星海薈﹒譽宴

營業中

休息中

石門坐得最舒服的中菜廳，非星海薈莫屬吧！餐廳樓底高，設計用色都 高貴典雅，坐得舒服，一入門口， 以水晶燈大道 貫徹整個大廳，突顯高貴感， 超靚的。枱與枱之間闊落， 坐得舒服 。 用膳環境與氣氛都非常一流。服務更係不用置疑，一坐下店員已送上滾水洗碗，安心，乾淨，衛生。澳洲龍蝦 送伊麵底食襯澳洲龍蝦我都只會去中菜廳，皆因師傅處理原隻生猛龍蝦駕輕就熟。一整碟龍蝦伊麵上菜時已經讓人口水直流，爪腳齊全，蝦肉肥厚龍蝦撲上生粉，汁水都因而得以鎖住，蝦肉鹹香鮮美不失水分，吃得出出龍蝦啖啖的甘甜味。龍蝦肉與上湯底都鮮甜味，伊都軟硬適中，相得益彰，好吃！日本青芥安格斯牛柳粒安格斯牛柳粒切得大小適中，一口一粒，油脂豐盈甘香，口感軟滑，肉味濃郁，以萵笋一起爆炒，滿滿都是牛油香與爽甜。魚香茄子海參煲一上檯吱吱作響，醬汁與茄香一起爆發，鹹魚點睛，帶有「魚香」，茄子飽滿地吸收惹味的醬汁，加上豬肉的香，材料簡單，顯出師傅的功力，海參更是突顯菜色矜貴。

第一次嚟酒店飲茶，食物水準真係唔同啲！叫咗幾籠點心同灌湯餃，全部都好足料同好味！鮮蝦腐皮卷 - 煎得好香口，點喼汁一流。奶黃流沙包 - 最基本梗係要流心啦！個奶黃唔會好甜，食咗兩個都唔會滯。蟹籽燒賣 - 粒粒都好結實，蝦又大隻。豉汁排骨鳳爪 - 排骨好滑，唔嚡。白胡椒濃雞湯灌湯餃 - 雞肉好滑，個灌湯餃絕不欺場，入面唔係肥豬肉，而係滑雞胸，真係貨真價實。見到而家晚市做緊優惠，叫一碟正價小菜，再送多碟，都幾抵。呢度坐得舒服，又好食，絕對對得住個價錢！

最近見到有人介紹呢間白胡椒蟹好似幾正　今日就去試下招牌白胡椒蟹　上手已經覺得好大隻　用鐵鍋上　香味更加出胡椒味好重　聞到已經流口水餐廳好貼心準備左手套，鉗同濕紙巾比你開蟹胡椒味加埋薑粒洋蔥去煮個汁　充滿一陣陣香辣味　非常惹味肉質都好好　仲充滿肉汁　好有蟹的鮮味黑椒牛仔骨好耐無食牛仔骨　又想食下牛仔骨份量唔少　仲好大件加埋用左唔少洋蔥煮　味道都ＯＫ啫啫唐生菜煲呢個估唔到都幾驚喜唐生菜用左呢個整法好新鮮　未試過有唔少的蝦乾仔來煮令生菜帶有天然咸香　好正又熱辣辣不過係比較油Ｄ　好配到飯重口味人士一定好鐘意

今天難得放假，回家帶媽媽出去飲個靚茶，想坐得舒服又想高級得黎食到平民價，位於萬怡酒店一樓既呢個譽宴係首選。12點鍾左右黎到，仲未有太多人黎食中午，所以都唔洗等位，服務員態度好好同好有耐性，果然係酒店既服務。我地點左六樣點心：金磚脆豆腐：熱辣辣，必點，外脆內軟。黑松露蝦餃之王：黑松露味道超香，第一次配搭住蝦餃食，西式得黎係中式既味道。南翔小籠包：新鮮出爐，皮薄咸靚，裡面好多汁。乾鍋醬金錢肚：心型碟裝住，幾特別，味道剛好，唔會好難咬。蠔皇叉燒包：叉燒同個汁都好濃，且好大個，食一個已經好飽。芝士蝦春卷：芝士味濃，點埋喼汁一樣好食。

網上睇到佢晚市小菜做優惠，同埋當造澳洲龍蝦，決定再黎食過先黎一份前菜開下胃～好多朋友都話呢間海鮮好抵食，同埋用料好新鮮。今期熱推澳洲龍蝦上湯焗澳洲龍蝦配伊麵 $688熱心的侍應話每客龍蝦都重最少一斤四両，上菜時已經拆好哂肉，一夾就食得，岩哂我呢啲懶人。龍蝦肉好實，口感非常好，配上上湯汁，無得頂。呢道餸抵食嘅地方係佢仲自動配埋伊麵，唔洗額外加錢，正脆皮燒雞 半隻 $198熱辣辣嘅燒雞，一燒好就上菜，一食入口仲係好脆身。雞肉好嫩口，好juicy，無得彈紅燒竹笙菌皇豆腐 $128好特別的一道菜，所以試試，有驚喜。紅燒豆腐好有口感，我自己好中意食竹笙，原來係咁夾，食左一輪肉後食，令個人感覺無咁heavy最後仲有甜品送，今次係紅豆糕，啖啖紅豆，為今晚晚餐畫上完美句號

阿媽話疫情期間好耐冇飲茶，今日就孝敬下佢老人家，石門呢間酒店裏面有間中式酒樓，不過門口就要喺另一邊入，呢間星海薈裝修都好靚，而且人流較少，冇平時酒樓嘅嘈雜聲，適合靜靜地傾偈。求其嗌左幾個點心，冬筍鮮蝦餃隻蝦好大隻，夠新鮮。蠔皇叉燒包一籠三個，唔會太多肥肉，都OK。比較特別嘅係安格斯和牛腸粉，啲牛肉真係比較有牛味，同平時嘅腸粉唔同！鮮蝦腐皮卷我都推介，外皮夠脆，蝦膠都彈牙，好味呀！仲有薑蔥蒸牛柏葉，份量都幾多，薑蔥味好出，邊食邊嘆茶都係幾好。另外特登叫咗兩碗白胡椒濃雞湯灌湯餃，胡椒味幾重，飲完好暖胃，隻灌湯餃超大隻又足料，仲有一件雞，所以食完都飽飽哋。

今日同媽媽去咗嘆茶～叫咗啲點心及菜！▶️南翔小籠包皮幾薄，入面夠汁，肉又唔老，幾好食😋▶️安格斯迷你腸粉腸粉夠滑，餡料夠飽滿。安格斯牛肉好香，有調味～▶️北菇蟹柳綿花雞好多魚肚，夠林身～ 雞用上雞髀肉好滑～▶️蝦乾迷係珍珠雞蒸得夠時間，夠林夠足料，有蝦乾鮮味～一份有兩隻～▶️鮮茄濃湯浸菜苗健康又好味😋蕃茄新鮮，菜苗翠綠，新鮮爽！▶️桂花蜜脆麻花桂花香味配上蜜糖又清甜～呢度服務唔錯，飲茶來講幾舒服！

今天親戚生日，就去了他家附近的餐廳，跟他慶祝一下，順便大吃一餐！紅燒煲仔鮑翅（１８８元／位）這個真的比想像中的要大的一鍋，魚翅的份量比想像中的要多，拌以芽菜在下面。湯汁香濃幼滑，配合上滑嫩鮮香的魚翅，吃起來會感受到魚翅的膠質在你口中停留，餘香十足！如果覺得有點膩的話，還可以配上醋來一起吃，看你個人喜好！薑蔥焗美國桶蠔（１８８元）朋友好喜歡吃蠔，所以叫了一份這個來吃！剛送到的時候，鍋還是很熱的，而且桶蠔是裹上粉漿再經過油炸，才用薑蔥焗的，所以吃起來桶蠔的外面還是帶點脆脆的和脆漿又有點ＱＱ的感覺，配合上濃香的薑蔥汁，入口外脆內軟，桶蠔的鮮嫩多汁，又完全不腥，連我不是對蠔太感興趣的也覺得很好吃！欖菜豚肉崧四季豆（１２８元）吃太多肉對身體不好，那麼當然要點一份菜來平衡一下了！不過這個還真的很不錯，超級好下飯的，廚師炒得鑊氣十足，那種剛好焦化的感覺真的是很好，味道濃香，但四季豆的火喉剛好，還保持鮮嫩，完全會令人不知不覺地把飯一口氣吃光！燒汁益生菌南美參（１６８元）這道菜很明顯的是有兩款主角，分別是益生菌和南美參！益生菌大約用了３款茹一起去炒，炒完以後吸滿了燒汁，吃起來特別鮮甜多汁！而南美參混合了

石門有好多高質嘅酒樓和餐廳，今次同事帶我去呢間裝修好靚，環境坐得好舒服又寬敞嘅星海薈中午時段唔算太多人，所以空間感非常足夠，坐得好舒服。呢度都有好多唔同傳統點心，啱晒喜歡飲茶廣東點心嘅我哋，所有都新鮮即叫即做，所以質素都好高。蝦餃脹卜卜，賣相好靚，一睇就知裏面嘅材料非常豐富。蝦肉爽口彈牙，亦唔會太鹹。鹹水角新鮮炸起，味道非常好，同時個皮夠煙韌，好好食。小籠包一籠三粒，個皮都算博，如果入邊再多啲湯就會好，但整體都OK嘅。腸粉賣相都好靚，個皮好食啊，值得一試。

黎到沙田石門，大家都知道京1京2廣場有好多美食，但有間位於附近酒店既隱世中菜大家經常忽略。我地都係被呢度既小菜免費3選1所吸引，魚、蝦球、雞，只要叫晚市任何一款小菜都會送其中一樣🤤🤤。首先，叫個青芥末牛柳粒，以想不到既驚喜，微微既青芥末醬沾左係每一粒牛粒上，解去本身肉味既油脂感。牛柳粒外面煎香好味😋、入面依然軟淋，加上瓜粒既平衡配合，食落好舒服好好食。第2個小菜就叫左個鹹魚雞粒豆腐煲，豆腐煲一上台就香味四溢，煲仔燒到超熱，逼晒成碟菜既香味出來，雞粒豆腐都煎香過，配上濃郁既醬汁，配飯食一流！特別一提既係佢地用上好多薑蓉粒係煲入面令味道更突出，食落配合得天衣無縫。最後因為我倆好耐冇食龍蝦伊麵，為左過過口癮叫左個上湯龍蝦伊麵，龍蝦肉以澳洲龍蝦製成，估唔到咁新鮮！！龍蝦肉煮得剛剛好，鮮甜味唔會因為上湯而鹽蓋。肉質彈牙，上碟時大部分既蝦肉都輕輕痴在肉上，拆肉容易👍🏻👍🏻。伊麵吸收晒上湯同龍蝦汁精華都好入味。食到呢度都已經好飽好滿足了。整體而言，呢間中菜行高級路線，但收費合理，晚市優惠亦相當吸引，環境在酒店樓下相對十分舒適，經理及員工亦好親和，住附近既朋友絕對值得一試！

高質素嘅中菜唔易搵，搵得到嘅時候就會覺得咁遲先搵得到佢，終於可以搵到好地方同屋企人食飯。佢哋有盆熱水俾我哋洗啲碗筷，就算啲碗筷已經好乾淨，呢個舉動都可以令食客更加安心。黑蒜螺頭燉雞湯呢個湯一打開個蓋就聞到好香嘅黑蒜味，個湯舀起上嚟好足料又唔油，亦都會見到啲螺頭同埋肉，而啲肉咬起上嚟唔會似出邊嗰啲湯渣咁好難咬開，飲起上嚟好舒服，黑蒜殺下菌令自己感覺舒服啲。上湯澳洲龍蝦今晚嘅主角係澳洲龍蝦！龍蝦大約重一斤四両，肉來講都算好多，食落去覺得啲肉緊實得黎好爽口，一啲都唔霉。另外嗰個汁唔會好鹹，個人來講覺得上湯好過芝士，因為佢冇咁漏。伊麵底有啲上湯同埋龍蝦嘅鮮味，我都食咗幾碗。招牌菠蘿咕嚕肉菠蘿咕嚕肉大家平時就食得多，但係好少機會會食到想下次再嚟食，而呢度嘅咕嚕肉我就有呢個感覺。先講個汁，佢個汁唔係死酸嗰種，亦唔係瑩光汁，而係酸酸甜甜包住每粒咕嚕肉，令炸漿好薄又炸得脆嘅肉有糖衣，夾起身放落碗嗰下有清脆嘅聲，出奇地咬落啲肉又唔韌。士多啤梨脆蝦球呢個蝦球同菠蘿咕嚕肉有啲類似，佢都做到外脆內軟，而個皮就似冰糖葫蘆咁有啲通透，同埋個士多啤梨汁真係有士多啤梨肉同埋啲汁嘅味一啲都唔假，蝦肉爽身有鮮味。

呢排做野好忙，好耐無同屋企人食飯喇～難得呢日放假就帶屋企人去飲茶😃平時都係去開海x酒家個d飲茶，見呢排咁辛苦就同屋企人都附近間靚靚地既酒樓試吓啦😂呢間酒樓無左平時d好嘈吵既聲，而且地方都坐得好舒服👍🏻👍🏻 見佢d價錢比起海x酒家都唔係貴好多，但係就食得舒服好多～小弟無咩胃口所以只係點左幾個點心～蟹籽燒賣皇 粒粒都好大粒，即叫即蒸好新鮮👍🏻食一粒都已經feel到飽飽地😂水晶菜苗餃呢個菜苗餃脹卜卜，入面勁多料！塞滿哂豆苗，仲有大大粒蝦，好滿足🤩北菇蟹柳棉花雞份量都幾多！有三個大大舊既”棉花”😂d雞都蒸得好滑😋蒜蓉炸春卷雖然唔係太食得出蒜茸味，不過就食得出係即叫即炸👍🏻外表脆卜卜但食完又唔會覺得好油膩～同其他點心一樣，入面有好大隻蝦🤩碧玉鮮蝦腸粉腸粉最緊要就係個皮，而佢個皮做到好滑但又唔會好厚，可以好清楚睇到入面d料🤩雖然佢切到細細舊，不過每一舊都有原隻蝦係入面😍😍湯灼靚菜遠好少飲茶會叫菜食，不過呢排真係食得好少😂d菜好新鮮好靚，顏色好綠😆同埋d徑好脆，清清地食碟菜健康下😋

朋友喺石門返工，佢剛收到通知喺呢個市道竟然有人工加！開心到飛起，所以決定邀請我豪食一餐！佢選擇咗佢公司附近喺酒店裡面既中菜廳，而且有泊車優惠，非常方便！內在環境都幾靚，氣氛唔錯呀!一坐底就有熱水比我地洗吓D餐具，喺疫情中，衛生都真係好重要，我地即刻放心哂！睇返MENU，樣樣都好吸引，而且仲有優惠添！澳洲龍蝦伊麵$688~龍蝦份量足，與MENU顯示既「約一斤四兩」乎合，而且肉質非常新鮮彈牙，最重要係好入味，而伊麵口感好好，每條都沾哂汁，YUMMY!!蜜燒黑豚肉$168~半肥瘦既位置永遠都係最好既！唔會柴亦唔會太多脂肪，口感香軟，蜜味香濃，真係好滿意~啫啫馬友蝦乾炒芥蘭$128~個砂鍋嚟到既時間仲係非常熱，侍應會喺面前炒幾吓，D馬友、蝦乾味立即撲鼻而來，垂涎三尺呀........保留到芥蘭爽脆口感，仲非常惹味添！桂花糕(贈送)~用清甜既桂花糕清一清味蕾，完美為呢一餐作出結尾~必須一提，侍應態度好好仲好樂意幫忙換碟，真心抵讚！

呢間星海薈酒樓位於沙田安平街1號，這間酒樓環境都算唔錯，坐落地方感覺都好寬鬆舒適😙，其實呢間酒樓座係某間酒店樓下，所以感覺好似好有質素感🤔.脆網太子腸粉這碟腸粉賣相都唔錯🤔，睇落都好吸引😮，去嘅外皮軟綿綿，食到入口好軟滑又夠薄身，尤其是去嘅饀料真係好突別🤔，係用米漿攞去搾成脆網放入腸粉裹面，再加入D帶子一齊，食到入口十分之有口感🤔，外軟內脆又食到鮮甜嘅帶子😋，真係有創意又有水準👍!.香蒜水晶粉蒸鮮魷賣相都唔錯🤔，好香蒜蓉嘅味道😙，去嘅鮮魷軟硬適中，又唔會過韌，咬落都好有口感🤔，味道都唔錯😋，去嘅水晶粉都好通透，食到入口感覺都好軟滑!.冬筍鮮蝦餃蝦餃外皮通透又夠薄身，食入口感覺都好軟滑🤔，整隻蝦餃份量十足，包滿全隻都係鮮蝦😮，咬入口十分之爽口，味道十足😋!.南翔小籠包望落唔錯嘅賣相😍，當我第一啖咬落小籠包即時爆汁，去嘅汁液味道都好正😋，D饀料又夠腍身，外皮咬落去都好烟韌又有口感🤔!.香煎豆沙軟餅望落好精緻嘅賣相，通透軟綿綿嘅外皮，咬落豆沙餅到都好烟韌，口感都唔錯🤔，加埋去D豆沙餡料食令到豆沙軟餅更加好食😋😙!.麥胚芽馬拉糕賣相睇落都唔錯🤔，望落好似好好食🤔😋，細細籠馬拉糕好香特別嘅味道😙

石門食乜東東好？之前幫襯過茶市。走黎試下晚飯先🥰。紅燒煲仔翅～店員推介嗌咗黎試試😃。Wow😍翅好大梳丫。有芽菜墊底。翅夠曬入味。唔洗加醋已經不得了😛。咦。。白胡椒蟹做Promo🤩。😱原來每隻有斤半重。隻🦀上咗枱先淋汁。煙霧瀰漫🤣。聞到已經好惹味丫😜。白胡椒食落有d辣。我一路食一路流鼻水🤭失禮晒。味道調配得好好。我同媽咪都讚好👍🏻。🦀殻好多膏🤩。膽固醇？唔理lu😅。🦀鉗好大隻。千祈唔好用牙咬😆。啖啖肉😝。正到冇朋友。三鮮海皇什菜煲～入面有蝦。帶子，蚌。🍄。什菜。粉c。好足料。唔洗叫飯已經飽飽了😎。