星洲總廚 (大全街)

營業中

休息中

口淡淡，想吃點惹味的菜式，於是來到這間性價比極高的星馬菜餐廳！來到店裏，當然不得不試馳名的厚切8安士咖喱豬扒飯！顧名思義，厚切豬扒，自然肉汁味濃，極具咬感，而且份量超大。然後加上惹味的咖哩汁，再配食印度薄餅，整道菜配合得天衣無縫，令人一試難忘，每次都想再encore！然後再試馬拉肉骨茶，未食之前，已經聞到藥材味濃郁，肉骨甚為入味，很快就吃掉一碗！食到肉骨茶，自然一啖都唔想浪費，所以加錢叫碟豆卜，將個肉骨茶食到最盡，真係食到 Lam Lam 脷！

朋友介紹呢間人氣小店，平日lunch時間黎到都等左半個鐘先有位🙈 第一次黎一定要試下最出名的招牌厚切豬扒叻沙😋 $70包野飲絕對係良心價，食完就知係抵到爛!! 湯底超級濃郁，麵係摻摻，配料超多超足料，有溏心蛋，豆卜，魚蛋，芽菜等～ 豬扒新鮮即炸，香脆但肉嫩juicy，份量又係超多，差啲食唔晒🤣 總結係高CP好抵食，下次會想再試埋其他野食!! 推介👍🏻

【大角咀名氣新加坡咖喱餐廳 - 星洲總廚】🤑人均：$100-150呢間食過幾次，每次嚟到都選擇困難，睇餐牌都已經覺得好吸引嘅餐廳。前排裝修完終於嚟試下，個人覺得裝修後坐得仲逼咗，仍然有好多人排隊食，繁忙時間可能要排一陣啦。另外呢加係用QRcode落單，帶個頭盔，太肚餓唔記得影餐牌，價錢同菜名會有出入。🏠環境 ： 啱啱裝修完，光鮮但座位少逼，唔算坐得舒服。🍳食物： 💥 排骨濃蝦湯虎蝦摻摻 （正確菜名唔記得咗）約 $75 (7.5/10)一嚟試下個蝦湯先，自己試過係屋企整蝦湯，其實比想像中要用更多蝦先整到較有味既蝦湯，呢個湯有幾出既蝦味又唔似落味精或者其他調味，幾好飲。另外有2隻虎蝦一開二，份量睇落都多，不過啲肉質‘’梅”，如果煎過下會好啲，似平時惠康百佳買個啲急凍蝦肉但解凍唔好，而且唔止一隻係咁。排骨份量唔算多，食肉獸大食少少未必夠喉，所以啲分數都係俾蝦湯 🤣 摻摻姐係米粉加油麵，想要淨米粉或油麵都可以揀。💥香辣羊架叻沙滲滲 約 $90 (9/10)羊架煎得好靚，用香料醃過有微微辣味，肉都唔算細舊，下面有啲沙律菜墊底吸下油。叻沙湯底香濃甜辣適中，有椰奶香味，我自己就好鐘意，仲有3舊豆卜

舊年突然間無開原來係裝修嚇得我丫，其實以前啲裝修都無乜野唔知係換咗老闆定真係裝修，any肥失落了幾個月，昨日特意帶埋朋友去食久違了的啦沙，啦沙一到即飲個湯就知保唔保持倒水準，噢。。。已經淡味咗，無以前果種濃香，仲有啲淡口，唉！好地地又裝修而家仲攪到個湯底咁。。。何必呢？比翻個濃香湯底我😭😭😭舊時就似捌哥捌哥咁正，而家唔得咯，個厚切G朳得個厚字，要咁厚做乜呢？好食行先唔是要厚😔唉！等我仲大力推介比朋友，真係有啲失望

好想去新加坡旅行，想食佢地的美食，就來了位於大角咀的星洲總廚。點了他們的招牌菜招牌厚切豬扒叻沙，份量超大，叻沙湯底椰香濃郁又小辣，配搭埋豆卜 魚蛋等配菜，口感豐富。 個豬扒肉質夠嫩，好juicy。-陳年柑桔話梅水好特別，酸酸甜甜咁，飲完想續杯

之前有幾次經過佢都未開飯，我已經好傷心，等咗咁耐，佢終於開返結果條人龍長到作為一個鍾意食羊嘅人，就一定要嗌呢個羊架叻沙套餐啦~ 講真平時食羊我鍾意食生啲，但係呢度醃得幾入味又煎得個邊邊有啲脆都幾好食喇沙來講我比較在意湯底濃唔濃郁，佢呢度個湯底都令到我好滿意。配料來講有起碼三粒魚蛋，個豆卜又索晒啲味同埋隻蛋度有少少溏心。麵我鍾意呢隻都幾有咬口得來，唔會望住食過羊架嘅時候浸到林晒整體嚟講覺得裝修完之後價錢係貴之前5至$10 ，但係都係以呢個性價比嚟講幾超值

睇佢裝修，落重本，以為一定會保持到以前水平，結果令人失望，啲海南雞冇以前咁滑，啲飯又細碗左，個凍咖啡太多奶好難飲， 11:45去到食完即刻走，個位仲窄過以前，一啲都唔舒服，俾錢仲要冇八達通找到成首散子，真係冇下次，附近嘅海南雞飯大把，情願去奧海城一期仲好其實佢之前做得好好，所以成日好多人，一到12點過後直至到兩點都唔好去，以為早段會好啲，點知坐低15分鐘快快手手食完飯就算，點都唔會有下次，實在令人失望

Intro: 大角咀雖然係舊區，但出名多小店，而今次下晝去左試一間星馬菜，價錢大約喺$60-80範圍內，但份量同味道絕對值呢個價錢架！ ___________________🍽 招牌厚切八安士咖喱豬扒配印度烤餅💰 68 ⭐️ 7.75/10✍🏻 果然叫厚切豬扒，好厚好大塊✍🏻 豬扒厚得黎又係炸嘅，估唔到肉質好軟好juicy，但就比較肥膩✍🏻 咖喱汁少辣但唔夠香濃，薄餅太冧唔脆🍽 招牌厚切豬扒喇沙 配摻摻+特粗米粉💰 68 ⭐️ 7.75/10✍🏻 喇沙湯有好香濃嘅椰奶味少少辣✍🏻 有兩種粗幼麵可以試到，唔同嘅口感，掛湯能力都唔錯✍🏻 喇沙湯裡面仲有蛋，豆卜同魚丸🍹 馬拉怡保白咖啡 ⭐️8.5/10💰 免費加配✍🏻 奶香同苦澀味同香港飲開嘅完全唔同✍🏻 強烈推薦叫呢杯咖啡___________________🏠 星州總廚📍 大角咀大全街57號地下⭐️ 8/10___________________

#大角咀美食 多籮籮 今次俾 #星洲總廚 吸引到😋之前嚟過一次 食下午茶 個豬扒好🤤🤤今次LunchTime 多好多選擇 雖然門口有條龍等緊位 但最後等咗幾分鐘就有位啦✌🏽A03 #馬拉風味鴛鴦雞椰漿飯 $64有 #蔥油香茅雞扒 #星加坡咖喱雞 #火熱煎蛋仲有青瓜🥒同小魚乾魚香花生雞扒好滑嫩 蔥油味➕香茅都好香😋咖喱唔算好辣 但個雞就炆得好入味隻蛋半生熟 蛋味好香 （🤭唔係大陸野）椰漿飯🥥椰味重得嚟唔會好heavy A14 #招牌厚切豬扒叻沙 （ #摻摻 或 #特粗米粉） $70個 #厚切豬扒 好出色👍🏻 肉質夠嫩 又juicy 仲醃得好好味😋😋#叻沙 湯底夠濃郁 入面有豆卜 魚旦 同半隻蛋個 #特粗米粉 仲要係星加坡空運過嚟架～推🙌🏼推🙌🏼推🙌🏼Lunch連熱飲 凍飲或特色飲品另加錢試咗個 #陳年柑桔話梅水 唔錯喎👍🏻 甜甜酸酸 好解渴 好過飲凍檸茶😂😂推🙌🏼推🙌🏼推🙌🏼呢間真係夠哂地道👍🏻

1️⃣招牌厚切豬扒喇沙 🐷（$70）豬扒名符其實肉厚多汁！而且即炸即起，塊皮卜卜脆得黎裏面嘅肉又熱辣辣香噴噴，仲要鬆軟彈牙，勇士們非常滿意😋😋😋喇沙湯底都算香，椰奶味比較重而辣味唔算多。可以配摻摻，粗粉絲同油麵，勇者就簡左油麵，唔太入味，配粉絲應該會更掛湯🍜值得一提係佢個魚蛋十分彈牙🤤🤤2️⃣滿堂椰漿飯拼盤（$68）🍛見到隻太陽蛋個靚仔賣相已經即刻加左分先😍🍳 個飯入面有咖喱牛腩，豬頸肉，雞肉，分量都算大兜。先講下咖喱牛腩，呢到嘅咖喱汁係偏酸而且牛腩有少少鞋，豬頸肉明顯有烤過，個皮有點燒汁嘅甜味，幾香口。另外雞肉有加蒜同葱一齊煎，無雪藏味得黎幾嫩滑🐥。配菜方面花生同魚仔都脆卜卜同埋咸香，撈埋個飯更開胃。但個椰漿飯就無嘜椰漿味，唔講以為比錯白飯😣3️⃣ 印度烤餅 ($30)🫓本身以為係印度薄餅嗰啲feel, 但原來係刈包嘅質感，都叫軟熟，只係配上嘅咖哩汁確實偏酸，亦比較水，所以兩者都唔係話好夾的感覺。。。🦸🏼‍♀️🦸🏼總體而言勇者們都推介呢間餐廳俾大家，餐廳員工好熱情，上菜又快，招牌嘅豬扒亦都十分出色，係勇者們絕對會encore之選❤️

大角咀美食小店雲集，今晚朋友帶我去這間吃星加坡菜式的餐廳，她說午飯時段要等位，有很多人幫襯。晚餐時段，如果來晚了也要等位的。真的我們結帳時已看到有人在等位了。今晚我們早到，餐廳內有很多位可選。選了一張靠牆的座位坐下，欣賞一下餐廳的佈置，確有去了星加坡的感覺。牆壁上用藍白兩色馬賽克砌成的魚尾獅的像，餐桌上有一幅星加坡城內的圖像，店內用木餐桌和木椅，灰色的地板有部份砌上幾何圖像，有點特色。食品方面有套餐可選，分別為飯類和粉類，價錢也不貴，又不收加一。我們選了一飯一粉共享。招牌8安士厚切豬扒飯配星加坡黑豉油汁和椰漿飯。大大碟豬扒飯上檯，盛載的碟子很特別，是鵝蛋型的，8安士厚切豬扒已切好一件件，只見面層炸得十分香脆，散發出滿滿油光，咬下去肉質細嫩，不會硬崩崩，口感豐腴，而且件頭大，很飽肚。椰漿飯，香味濃，粒粒分明。因為豬扒已夠味，我們也不需要加入星加坡黑豉油汁。飯的旁邊有一小撮蔬菜，青青爽爽的椰菜花、翠肉瓜和紅蘿蔔，畢竟炸豬扒都是多油，算是中和肥膩感。海鮮大燴叻沙配帆立貝、青口、鮮蝦。叻沙上檯已聞到香濃的湯道，喝一口湯，味道留在口腔處，可慢慢細嚐那股濃稠合度的質感，摻摻混和特粗米粉，口感實在，

自己比較少食星馬菜，因為麻麻地喇沙😂不過今日朋友推介呢間餐廳，睇過佢個餐牌，好似都唔錯，咁又來試下啦🤣去到餐廳大概係六點三左右，時間尚早，得幾枱客~餐廳擺設幾東南亞feel，幾舒服，冷氣都好夠😂坐低睇左陣menu，大致都係一人set同多人餐~本身唔太肚餓，諗住叫個一人餐同小食share食，但唔見有得散叫小食🤦‍♀️諗左陣，就叫左🥥滿堂椰漿飯拼盤同🐏小印度咖哩雜菜羊扒配烤餅~🥥滿堂椰漿飯拼盤 ($68)一上枱，賣相幾吸引😳呢個有🐔煎雞扒、🐮咖哩牛腩、🐷燒豬頸肉、🥜魚仔花生，同埋大大隻🍳太陽蛋😍🐔煎雞扒皮脆肉滑，好夠味😋🐮咖哩牛腩唔會好辣，整得幾淋，唔會難咬~🐷燒豬頸肉甜甜地，好好食，幾款 食送 入面最鍾意係佢👍🥜魚仔花生就正正常常，好多東南亞菜都有~🍳太陽蛋係我鍾意嘅脆邊，蛋黃仲可以篤穿撈飯食😍🥥椰漿飯，本身期望不大，點知好有驚喜😳個飯好夠味，又唔會太濕，o岩o岩好😋🐏小印度咖哩雜菜羊扒配烤餅 ($88)一上枱，呆一呆，成碟野好誇張😱即刻望一望幾錢，$88，當場覺得好抵😂羊扒好巨型，啖啖肉，幾有羊羶味😍淡淡孜然香，唔會好似西北烤肉咁重口味👍羊扒唔點咖哩都好夠味😋🥦雜菜咖哩唔會好辣，入面有D

星洲總廚係我地喇沙list 嘅第一名。每次想食喇沙就會諗起佢！每次專程去大角咀都係為左去食佢。今次叫左豬扒同雞扒喇沙！其實一份肉已經足夠兩個人share，但奈何冇得叫淨喇沙。所以次次食肉都食到好飽！我地每次都會叫淨幼米粉，因為米粉掛湯，食落更滋味😋 每碗入面都有烚蛋，魚蛋，豆卜。湯底濃郁，充滿椰香！真係好好味！豬扒都係依度嘅招牌菜！厚身得黎好juicy！雞扒正常發揮。但係最出色嘅我地始終覺得係碗喇沙😋

星洲總廚新加坡美食叫左一個雞扒喇沙 ＋ 豬扒喇沙喇沙（摻摻）- 粗米粉＋油麵另外一碗就淨油麵，較建議摻摻，口感會豐富d~但都好足料，湯底好濃原，好掛湯，有豆卜，索哂d湯汁，正正子。加幾粒魚蛋同塘心蛋。雞扒正常煎，夠香口，雞扒夠滑，但比起豬扒較為普通。2.5 / 5豬扒好厚，厚得黎唔會好實，應該系炸完再煎/調轉，好香口!!加埋d油脂/肥膏...一咬落去...正, 入口即溶!! 不過放心，唔系成塊都肥脂，每啖都好香好正。份量都好足夠!!4.5 / 5 除左喇沙，仲有其他選擇... 咖喱豬扒飯..見隔離枱叫都好出色，配飯/麵咩都好，一定要試豬扒!!!馬拉怡保白咖啡 (4/5) 咖啡味夠香，奶同咖啡好balance 一半一半，唔會太奶，都唔會太澀，唔錯!!!馬拉三色奶茶- (3/5  ) 味道比較甜，有菜味，但系我都系prefer咖啡多d  BTW  waiter 既服務態度都唔錯! 天口熱，野飲都好快黎到仲話「飲番兩啖野先」PREFER

經過見到就諗住試下，排緊隊已經心急到諗定食乜🫣入到去落完單，想食既野都賣哂，有少少失望1️⃣凍馬拉三色奶茶 最底個層係，馬拉椰糖，之後就淡奶同紅茶，飲落去無咩特別，同普通凍奶茶差唔多，茶味唔算濃，奶味有少少搶左個味2️⃣🐏小印度咖喱雜菜羊扒配飯/薄餅 咖哩有少少辣似紅咖哩，羊扒有兩塊都算大塊，但有少少過熟同有筋，揀左配薄餅，薄餅同想像中有啲出入，係厚身既薄餅，有少少似蔥油餅，幾飽肚下3️⃣🐣馬拉風味鴛鴦雞椰漿飯 鴛鴦雞即係蔥油香茅雞扒同星加坡咖喱雞，雞扒好香香茅味，個皮係脆既，但有少少咸，咖喱雞味道冇乜特別，普通黃咖喱咁，椰漿味重，椰漿飯賣哂，所以只可以配白飯🌟等餐時間預15分鐘以上，邊啲野食賣哂可以預先通知，唔洗啲客人繼續排隊，入到去坐底先知