影片
更多
2021-07-31
12 瀏覽
畀個餐廳名吸引咗，同朋友就入咗嚟聚餐笑談大家最近生活近況。餐廳屬小店，雖然內籠唔大，但店主係店內格局上都花咗啲心思，牆上面類似水族館既投影好得意，搞到成日食食吓野忍唔住向上望。店內氣氛甚佳，加上店主同店員都好nice，好適合幾位閨密約埋一齊聚餐chit-chat 下場合。香草三文魚pizza $88Pizza賣相好靚，而且個人比較喜愛薄餅底既Pizza，脆卜卜得嚟又唔會太飽太濟搞到食唔到其他野。料方面三文魚粒同蟹籽都足，配搭埋青黃椒同千島醬食起上嚟夠味但係唔會覺得太咸同膩，好適合女士或較細食既人食。南瓜蟹肉燴飯 $88燴飯個南瓜汁底好香甜。而燴飯入面既飽滿蟹肉同南瓜汁既甜配合得十分好，亦令個飯口感更豐富同增添咗一層肉感。不得不提燴飯入面露荀都令個飯層次更高，佢既微苦味令個飯唔淨係得個甜字，變相食果陣冇咁易覺得好膩。店主推介豬鞍配香炸薯條 $198呢個主菜係我地今日餐飯既VIP。2件豬鞍肉睇落份量十足。咁厚既豬鞍架店家都烹調得恰到好處，入面夠熟但係冇過份烹煮導致啲肉鞋又韌。肉感滿滿既豬鞍肉沾上專用既燒汁真係好正，食完大滿足。呢味菜係老闆娘推介我地食，食完先發覺餐牌搵唔到既? 原來都要睇店
餐廳屬小店，雖然內籠唔大，但店主係店內格局上都花咗啲心思，牆上面類似水族館既投影好得意，搞到成日食食吓野忍唔住向上望。店內氣氛甚佳，加上店主同店員都好nice，好適合幾位閨密約埋一齊聚餐chit-chat 下場合。
香草三文魚pizza $88
Pizza賣相好靚，而且個人比較喜愛薄餅底既Pizza，脆卜卜得嚟又唔會太飽太濟搞到食唔到其他野。料方面三文魚粒同蟹籽都足，配搭埋青黃椒同千島醬食起上嚟夠味但係唔會覺得太咸同膩，好適合女士或較細食既人食。
南瓜蟹肉燴飯 $88
燴飯個南瓜汁底好香甜。而燴飯入面既飽滿蟹肉同南瓜汁既甜配合得十分好，亦令個飯口感更豐富同增添咗一層肉感。不得不提燴飯入面露荀都令個飯層次更高，佢既微苦味令個飯唔淨係得個甜字，變相食果陣冇咁易覺得好膩。
店主推介豬鞍配香炸薯條 $198呢個主菜係我地今日餐飯既VIP。2件豬鞍肉睇落份量十足。咁厚既豬鞍架店家都烹調得恰到好處，入面夠熟但係冇過份烹煮導致啲肉鞋又韌。肉感滿滿既豬鞍肉沾上專用既燒汁真係好正，食完大滿足。呢味菜係老闆娘推介我地食，食完先發覺餐牌搵唔到既? 原來都要睇店家入貨情況先睇有冇機會食到，想食既人記得到時問一問店員啦。
鴨屎香檸檬茶 & 鴨屎香奶茶 $38 x2
老闆娘強調佢地呢度個茶底同出面唔同，係用桂花茶葉同青檸而非茶包，所以都飲得出茶味同普遍既奶茶檸茶唔同，飲落會感受到少少似中國茶咁既風味，幾特別。
餐牌上食物花款唔少，我地叫咗3樣菜同2杯野飲，可惜今次我地得2個人肚量有限，如果唔係我仲有好多小食想試下。另外聽店員講呢個月7月會有freeflow，諗住同朋友會再約多次試
埋其他小食同暢飲酒品，實行飲飽食醉~
張貼
