星洲總廚 (大全街)

營業中

休息中

我成日聽人講呢間餐廳嘅叻沙好食。 今日到開奧海城， 順路過嚟專登試吓有幾好。 餐牌上食物選擇其實唔算多， 我要了一份海鮮大燴叻沙 配熱奶茶。另外加多一份滿堂椰漿飯 配凍鴛鴦桔仔話梅水。海鮮燴叻沙上枱果刻算有驚喜，幾大碗又夠香。食落口叻沙味，椰香味都非常濃香，但唔夠辣，湯底亦太過杰。 配上米粉加油麪（摻摻）。 海鮮選料算新鮮，有蝦，帆立貝，青口，魚旦等° 原隻蝦， 蝦肉夠結實， 爽口。 相反滿堂椰漿飯比較平平無奇。 椰漿飯香料味較重，椰香味唔夠。因唔食牛關係， 改轉雞扒， 雞扒肉煎得香脆，但味道幾鹹， 再加上蔥油就更鹹。 燒豬頸肉 ok。 整體上成個飯味道算普通。

仲記得一年前喺星洲總廚隔離間餐廳食晚餐，當時星洲已經有堆人喺門口等位😯，加上晚市價錢唔貴，所以留下深刻印象🤓。一年之後打算嚟食午餐，為免需要等位，所以一早去到😏。星期日11點9左右到餐廳，可以直入。之後陸續有客人進店，到我地12點半走果陣都未坐滿。十個食評有九個都會推介餐廳嘅厚豬扒，中意啖啖肉嘅我，當然要叫番個試下啦!!😌 午市餐包一杯熱飲，凍飲要加$3。厚豬扒叻沙豬扒同叻沙賣相都好靚仔，而且份量唔細!!😯 豬扒厚度接近1寸，雖然望落炸到好深色、好似過左火，但食落肉質一D都唔實，口感鬆軟，調味適中，果然係人氣推介嘅食品🤤。叻沙湯好濃香料同椰味、質地好杰，但飲落幾舒服；配料有芽菜、豆卜、魚蛋，仲有令人賞心悅目嘅溏心蛋，真係好豐富!!😋麵底我揀左摻摻，可能湯較熱，焗到油麵麵質偏淋；兩款麵中，個人比較中意米粉，真係好索湯!!厚豬扒配星加坡咖哩飯呢塊豬扒無叻沙果塊咁厚，肉質再軟身D；咖哩味道正常，無乜特別，下次要試下佢個印式咖哩先。呢個餐最正係個長條飯，煲到啱啱好😋。海南雞叻沙 雞份量唔少，我地呢舊係胸位，所以食落稱唔上滑，肉質偏軟無彈性，雞香無乜，加上無汁沾，所以食落味道比較單一。食物溫度夠

我就是因為這間餐廳從此愛上了叻沙😭許久不吃真的會想！我都不知道自己吃了幾次了 我幾乎都會介紹給我朋友 個個吃完都會覺得很好吃🥹大家一定要去試試看🥰⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯❤️招牌厚切豬扒叻沙 + 熱飲 必吃👍🏻我每一次來幾乎都會點這個 真的是我的最愛🥹叻沙湯底非常濃郁 配料也很豐富 有魚蛋 溏心蛋 還有豆卜 最喜歡豆卜 因為會吸滿湯汁 一口下去超級滿足 除了叻沙面之外 還會附上一份超大份的豬扒 很貼心幫我們切好塊塊 豬扒超級無敵嫩 完全不柴 調味也剛剛好 幾乎每一桌都會點這個豬扒😭😚大家去一定要點*告訴大家個知識點 他們的面底可以選滲滲 其實就是你的叻沙會有米粉+油面兩種面 不過我平時都只會點油面

第一次試佢尼間嘅香煎厚切牛舌配喇沙摻摻，真係好正味！牛舌煎至金黃，口感嫩滑多汁，帶嚟一份濃郁嘅牛肉香氣。喇沙醬香辣開胃，配上彈牙嘅河粉同豐富嘅配料。每一口都帶嚟牛舌嘅鮮美同喇沙嘅風味，令人回味無窮。呢碟香煎厚切牛舌配喇沙摻摻係一個精彩嘅組合，兩者互相襯托，令味蕾享受到豐富嘅層次感。

每個星期六日 香港好多餐廳都唔洗等位原因 大家都知，今年外出食飯 好多餐廳都性價比低、無服務、環境差呢間餐廳係沙漠既綠州，久違既抵食夾大件基本上無得嘈，價格好 服務好 味道好 香港唔會無生意，無生意 真係 要諗下是否自己問題以上食品十分岩香港人口味，值得支持慘慘夠熱 份量足 ，豬扒勁大塊，湯底勁濃味，真材實料。豬頸肉很入味，雞扒皮脆肉嫩，巴東牛肉淋，唔痴牙，個辣醬 畫龍點精，吊晒d肉味出黎，撈飯都勁爽。 超飽好耐無食過咁滿足既晚餐

每次黎到星洲總廚，都係下午茶最抵食留意番係2:30先下午茶，成日記錯左2點入到去差10分鐘就坐陣先嗌野食每次必點既咖央多士，夜晚無得食，係晏晝先有，下午茶成為$30仲有野飲，平時叫個咖央多士都成30蚊豬頸肉煎雙蛋飯，兩隻蛋既蛋汁配埋啲豉油，竟然可以食得晒成碟飯野飲又夠大杯👍

懶洋洋嘅星期日， 醒來已經過咗午飯時間，我哋決定去食東南亞風情嘅嘅下午茶。 星洲總廚都係一個不錯選擇。我哋叫咗三個餐，檸檬草雞肉煎雙蛋飯， 參巴魚椰漿飯，仲有咖央多士，而每個餐都跟飲品。 檸檬草雞肉煎雙蛋飯， 雞肉份量不少，肉質外脆內軟且juicy，配上蛋味濃郁嘅雙太陽蛋，蛋汁滲入白飯和甜豉油混合一齊食，十分配搭，惹味可口，令人垂涎欲滴參巴魚椰漿飯，魚肉肉質鮮嫩，外脆內軟，椰漿飯發出淡淡椰香，配上青瓜，香脆魚仔，花生和肉鬆蝦片，口感 豐富，再蘸上參巴醬，味道大爆發，令人 吃得津津有味。咖央多士，麵包烘得剛剛好，香脆可口，而每件多士都夾着 一片厚厚嘅牛油和香濃嘅椰漿，兩者溶化一起，好好食😉

經過門口出面見都多人食又唔洗排隊，就試試佢。坐隔離張枱係咁讚個豬扒好好食，好鬆軟，好啦，就試下佢啦！叫咗個厚切豬扒。食落係幾鬆軟嘅，不過略嫌有少少肥，有啲油。海鮮大燴叻沙，揀咗板麵，唔係好夾，都係油麵會啱啲。味道唔錯，湯底都夠濃。滿堂椰漿飯，有燒雞扒，咖喱牛腩，豬頸肉。啲豬頸肉爽到有啲驚，雞扒唔配飯有啲鹹，配飯就啱啱好，咖喱牛腩好腍，好好食，個飯就冇乜椰漿味，不過不失。鴛鴦桔仔話梅水，幾好飲，酸酸甜甜幾清新。白咖啡就正正常常。整體嚟講發揮到應有嘅味道，未到非常出色，可以試一次。

大角咀出名多美食呢間星洲總廚食成日都好多人排隊不過建議經過一定要嚟試吓招牌厚切豬扒喇沙喇沙湯底非常濃郁，椰奶香味好吸引加上有少少嘅辣味配料就有魚蛋，豆卜同埋半隻蛋🥚豆卜吸哂d啲湯汁真係好正當然豬扒非常出色份量好大份，而且唔會整到好乾身食落口仲好Juicy調味都好入味咖央多士都係必點之一多士烤到少少燶，剛剛好咖央醬既椰漿配埋一大舊牛油好邪惡不過真係好好食📍星洲總廚 (大角咀)大角咀大全街57號地舖

我非常推薦朱扒這家餐廳！朋友向我介紹後，我決定在午餐時間前往試試看。雖然餐廳位於舊區，需要依靠地圖找到，但當我遠遠望見已經有二十多人在排隊等候時，我知道這一定是一家受歡迎的餐廳。幸運的是，此刻正是me time，我立即找到了一個單人座位，彷彿成為了貴賓一樣立刻入座。餐廳內大約有40個座位，真的非常熱鬧，客人們包括年輕人和長者。我看了一下菜單，發現選擇相當豐富，無論是堂食還是外賣，都有很多人在等候。今天，我首次嘗試了他們的星洲咖喱八安士豬扒餐，豬扒厚度約有兩厘米，還有兩件，份量也相當大。三種配菜份量剛剛好，白飯的水分控制得出色，完全符合我的口味。咖喱有著濃郁的咖喱味，如果能夠選擇辣度的話，相信會更加美味。餐廳有自助點餐，食物質量頗高，而且價格也相當合理。服務也很周到，員工們樂於助食客落單，讓我感受到了溫暖的用餐體驗。無論是想在舊區尋找美食，還是想品嚐道地的星洲咖喱，這裡都是一個絕佳的選擇！

星洲總廚喺大角咀附近都算係比較出名嘅一間餐廳，今日就試咗一個四人餐，都只不過係大概$400左右。有半隻海南雞，再加一個咖喱牛腩麵包拼盤，四個羊架，四個白飯/油飯/椰漿飯，一個時菜，仲有四杯嘢飲，呢個份量嚟計其實五個人食都夠。海南雞好嫩滑同埋大份，烤羊架就係呢幾個餸入邊最出色嘅一款，整得幾入味同埋唔會好韌，碗飯略嫌太大碗，食完都已經三成，咖喱牛腩就比較普通。嘢飲嚟講，建議大家試一試呢度嘅凍奶茶或者比較特別嘅柑桔特飲。

這碗豬頸肉喇沙令人驚艷！豬頸肉肥瘦相間，口感嫩滑多汁，搭配香辣的喇沙湯底，味道鮮美。湯底濃郁，帶有清新的椰奶香氣很有層次感，令人回味無窮。配料方面，豆芽、豆腐、等增添了豐富的口感和風味。這碗豬頸肉喇沙絕對是美食愛好者必試的美味，讓人回味無窮！

想食「星洲總廚」嘅朋友，記得預早排隊！📣📣📣每次午飯時間都出現人龍，就算預早咗12:15pm到達都要等至少15分鐘先入座。今日叫咗午市套餐: 海南雞喇沙🇸🇬✅一上菜就聞到好濃郁嘅喇沙湯底味！餐廳對食物嘅份量絕對唔吝嗇，海南雞同碗麵都係大大份 👍🏻✅湯底除咗好香，食落有濃濃的椰汁味，直程想飲晒成個湯底！配菜方面亦好足料，有豆卜，糖心蛋等。✅海南雞嘅肉質非常嫩滑，生熟程度剛剛好。✅食晒成碗麵都唔覺得好鹹，唔會有想不停飲水嘅感覺，值得一讚！相信好多人同我地一樣，知道要排隊，仍然對「星洲總廚」嘅熱情不減，因為性價比實在高👍🏻

📍 星洲總廚 (大角咀)大角咀大全街57號地舖==============================餐廳距離奧運站大約7分鐘位置非常方便，餐廳除左招牌喇沙之外仲有海南雞飯同肉骨茶等星洲美食，室內裝修年輕清新感覺好舒適==============================滿堂椰漿飯材料非常豐富，有咖喱雞、牛、羊同埋豬肉中間白飯充滿椰漿香味珍寶老虎大蝦湯麵大蝦非常大隻，肉質彈牙湯底喇沙味非常香濃招牌厚切豬扒喇沙豬扒好大份，肉質軟腍充滿肉汁

今次來到呢間餐廳，真係一個讓人開心嘅體驗👍。朝早行過來，鼻息間已經聞到隻口水雞嘅香氣，真係叫人忍唔住咽口水！坐低之後就點咗份海南雞同海鮮喇沙，都係餐廳嘅招牌菜。海南雞皮脆肉嫩，啖啖肉感，佢哋嗰啲特製醬汁真係正到不得了，一流！同場仲試咗個海鮮喇沙，濃郁嘅湯底攪拌埋啲麵條同新鮮啲海鮮，每一啖都好似係喺口嘴裏面爆炸嘅華麗樂章，勁惹味嘅椰香味，連我呢個食客都讚口不絕🤤。講吓個厚切豬扒飯，真係值得一讚！啲豬扒香噴噴，炸到外脆內嫩，搭配上新加坡咖哩汁，呢個組合，簡直就係絕配！😋 食一大口去到個喉嚨感覺已經夠哂味道，夠哂香濃，而且豬扒又厚切得黎唔會過於油膩，而咖哩汁嘅香辣味正好舒服地挑戰下個辣度底線。如果你啲舌頭對香料味又特別敏感，真係要試下呢個印度咖哩汁，包你食完之後齒頰留香！成件事食完之後，感覺到啲肚仔好滿足。店員嘅服務又唔錯，開心過來，開心走。啲嘢食賣相正，分量又足，真係快啲帶埋朋友一齊再嚟探吓🥰！