📍龍亭 (佐敦) 佐敦寧波街27-31號地下A-D號舖 ============================== 餐廳位於佐敦距離地鐵站大約3分鐘，門口有超大個龍庭招牌，但入口比較神秘 餐廳入面裝修非常有特色，有一個「龍」造型的噴水池，配合燈光效果非常有神秘感 餐廳主打鐵板燒料理，另外有多款生啤、啤酒、威士忌、蘋果酒選擇，最特別是有2017至2020年份一系列威士忌，非常同鍾意飲酒的朋友一齊來食 ============================== 季節廚師發辦套餐（七道菜） 招牌沙律 煙三文魚配上新鮮沙律菜，加上一點點魚子醬令到沙律非常鮮味半碟係微甜黑醋有解膩的效果 前菜 魚子醬拌日本溫泉蛋，蛋味非常香濃，配上魚子醬非常鮮味 鐵板海鮮 師傅提供五款海鮮可以任選兩款，我選擇了大蝦及鮑魚，然後師傅立即在鐵板上烹調，海鮮非常新鮮，只有少量鹽和胡椒粉調味都非常好味，師傅燒完海鮮之後會交由另一位職員擺盤，然後再上菜 海鮮旁邊有一堆蝶豆花味道的泡泡伴碟，可以增加海鮮的鮮味。另外還有蝦膏醬，配上鐵板大蝦一同食非常鮮味 鐵板肉類 師傅提供三款肉類選擇有牛扒豬扒同雞扒我選擇了宮城縣厚切黑豚扒，伴碟有日本青森縣蘋果蓉，原來蘋果蓉同豬扒可以非常夾 菊花豆腐白麵豉湯 食完海鮮同肉類開始有點膩，麵鼓湯可以舒緩一下，豆腐非常嫰滑而且切成一條條細絲，口感更加滑而且賣相非常吸引 黑松露海鮮炒飯 海鮮炒飯非常鮮味，配上帶點咸香味道的三文魚子同香煎大蝦，飽肚之餘非常滿足 時日甜品 紫薯雪糕的紫薯味好突出，配上紅豆沙爆汁珠珠好似食緊紫薯大福，好特別ge 配搭 麒麟一番炸啤酒 冰凍生啤配上海鮮同肉類絕對係完美配搭，啤酒好易入口，女仔都好易飲完一杯，有機會要再試埋其他清酒

📍Chatterbox Café (圍方) (大圍) 大圍車公廟路18號圍方3樓304號舖 ============================== 餐廳位於大圍圍方，係大圍地鐵站樓上，非常方便，餐廳係來自新加坡嘅知名海南雞飯專門店，第二間香港分店就進駐大圍呢個新商場。餐廳最近全新推出午市套餐由$88起 (只限星期一至五供應，公眾假期除外)，當中新增三款新加坡地道菜式: (1) 芽籠黑醬油海鮮福建麵 (2) 海鮮滑蛋河 及 (3) 奶香咖喱雞配白飯 ============================== 馬來特色香煎辣魚餅 魚餅微辣有淡淡魚香味，碗上白麵包一齊食，味道唔錯 香脆薄餅配咖喱汁及蔬果條 薄餅好香脆，配上濃郁咖哩汁好開胃 白胡椒肉骨茶配白飯 肉骨茶湯底好香濃，排骨好大件而且每件都有軟骨，配上豆卜金菇等非常吸湯ge 配料，超級好送飯 招牌大蝦喇沙 喇沙湯底好香濃而且質地好杰身，似日本拉麵湯底，有好豐富蝦味，每食一啖麵都同時食到好多湯汁，大蝦大隻之餘仲好彈牙 蠔油小棠菜 小棠菜好爽口，蠔油似係有調配過，好鮮味又唔會好咸 凍美祿恐龍 美祿恐龍飲幾多次都係禁正，呢到仲要加左d朱古力脆波波係上面，更加好味 斑蘭牛奶咖啡 呢禁咖啡未攪勻之前顏色好有層次感好靚，打卡一流，味道上班蘭味唔算突出，但咖啡係香濃好味 招牌椰子雪糕 雪糕椰子味香濃食落口會有一絲絲椰子肉，而且雪糕份量非常多椰皇裏面都塞滿雪糕

📍The Platter (悦品酒店‧荃灣) (葵涌)
葵涌青山公路 - 葵涌段443號悦品酒店‧荃灣LG樓
==============================
餐廳位於悅品酒店內，由葵興地鐵站步行到酒店大約10分鐘左右，酒店亦設有穿梭巴士往返葵芳地鐵站，交通非常方便👍🏻

餐廳除左泰式週末午市自助餐，飽魚龍蝦主題週末晚市自助餐之外，仲有半自助午餐同草莓主題二人下午茶套餐可以選擇，而3-4月生日仲可以享有生日之星優惠🤩，自助餐價錢合理，食物質素亦相當唔錯😍
==============================
我今日就同屋企人預約左食泰式週末午市自助餐，餐廳坐位好寬落，除左一般卡位同四人枱，仲有幾間房仔放左張大圓枱可以坐12人，方便一大班人一齊坐又可以保留返少少私隱度，食物分區清晰，有前菜，海鮮，刺身，熱食，甜品，飲品區

🌟🌟推介食物🌟🌟
🐚凍螺—味道鮮甜彈牙
🐮廚師即切牛肉—肉汁很多，中間剛好保留約五成熟
🍡串燒—串燒有很多款式，有雞肉牛肉蔬菜等，每次經過都有不同款式
🍫朱古力噴泉—可以用手指餅或者綿花糖沾朱古力醬
🧇窩夫—窩夫口感好軟綿彈牙，簡單配朱古力醬已經很好味
🍨榴連味雪糕—呢款雪糕係香港製造，榴連味香濃無加工味道😋

食完自助餐之後浴住餐廳門口樓梯上一層就會見到有個空中花園⛲️，花園鋪滿草地，可以在這裏跟家人休息一會再慢慢離開酒店，非常舒服😌

📍炑八韓烤(青衣店) 地址：青衣青敬路33號青衣城一期1樓119B號舖 ============================== 餐廳位於青衣城1樓，係青衣站一出來行幾步就到，餐廳主打韓國直送材料ge 韓燒，除左有韓牛之外仲有海鮮可以選擇，另外仲有好多特色韓式熟食都係非常高質😋 ============================== 長牛舌👅 牛舌非常新鮮，肉質鮮嫩好濃牛味，賣相非常吸引🤩 外裙肉🐮 外裙肉即係牛的横隔膜，靠近背部的部分，肉質柔軟、油花分布均勻、牛味濃烈，非常好食👍🏻 香烤豬五花🐷 五花肉燒緊果時好多油滴出來超級誘人，入口肉味好香濃，配埋泡菜一齊食超正 韓國鰻魚全份🐟 鰻魚肉質好彈牙一d都唔腥，而且去骨去得好徹底，可以好放心大大啖禁食😍😍 人蔘雞湯全份配白飯🐓 雞湯好香濃雞味，人蔘味香濃但唔苦，原隻雞超大份，好滿足 夾心棉花糖配朱古力威化餅🍫 呢個甜品充滿兒時回憶，細個bbq都成日燒棉花糖，味道好似韓國果款朱古力夾心餅，好好味 馬格利生米酒🍶 米酒微甜唔苦，女仔都好易入口，一邊食肉一邊飲酒好夾

📍Morocco's (長洲) 長洲新興海傍街71號地舖 ============================== 呢間餐廳位置非常方便，距離碼頭大約2-3分鐘路程，餐廳有泰國，印度同尼泊爾菜可以選擇，裝修非常有中東風格，而且有室外位非常開揚 ============================== 尼泊爾餃子（雞肉餡） 餃子用蒸籠上，打開蓋餃子全部熱辣辣，皮薄唔易穿，餡料係加左乾蔥ge 雞肉碎，間中仲會咬到d雞軟骨，中間個醬汁係好泰式ge 辣醬，好香辣開胃 原味薄餅 薄餅好軟身好香口，同咖哩好夾 薯仔餡薄餅 餡料係咖哩薯仔蓉，但唔太辣 咖哩雞 咖喱雞味道偏辣而且加左薑絲，味道香辣，雞件肉質好滑

📍 星洲總廚 (大角咀) 大角咀大全街57號地舖 ============================== 餐廳距離奧運站大約7分鐘位置非常方便，餐廳除左招牌喇沙之外仲有海南雞飯同肉骨茶等星洲美食，室內裝修年輕清新感覺好舒適 ============================== 滿堂椰漿飯 材料非常豐富，有咖喱雞、牛、羊同埋豬肉中間白飯充滿椰漿香味 珍寶老虎大蝦湯麵 大蝦非常大隻，肉質彈牙湯底喇沙味非常香濃 招牌厚切豬扒喇沙 豬扒好大份，肉質軟腍充滿肉汁

📍La BASE HK (尖沙咀) 尖沙咀漆咸道南11-15號余仁生中心3樓 ============================== 餐廳所在ge余仁生中心距離K11 Musea都係大約8分鐘路程，平時帶狗仔去尖沙咀海旁玩完就可以穿過K11行過來同狗仔一齊食埋飯先返屋企 餐廳無論室外定室內都可以比狗仔坐，而且仲可以比狗仔四圍走，餐廳仲有兩隻店長「公主」同「雪雪」佢地都好有性格好可愛，望住幾隻狗仔一齊玩，主人又可以安心食飯👍🏻 老闆驚我隻狗仔有得睇無得食仲請左佢食零食添🤣 餐廳仲好有心思設計左好多打卡位，全部都好靚好可愛🥰 ============================== 白酒煮大蜆配蒜蓉包 每隻蜆都好飽滿而且唔會過熟，可以食到白酒ge 甜味但唔會有苦味，用蒜蓉包點埋d汁來食好好味 烤全天然BB豬肋骨 豬肋骨肉質軟林多汁，外層烤到微微香脆配上少許鹽同香料調味非常開胃 鮮牛肝菌意大利飯 意大利飯非常高質，飯粒軟硬適中，醬汁夠多之餘全部都包住d飯，食完之後無多餘ge 汁剩低係隻碟到 羅漢果杞子圓肉茶 呢個時候天氣忽冷忽熱，老闆推介我地飲呢杯熱飲，即刻暖身又潤喉 熱檸檬茶 檸檬茶茶底好香濃，但唔會苦同澀，仲要超大杯

📍喫茶ちょうぼ (銅鑼灣) 銅鑼灣告士打道280號世貿中心4樓8號舖 ============================== 呢間茶餐廳位置非常方便，距離銅鑼灣站地鐵站大約4分鐘，喫茶店除左裝修好靚之外仲有個落地玻璃窗可以見到維港，打卡一流，依家OpenRice 仲做緊優惠，消費滿$388就有88折 ============================== 日式紅酒燉牛肉蛋包飯 牛肉軟林入味，奄列ge 蛋蛋味好香濃而且入面仲包住少少蛋汁，配埋飯好味 特大海老蛋包飯 海老真係超大隻，同隻叉差唔多長，外層好香脆，隻蝦好新鮮彈牙 紫薯牛乳 紫薯味好香濃 抹茶牛乳 抹濃味好濃但唔會苦

📍新澳餐室 (富達大廈) (旺角) 旺角豉油街50號富達大廈地下5號舖 ============================== 呢間茶餐廳位置非常方便，距離旺角地鐵站大約5分鐘，食物種類好豐富，除左一般茶餐之外，仲有煲仔飯，all day breakfast,清湯腩，喇沙等等，非常多選擇 ============================== 咖喱雞焗飯 咖哩味道夠濃，唔太辣，飯係炒底幾好味 沙嗲牛肉意粉 沙嗲味道正常，牛肉定淋 炸雞髀 雞髀肉質嫰滑多汁，外皮夠脆，即叫即炸

📍黑木亭居酒屋 (金馬倫道) (尖沙咀) 尖沙咀金馬倫道58-60號國鈀大廈地下至1樓 ============================== 呢間居酒屋位置非常方便，距離尖沙咀地鐵站大約5分鐘，裝修非常日本風而且超多打卡位，午市惠顧任何午餐都可以享用自助沙律吧同無限添飲麵豉湯，而且價錢唔太貴 ============================== 留心熔岩蛋三文魚飯 火灸三文魚刺身有好多片而且係厚切，味道鮮甜非常飽肚 灸燒四合丼 灸燒刺身非常新鮮 火燒八貫壽司加烏冬 壽司全是手握壽司，材料非常新鮮，配上烏冬非常飽肚