是但求其食 (已結業)

陳奕迅的《是但求其愛》就聽過，沒想到元朗區開了一間「是但求其食」，究竟求不求其，真的要試過先知咩料！🍕 明太子軟殼蟹Pizza ($98)原隻香炸軟殻蟹擺面，鹹香有肉地；餅底脆薄香口；明太子混honey mustard仲有少少芝麻醬，再灑上紫菜碎，調味相當開胃。🍝 四川辣雞意粉 ($78)意粉煮得韌身有咬口，配上雞丁肉粒同青瓜絲，口感豐富。川味style，辣椒油夠辣夠香，麻辣味食得過癮，平時唔太食得辣嘅我都食到最後一口。🍗 烤牙買加賤雞 ($168)醬汁香濃惹味，肉質鮮嫩，皮脆肉滑！雞肉大大份，兩個人share食都好夠飽。伴碟嘅薯條軟身，燒菠蘿香甜多汁，中和返醬汁嘅濃味。飲品有咖啡、梳打、花茶、港飲幾款，朱古力火鍋都有得試。地方闊落，樓底高，裝修有格調。水泥牆上貼住黑膠唱片好有feel，夜晚仲有projector投影落牆，增加氣氛。服務好好，有主動介紹菜式。見到呢度有任飲啤酒 $100/2小時嘅promo，夜晚適合飲幾杯 🍻