明閣 (鷹君中心)

下午5點HAPPY HOUR時間到了灣仔明閣小酌一杯. 入口已是酒吧位置相當吸睛, 女士們可以好好打卡一番.選了高枱位置, 亦坐得舒服.朋友選了cocktail, 我飲紅酒. 說真的普通house wine亦真的不錯, 是酒吧經理介紹的, 酒杯也有質素. 朋友點的cappuccino cocktail, 有厚厚的泡沫, 咖啡香氣十足, 聽朋友的評價很好.另外點了金沙廣島蠔, 椒鹽牛舌粒, 出品算十分出色, 佐酒小食來說十分到位. 飲酒配炸蠔食得多,中式做法, 配咸蛋黃金沙外層既炸蠔, 算是有趣, 食完一隻又一隻… 好奇晚餐應該不錯? 下次應可一試.椒鹽牛舌粒, 不用多說. 食材優質, 入口簡直系享受. 醉愛.總括來說, HAPPY HOUR有驚喜, 米芝蓮級數中式佐酒小食相信只有灣仔明閣做到.

上星期五要探在灣仔工作的朋友，大家相約在附近的餐廳Happy Hour小酌一兩杯，說好了是HH，但他帶我來的這間是中餐館，心想：中餐也有HH嗎 ?一步入餐廳，門口的吧台很有格調，甚有當代藝術風情，完全不像中餐。轉角就有清雅的裝橫，環境闊落，十分適合合家歡。由於午飯時間已過，我們是下午四點左右到時，場內十分寧靜致遠，由於沒有很多人我們就在落地玻璃窗旁就座。落座後我們點了些小食和酒吧經理推介了我們的雞尾酒。我覺得最有驚喜的是這款Ignited 雞尾酒。他有為我們介紹這款 --- 它的別名叫「姜濤」，因為是由姜味的白酒和桃味的白酒混合調配，第一次喝用白酒造的雞尾酒，口感十分醒目而清新，主要的基酒是中式白酒，輕輕的桃香令酒的餘韻更持久。而且賣相十分精美及優秀，用冰杯盛著整杯粉紅色有鮮花點綴的雞尾酒，有點像我們去喝日本清酒的高級版。朋友則點了也是用白酒來調配的Cappuccino，也是有趣，也是脫俗。小食方面，我們以蔬肉小食的配合去配搭白酒雞尾酒 --- 我們點了黑椒鹽燒牛脷粒及咸蛋黃小瓜，這個小瓜是我最喜愛的翠玉瓜炒咸蛋黃，口感特別，頗有驚喜。接下來是我最喜歡，也是明閣最著名的小食牛脷粒，果然

當知道明閣搬到灣仔已很想去試菜，一共去了兩次，一次是午餐，另一次是晚餐，兩次相隔3個月。他們的環境及食物都是不錯的，不負他1星之名。未能晋升當然是有不足之處⋯⋯第一次去食午餐我們只有兩位，因到達時已兩點，他們安排我們到房間內，房間內只剩一枱還在用膳，待應們已不停收拾碗碟所以有點嘈，一星不應該這樣吧，其實大廳內是有足夠坐位及還有幾圍枱用膳，可以安排我們坐在大廳安靜地用膳。第二次去是晚上，是日我們有3位。因我忘記帶有安置「安心出行」的手機，reception 的回應好似我犯罪一樣，令我極度不滿，被安排坐在bar枱附近，比較黑連看餐牌都有點難度。另外，我們想食他們其中一碟照牌菜，他們說賣完，再點另一碟又賣完，只不過是7時多就賣完，極度失望！語氣亦不專業！所以我們都沒有點太多菜式。食物方面兩次都沒有令我失望，大廚的確有水準，可惜樓面未能配合令整體感覺而失分。如果因為食物我會再來但如果想開心、滿意地用餐，香港實在有太多更好選擇。米芝連的價錢我會要求服務質素更專業的餐廳。當知道明閣搬到灣仔已很想去試菜，一共去了兩次，一次是午餐，另一次是晚餐，兩次相隔3個月。他們的環境及食物都是不錯的，不負他1星之

今日我要頌一個獎比灣仔明閣既 炸 子 雞!!!你看看, 你看看...皮脫肉嫩. 個皮超薄超脆, 入口即溶, 係好似朱古力咁溶. 滿口雞油香, 但由於皮夠薄, 感覺不會油膩.再說雞肉, 新鮮雞味出晒尼, 肉質嫩到.. 我不會形容咬下去略帶有黃油脂肪, 用爆汁這詞亦絕不過份.天呀, 點解我而家先遇到尼隻灣仔明閣既 炸 子 雞!大愛. 必定再訪. 

進補要及時，快來一場冬日嚐味盛宴！說到進補，養血滋補的鮑魚花膠遼參少不了，現在有限時優惠，實在來得太合時了！頭盤先來青瓜酒醉鮑魚、豉油皇鮮元貝及極品蜜汁叉燒，仙氣十足，每次來明閣都必定要食的叉燒，入口即溶，蜜汁香醇。進補必須要有湯，淮杞燉花膠螺頭，燉湯香濃，飲後全身都暖笠笠，厚花膠配鮮味螺頭，手腳冰冷的我都溶化了。然後是令人驚喜的金沙牛油果伴金沙虎蝦球，外脆內軟，咸蛋黃香，回味無窮、滋味滿分。整個盛宴最期待的蝦籽脆皮遼參素千層，矜貴遼參製作過程複雜，竟然用這個價錢可以品嘗到！上層皮脆，中間膠質滿滿，下層素千層，三重口感配上香濃蝦籽汁，真的想再來一客！巧手醋香黑豚肉，陳醋香醇，黑豚嫩滑，擺盤美如畫。然後來點清新的，濃雞湯魚肚浸時蔬，温補雞湯去了時菜的寒涼。吃過六道菜的我已飽飽了，如果你仍未夠還有珍珠雞在等你。最後甜品有養胃桃膠薑茶湯丸及暖胃棗皇糕，寒風也不覺凍。優質食材 巧手廚藝 眼球滿足 令人再三回味！環境幽靜 服務員親切 屬米芝蓮質素！

因為星期二放假，好好彩用OpenRice訂到位同灣仔返工的朋友食午餐，就試下呢間朋友口中好好食的中菜 - 明閣。一上樓就係門口，當踏入餐廳，迎接嘅服務員已十分有禮貌，不用等直接就安排入座。餐廳環境幾有feel，座位舒適。因為第一次嚟，之前已做足功課有咩最出名：燒賣，蜜汁叉燒，沙薑煎雞件，仲有炒牛柳粒係必叫。四個人叫了個湯，幾個點心和小炒，另外同場的女士們都好鍾意明閣的甜品，我地也叫了蛋散，杏仁豆腐同埋薑汁牛乳奶凍，全部都好好味，好足料，手工精細，美味可口，不得不提，配埋個鐵觀音茶又香濃，好match! 放假得黎滿足左口胃！！！總括嚟講今餐十分滿意👍🏻👍🏻👍🏻燒味雙拼個叉燒真係好優秀!本身燒得好好，入口即溶，下次要帶老婆黎食，佢一定好鍾意。瑤柱燒賣食得出係好新鮮的瑤柱滑同埋啲用料都好足!沙薑煎雞個味應該岩三十到六十歲食，有濃濃的沙薑同陳皮味。同場女士們話好暖身，特別巖岩呢排有啲凍嘅天氣。雙蔥牛柳粒去邊個中菜我都會叫呢味餸，試下廚師個鑊氣夠唔夠!肉同埋菇數量都好夠口感!一流!甜品 – 蛋散女士們話一定要食，果然唔錯!脆口!甜品 – 杏仁豆腐呢個我們要叫了三個，因為太搶手，個杏仁豆腐口味濃郁

因為BEST FRIEND生日，而大家又喺灣仔返工，咁就喺明閣食餐好一定要BOOK位！一定要BOOK位！一定要BOOK位！試過同一個星期BOOK 枱，不過已經無位每間枱有適當嘅SOCIAL DISTANCE，坐得十分舒服不過張櫈重咗D，移櫈辛苦D西洋菜陳腎老火湯 - 足料老火湯，湯渣可以當一個餸巴馬火腿蘿蔔千絲酥 - 勁LIKE多芝麻，入面嘅蘿蔔絲好夠味 葡汁海皇蜂巢芋角 - 呢個芋角有驚喜，淡淡嘅葡汁AFTER TASTE海龍皇脆皮紅米腸 - 三重口感，由軟軟紅米腸到脆皮再到彈牙海鮮烏金蒜墨魚燒賣 - 本身我係黑蒜愛好者，食黑蒜墨魚燒賣係理所當然 兩樣野夾埋嘅味道好新穎迷你蟠桃 - 喜歡明閣D壽包唔太甜，食到飽 都可以食埋成個壽包服務員推介，晚市有個冬日套餐睇落好吸引，下次一定要嚟試吓

因為要慶祝，而朋友對食物及環境的要求都好高，所以要搵一間環境同食物都有水準的中菜，立即就想到明閣，之前試過旺角果間，所以今次又試吓灣仔，睇吓2間明閣有何不同。餐廳環境闊落，燈光柔和充足，同旺角既感覺截然不同，我地人行6人安排坐係小房，同場仲有幾枱，但枱與枱之間有充足距離，唔會聽到隔離枱既對話，幾好。今次較為出色的有以下：🔸酥炸焗釀鮮蟹蓋 每次必點，入口啖啖蟹肉，又唔油膩，好正🔸花雕貴妃醉鵝肝 意外之喜，鵝肝軟腍帶有淡淡的花雕味，再加上旁邊的青瓜，令食落無咁膩，令你想食多2舊。🔸極品蜜汁叉燒 果然是極品，此叉燒肥瘦適中，香甜蜜味，又有肉汁，好味。🔸明閣招牌炸子雞 皮脆肉嫩，有雞味，而且炸得乾身，沒有油淋淋，配上年藕片很好吃🔸龍蝦湯蟹肉瑤柱乾燒伊麵相對普通，龍蝦湯個味不明顯，伊麵唔係好吸到龍蝦湯個味。

假日和老婆在灣仔閒逛，百無聊賴不如吃點好東西。打開網頁看見明閣在灣仔有分店，見時間尚早就試試walk in ，幸運地又比我哋攞到位。來到餐廳，入門口首先看見的是一個精緻典雅的酒吧，整齊的酒櫃令我忍不住在酒吧位和老婆喝了兩杯Cocktail為今天的假日點綴一下。入座後點了琥珀甜桃仁作為開胃小食，糖衣輕輕包裹着香脆的合桃，散發出的芝麻香氣配上餐廳的指定紅酒喚醒了我的味蕾魚子醬蟹肉大良炒鮮奶鹹鮮的魚子醬配上滑嫩且濃郁的炒鮮奶，口感綿密，中間仲有一疏疏的蟹肉，每樣食材都是我的最愛，每一口也洋溢鹹香。芝士焗釀鮮蟹蓋明閣的招牌菜，造型精美，脹卜卜的蟹蓋釀滿了蟹肉配上芝士做點綴，蟹肉份量闊綽，啖啖鮮甜蟹肉，雖然是芝士焗但奇妙在毫無油膩的感覺，簡單但無懈可擊。要說挑剔的地方是進食時蟹蓋會經常移位，要用手扶着蟹蓋吃有失儀態。鳳梨咕嚕黑毛豬柳首先要讚一讚鳳梨非常鮮甜無渣！黑毛豬柳彈口卻同時非常柔嫩，豬味濃！鳳梨甜！材料上乘，咕嚕汁調味甜酸剛好，當堂食慾大振！不足之處是炸衣不夠酥脆。明閣招牌炸子雞不用多介紹，皮脆肉滑是基本，師傅火候控制工架高超。炸子雞散發出誘人的香氣，令人難以抗拒，伴碟的蓮藕刨成薄片非常講

朋友生日飯，大家想食中菜，所以一早預約咗灣仔明閣！之前試過喺度飲茶，無論係食物質素、環境、服務都係五星級！今次試晚飯，特別推介呢幾個餸：▶️招牌菜－酥炸焗釀鮮蟹蓋呢個真係必食！成個蟹蓋都係充滿蟹肉，分量十足。因為我哋仲叫咗好多餸，所以蟹蓋兩個人食一份就啱啱好▶️金沙廣島蠔充滿住鹹蛋黃嘅香味，好惹味😍欣賞佢做得唔油膩，蠔味鮮甜▶️濃湯花膠雞絲羹好足料！每啖都充滿花膠、雞絲、木耳。補充骨膠原之選▶️鮮杏汁杞子百合浸時蔬好鍾意呢個菜嘅杏汁，好清甜。配合木耳同埋杞子一齊，直頭可以當湯飲。▶️黑椒雙䓤澳洲牛柳粒牛柳炒得啱啱好，食牛柳嘅時候記得要食埋蔥段同埋洋蔥，咁樣食真係好襯。埋單嘅時候，服務員認得我其他friend係熟客同我哋講11月19號開始有個冬日嚐味套餐好抵$988，叫我哋有時間過嚟試，睇尼要早d book定枱😍

朋友生日飯，大家想食中菜，所以一早預約咗灣仔明閣！之前試過喺度飲茶，無論係食物質素、環境、服務都係五星級！今次試晚飯，特別推介呢幾個餸：▶️招牌菜－酥炸焗釀鮮蟹蓋呢個真係必食！成個蟹蓋都係充滿蟹肉，分量十足。因為我哋仲叫咗好多餸，所以蟹蓋兩個人食一份就啱啱好▶️金沙廣島蠔充滿住鹹蛋黃嘅香味，好惹味😍欣賞佢做得唔油膩，蠔味鮮甜▶️濃湯花膠雞絲羹好足料！每啖都充滿花膠、雞絲、木耳。補充骨膠原之選▶️鮮杏汁杞子百合浸時蔬好鍾意呢個菜嘅杏汁，好清甜。配合木耳同埋杞子一齊，直頭可以當湯飲。▶️黑椒雙䓤澳洲牛柳粒牛柳炒得啱啱好，食牛柳嘅時候記得要食埋蔥段同埋洋蔥，咁樣食真係好襯。埋單嘅時候，服務員認得我其他friend係熟客同我哋講11月19號開始有個冬日嚐味套餐好抵$988，叫我哋有時間過嚟試，睇尼要早d book定枱😍

點心、燒味、小炒都有水平，可以多來，需要訂位。介紹番：點心餐牌，每一款都是寫三件或四件的。如果你只係得兩個人，又想試多啲味道，可以同侍應講，每款只要兩件⋯ 咁就唔使驚食唔晒啦。

話說好朋友生日，當然要食餐好少少慶祝一下，揀咗呢間中菜廳平日嘅晚上都滿座，非常旺場。點了幾款精選美饌享受一個開心晚上▶️酥炸焗釀鮮蟹蓋 - 蟹蓋內盛載滿滿嘅蟹肉，絕無揸流攤，食完好滿足！▶️脆香三疊 - 腰果/合桃Ok好味，最特別係炸蓮藕片，薯片般嘅口感▶️極品蜜汁叉燒 - 燶邊半肥瘦叉燒，肉質嫩滑，蜜汁味道香濃▶️花雕貴妃醉鵝肝 - 酒味較濃，鵝肝口感就較綿密，入口即化▶️招牌炸子雞 - 整晚最出色嘅一道菜，上枱時有驚喜，皮脆肉嫩，以炸蓮藕片伴碟亦別具特色▶️龍蝦湯蟹肉瑤柱乾燒伊麵 - 稍為失色，炒得不夠乾爽，有點油膩▶️麻香栗蓉煎堆仔 - 創新做法以栗子蓉做餡，我自己覺得味道都可以餐後感：整體食物質素非常好，服務水準之上，多謝3 位靚女朋友搵到呢間質素咁好嘅中菜廳！

再訪明閣（灣仔店）之前來因為得兩個人，所以試左tasting menu, 今日再約多幾個朋友嚟，可以單點多選些其他茶式，確實試出廚師真功夫，好手藝。論裝修，這裡走大眾路線，不華麗但簡潔寬敞，坐下空間感十足，感覺舒服。服務態度非常恩勤，當晚客人都不少，但仍然有足夠的人手配合每枱客人需要，服務態度非常良好，果然是星級食肆。其實有很多菜式想試，就選些大家都想吃的。海蜇三重奏（芹香海蜇頭、醋香紫海蜇、XO醬海蜇絲），其中醋香紫海蜇非常出色，陳醋味香濃，海蜇爽口。脆香三疊（琥珀甜桃仁、鹽香脆藕片、蒜鹽黑椒腰果），這個作為餐前小食非常之適合，香脆可口，必食。花雕貴妃醉鵝肝，鵝肝粉嫩，酒味非常香濃。酥炸釀鮮蟹蓋，以純蟹肉炸出來鮮甜無比。極品蜜汁叉燒，肉身鬆軟，蜜汁香甜。明閣炸子雞，皮脆肉嫩。蝦籽鮮菌素千層，蝦籽是整味菜的靈魂。龍蝦湯蟹肉瑤柱乾燒伊麵，這個正常發揮。栗蓉煎堆仔，改用栗蓉比蓮蓉更可口。

前幾日同朋友去左一間想試好耐既餐廳，灣仔明閣。一齊去左食個Lunch，真係令我地好Surpise!! 我同朋友入去餐廳既時候，待應好有禮貌地幫我地安排座位，第一印象好好，仲推薦左一D招牌菜俾我地試。灣仔明閣既裝修果然係好雅緻 ，牆上既畫同埋中式擺設令到成間餐廳既氣氛好有藝術感。而且每個位個空間都好夠，有Privacy，舒服唔會迫。1）花膠濃湯雞絲羹 － 材料十足，有脆片伴食。湯羹味道好濃，熱愛骨膠原既女士表示好正！2）金箔蟹粉小籠包－每人一籠，小蒸籠好別出心裁，一打開就係一粒好大個既蟹粉小籠包。有金箔點綴下，一口咬落去個皮薄到爆汁！！！蟹湯十分香濃！！我地之後仲叫多左兩個黎食3）雪山竹炭叉燒包－聽講過灣仔明閣既叉燒係好出名，所以今次特登叫左呢個黎試下。呢個竹炭餐包配上白雪脆皮，個賣相已經覺得好靚。蜜汁叉燒的確不負眾望，十分Juicy，果然名不虛傳！4）筍尖鮮蝦餃－蝦餃既份量大大粒，鮮甜爽口！5）海龍王脆皮紅米腸－呢個菜成個配搭都好新奇腸粉皮中間包著脆脆既炸野，最裡面就係豐富既蝦餃加配料，上面再加上柴魚片裝飾，味道好正！6）香芋鮮奶燉蛋白－最後呢個甜品真係令人好impressive  淡