是但求其食 (已結業)

▪️黑毛豬豬鞍扒估唔到豬鞍扒都幾厚身，大大塊食落夠曬juicy之餘，又唔會太乾身佢本身已經有基本調味，如果想有多D味就可以點埋佢個醬汁一齊食旁邊個燒菠蘿都唔錯，經燒過之後鎖住D汁所以食落係十分juicy🤩另外，大家都會見到塊扒則邊有個藍色的波仔佢其實係加左左蝶豆花的薯蓉黎，好鬼趣緻~.▫️香煎帶子墨魚汁意粉墨汁相當夠，食完之後個嘴變到成舊碳咁🤣意粉味道正常發揮帶子同墨魚仔的份量都幾多，食到尾都仲有.▪️法式白酒煮蜆先飲左一啖湯已經發現好香酒味蜆的Size全部都好飽滿，脹卜卜咁食落每隻都夠曬惹味食到一半見到隔離台想叫已經賣曬，問番店員先知係限量供應絕對係今日的MVP😋.▫️草莓沙冰▪️莉莉香檸茶兩杯之中，我地都一致覺得個檸茶幾特別唔會太甜之餘又有D幾特別的花香😆

人糧尾我糧尾，人哋就要慳飲慳食，而我呢，就要繼續食好嘢，今日喺元朗見到是但求其食，一於睇下佢有幾是但求其法先。好，坐低睇下有咩好食先。我哋一坐低就送上餐包同餐湯，服務好好。黑松露蘑菇湯，個湯都幾重蘑菇味，飲落好creamy，有蘑菇粒。餐包好柔軟，有淡淡嘅牛油香。明太子軟殼蟹pizza，軟殼蟹大大隻，炸得好脆，食落有蟹黃嘅香味，薄餅底薄而脆，咬落去喀喀聲，明太子醬好濃，芝士扯到絲，正！波士頓龍蝦燴飯，一上菜我就被那隻龍蝦所驚艷，擺盤實屬一流，一啲都唔是但求其，而且味道都好好，燴飯索晒龍蝦汁，每一啖都充滿著龍蝦嘅鮮味，龍蝦肉爽口彈牙，感覺好新鮮，平時帶子係主角，但喺龍蝦面前，佢都只係陪襯。香煎羊架配雜菜，羊架煮得好靚，肉質透住粉紅色嘅光澤，有羊香而冇我唔鐘意嘅羊膻味。黑松露薯蓉好香黑松露味，而且薯蓉仲有薯粒嘅口感，唔會磨到一砣砣，值得一提嘅係佢嘅燒菠蘿，燒完之後菠蘿變得更甜，而且好juciy，真心驚喜！蝶豆花茶，飲落有微微嘅茶香味，好順口，放咗檸檬落去之後仲曉變色，睇得又飲得！Latte，聞落好香咖啡味，但係又唔會好苦難入口，奶香完美中和咗咖啡些微嘅苦澀味。

前陣子常來食午餐，同朋友都覺得呢間食物好高質。📍午餐跟沙律和西湯幾乎點左餐就同步送上，西湯好有水準，飲得出足料。再來一杯沙律菜，有青瓜同車厘茄，加少少胡麻醬咁，簡單健康。📍牛油果蝦仁忌廉蟹柳燴飯幾乎每次必點！所有材料都好夾，蝦仁大大粒，材料非常豐富，加埋啖飯一起食，creamy。店員服務好好，環境舒服，希望食物繼續維持在高質素。

< 是但求其食 >📍元朗前幾日經過朗屏見到新開嘅呢間小店 個名幾特別就去試下😛🥗煙三文魚沙律前菜叫咗煙三文魚沙津 擺盤好靚🥰 將煙三文魚砌成一朵花 仲有好多三文魚籽 而底層嘅沙律有啲麵包粒 口感豐富😋🍕明太子軟殼蟹pizza 跟著叫咗明太子軟殼蟹沙律薄餅 軟殼蟹好大隻鋪喺pizza面 軟殼蟹好香脆😋😋 而pizza 係薄嘅批底 好似餅乾咁脆😆 pizza 仲有蟹柳、粟米同青椒粒 有層次😋🍝卡邦尼意粉卡邦尼意粉好多煙肉 驚喜嘅係有大蝦🍤 意粉有咬口 味道香濃 有芝士味 唔會過鹹😋

聽朋友講朗屏附近開咗間西餐小店，第一時間被個名吸引咗！所以決定搵日去睇睇有咩咁求其，😅順便支持一下小店。店內以藍色為主調，一入門口就被兩大幅video wall係呀住，好有海洋feel，坐得好舒服!晚市都有一人套餐，而且價錢都好吸引，食物一點都唔求其，食物用心製作，環境服務都好滿意!餐包配蘑菇湯，蘑菇🍄味夠濃滑，餐包唔似一般西餐廳咁一陣風，鬆軟得來有韌性。前菜係煙三文魚沙拉🥗，不但賣相吸引，沙律菜新鮮爽脆，大大塊煙三文魚同大大粒飛魚籽，令口感更豐富，唔喜歡酸的朋友可以要求少點沙拉醬，更能吃出鮮味。😍😉主菜揀咗pizza🍕同意粉🍝，兩樣都好滿意！😋😋黑鬆露蘑菇🍄pizza🍕，個底超薄，有脆邊，滿滿的芝士鋪係面，淡淡的黑鬆露配搭合宜，我自己吃咗3塊，真心好味！👍🏻👍🏻😋蟹柳雜菌紀廉意粉，每條意粉都掛滿紀廉汁，軟硬度適中，我朋友機會自己吃曬一碟，唔錯！😁😋老闆娘推薦我哋飲這會變色的花茶🍵，唔使加糖，淡淡清香，裡面有玫瑰🌹、蝶豆花、紅棗等，飲完一泡再加一片檸檬🍋，藍色變紫色，好吸睛😍，少少酸味消膩一流。整體這餐十分滿意，分量足，食物有質數，性價比高，下次會再來支持一用心經營的下小店。😊

同男友經過見到呢間新開既餐廳個名好得意，就諗住做個勇士試下有幾是但求其😂😂假日既set lunch都唔貴👍由於我對奶類敏感，而我又prefer食飯，老闆娘就好好人咁專登入廚房問清楚有咩岩我食😊最後我叫左個日式咖喱牛腩飯，男友就叫左個all day breakfast～跟餐忌廉磨菇湯男友話幾creamy幼滑👍All day breakfast既賣相真係會令人食慾大增😍蒜蓉包勁香脆！我地夾埋鹹香Parma ham一齊食，幾夾👍 又可以中和Parma ham既鹹味～炒蛋夠滑，上面舖左啲黑松露，即刻升價十倍😂大啡菇上面舖左啲雞蛋一齊焗，啡菇super juicy！！😋沙律既🦐超大粒勁爽口😋德國腸外層用酥皮包裹住再焗，脆卜卜，好有誠意既整法👏唯一美中不足就係塊煙肉乾左啲，但整體已經好高分😁估唔到係一間主打西餐既餐廳裡面都食到咁高質既日式咖喱牛腩飯😮 牛腩炆得超淋好好食！日式咖哩幾香而且偏甜，岩我口味😋薯仔口感都係我中意既，唔會太硬又唔會淋到入口就溶晒，仲保留到啲口感👍食物水準非常唔錯，服務亦好好，keep going！💪💪

陳奕迅的《是但求其愛》就聽過，沒想到元朗區開了一間「是但求其食」，究竟求不求其，真的要試過先知咩料！🍕 明太子軟殼蟹Pizza ($98)原隻香炸軟殻蟹擺面，鹹香有肉地；餅底脆薄香口；明太子混honey mustard仲有少少芝麻醬，再灑上紫菜碎，調味相當開胃。🍝 四川辣雞意粉 ($78)意粉煮得韌身有咬口，配上雞丁肉粒同青瓜絲，口感豐富。川味style，辣椒油夠辣夠香，麻辣味食得過癮，平時唔太食得辣嘅我都食到最後一口。🍗 烤牙買加賤雞 ($168)醬汁香濃惹味，肉質鮮嫩，皮脆肉滑！雞肉大大份，兩個人share食都好夠飽。伴碟嘅薯條軟身，燒菠蘿香甜多汁，中和返醬汁嘅濃味。飲品有咖啡、梳打、花茶、港飲幾款，朱古力火鍋都有得試。地方闊落，樓底高，裝修有格調。水泥牆上貼住黑膠唱片好有feel，夜晚仲有projector投影落牆，增加氣氛。服務好好，有主動介紹菜式。見到呢度有任飲啤酒 $100/2小時嘅promo，夜晚適合飲幾杯 🍻

喺朗屏屏會街新開嘅呢間小店，個名幾特別，叫「是旦求其食」。是日餐湯係忌廉海鮮湯，上碟時仲夠熱，而湯底非常足料，啖啖食到海鮮配料。而跟湯仲伴牛油餐包隨上，有舊式冰廳嘅感覺。前菜叫左煙三文魚沙津，擺菜幾精美，幾三文魚砌成一朵花嘅模樣花，伴時食到一粒粒嘅魚籽。而底層嘅沙律都算正常唔算太大特別。主菜有明太子軟殼蟹沙律薄餅，係薄身嘅果隻pizza，因食完唔會太膩，軟殼蟹大大隻鋪喺pizza面，而醬汁夠哂濃味，令到唔會食到乾身淨包嘅感覺。卡邦尼意粉，配大蝦都幾多肉，個人都幾鍾意呢度嘅意粉質地，係偏有咬口唔會一咬就斷果款，味道都夠惹味唔會過咸。最後點左個花茶，係蝶豆花加玫瑰等配料，伴隨檸檬片，由原本嘅藍色漸漸變成紫色。店員仲好好咁講解下飲花茶嘅好處。

今日係元朗搵左間特色餐廳「是但求其食」🥳主打西式餐點，入面嘅菜式都比較不同，值得大家每樣都試一試😆餐廳裝修格局十分有格調，座位都寬敞舒服，牆身嘅裝飾同埋餐枱嘅擺設都係好緊要嘅打卡位，大家嘆嘢食之餘都不妨可以打卡影靚相！🖤🍄黑松露蘑菇湯 $48首先上嘅餐湯香氣濃郁，有別於一般嘅好稀嘅湯，濃郁之餘黑松露嘅點綴都係呢個湯加咗唔少分！❤️🍞茄茸火雞丸配蒜蓉包 $58第一次聽火雞丸呢個名詞，口感的確係零舍唔同，食落去反而冇咁有咬口，不過肉質十分之多汁同埋比較有肉感，再配埋辣辣地嘅茄茸真係好有層次，再加上蒜蓉包連埋茄茸一齊食係一個完美嘅配搭！🥤草莓沙冰 🥤野莓梳打 $38你杯主題嘅嘢飲都係用「莓」做主題，冰凍嘅沙冰入口即溶中帶有淡淡的草莓肉香味，飲落嘅時候郁少少似食緊草莓瑞士糖嘅感覺真係好懷念！野莓梳打賣相一流，雖然比較甜但係野莓嘅味道混合梳打都比較匹配！🤍🦑香煎帶子墨魚汁意粉 $88成日都食墨汁意粉，今次有少少驚，因為佢唔係偏重口味，反而淡淡地嘅墨魚汁入口更加比較鮮味，以濃郁嘅味道喺帶子同埋墨魚肉咁樣雙雙配合，反而有一種新鮮嘅感覺！💚🐟薄荷汁香煎焗鱸魚 $128鱸魚真係好少聽講過，今次佢用薄荷汁呢

有時唔知食乜好就會諗是但啦 求其啦 原來同我相同諗法嘅人都大有人在 見到呢間餐廳叫做是但求其食 超級有親切感呀哈哈餐廳地方唔大燈光昏暗 枱櫈都幾闊落 張餐巾寫住是但求其食 超可愛黑松露蘑菇燴飯 上面有成座山咁高嘅炸金菇非常吸睛 下面嘅黑松露燴飯松露味都幾香濃 飯粒煮得軟硬適中粒粒分明 唔錯照燒雞扒漢堡配薯條 好巨型呀 照燒雞扒燒得嫩滑多汁 加上生菜蕃茄等嘅配菜一啲都唔油膩 炸薯條分量都幾大 夠曬脆卜卜雀屎綠檸檬茶 聽個名就超級得意 原來查底混合咗茉莉花茶 飲落非常清香 而且仲可以消滯解渴添

今日同舊同學來個小聚會 黎到元朗屏會徑嘅呢間新開西餐 是但求其食 聽個名超級有趣入面裝修就非常有心思 牆上用咗幾個projector去投射唔同嘅畫面 加上微微嘅燈光好有情調呀巴馬火腿沙律 巴馬火腿香味十足 味道唔太鹹 配埋新鮮嘅沙律菜一齊食又幾夾 上面仲有原片嘅巴馬臣芝士 非常足料呀避風塘雞翼 係單骨雞翼進食非常方便 外皮超級脆卜卜 加上海量嘅炸蒜好邪惡呀和風芝麻雞意粉 必點因為真係勁正 竟然食到個意粉係有鑊氣 芝麻醬味道調教得啱啱好 入面仲有雞絲同蘑菇凍奶茶 茶底好香滑

元朗出名小店多， 近來就係小巷發現哩間小店，裝潢美觀得黎，仲有高質食物， 重點係食物性價比超高， 午餐都係$70-99 就有，但出黎效果有高級西餐感覺南瓜茸蟹肉燴飯，真係食到南瓜的甜，蟹肉唔似人地得兩三條，係真係食到肉，除左蟹肉亦有幾隻大蝦，成個燴飯好正，好香甜，真心要試。All day breakfast, 個賣相不俗。唔算好大份但絕對夠食， 腸菇蛋包都有齊，所有餐都有埋餐湯， 份量足亦好味整體感覺好好， 下次可黎試埋晚餐

夠鐘食晏😚撇甩阿媽 同老豆食晏🤭是但求其食一餐好嘢😋呢間西餐廳 店名真係叫《是但求其食》🤣🤣餐廳唔大 但環境幾chill 天花 video wall 幾吸引假日套餐$78起 另加配小食食物質素一啲都唔是但求其😆叫咗兩個日式和風意粉🍝#明太子海鮮意粉海鮮種類唔少 大蝦 蜆肉 🦑 青口新鮮三文魚子 整個🍝豐富好味😋#芝麻雞絲意粉同樣好大方 雞絲 🍄份量多芝麻醬 香濃惹味 好rich😋#茉莉檸檬茶口味清爽 最啱炎炎夏日飲😎

元朗屏會街最近開咗幾間有質素的餐廳，有Double Dip , 鐵板燒， 今日就同媽咪 近近哋去咗"是但求其食 "食午餐😋星期六有個假日午餐套餐三文魚蟹子pizza🍕， 三文魚🐟蟹子🦀滿佈成個pizza餅底薄🍕上面淋上橄欖油十分之香好好味 值得推介😋😋炸魚漢堡包配薯條， 賣相十分吸引 ，炸魚外脆內 嫰🐟， 薯條炸得香脆🍟餐湯係蘑菇湯飲品係茉莉花檸檬茶 環境十分舒服， 還有牆壁有個投射水館服務十分貼心🤩🤩 有下次

餐廳名字有趣, 被吸引過來試下. 內進餐廳座位數量並不多, 樓底算高, 比較特別係有投影器照住三幅牆身. 雖然餐廳並不算大但是樓面已有三名侍應, 而落單及上菜時間迅速, 食物熱度出色. 是次總共叫咗兩個餐, 餐湯係南瓜湯, 及有普通甜餐包. 這兩個頭盤感覺一般, 跟住加咗58蚊要咗個西班牙火腿沙律, 除咗沙律菜之外仲有細粒嘅蒜蓉包仔, 硬芝士混埋一起, 所以係沙律都比較好食. 跟住要推介金蛋單骨雞翼, 呢個必食, 佢用鹹蛋混合左雞翼再炸, 十分惹味香脆. 之後兩個主菜都十分高水準, 煙三文魚薄餅, 加咗啲蜜糖芥末同埋魚籽, 香濃又唔會腥. 黑松露蘑菇飯, 用咗炸咗嘅金菇, 唔會一口咬落去就黐牙, 加上軟綿綿嘅意大利飯, 份量都算大份. 最後飲埋玫瑰菊花茶, 解油消滯.