星洲總廚 (大全街)

營業中

休息中

💁‍♀️💁‍♂️ 18/11/2023(Sat), Dinner🍽大角咀區一向都多小店，唔同種類嘅食肆都可以搵到，今晚為食妙妙同A先生就嚟 到食叻沙。餐廳位於大全街，舖頭唔算好大間，我哋去到嘅時候都係岩岩晚市開始時段，所以都唔使等就可以直入，但遲過我哋少少嘅食客就開始要喺店外等位。而今晚我地order咗：🔆 招牌厚切豬扒叻沙（$75）上枱時厚切豬扒同叻沙係分開上嘅，好處係香脆嘅豬扒唔使被湯浸住而影響到口感，而湯亦唔會搞到好多油。豬扒厚得嚟又唔會煎到乾爭爭，食落外脆而肉裡面仍嫩滑有肉汁，果然係餐廳嘅招牌菜。叻沙湯底呈濃厚嘅金黃色，入口濃稠帶點微辣，香料味同椰奶味都足夠，係個唔錯嘅叻沙湯底。配料有魚蛋、豆卜、溏心蛋🥚同芽菜，都幾豐富。麵方面就係滲滲，即係油麵加米粉混合一齊，食落口感豐富。🔆 海鮮大燴叻沙（帆立貝、青口、鮮蝦）（$78）叻沙湯底都係一樣，海鮮方面有帆立貝、青口、鮮蝦，質素都唔差。青口都大隻嫩滑，帆立貝唔韌，蝦🦐肉彈牙仲係已經剝殼，食得夠方便。🔆 三色奶茶（跟餐+$10） 奶茶控A先生就揀咗三色奶茶，比一般奶茶主要係多咗層椰糖喺底，未拌勻之前就睇到有三隻唔同色。入口順滑味道唔會太

💬聽朋友介紹好耐都未有機會試，今次終於試到。門口好多人等，午餐時間真係好誇張，只要見到條街企滿人就知係呢度😅.💬星洲食物都係離不開海南雞🐔同咖喱🍛，但見到人人都好大份，就知道賣點唔係咁簡單，只係叫咗最人氣🔥嘅試吓，果然係聞名不如見面😅———————————————————————————.🥢招牌厚切8安士豬扒🐽配新加坡🇸🇬咖喱🍛煎蛋🍳💬個塊厚豬扒真係又脆又紮實，幾咁有咬口，勁有水準；咖喱汁係細個去食慣嘅味道，椰香而唔辣嗰隻，真係好正😅.🥢海南雞飯🐔💬只需要$68就食到一份咁豐富嘅海南雞飯，油飯當然係必須，而且係俾咗一份雞髀🍗同雞翼嘅位置，真係非常滿意，略嫌爭一碗清湯濕下口，就會更開心😅

-🇸🇬星洲總廚 📍大角咀大全街57號地舖🍜招牌厚切豬扒叻沙 hkd 75+摻摻米粉+油麵係絕配💖配埋好多嘅芽菜 口感好爽 滿滿的層次感up~入面配料有豆卜/半熟蛋/魚蛋等等真係超大碗 食到勁飽😆佢個湯汁濃郁得尼帶點微辛辣 好香濃好掛汁！重頭戲係碟豬扒❗️❕❗️❕厚度一流 好厚 但厚得尼係超鬆軟 易咬個種！外皮好薄好脆 但肉汁又好夠好juicy有啲啲甜甜地蜜糖味嘅感覺 好想再encore!!😭🧋三色奶茶 hkd 10(跟餐）明顯地分左三層 三種層次不過有啲難撈均～佢個味道好特別 唔似普通港式奶茶🥤茶味比較重一啲 見到其他枱嘅人都多嗌呢隻 可以一試 但味道有啲普通 未話去到好艷～🥘招牌厚切8安士豬扒飯 hkd 68+星加坡咖哩咖哩汁配豬扒係重點😙💛而且咖哩汁份量好多 可以比客人自己調較～咖哩汁都有一定嘅杰身 唔係好hea好稀個種🤣咖哩汁唔辣 就算唔食得辣嘅人都嗌得！仲有翠肉瓜/西蘭花等🥦比起平時嘅併飯多一啲蔬菜種類 健康啲😛+🍋檸檬茶 hkd 3 (跟餐）佢啲野飲真係幾大杯 份量夠！連啲冰粒都大粒過人😂🕰️星期一至日 11:30-17:00/18:00-21:30#摻摻#咖哩#豬扒飯#叻沙#大角

餐廳係大角咀好出名，食物大份，質素好，性價比之選。繁忙時段經常要排隊。。招牌厚切豬扒叻沙 $75豬扒勁大塊，厚切得黎唔會韌，肥瘦均勻好易咬但唔會過腍，外層炸到金黃香脆。叻沙湯底香濃，有椰香味，可以加辣醬。配料都好足料，有3粒魚蛋、豆卜、芽菜、仲有流心蛋！麵底可以揀摻摻(油麵＋米粉) 或者新加坡米線。兩款都唔錯，好掛湯，正！海南雞飯 $68雞肉又係好大份，肉質幾滑，唔錯。跟餐有一碗湯。

大角咀一向比人嘅印像都係唐樓，舊區，好多工業大廈... 好似冇乜好嘢食，但用心去發掘，隨手都搵到好幾間😋今日就介紹一間，我平時返工都會成日經過嘅餐廳 - 「星洲總廚」，佢地主打喇沙，海南雞，東南亞嘢食等等。本身餐廳都已經好有水準，但係今日要介紹嘅就係佢哋招牌“厚切8安士豬扒飯配新加坡咖哩汁”佢哋嘅豬扒厲害啦！脆皮之餘，肉厚多汁，我加加埋埋都食咗十次以上，每一次水準都能夠保持，唯一要挑剔嘅就係頭頭尾尾痴住豬扒嘅肥肉比較多，但係整體唔影響口感🐷再嚟就係佢哋嘅新加坡咖哩汁～香濃嘅椰香，配上咖哩好惹味。每食一啖豬扒，點上一啖咖哩汁，只能夠形容係錦上添花❤️ 佢除咗新加坡咖哩汁，仲有印度咖哩汁，不過個人感覺就香料味太重，如果好香料味嘅你可能呢款印度咖哩汁就啱哂你啦～其實星洲總廚未重開之前，佢呢個豬扒飯係有得配椰漿飯㗎🥲，可惜而家要加多五蚊先可以食到lu，不過未食過嘅朋友，我都建議你哋要試下，每一啖飯都充滿住濃濃嘅椰子味，但係食起來又唔會感覺好heavy。🐷🐷🐷🐷🐷/🐷x5_推介指數

喇沙湯底好香，但又唔係好辣，如果你想辣啲又可以自己在加辣醬厚切豬扒喇沙$75，檸檬草雞扒$72兩款味道都非常唔錯豬扒厚身但係一啲都唔鞋，除左頭尾有d 肥外overall 都唔太油膩，味道相比雞扒比較清淡雞扒就冇咁厚，但都好嫩，冇雪味，雞扒既調味重一點，同帶微酸（唔係變壞果種）海南雞喇沙$80唔知點解海南雞冇得加辣醬海南雞又係大大份，冇+$8 要雞脾，結果真係大部分係雞胸但雞胸一啲都唔鞋，好嫩星馬菜必飲既美祿恐龍（+$15)，好大杯，不過有點太甜了

大角咀有幾間名物，呢間就係其中一間，價錢平，好抵食，所以基本上晏晝同夜晚都要排隊😋⭐️招牌厚切豬扒叻沙 $70呢個豬扒真係不得了，食得出係新鮮炸，d 邊位炸到脆脆地，肥瘦均勻，又厚切，份量又夠，食得好滿足，好有口感😎 叻沙味道香濃，裏面豆卜同蛋，豆卜吸晒d 湯，好正！$70一個好抵食😚⭐️海南雞飯 $68即使佢唔係雞髀，啲雞肉都滑，油飯亦都香，唔會食到成口油，軟硬度適中😋仲有一碗湯送，正常發揮😝😝

💪🏻 招牌厚切豬扒叻沙摻摻($75)呢間餐廳嘅喇沙(Laksa)係好新加波嘅喇沙味道(百勝廚喇沙即食麵味道)，濃濃嘅蝦醬味道，配上濃郁嘅椰漿香味，再微微嘅辣味，味道非常豐富🤤 再加上森巴醬，食到粒粒嘅蝦米粒，令湯底更加濃味。而且係配上摻摻(油麵+米粉)，非常索湯，每啖麵都可以掛到香濃嘅喇沙湯底，好好食😋 而且喇沙麵嘅配料都非常充足。有3粒魚蛋、雞蛋、豆卜、芽菜，食落口感豐富。豬扒非常厚切，肥瘦適中，肉質軟淋，唔會柴，而且亦都炸得好香口😝。味道：9/10性價比：6.5/10 食住瘦指數：💪🏻/5

發現返工附近太多好野食，今日lunch黎到每次經過都見到條人龍嘅星洲總廚。第一次食當然要食🐖招牌厚切豬扒叻沙 $70 套餐奉送咖啡或茶☕️肉眼睇以為塊扒會乾同柴，點知食落係一啲都唔乾，仲要好入味得黎唔會係太重口味。表面炸得好脆而唔會覺得油膩😋真係好大舊，好厚！麵底可選油麵，米粉，摻摻！識食一定係揀摻摻🍜 每一啖都食到米粉同油麵索晒啲湯汁🉐 個湯底望落好似好heavy，但飲落又唔會！奶味唔會好重。配菜有芽菜，溫泉蛋，豆卜同魚蛋，好足料！岀色！招牌厚切8安士豬扒飯 （配星加坡咖喱汁）$68份量同豬扒叻沙一樣咁大份，咁juicy! 咖喱汁多到當湯飯食都得😂 朋友話食多一碗飯先夠喉！厚切牛舌摻摻 $68牛舌燒得啱啱好，吾會太老！真係厚切😋面層略偏油。但整體都不錯！

🍛招牌厚切8安士豬扒飯 $68厚切豬扒好少炸得咁好，豬扒外面鬆脆內裏軟熟，而且豬扒厚得嚟都仲醃得好入味，唔怪得厚切豬扒就係呢度嘅招牌菜啦！🤩👍🏻🍜招牌厚切豬扒叻沙 (滲滲) $75叻沙湯底足料夠味，小編差啲就飲晒佢個湯，配合埋佢個厚切豬扒，Yummy Yummy~🤤 By the way, 滲滲即係一半米粉一半面，同一碗食落就有晒兩個唔同嘅口感，岩晒有選揀困難症嘅朋友 😆🥥滿堂椰漿飯$70滿堂椰漿飯除咗有齊晒雞牛羊豬咁多樣餸之外，重點係佢個飯仲有滿滿嘅椰汁味，同雞油飯相比又有另一種唔同嘅吸引力呀！🧲🥤鴛鴦桔仔話梅水呢杯簡直係小編嘅私心推介☺️，鴛鴦桔仔清甜得嚟又消暑解渴，冰涼透心，熱辣辣嘅時候飲要特別小心，小心飲一兩杯唔夠喉呀！

今天跟屋企人去游泳池玩完後，在大角嘴搵野食，行了幾個街口，看到間星洲總廚就試一試，午餐時間的話有點貴平均也要80元以上下午茶便宜點我們叫了個豬軟骨喇沙和厚切豬扒椰漿飯，改椰漿飯要加$5可以免費根本話梅柑桔熱飲幾鍾意豬扒和椰漿飯

一直都好中意食星洲總廚就算lunchtime遠少少路程又要等位都會行過去幫襯食物大份又好味，CP值高，而且侍應有禮，食得開心但裝修完之後，唔知係咪唔休做啲服務態度好似趕客咁，而且已經唔係第一次🙃諗住行入去攞飛，一踏入去第一步就已經俾個阿姐鬧👩🏿‍🦱:唔得閒理你，你行返出去啊！我心諗我又唔係衝入嚟霸位，我一句聲都未出就已經俾你趕我走❓❓❓❓❓❓❓❓❓❓❓❓❓攞完飛坐低咗，聽到話唔收八達通，我禮貌地問阿姐一句係咪唔收八達通？👩🏿‍🦱: 唔係唔收！係壞左！ 其實洗唔洗咁惡。。。想食個飯姐，咁都要受氣…希望星洲總廚嘅老闆會睇到comment去檢視下啲阿姐嘅服務態度啦…

週末三四點嚟到，以為應該冇咩人，點知全院滿座，不過好快有位。呢間嘢係用QR CODE落單，我地叫咗兩個下午茶餐，一個係咖哩豬軟骨叻沙，一個係招牌厚切豬扒煎雙蛋飯。另外跟餐要杯熱白咖啡，再加10蚊三色奶茶。個飯係最快上，塊豬扒好香好多汁好惹味，另外豉油加蛋漿撈飯真係冇得輸，成個飯都好好食。之後個叻沙都嚟埋，豬軟骨好淋好入味，不過碗叻沙嘅味道就正常，係嗰種意料之中嘅好食，冇咩特別。現場見人手好少，啲姐姐好似做唔切咁，我地食完嘢都未上餐飲，好明顯係漏單，我地問咗一次之後，餐飲就好快上咗。首先杯白咖啡好甜，飲落好漏，我諗住可能馬來西亞人嘅口味比較重，點知嗰杯三色奶茶淡到不得了，啲冰望落去好似融晒咁，極度懷疑杯嘢飲喺入面擺咗好耐，本來有諗過換過杯，不過見啲姐姐來無蹤去無影，次次喺我眼前出現一秒就消失，所以都係算！

食物是好味的，但係網上訂位系統卻很差及奇怪‼️網上訂了8位，去到原來重要攞籌，我已經心諗咁網上訂嚟做乜？之後原來8位係要分開兩張枱坐，一頭一尾。咁我就問佢哋，如果係咁樣，網上訂位嚟做乜？其實如果網上訂位系統咁立亂，就不如索性唔好俾人網上訂。感覺上人多，就唔好去呢間餐廳，人少少係可以嘅。因為網上訂咗都未必可以坐埋一齊，咁就不如唔好去。雖然佢嘅食物係唔錯，喇沙，肉骨茶，海南雞飯，炸豬扒都係好味嘅，不過係要冒着風險唔可以坐埋一齊的

豬扒喇沙配幼米粉，可以講個豬扒真係無得彈，肉質彈牙，完全無豬酥味，喇沙配幼米粉直頭係絕配，米粉跟左嘅溏心蛋，蛋味香濃，豆卜入味，大大碗份量足，跟埋飲品都係70蚊左右，性價比高滿堂椰漿飯，啲飯粒粒分明，太陽蛋濃邊夠邪惡，呢個飯其實更似一個拼盤，有咖哩牛腩，有香煎蔥油雞扒，豬頸肉，仲有啲魚仔花生，口感多元化，每款餸嘅味道都各有春秋，但係夾埋一齊又啱啱好，將成個飯嘅層次提升呢間餐廳直情令我一試愛上，不停encore