星海薈﹒譽宴

營業中

休息中

近近地又黎咗石門嘆茶☕️。飲啖茶食個包真係好Relax🥰。一坐低遞上一大盤出煙滾水俾我地洗餐具。食得放心❤️。💫奶皇流沙包奶皇又香又滑。輕輕一夾真係流出黎架🤪。次次黎都一定要點黎食😋。奶皇包熱辣辣上枱。食嗰陣小心燙口☺️。💫芝士蝦春卷一夾扯出長長芝士。芝味度爆燈🤩。💫黑松露蝦餃蝦肉爽口彈牙。皮薄薄的。食起上嚟滿滿黑松露味道😋。💫香茜叉燒腸粉晶瑩剔透。餡料豐富。芫荽多d味道更加好😬。

屯馬線嘅開通，令大家去新界地方其實就更加方便。今日我就趁早咗放工，就專登又嚟咗石門，晚餐有一啲輕柔嘅音樂，令人都放鬆既。次次食最欣賞服務態度，會好貼心咁樣幫你換過一隻新嘅碟，一入到去佢亦都煲滾左啲水俾我哋洗杯杯碟碟。首先，我哋叫咗一個上湯焗龍蝦，特別要提嘅係佢係用澳洲龍蝦，附送伊麵底。一嚟到，就已經芬香撲鼻，佢用咗蔥同埋紫洋蔥去炒，對於我來講用紫洋蔥煮都幾新奇。有圖片可以見到，佢啲龍蝦肉真係好新鮮，而且肉同殼好意就分離，證明係好新鮮，同埋好彈牙。同埋值得一題嘅係，原來用咗紫色洋蔥同埋蔥炒係會令到龍蝦嘅鮮味更突出。因為普通嘅酒樓或者中菜廳佢哋會用芝士去炒，咁就會比較油膩。再講下佢嘅伊麵，本身我見到佢有炒芡汁，以為啲面會黐埋一舊，但點知佢每條分明，好易入口，又香又滑。之後我哋叫咗一個魚香茄子海參煲，呢一道菜簡直係色香味俱全。睇得出大廚為咗突出魚香嘅味，用咗好多配料去炒，例如係洋蔥，辣椒，同埋蔥。見到佢咁香氣撲鼻，我哋就梗係要叫白飯去餸菜！呢道菜海參嘅數量比我想像中多，好似食極都仲有咁哈哈，同茄子嘅比例係差唔多1:1。海參好大牙，好開胃，所以我覺得呢個菜性價比都幾高。佢呢度最出名就係招牌菠蘿

見到石門開咗好多食肆，行遠啲會見到萬怡酒店，嗰度有間茶樓做緊胡椒蟹特價，所以帶我家媽媽去食！六點入座，冇咩人可以包場食飯添！招牌白胡椒蟹鐵板上枱咋渣聲，無論蟹鉗定係蟹殼都大得驚人，連蟹腳仔都啖啖肉！白胡椒味好出，帶點微辣更加惹味，伴碟嘅洋蔥預先同隻蟹爆香過，另外由於用鐵板嘅關係所以隻蟹唔驚好快就凍。298呢個價錢真係抵到爛！菜遠炒安格斯牛肉牛肉個份量好多又夠淋， 完全唔鞋仲有好濃郁嘅牛味。墊底嘅菜心亦都有用紅椒黃椒炒過，略嫌有小小油～者者馬友蝦乾炒芥蘭蝦乾好香，芥蘭搣到一小扎，食落更香口。由於有薑粒，所以芥蘭平時會有嘅苦澀味都癖去！燒汁益生菌南美參醬汁調味啱啱好，擺盤又靚又講究，南美參爽口厚肉，雜菌切得細碎好入味 。服務人員態度好好，不是幫我哋換碟，而且一坐低就已經放咗一盆熱水俾我哋消毒碗筷

一盅兩件，是不少香港人的生活日常，傳統的粵式的點心配合一杯濃香的中國茶，悠閑地飲杯茶、食個包，的確是一件賞心樂事。屯馬綫開通後，石門變得更方便，今日和朋友來到石門萬怡酒店內的譽宴.星海薈飲茶，午市有點心、小炒、飯麵、燉湯、特色小食之外，還有多款商務套餐、午市孖寶等可供選擇。木魚花燒茄子（HK$28)👍👍👍👍👍茄子上饟了一層厚厚的蝦膠，所以口感比起常用的鯪魚肉較為彈牙。茄子先蒸然後再煎，所以裡面的肉十分軟糯，配合日式的木魚花和燒汁，增添了一點日式的元素。黑松露蝦餃之王（HK$38)👍👍👍👍👍飲茶必點的點心，一定是蝦餃。這個蝦餃之王更加入了黑松露，松露的獨有香氣令蝦餃的味道更加提升。蟹籽燒賣皇（HK$33)👍👍👍👍燒賣是蝦餃的好拍擋，有蝦餃就必定有燒賣。燒賣皇大大粒，蝦肉和豬肉的比例均勻。脆網蘿蔔絲腸粉（HK$33)👍👍👍👍👍簡單的腸粉有三種口感，腸粉皮滑，脆網脆口，蘿蔔絲軟滑，配合甜豉油，味道已很足夠。芝士蝦春卷（HK$33)👍👍👍👍金黃香脆的春卷包著鮮蝦和芝士，把春卷拉開可以看到芝士拉絲的狀態，長長的拉絲令春卷增添趣味性。麥胚芽馬拉糕（HK$28)👍👍👍👍👍原籠的馬拉糕，香香甜甜，可作

見宣傳話胡椒蟹震撼價$298，專登嚟呢度食晚飯。原來除咗白胡椒蟹特價之外，仲有三選一嘅晚飯推廣，心大心細之下都係食個白胡椒蟹先～超鮮味呀隻蟹，淋上秘製白胡椒汁，色香味俱全！仲有隻蟹已經扑到好易剥，膠手套、濕紙巾、蟹鉗齊全，非常貼心。中式嘅脆皮燒雞$198我最鍾意，鹹鹹地，香味十足，皮脆肉滑餸飯一流～金銀蛋莧菜$128都好味㗎，好多上湯，金銀蛋鋪滿莧菜面，鹹鹹地嘅上湯真係可以連湯都飲埋。換碟快，環境舒適，座位與座位之間夠晒闊落，呢餐晚飯唔錯～

近日疫情放緩，又到相約好友食餐好嘅時間！今次嚟咗朋友屋企附近嘅譽晏，入到去覺得環境好、空間夠大唔會嘈（呢個係有時我好怕飲茶嘅其中一個原因）。環境舒服得嚟，食物當然都好重要。第一道菜係黑松露蝦餃之王：啲蝦餃大大隻晶瑩剔透，啲蝦亦都好爽口，好味😋第二道菜：豉汁鳳爪蒸排骨，啲排骨好香滑，唔會太多肥膏，啱晒又為食又想keep fit嘅我哋😆第三道菜：家鄉鹹水角，新鮮炸起，香脆可口！第四道菜：白胡椒雞湯灌湯餃，呢個真係好啱女士食，淡淡的胡椒味好香亦可以去下啲濕氣。第五道菜：香茜叉燒腸粉，我係好茜得，所以啱晒我😂第六道菜：鮮茄濃湯浸菜苗，食完之後幫助消化暢通腸道，正！

補祝番父親節，帶二老食餐飯！爸爸揀左食中餐，食下海鮮！扇貝爸爸一直都對扇貝情有獨中，扇貝幾新鮮夠大隻，加左蒜蓉、䓤及粉絲黎蒸，傳統d簡簡單單，蒜蓉味濃夠野味！龍蝦伊麵底大大隻龍蝦，連爸爸都話要影相打咭！龍蝦夠厚肉、味道幾鮮甜食得出係新鮮，龍蝦肉容易刷開而伊麵索左d龍蝦精華幾入味 ！滿足！海參豆腐煲海參要浸功夫多平時很少煮黎食！呢個菜份量都幾多好多，海參炆得幾腍身，豆腐夠嫩好好食而且好入味！用黎餸飯岩岩好！酒樓仲有飯後甜點附送，爸爸對呢餐父親節飯都幾滿意，不錯呢會再幫襯！

今天請姨丈和姨吃晚飯，選了這家沙田的酒店中菜，我們一行6人可以在C區用餐。我們點了六道菜：招牌白胡椒蟹：這個味道好，可惜蟹比較削，不夠實肉，優惠特價菜，性價比算值。老虎斑兩味（碧綠炒球、蒸骨腩）：這個份量足夠，碧綠選用西蘭花，炒魚球味道正，蒸骨腩也很嫰滑。薑蔥桶蠔：這個有點驚喜，很多酒樓直接將蠔和薑蔥一齊煮，煮完很多水，這個師傅先將蠔走油包層薄薄的脆漿先炸，外脆內軟滑，美味可口。龍蝦滑鷄煲：野味、龍蝦只有半隻，鷄滑、精華在蒜子，味濃香。金銀蛋莧菜：正常但我不喜歡有肉碎連咸蛋一齊煮。馬拉糕：小籠即叫即製，鬆軟。總體來說是滿意的一餐。

譽宴·星海薈係香港有兩間分店，一間係銅鑼灣，另一間就係沙田萬怡酒店一樓，今次我就去左沙田分店。餐廳裝修得幾精緻，風格都同銅鑼灣分店一樣。上湯焗澳洲龍蝦（送伊麵）$688龍蝦好大隻呀，有好多肉，肉質彈牙，帶少少鮮甜，食落好滿足。伊麵唔會煮到過左火，麵條仲好彈牙。青芥安格絲牛柳粒 $168牛柳粒好好味，肉味香濃，脂肪唔會太多，入口亦好柔軟。西芹入口唔痴牙，亦都幾清甜。燒汁益生菌南美參 $168海參好爽口，調味調得幾好，帶有少少燒汁既甜味。冬菇等等都煮得幾入味，唔錯。整體黎講，我覺得依間酒樓既小菜煮得幾出色，今餐仲食到龍蝦，好開心。

平時西餐食得多，今日阿姨帶我去酒店食中菜😍🤍澳洲龍蝦伊麵底（$688）佢啲龍蝦肉好實淨彈牙，而且廚房已經幫你剝晒大部分既殼，真係啖啖肉！而且個伊麵好爽快，同龍蝦一齊食好夾評分：4.323/5🤍招牌菠蘿咕嚕肉（$148）佢個咕嚕肉甜酸汁調得好好，好開胃但唔會太酸，同埋佢個咕嚕肉外皮真係好脆，入變啲肉幾淋，幾滿意！評分：4.124/5🤍三鮮海皇雜菜煲（$148）佢個煲嘅料真係好多，完全唔孤寒，有帶子、蝦、粉絲、西蘭花等等！特別想提吓啲帶子同蝦真係幾大隻，而且鮮味十足！評分：4.181/5

好耐冇去酒樓食飯啦 又來到我覺得質素唔錯嘅譽宴 一坐低會比盆熱水你洗野 我覺得都幾貼心而家做緊買一送多一個餸嘅優惠 好抵食wo 望下menu有咩食先 我地叫左3個餸蜜汁黑豚肉 完全係厚切叉燒 肥瘦適中 好Juicy 我好鍾意啲蜜糖好甜呀 家常海參豆腐煲 上枱仲係渣渣聲 食返啲蔬菜類嘅中和下 豆腐炸得唔錯 海參切咗一粒粒好爽口 澳洲龍蝦伊麵 嘩好大隻龍蝦啊 新鮮龍蝦好彈牙 啖啖肉超滿足 龍蝦多過伊麵 食龍蝦都飽咗啊好豐富嘅一餐呀 環境舒適又唔會好嘈 所以屋企人都好鍾意嚟呢度食

中午很想吃點心，又要同同事傾野，唔想搵太噪吵嘅酒樓，呢間啱啱好，係酒店旁邊，環境衛生各樣都很好。起初以為好遠，原來由石門站行去也不用5分鐘，其實好方便！我們點了5個點心加一個菜，蝦餃和灌湯餃都一流，很足料，隻🦐好大隻，是必點項目！另外，咸水角真的很好味，平時很少吃，今次感覺有驚喜，上菜時還熱辣辣，餡料剛剛好，不會太膩！ 😋😋😋叉燒腸也很有水準，如果皮再薄啲就perfect , 整體非常之好, 尤其適合商務午餐。

飲茶文化是香港的特色，平日香港的茶樓總是有邊看報紙，邊品嚐點心及茗茶的伯伯。星期天就是和家人一起到酒樓飲茶聊天的地方。今天湊巧地到沙田分公司開會，同事已在萬怡酒店星海薈訂枱吃午飯。大門入口旁邊擺設了幾個不同動作的黃色公仔很可愛。酒樓是一間婚宴場地，餐桌及椅子都蓋上艷麗的紫紅色及銀色椅套。份外注目。我地點選了傳統的點心：黑松露蝦餃，新鮮彈牙蝦肉配上淡淡黑松露香氣，也是首次品嘗，已取滿分。山竹牛肉球肉質Q彈，沒有點兒腥味，點些喼汁更帶出牛肉的鮮味。南翔小籠包，食之前務必要小心，熱辣辣皮薄肉嫩注滿湯汁。蠔皇叉燒包微微裂開露出蜜汁叉燒，餡多料靚，已很吸睛。潮式粉果，餡料皮薄及煙韌，花生及沙葛都很爽脆。芝士蝦春卷都很特色，蝦肉彈牙，十分脆口。熱騰騰的點心加上禮貌的員工，不是每間港式酒樓都做得到的，值得推薦！👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

預早物色定父親節晚飯地點！決定試下呢間，因為話曬都坐落喺酒店入面，格局同食物質素應該有番咁上下！石門站行過嚟都幾方便，大約七分鐘～餐前小食 (間間酒樓都會有㗎啦)😏 呢間都算特別，當日係潮式鹹酸菜，都幾開胃😋 茶葉方面就係比較大眾化嗰啲，我哋揀咗鐵觀音☕一行兩人👫🏻叫咗兩個小炒🥣一個炒菜🥗同埋主角沙煲翅🤩真係食到捧住個肚走🤭🌟士多啤梨醬炒蝦球有驚喜💢我平時唔太喜好咕嚕醬嘅，但係呢隻草莓醬我又ok喎🍓裏面仲加入新鮮草莓粒🍓蝦球份量都算多🍤又好大隻，炸得好脆之後上汁～🌟芥末牛柳粒🐂配上窩筍粒～味道唔錯👍🏼唔會話好搶喉嘅辣！萵筍粒爽脆～🌟重頭戲：一人一煲沙煲翅💢店員話呢個佢哋週末大賣！佢哋會喺附近即席煲熱煲仔翅🤤然後熱辣辣上枱！魚翅都幾厚，有口感，另外加上大量幼身芽菜，食落多重口感‼️估唔到仲幾飽肚添‼️🌟椒絲腐乳通菜，份量足，四個人食都夠呀🤪調味唔錯！

位於酒店內的酒樓，成日以為結婚飲宴先有得食，點知原來都做埋正常餐飲生意，非常值得一試。位置坐落於石門，交通方便。外窗都是落地玻璃，可以睇到美景，眼睛同嘴巴都可以飽足。依家做緊好多優惠，同埋報章推介我哋試吓胡椒蟹，所以我哋就試一試啦！胡椒蟹煲係用一隻超大嘅肉蟹整成嘅，同埋會切件，令到我哋可以一舊舊咁樣拎住食。味道超鮮甜喎，同埋啲胡椒味唔會太辣，肉質似係用新鮮蟹整成，啖啖肉之餘仲有海鮮鮮味，食到唔夠喉呀！員工服務態度非常好，每次吃蟹碟放滿的時候，員工都會換新嘅碟，亦會為我們添置茶水，實在服務貼心。另外我哋多點左兩個小菜，分別係咕嚕肉同埋通菜煲，咕嚕肉啱啱上枱嘅時候係即炸嘅，食落去脆卜卜配埋啲酸酸甜甜醬汁真係超正！啫啫蝦通菜煲非常好食，並且好大份，蝦味非常濃郁，食完齒頰留香，但係真係有啲大個，差啲食唔晒，但係實在好味道，我哋最後都清晒個煲必定回頭，走之前仲特別送咗份甜品俾我哋，桂花糕好清甜好清新，中和返今餐嘅味道！