星海薈﹒譽宴

營業中

休息中

#哈比四圍食平時返工出去食晏成日都係食茶記，有陣時真係食到悶，就約埋幾個同事仔去嘆番一盅兩件，嘆完之後再返去做嘢心情都靚啲😁脆網帶子腸粉薄薄嘅腸粉皮，入口好滑，入面包住一層脆卜卜嘅嘢再包住啲鮮甜嘅帶子，口感好豐富冬荀鮮蝦餃晶瑩剔透嘅蝦餃皮，唔太薄唔太厚，入面包住滿滿嘅蝦肉，十分爽口白胡椒濃雞湯灌湯餃平時食開嘅灌湯餃嘅湯底都係好平平無奇加啲醋落去食咁樣，但係呢一度嘅灌湯餃好真材實料連湯底都好香濃，絕對唔建議加醋，咁樣會破壞咗湯底嘅鮮甜味叉燒包即叫即正大大個嘅叉燒包，趁熱食一流炸春卷熱辣辣脆卜卜，入面全部都係蝦肉，超正.➡️ 譽宴．星海薈 (沙田)沙田安平街1號香港沙田萬怡酒店1樓

呢個星期放假所以特登約左個fd食晏去左佢返工附近飲茶佢就好啦我返工附近無野食㗎🥲叫定啲點心等佢而家飲茶咁好俾晒成盤熱水我洗碗筷乾淨衞生好多！揀左佢最鐘意嘅蝦餃同我鐘意嘅春卷！同其他幾樣野～開心❤️碧玉鮮蝦腸粉皮薄餡靚蝦肉彈牙芝士蝦春卷芝士拉絲㗎！蝦肉一樣鮮味XO醬炒蘿蔔糕蘿蔔糕超厚切XO醬微辣如果想再辣少少加啲辣油食仲惹味！金錢肚非常濃味牛肚爽口有咬勁蝦餃都唔錯配上黑松露更添香氣再加多個菜苗仔上湯幾香濃菜苗嫩口清爽食飽飽又佢繼續下午嘅工作我又去扮靚靚～

今日同朋友到石門譽宴慶祝，招牌白胡椒蟹依家有優惠覺得唔可以錯過，大肉蟹一上檯就覺得值了，好大應該有斤半重，鐵板上啲蟹玆玆响，胡椒味撲鼻而來，香中帶辛，忍唔住剝殼，粉中带白仲有啖啖啲胡椒香，味辛唔辣，非常惹味，蟹肉好飽滿結實且鮮甜細嫩，食得好滿足！薑蔥龍蝦雞煲：呢道體現「鮮」味，龍蝦肉厚肉質彈牙爽嫩，雞肉嫩滑，在薑蔥爆炒下味道更突出。金銀蛋浸時蔬：新鮮啲白菜仔配上鹹香啲鹹蛋同口感Q軟啲皮蛋，係一道美味又清爽啲佳餚。湯汁都好好味，唔會好鹹。甜品係杞子桂花糕，有啖啖桂花香味，彈牙軟滑，清甜美味。唸住再來幫襯，因為酒樓在做優惠「免費晚飯菜式三選一」真啲好抵！餐廳啲服務好好👍

這次去了石門探朋友，去了一家位置酒店裡的酒家，這家店舖在港有數家分店。之前吃過其他分店，覺得不錯所以再來🙈。店舖環境雖然比其他分店細，但環境舒適涼快的。💥南翔小籠包 HKD$38，這個很喜歡吃，一份有3件，小籠包的外皮薄薄的。裡面肉汁豐富，口感煙韌惹味。吃的時間要小心一點，以免弄髒衣服🤣。💥冬荀鮮蝦餃 HKD$43，這個賣相晶瑩剔透，還要是脹卜卜的賣相😍，這個一份有4隻。蝦肉肉質爽口彈牙，外皮煙韌，整體味道不錯。💥脆網太子腸粉 HKD$38，這個賣相平凡，但口感脆卜卜的🤤。用米漿炸成的脆網，口感不會感到油膩。脆網包在腸粉裡口感更豐富，加入醬汁味道更😆。💥香煎豆沙軟餅 HKD$33，立個一份有三件，質平常見開的不同。這個口感煙韌軟糯，豆沙味道甜甜的。味道需然簡單，但味道不錯的🤩。💥麥胚芽馬拉糕 HKD$33，這個是傳統的中式點心，現在的混入其他口味，令到味道更香更甜😍。這個馬拉糕味道甜甜的，口感濕潤鬆軟，還散發著胚芽香味。食物質素不錯，我們也喜歡吃的，價錢一般。

今日放工約左屋企人食飯, 同屋企人食飯一定係揀食中菜, 因為一定岩佢地口味呢間中菜廳環境相當好, 地方大之餘, 枱與枱之間都有一定距離, 仲有就係環境好乾淨, 佢會比一大盤好熱好熱既滾水比你洗餐具, 咁就食得好放心見佢個胡椒蟹做緊promotion $468蚊足足有斤半重, 屋企又鍾意食蟹, 就叫左一隻, 呢隻蟹係用鐵板上枱, 夠晒鑊氣, 蟹超巨型, 個蟹鉗有手掌咁大隻, 食落真係啖啖肉, 火喉控制好好, 唔會煮過火仲叫左D小菜, 金銀蛋莧菜: 金銀蛋份量都好足, 菜都幾爽口拔絲菠蘿咕嚕肉: 呢個好好味, 咕嚕肉炸到好脆口, 咬落去”索索”聲, 醬汁調味都好出色, 餸飯好正 日本青芥牛柳粒: WASABI 同牛柳粒原來咁襯, 牛柳粒剛熟, 連西芹配菜都吸左WASABI味, 食得好過引

放假最好嘅活動就係同屋企人飲茶，今日就揀咗嚟沙田呢間係萬怡酒店內，環境非常優美嘅地方嘆茶。開完茶之後，仲附送了有一碟餐前小食。蜜汁叉燒一層薄薄的蜜糖塗在半肥瘦的叉燒上，外皮燒至燶邊，但肉汁鎖在叉燒內，咬下去香味充滿着口腔。黑松露蝦餃之王一碟四粒，外皮晶瑩剔透，好香嘅松露香味，配上大大隻鮮蝦，蝦肉新鮮，爽口彈牙。南翔小籠包不單止皮薄餡靚，豬肉餡料比例好，豬肉順滑，肉鮮味香，裏面肉汁更多到不得了，咬下去超juicy 。北菇蟹柳棉花雞飲茶必叫嘅港式點心，棉花雞好足料，有冬菇魚肚及雞件，棉花好滑，而且雞唔會太肥，雞件鮮嫩。鮮蝦腐皮卷腐皮卷炸得非常香脆，香脆中夾雜了蝦肉的爽彈。蠔王叉燒包從深深的顏色就可看出叉燒入味，剝開兩半，裏面滿滿是叉燒，餡料豐富。

今日同同事嚟咗呢度嘆茶，環境好有婚姻feel, 燈光浪漫😍一坐低就有工具洗餐具👍🏻👍🏻腸粉❤️粉皮滑嫩，唔會太厚太粉，餡料滿滿😋鳳爪❤️ 份量非常多，醬汁惹味😍奶黃包❤️即叫即蒸，熱辣辣，唔會太甜，滿足的流心效果😋燒賣❤️豬肉蝦肉豐富，口感彈牙椒鹽豆腐❤️外皮脆身，外脆內嫩，椒鹽味突出🤤🤤鹹水角❤️炸得香脆， 材料滿滿！ 見到晚市更有免費三選一優惠，好抵😍下次可以約埋屋企人嚟呢度晚餐😘

今日黎返我好鍾意既酒樓食飯最鍾意呢道地方闊落又坐得舒服~~靜靜地傾計一流!!而且侍應既服務又非常好餐牌有多款小菜, 有套餐, 又有孖寶優惠~~白胡椒蟹套餐~~最正就係餐廳而家做緊晚飯菜式3選1優惠~~~有得揀魚, 大蝦球或燒雞, 超抵食喔!!胡椒焗大肉蟹🦀 $468大大隻肉蟹好澎湃又吸睛!!!一上枱就香噴噴夠晒穫氣~~~胡椒味好香好惹味, 味道亦唔算好辣...個汁真係好好好正丫!!!!! 好好味肉蟹好大隻, 啖啖肉~而且好新鮮, 肉質結實新嫩必食之選!!!!孖寶 $328 (薑蔥龍蝦滑雞煲+金銀蛋浸時蔬)薑蔥龍蝦滑雞煲🐥薑蔥爆得好香~~龍蝦新鮮肉厚, 肉質彈牙爽嫩, 鮮味十足雞就夠嫩滑食左好多惹味既菜式之後當然要食返D蔬菜中和下啦...金銀蛋浸時蔬就岩晒喇~~~今日既時蔬係白菜仔, 白菜仔清甜爽脆....個湯汁好味到俾我飲晒添, 哈哈!!最後餐廳送埋個甜品--紅豆糕紅豆糕唔太甜, 軟硬度剛好

前排跟朋友湊完女女到石門學興趣班之後就揾個地方飲下茶就到咗萬怡酒店星海薈嘆下黑松露蝦餃之王 $43黑松露味濃蝦肉亦大大粒 山竹牛肉球 $28牛肉蒸得剛剛好木魚花燒汁茄子 $33茄子好入味 入口淋身 估唔到又好match喎 芝士蝦春卷 $38 春卷香脆 咬落去芝士慢慢流出但食完唔會太膩脆網蘿蔔絲腸粉 $38蘿蔔絲好鬆脆 入口好有口感平日不太好蘿蔔 但意外地感到好好味鮮茄濃湯浸菜苗 $50濃湯浸煮 豆苗入味 而且份量俾我想像中多以酒店內酒家來講星海薈價格走大聚化價錢而家晚餐如果惠顧正價小菜一款每檯（兩位以上）可免費品嚐以下菜式 （三選一）清蒸海虎斑仔/拔絲咕嚕大蝦球/脆皮芝麻燒雞幾抵食😋

石門坐得最舒服的中菜廳，非星海薈莫屬吧！餐廳樓底高，設計用色都 高貴典雅，坐得舒服，一入門口， 以水晶燈大道 貫徹整個大廳，突顯高貴感， 超靚的。枱與枱之間闊落， 坐得舒服 。 用膳環境與氣氛都非常一流。服務更係不用置疑，一坐下店員已送上滾水洗碗，安心，乾淨，衛生。澳洲龍蝦 送伊麵底食襯澳洲龍蝦我都只會去中菜廳，皆因師傅處理原隻生猛龍蝦駕輕就熟。一整碟龍蝦伊麵上菜時已經讓人口水直流，爪腳齊全，蝦肉肥厚龍蝦撲上生粉，汁水都因而得以鎖住，蝦肉鹹香鮮美不失水分，吃得出出龍蝦啖啖的甘甜味。龍蝦肉與上湯底都鮮甜味，伊都軟硬適中，相得益彰，好吃！日本青芥安格斯牛柳粒安格斯牛柳粒切得大小適中，一口一粒，油脂豐盈甘香，口感軟滑，肉味濃郁，以萵笋一起爆炒，滿滿都是牛油香與爽甜。魚香茄子海參煲一上檯吱吱作響，醬汁與茄香一起爆發，鹹魚點睛，帶有「魚香」，茄子飽滿地吸收惹味的醬汁，加上豬肉的香，材料簡單，顯出師傅的功力，海參更是突顯菜色矜貴。

第一次嚟酒店飲茶，食物水準真係唔同啲！叫咗幾籠點心同灌湯餃，全部都好足料同好味！鮮蝦腐皮卷 - 煎得好香口，點喼汁一流。奶黃流沙包 - 最基本梗係要流心啦！個奶黃唔會好甜，食咗兩個都唔會滯。蟹籽燒賣 - 粒粒都好結實，蝦又大隻。豉汁排骨鳳爪 - 排骨好滑，唔嚡。白胡椒濃雞湯灌湯餃 - 雞肉好滑，個灌湯餃絕不欺場，入面唔係肥豬肉，而係滑雞胸，真係貨真價實。見到而家晚市做緊優惠，叫一碟正價小菜，再送多碟，都幾抵。呢度坐得舒服，又好食，絕對對得住個價錢！

最近見到有人介紹呢間白胡椒蟹好似幾正　今日就去試下招牌白胡椒蟹　上手已經覺得好大隻　用鐵鍋上　香味更加出胡椒味好重　聞到已經流口水餐廳好貼心準備左手套，鉗同濕紙巾比你開蟹胡椒味加埋薑粒洋蔥去煮個汁　充滿一陣陣香辣味　非常惹味肉質都好好　仲充滿肉汁　好有蟹的鮮味黑椒牛仔骨好耐無食牛仔骨　又想食下牛仔骨份量唔少　仲好大件加埋用左唔少洋蔥煮　味道都ＯＫ啫啫唐生菜煲呢個估唔到都幾驚喜唐生菜用左呢個整法好新鮮　未試過有唔少的蝦乾仔來煮令生菜帶有天然咸香　好正又熱辣辣不過係比較油Ｄ　好配到飯重口味人士一定好鐘意

今天難得放假，回家帶媽媽出去飲個靚茶，想坐得舒服又想高級得黎食到平民價，位於萬怡酒店一樓既呢個譽宴係首選。12點鍾左右黎到，仲未有太多人黎食中午，所以都唔洗等位，服務員態度好好同好有耐性，果然係酒店既服務。我地點左六樣點心：金磚脆豆腐：熱辣辣，必點，外脆內軟。黑松露蝦餃之王：黑松露味道超香，第一次配搭住蝦餃食，西式得黎係中式既味道。南翔小籠包：新鮮出爐，皮薄咸靚，裡面好多汁。乾鍋醬金錢肚：心型碟裝住，幾特別，味道剛好，唔會好難咬。蠔皇叉燒包：叉燒同個汁都好濃，且好大個，食一個已經好飽。芝士蝦春卷：芝士味濃，點埋喼汁一樣好食。

網上睇到佢晚市小菜做優惠，同埋當造澳洲龍蝦，決定再黎食過先黎一份前菜開下胃～好多朋友都話呢間海鮮好抵食，同埋用料好新鮮。今期熱推澳洲龍蝦上湯焗澳洲龍蝦配伊麵 $688熱心的侍應話每客龍蝦都重最少一斤四両，上菜時已經拆好哂肉，一夾就食得，岩哂我呢啲懶人。龍蝦肉好實，口感非常好，配上上湯汁，無得頂。呢道餸抵食嘅地方係佢仲自動配埋伊麵，唔洗額外加錢，正脆皮燒雞 半隻 $198熱辣辣嘅燒雞，一燒好就上菜，一食入口仲係好脆身。雞肉好嫩口，好juicy，無得彈紅燒竹笙菌皇豆腐 $128好特別的一道菜，所以試試，有驚喜。紅燒豆腐好有口感，我自己好中意食竹笙，原來係咁夾，食左一輪肉後食，令個人感覺無咁heavy最後仲有甜品送，今次係紅豆糕，啖啖紅豆，為今晚晚餐畫上完美句號

阿媽話疫情期間好耐冇飲茶，今日就孝敬下佢老人家，石門呢間酒店裏面有間中式酒樓，不過門口就要喺另一邊入，呢間星海薈裝修都好靚，而且人流較少，冇平時酒樓嘅嘈雜聲，適合靜靜地傾偈。求其嗌左幾個點心，冬筍鮮蝦餃隻蝦好大隻，夠新鮮。蠔皇叉燒包一籠三個，唔會太多肥肉，都OK。比較特別嘅係安格斯和牛腸粉，啲牛肉真係比較有牛味，同平時嘅腸粉唔同！鮮蝦腐皮卷我都推介，外皮夠脆，蝦膠都彈牙，好味呀！仲有薑蔥蒸牛柏葉，份量都幾多，薑蔥味好出，邊食邊嘆茶都係幾好。另外特登叫咗兩碗白胡椒濃雞湯灌湯餃，胡椒味幾重，飲完好暖胃，隻灌湯餃超大隻又足料，仲有一件雞，所以食完都飽飽哋。