是但求其食 (已結業)

畀個餐廳名吸引咗，同朋友就入咗嚟聚餐笑談大家最近生活近況。餐廳屬小店，雖然內籠唔大，但店主係店內格局上都花咗啲心思，牆上面類似水族館既投影好得意，搞到成日食食吓野忍唔住向上望。店內氣氛甚佳，加上店主同店員都好nice，好適合幾位閨密約埋一齊聚餐chit-chat 下場合。香草三文魚pizza $88Pizza賣相好靚，而且個人比較喜愛薄餅底既Pizza，脆卜卜得嚟又唔會太飽太濟搞到食唔到其他野。料方面三文魚粒同蟹籽都足，配搭埋青黃椒同千島醬食起上嚟夠味但係唔會覺得太咸同膩，好適合女士或較細食既人食。南瓜蟹肉燴飯 $88燴飯個南瓜汁底好香甜。而燴飯入面既飽滿蟹肉同南瓜汁既甜配合得十分好，亦令個飯口感更豐富同增添咗一層肉感。不得不提燴飯入面露荀都令個飯層次更高，佢既微苦味令個飯唔淨係得個甜字，變相食果陣冇咁易覺得好膩。店主推介豬鞍配香炸薯條 $198呢個主菜係我地今日餐飯既VIP。2件豬鞍肉睇落份量十足。咁厚既豬鞍架店家都烹調得恰到好處，入面夠熟但係冇過份烹煮導致啲肉鞋又韌。肉感滿滿既豬鞍肉沾上專用既燒汁真係好正，食完大滿足。呢味菜係老闆娘推介我地食，食完先發覺餐牌搵唔到既? 原來都要睇店

朋友話呢間呢個位置換咗間新嘅西餐廳，所以話一齊去試吓。入到你個環境都幾舒服，餐廳似乎係以音樂為主，背景音樂都係播緊一啲中文流行曲，有別於一般嘅西餐廳。叫咗兩個set dinner會跟咗個忌廉湯同埋餐包。佢個湯都好creamy，好香忌廉味，你都打到好幼滑。而我最欣賞佢個餐包，因為上枱嘅時候真係熱辣辣，好軟熟。見到佢餐牌上面有個牙買加賤雞，見到個名幾搞笑所以叫咗嚟試吓。原來係烤春雞，佢啲雞肉都幾林，但係未到就要靠佢本身啲醬汁。不過佢啲薯條幾好食，係有調味嘅嗰一種薯條。另外佢仲會跟左一大舊燒菠蘿，佢哋揀嘅菠蘿都好熟，所以好林好多汁，一啲都唔會酸。另一個就揀咗三文魚Pizza，佢呢種係超薄底，好似餅乾咁脆，而佢嘅醬汁同埋料先好少少日式，食落都幾fresh。嘢飲方面，我見佢有一個好特別嘅茶，就係班蘭葉茶。因為平時班蘭蛋糕就食得多，都未聽過會攞嚟沖茶，所以一定要試吓。除咗班蘭葉之外，佢中間已經加咗啲桂圓，如果鍾意甜嘅人佢仲會俾埋蜜糖你自己加。飲落去嘅時候有淡淡的斑斕香味，但係唔會好濃，係幾特別。

話說上星期日 當女友話帶我去食呢間是但求其期食，見店名咁搞笑，未抱有太大期望，點知食完又覺得真喺唔錯。叫完野食無幾耐就上餐包同餐湯，除左牛油，檯面仲有橄欖油可以配餐包食。無幾耐小食就到，金蛋雞翼，喺單骨雞翼炸完之後加鹹蛋汁，炸得好脆，鹹蛋醬又好香口。孜然焗薯有煙肉碎加孜然調味，好脆好香口。黑松露pizza一放下檯面已經聞到勁香，有勁多芝士同埋適量黑松露，餅底仲要好薄好脆，好食到爆。最期待嘅帶子龍蝦燴飯終於到啦。飯粒口感煮得幾有咬口，粒粒飯都好濃海鮮鮮甜味。帶子同龍蝦肉都爽口鮮味重，真喺唔錯。特別推介嘅係鴨屎香檸檬茶佢係用咗茉莉花茶葉做茶底 飲落去特別清香好啱夏天飲！

是但求其係只一種輕輕鬆鬆嘅態度，所以店名叫是但求其食，但製作一啲都不會求其，尤其豬手質素相當高🐷👍🏻😋📌藍海洋意粉🍝💙$188限量每日五個‼️用了大量不同海鮮，魷魚🦑，大蝦🦐和青口等，利用碟豆花天然顏色，意粉高質，有滿滿的牛油蒜香蝦香！😋👍🏻📌脆皮德國鹹豬手🐷$168豬手外皮相當酥脆👍🏻，肉質軟嫩，肉夠鹹香，鮮味突出，整體高質。配合兩款芥辣，喜歡他們的蜜糖芥辣，令豬手鹹鹹甜甜，唔錯🍯📌玫瑰菊花茶🌼🌹🍵$68好欣賞呢間製作的花茶，除了洋甘菊和玫瑰之外，還加入了斑蘭和蜜糖提味，舒適靜神📌凍朱古力🍫$38冰爽清涼，朱古力相當濃郁，忌廉香甜，質素中上😋👍🏻📌晚餐還有配合餐湯🍲和麵包🥖，當日餐湯係蘑菇湯，蘑菇味濃郁，不錯👍🏻

同屋企人假日下午行過附近，周圍閒逛，見到呢間店名「是但求其食」，出面有介紹酒類，覺得餐廳未必是”family friendly “,因為帶住小朋友，所以原本打算走，點知家人話試下，咁就試下啦。餐廳鋪面唔算大，不過乾淨企理，睇得出有用心裝修，其實夜晚三五知己來飲下野都幾好。我地一坐低，侍應就已經送左本畫冊+蠟筆俾小朋友畫畫，有小朋友的人應該明白有提供「娛樂」項目俾佢地既重要性，侍應好快就俾埋小朋友餐具，好細心！我地都有點肚餓，所以叫左芝麻雞絲意粉、和風牛肉漢堡配薯條，仲有三文魚蟹籽pizza, 先有蘑菇餐湯，這個湯不過不失。芝麻雞絲意粉口感好，味道濃郁，意粉軟硬適中。和風牛肉漢堡，小朋友都食得講yummy,牛肉漢堡好有肉汁，正。三文魚籽Pizza,是薄批，餅底好鬆脆，三文魚蟹籽好味丫，應該係話色香味俱全。值得再來的餐廳。

裝修懷舊為主，有投影機，我覺得自己好似去咗海洋公園😂😂 仲有播下啲舊歌都幾懷舊烤牙買加賤雞 性價比高，200蚊都唔洗就有兩隻大雞，肉質好嫩，食落去有啲香草味，但烤味真係爭少少，薯條有食落去似卡落b既蔬菜薯條🍟令我諗返啲童年回憶三文魚pizza呢個pizza 100蚊都唔洗，性價比高。pizza皮薄之餘又脆，有芥茉醬、三文魚、蕃茄仔等黑松露蘑菇意粉入面有3種菇，蘆筍鮮。黑松露味重，不足係有啲乾菊花玫瑰茶我第一次咁大既菊花同埋玫瑰，好靚，入面加左Honey，味清新。正呢間餐廳係唔錯，只係地點比較近水邊圍邨，我落咗朗屏站之後都要花時間先搵到。

係門口見到呢間餐廳裝修係我style，天花仲好鬼馬咁有海底投影，而且睇埋個餐牌樣樣都好似幾吸引，重點係價錢都好吸引😂唔食都對唔住自己🌟茉莉花檸檬茶比起普通既檸檬茶更清香，飲完都唔會有負擔🌟法式白酒煮蜆酒味香濃，帶有少許泰式香料味道 蜆肉肥美冇沙，值得推薦👍🏻🌟南瓜蟹肉燴飯蟹肉已完全融入飯入面食到蟹肉鮮味但見唔到本人😂南瓜令個飯有蔬果天然既甜味，好清新！🌟薄荷葉香煎鱸魚煎鱸魚好多餐廳都有但用薄荷醬既真係比較少見鱸魚好滑好厚肉搭配薄荷醬令人係炎炎夏日都可以清涼一下

若愛是但求開心 我問 要不要求其傷心原來除咗是但求其愛元朗開咗間新餐廳叫是但求其食😳我地就係比佢chill嘅路線吸引咗黎🤣-一入到去個floor manager已經好熱情❤️‍🔥Bobo一向煩膠 同佢講有咩正野開黎見我地Floor manager無比佢大到話可以安排個omakase比我地😨見佢地咁chill 就儘管睇下佢比咩我地食😼-一開始佢上咗一杯貌似凍檸茶比我地🍋喺準備釣鬼之際 佢地話依杯叫莉莉香檸茶係由一種名為鴨屎香嘅茶葉沖泡而成🍵佢比平時嘅檸茶更加清香 有淡淡嘅茉莉味又幾特別同好飲喎衰鬼😌-🍄三文魚野菌燴飯 佢地嘅新菜式 連menu都未有😼特別之處在於佢地喺個醬度加咗wasabi味道係夾架喎🤣🤣魚子亦都令成個risotto更有層次👍🏻-🐥烤牙買加賤雞 $168牙買加雞肉質厚實得黎都幾嫩烤過後亦都完全唔會鞋推薦比想吸收protein嘅gym jj😌伴碟嘅燒菠蘿超級甜！🍍之於點解叫賤雞 自己去問個manager🤯-🌊藍海洋意粉 $188最後上又最吸睛嘅就係依碟墨魚汁意粉🦑佢地先用二十分鐘浸蝶豆花再用cream同奶整個汁所以啲藍色係全無人工色素😳雖然唔係黑色 但個墨魚海鮮味仲喺度 放心

位於朗屏嘅是但求其期食，試過之後，大膽講句，食物一啲都唔求其。食住套餐中嘅餐包同忌廉餐湯，一路望住牆身包圍著三邊牆嘅螢幕，播放著海洋魚類游來游去畫面，悠然寫意，一路等主菜同小食上檯。金蛋雞翼，脆炸單骨雞翼外面包裹著鹹蛋汁，脆口惹味。孜然焗皮薯，上檯時孜然香撲鼻。薯仔撒了煙肉碎焗脆，甚具鹹香，薯皮焗至脆口。帶子原隻龍蝦燴飯，飯的份量足夠二人食，燴飯帶濃郁海鮮鮮味，配鮮甜爽彈啲帶子同魚子粒，飯裏面有已經拆殼的龍蝦肉。黑松露pizza，薄底而且餅邊焗至脆口，撒上大量芝士同黑松露，芝士濃郁鹹香加上誘人黑松露芳香，好食程度喺剛上檯無幾耐，我地兩個已經光速食哂成個pizza。我地叫左兩杯飲品。鴨屎茶葉泡嘅檸檬茶同青檸梳打。聽店員介紹，鴨屎茶葉其實是茶葉品種之一，類似茉莉花茶，由於用左靚料黎沖，呢杯檸茶著實比一般飲嘅特別香醇回甘。連一杯凍檸茶都落足心機，可見呢到一啲都唔求其！不論主菜還是小食，都喺色香味俱全。店鋪空間感足夠，坐得舒服，價錢亦都相宜，值得再訪！

今晚係朗屏睇完醫生，就係附近搵食，見到間餐廳名叫是但求其食，咁就一於是但求其食一餐，雖則個名是但，但食物質素一D都唔是但。 煙三文魚沙律 沙律菜新鮮，仲有煙三文魚、蟹籽、蕃茄仔，配埋兩色沙律醬好夾。 三文魚蟹籽PIZZA 最值得一讚既係PIZZA底夠薄，超脆，而且餡料夠多，鋪滿哂全個PIZZA。 薄荷汁香煎焗鱸魚配蝶豆花飯 第一次食藍色既飯，係用左蝶豆花黎整，蝶豆花味唔會太濃，食落有陣陣蝶豆花香味，好清新，鱸魚焗到外皮脆卜卜，而肉質又剛剛好熟。 黑松露野菌菇燴飯 黑松露味好香，有超多野菌係飯入面，食落啖啖都有野菌係中間。 玫瑰菊花花茶 餐廳會根據客人既心情情況而調製唔同既花茶，如果失眠，可以調一壺有助睡眠既花茶。 青檸梳打

.#哈比四圍食 #元朗 #元朗美食 #是但求其食 @sdkkeat 🐟 薄荷汁香煎焗盲曹盲曹係煎完再焗，用咗少少鹽吊味 幾清香，加埋薄荷青汁 好夾 食落好fresh飯係雜菇+碟豆花汁（所以藍色），好特別既顏色 有啲碟豆花獨有嘅味道，好少有幾得意🍕 黑松露野菌pizza材料有惹菌 雜菜 芝士 成個批唔會好'漏‘，加松露醬適中 唔會太多無搶左個味 幾balance🐷 仲叫有左個香煎豬按扒 外層煎得好香口 裏面仲有滿滿嘅肉汁 好味😋🍻 suntory 啤酒打泡比例好好 入口又飲到酒又飲到泡 啲泡勁滑呢間餐廳嘅女侍應十分熱情，每一道菜都會好詳細咁介紹，一開始唔知揀咩，佢都推介得好好，服務態度好好好上心🥰侍應都推薦左個玫瑰菊花茶，好清香😌食完啲比較油膩嘅西餐飲花杯花茶，腸胃都好舒服☺️.➡ 是但求其食 (元朗)元朗屏會街19號幸福樓一期地下16號舖.

呢間餐廳 早前見佢試業已經有興趣 不過唔少人等就放棄左 是日去未來幼稚園交野 領埋校服啦 但一離開就開始落雨☔️ 好在醒目爸等待期間⌛️ 去呢間餐廳留定位🙌✅偽海洋館用餐環境店子小小 但上面個海洋屏幕好吸睛 好似 #海洋列車 果種有唔同魚游黎游去 雖然小規模版但小孩就是愛（小影片放在留言了）湯圓成日指住「媽媽 呢個鯊魚呀 呢個魔鬼魚呀🥰」✅貼心小禮物🎁我地習慣等食/ 點餐期間自備小簿子或者過期日曆紙俾湯圓畫畫 店家見到竟然好熱心安排左 #小畫簿同顏色 仲有 #貼紙頁 湯圓即滿心歡喜🤩✅美味午餐🥣有兒童餐具又係小加分位🥳 🍽All Day Breakfast $98都幾豐盛 #係巴馬火腿呀 🤩滑蛋夠滑仲有黑松露添 蝦都有兩隻仲要爽彈既 蒜蓉包都鬆軟但再香啲更佳 香腸帶微辣亦很開胃🍽明太子海鮮意粉 $78其實我地試過foodpanda叫呢個 覺得幾好味 今次難得堂食就忍唔住再叫 新鮮即食果然好味好多😂開邊蝦調味香 連蝦頭膏都好正 海鮮熟度都剛好 老公最愛個意粉汁 加入三文魚籽調和更覺鮮味🍽金蛋單骨雞翼（6件）+$38好味呀 外層香 內層雞肉嫩而且肉汁夠🍽洋蔥圈 +$38老公每次見到餐廳有售都會

是但得黎又唔是但一入間餐廳個環境真係無得輸 全身既裝修 3部投影機 暢快既音樂叫左個2人餐 先黎既南瓜湯 唔似出面溝粉 而真係用南瓜打出黎 會食到南瓜既甜味小食叫左個避風塘單骨雞翼要讚既地方係單骨 單骨會易點食主菜叫左黑毛豬鞍扒及松葉蟹柳意粉豬鞍扒既味道好簡單 用小小鹽就出左個味唔需要特別既調味 配上自家既汁 令到味道完全昇華哂 而意粉 係好重既白汁味 要讚既係好足料 勁多蟹柳同菇對於我呢個菇王黎講 無得輸飲品方面熱情果沙冰好有兒時既思樂冰味道草莓梳打就飲得出唔係馬虎

這間位於朗屏站附近的西餐廳，晚市時間有套餐供應外，還有$100兩小時任飲啤酒等。忌廉蘑菇湯餐包微暖鬆軟，蘑菇湯有點似某大品牌的味道。蛋王黃金單骨雞翼雞翼表面沾滿了蛋王，非常邪惡，雞翼香脆熱辣。南瓜飯表面有些三文魚杍，還有些蟹柳等，南瓜飯軟綿綿，落了超多芝士，帶點拉絲。黑松露蘑菇意粉意粉十分creamy，黑松露味道清香，意粉爽口，每條都沾滿了醬汁。盲鰽魚配炸粗薯盲鰽煎至魚皮香脆，肉質依然保持嫩滑，另外還配上炸得香脆的粗薯，份量十足，燒菠蘿更是香甜開胃。最後飲返杯玫瑰紅棗茶，淡淡玫瑰香及紅棗甜味，非常清新。

一入到去就覺得好似去咗水族館咁，因為有投影機投射出啲魚喺海裏面游嘅影像，令人心情放鬆～🥰同朋友夾份嗌左個set dinner。跟餐有兩份是日餐湯。蘑菇湯好香菇味。餐包烘熱左，朋友同我嘅餐包分別一軟一脆，好特別。嗌左兩款主菜：黑松露野菌pizza、烤牙買加賤雞。黑松露野菌pizza係薄批，好脆。Pizza餅底有d芝士，芝士好香濃，滿口黑松露香。加埋野菌更添口感。烤牙買加賤雞雞好大份！雞肉好嫩～旁邊重有薯條。薯條熱辣辣，外脆內軟。配菜有西蘭花🥦翠玉瓜同埋蕃茄仔，有菜有肉，不錯。飲品嗌左「圓肉紅棗花茶」。就咁聞一聞已經覺得好養生冇額外加糖，所有嘅甜味都係來自圓肉同埋紅棗本身，天然無添加，夠晒健康！飲完個人即刻暖晒～🥰另外嗌多個「黃金蝦仁拿波崙意粉」。蝦🦐大大隻。入面重有煙肉同洋蔥，意粉上掛滿芝士，口感豐富。