是但求其食 (已結業)

喺朗屏屏會街新開嘅呢間小店，個名幾特別，叫「是旦求其食」。是日餐湯係忌廉海鮮湯，上碟時仲夠熱，而湯底非常足料，啖啖食到海鮮配料。而跟湯仲伴牛油餐包隨上，有舊式冰廳嘅感覺。前菜叫左煙三文魚沙津，擺菜幾精美，幾三文魚砌成一朵花嘅模樣花，伴時食到一粒粒嘅魚籽。而底層嘅沙律都算正常唔算太大特別。主菜有明太子軟殼蟹沙律薄餅，係薄身嘅果隻pizza，因食完唔會太膩，軟殼蟹大大隻鋪喺pizza面，而醬汁夠哂濃味，令到唔會食到乾身淨包嘅感覺。卡邦尼意粉，配大蝦都幾多肉，個人都幾鍾意呢度嘅意粉質地，係偏有咬口唔會一咬就斷果款，味道都夠惹味唔會過咸。最後點左個花茶，係蝶豆花加玫瑰等配料，伴隨檸檬片，由原本嘅藍色漸漸變成紫色。店員仲好好咁講解下飲花茶嘅好處。