明閣 (香港康得思酒店)

今次食中菜，嚟到旺角嘅明閣，係米芝蓮一星食府，一於試吓佢嘅摘星名菜🤩 明閣八小碟豬手滷得好腍，鴨舌有淡淡嘅wasabi味，海蜇爽口唔腥；其他小碟都唔錯。藍天使蝦黑椒粉絲煲🦐粉絲索晒蝦嘅鮮味，好乾爽入味！蝦肉實淨彈牙。黑椒辣辣哋，令成個粉絲煲更惹味。遠年陳皮煎雞🐓明閣精選美饌😋即叫即煎，雞皮十分脆口。醬汁好香陳皮味，煎雞蘸上陳皮汁，甘香醇厚。 西班牙黑毛豬東坡肉🐖🌟米芝蓮一星菜式！東坡肉入口即溶，肥而不膩。醬汁醋同糖嘅比例啱啱好，酸酸甜甜。東坡肉切落去嘅時候係啜刀㗎！可見個膠質係幾咁重！🤤 啫啫蝦乾蝦膏芥蘭煲🥬蝦乾同蝦膏勁香，芥蘭青脆嫩綠，清甜唔澀口。兩面黃炒麵魚肉嫩滑，洋蔥甜脆。炒麵香口，夠乾身。中間嘅麵條吸收芡汁，口感豐富👍🏻

位於旺角米芝蓮粵菜食府。價錢同食物嘅味道好似唔成正比🤔只是正常的中菜廳茶芥嘅琥珀合桃好食🥹🦆芥末鴨舌伴醋香小木耳 $168鴨舌已經去咗骨🫶🏻不過唔係好食到wasabi 味🤔醋香小木耳有好溫和嘅酸味，不錯🦀酥炸釀鮮蟹蓋 $268蟹蓋每啖都食到鮮甜蟹肉，蟹肉餡用咗忌廉同洋蔥做調味，再加埋外層薄嘅麵包糠，口感有層次。美中不足嘅係個蟹蓋好細🤔🥬金耳榆耳扒菠菜苗 $248金耳、榆耳係菌類植物，木耳銀耳嘅朋友。聽講對身體唔錯🤔今次係我第一次食金耳同榆耳，不是我喜歡的味道。菠菜苗口感幼嫩🍜芙蓉蟹皇蟹肉燴伊麵 $328清淡嘅燴伊麵，蟹黃蟹肉唔係好食到佢哋嘅味道🤔扮芙蓉嘅蛋白味比蟹味多🥚

一年一度春茗，又剛剛疫情放寛，總想找一些好酒家慰勞所有員工，故特意找了名閣的珍饈優惠套餐，每位$888。明閣的下午行政套餐，我之前已試過，亦讚不絕口，不過今晚的盛宴，卻令我畢生難忘。由第一道開始，每道菜都有驚喜，用儘心思，不愧為米芝蓮食府，令每位員工都留下深刻印象。員工態度友善，亦感激名閣安排，讓我們有一個尊貴VIP房，空間寬敞，還有客廳，內設洗手間，讓我們不受外間騷擾，好適合有小朋友或行政開會之用。我們在座的都非常滿意，有機會一定會再來一試！第一道菜是有煙噴出的魚子醬蟶子，讓大家目瞪口呆！松茸焞椰皇，超清甜芝士龍蝦，超鮮味，如可以再大隻些會更好！🤣花膠鮑魚入口即溶黑松露珍菌A5 和牛，超讚，如和牛七成熟會更好。海味魚湯超鮮甜， 蘿蔔好甜，好想飲多碗雖然大家都有些飽，但這個蒸蝦竹筒飯一定要試！桃膠燉雪梨，完美的句號！這是包房的另一邊，足以放多一圍，左邊就係洗手間，超方便！

試過了龍景軒之後，開始對星級中菜有興趣，明閣雖然味道上沒有大驚喜，但食材的高級及精緻的擺設，算是跟星級相符，物有所值。至尊蜜汁叉燒- 肉質鬆軟，肥瘦適中，夠燶夠香口，非常好食。筍尖藍天使蝦餃- 中間的餃很別緻，蝦肉滿滿又彈牙，皮夠薄。原隻鮑魚雞粒酥- 鮑魚好口感及有甜味，下面的酥撻更是香口。可惜我不懂欣賞付送的陳年普洱。韭黃藍天使蝦腸粉- 大大隻又爽口的蝦，腸粉皮很薄又不會一夾即散，是頂級的質素。香煎藍天使蝦墨魚餅- 口感一般，沒有驚喜。明閣炸子雞- 雞皮處理得很香脆，肉質及味道都不錯。茗茶- 味道記不起了，茶具精緻。

不是第一來但係第一次來試他們的點心。是貴的，但物有所值，尤其出面普通點心地方都不是太平。蝦餃大粒爽口：叉燒包不太肥、味道不太甜，我鍾意！雞扎好名貴，有鮑魚、花膠和海參：平時飲茶，係越飲越濃，要加滾水去冲淡，但又會變得無味。 今次不例外。待應幫我斟茶，我話不需要。因為已經好濃，但我又費事講咁多嘢。佢望咗我半杯墨汁茶一眼，然後攞走個茶壺。回來時話「呢壺淡啲」。我試咗，仲有茶味的。好醒目和貼心的服務！令我好難忘！

停左外食三年幾，社會面放開，自己都全面放開。多年會員，第一次覺得，個套餐係好食而抵食。見周圍都係食e個餐，好受歡迎呢!服務正面，環境良好，食物精美可口。希望保持，e家飲食界競爭太激烈。

掛名米之蓮一星食物無驚喜服務仲驚人點心未上晒就經已收你餐具唔會主動加茶水唔係自己check客人有無上某樣點心而係反問客人有無上到個蒸籠仲有個包都問我要唔要係咪真係趕到咁緊要要人交枱？！吉枱唔少 都下下要做到趕客走咁價錢反映唔到服務真係谷鬼氣第一次亦係最後一次去

其實我都幾鍾意食中菜😚呢晚食左旺角康得思酒店6樓的米芝蓮一星粵菜食府明閣。Openrice book枱周不時都有優惠套餐，今次就食左今季既海皇珍饈冬宴，一共有八道菜，優惠價每位$888。冷盤係蟶子，有淡淡酒和，肉質爽口彈牙😋 原個椰皇燉湯好清甜keep到好熱，相當滋補☺️ 酥炸芝士龍蝦🦞好好食🥹炸得好香脆，龍蝦肉勁爽口，芝士汁都調得好好！南非鮑魚好入味，鮮甜厚肉有嚼頭☺️估唔到竹籠海蝦蒸飯都幾好食，啲飯都好香，乾身一粒粒，配埋海蝦既蒜蓉，成兜飯俾我食晒😚最後食埋燉雪梨，好滋潤🥰🔸魚子醬酒釀蘇格蘭蟶子🔸原個椰皇菜膽天白菇竹笙清燉松茸🥥🔸酥炸芝士龍蝦🦞🔸蠔皇扣原隻南非鮑魚拼堂弄花膠🔸黑松露珍菌A5和牛🐮🔸大澳海味魚湯浸本地蘿蔔🍲🔸竹籠海蝦蒸飯配古早醬油🦐🔸葛仙米桃膠燉原個雪梨🍐

朋友有信用卡coupon，約我去試吓高級食府，俾高級價錢😂食肆地方寬敞，最特別係餐椅有一塊板伸出嚟可放手袋賣相普通，可能用靚豬肉，所以唔落太多醃料。味道偏淡，燶嘅地方唔夠香，勝在豬肉好腍，肉質鮮嫩第一次食咁嘅款式牛肉球😅。牛肉有口感但唔係死實實。如果上湯熱啲，點心的味道就會提升。蝦餃大隻，蝦肉份量足，但皮較厚，食唔到有筍。燒賣整體較蝦餃好，餡料配彈牙蝦肉，有口感呢個點心，唔係食灌湯餃，而係飲佢嘅熱辣辣鮑魚花膠海鮮湯，味道濃郁。灌湯餃就一般，皮薄，饀料切到細細粒，易入口。外脆內軟，比一般咸水角皮薄，幾好食！炒得入味，但XO醬唔夠，要自己加枱上面的XO醬調味。香脆好食，蝦肉都係彈牙。可能開始飽，沒有想食第二件的感覺！傳說中的蛋散都係不外如是，唔係特別鬆化，芝麻同糖漿亦唔夠。

妖你老未唔明點解呢間野會有星環境又嘈同酒樓冇分別服務又差問個侍應上緊咩菜都答唔到上菜又慢真係可以留返清明先再上唔知點解會有人比好評呢間野唔值得有好評呢間垃圾完全唔值得有星唔值呢個價錢

作為米之蓮中菜館餐廳之一的「明閣」果然名不虛傳，是晚盛宴就選址康得思酒店內的明閣，菜式由入廚經驗幾十年的主廚主理，食物質素絕對有保證。🦀【酥炸釀鮮蟹蓋Stuffed crab shell, fresh crab meat, breaded, deep fried $238】招牌菜之一的酥炸釀蟹蓋基本是每枱「必點」，品嚐過不同酒店/中菜廳的釀蟹蓋，我認為此品也是水準之上；香酥不膩的麵包糠外層包裹著一梳梳、用料十足的蟹肉，配上剛剛好的忌廉醬汁及香口的炒洋蔥，簡單滋味卻又突出食材。👅Restaurant：明閣 (香港康得思酒店)📍Location：旺角上海街555號香港康得思酒店6樓

簡單評論下，反正冇下次1. 食物質素：6／10 用料新鮮既，但味道平凡。剛發現米芝蓮係2018前的，唔怪得佢2. 環境裝修：4／10 裝修舊，同客就錯晒3. 服務質素：2／10 同我去左海港，美心差唔多。未叫埋單就攞單黎，高級餐廳玩到好似茶仔咁？4. 價錢：1／10 高級食府唔應該用性價比去計，但咁既質素，飲茶$400 per head，我覺得全個體驗$200就差唔多，所以唯有用性價比黎，所以bad list得😊

————————————————————————明閣 (香港康得思酒店) 地址：旺角上海街555號香港康得思酒店6樓明閣作為米芝蓮一星級食肆，服務和食物質素堪稱一絕，份量和用料很有誠意🤩，帶家中長輩或者換換口味一定要來試試看😋😋🟠推薦食物 Recommended 🔹海皇珍饈冬宴🔸魚子醬酒釀蘇格蘭蟶子：作為冷盤前菜，清新足料搭配上仙氣飄渺的雲霧很有意境🔹原個椰皇菜膽天白菇竹笙清燉松茸🍄🥣：第一次鹹食椰皇很是有趣，湯選用了最為鮮嫩的菜膽很是鮮甜可口，松茸清香紮實🤩🔸蠔皇扣原隻南非鮑魚拼弄堂花膠：鮑魚大隻飽滿甚是可口，相比之下花膠略微遜色🔹黑松露珍菌A5和牛🐮：中西結合的和牛煮法帶來意想不到的美味饗宴，和牛十分軟嫩入味🥩🔸大澳海味魚湯浸本地蘿蔔🦐：蘿蔔十分鮮甜多汁軟嫩，相較之下魚湯有點少了，令人意猶未盡🔹竹籠海蝦蒸飯配古早醬油：精華在於古早醬油，竹筒飯增添了飯的香氣，而醬油更是錦上添花🌸見到不少枱的客人忍不住扒到底🔸葛仙米桃膠燉原個雪梨🍐：一上菜並未見到桃膠，原來內有乾坤，桃膠釀在雪梨裡面，軟熟的梨子🍐很是潤喉，很適合現在的天氣～🟡不推薦食物 Not Recommended 🔹無 No🟠員工

原來諗住聖誕食好西，點知得到一個永世難忘嘅回憶。當天侍應的服務態度極差而且發生多個失誤導至本人同本人妻子的用膳的體驗極差。１）當天14:25到達明閣被安排入席後。番左5-10分鐘，無人greet我地，無人比menu我地。我們點了兩位的商務午餐（月），點餐完成時間約為14:40。剛點完餐後，又有另一位侍應問我地兩杯跟餐果汁要乜野２）上左果汁後便一直沒有人招待，而我們則耐心等候食物。等到15:20 後見仍未有任何食物所以便追單，而且期間沒有任何侍應招待我們，連茶壺無水都無任何人唻Refill。３）侍應見到追單後就走左去電腦到搵單，期間佢地一個搵一個，相信係無落單要搵番負責落單個位同事出唻。成班侍應去哂廚房，本身諗住無落單就走，去食雲吞麵算啦。但佢地唔放過我地，竟然又叫另有一位同事過唻問我地「叫左咩餐」。對此我感到非常震驚，並且極為失望，我叫個位同事去番system搵番我落左咩單４）佢地4-5位同事搵單搵左約十分鐘，都仍然無人比任何回覆我，搵單期間係沒人嘗試提供任何簡單野食比我地，個陣已經大約15:30，我地係白坐左約一小時。５）之後我要求見經理了解情況，Assitant manager 到

食物味道: 個別嘅點心很有水準，但整體而言，食物味道未算令人眼前一亮，或者係米芝蓮食府嘅銜頭累事，令人以高期望嘅心情去食，失望嘅心情去評，如果純粹以一間酒店中菜廳去品評，食品係達到水準的。食物份量: 正常價錢: 跟同級酒店中菜廳價錢差不多環境: 裝修簡單而奢華，但可能因為樓底矮，現場食客傾計聲浪顯得十分大，可以用嘈吵來形容，再加上播放音樂，若要傾計都需要再提高聲量，嘈上加嘈，同呢度奢華嘅裝修格格不入。服務: 服務員有禮貌，但係欠缺笑容，帶點冷漠，並不殷勤，上菜嘅時候亦冇向客人講出菜名，上菜亦粗魯地放喺枱面，當我哋追單，服務員只用愛理不理嘅態度說：「我哋幫你落咗單啊，幫你追追」，跟住頭也不回就走咗，成餐飯亦無幫我哋換過碟，作為米芝蓮高級食府嘅級數，顯得唔係咁相配，不過經理嘅態度很友善，值得一讚，另外星期日早上定左兩段用餐時間，頭段為10:30-12:15pm，高級餐廳有兩段咁短嘅用餐時間，似茶餐廳和小店呢！總結一句，現場環境嘈吵，服務員態度唔能夠稱得上係米芝蓮星級餐廳水準，定立用餐時間令級數顯低，食物水準只算達標，未感覺係米芝蓮星級級數，以米芝蓮星級餐廳嚟評，實屬不合格，故給予劣評。