真係好夾、好好味。材料豐富不在話，重點係佢個有機茄湯相當清甜，令鮮竹卷內裡嘅蝦滑、素菜有提鮮嘅作用，真係可以再encore！
叉燒包包身鬆軟拎上手時仲熱辣辣，而內裡大大粒嘅叉燒味道亦相當濃郁，令食起上嚟口感更加豐富，唔錯。
香麻海蜇冰凍嘅海蜇，再加少量麻油、香麻真係令到你食唔停口。
整體環境、食物都非常之唔錯，而出菜都好快，之後可以再encore！而十一點後會愈來愈多人，如果果段時間飲茶建議可以之前訂定枱。
張貼
