方榮記沙嗲牛肉專家

營業中

休息中

星期六嘅下午,突然興起想食一個沙嗲牛麵,咁啱屯馬線開通左，咁就去咗宋王臺入九龍城。呢間係出名沙嗲，夜晚打邊爐都有沙嗲極濃湯底，今次五點幾去到只係想一試普通沙嗲牛肉麵。沙嗲牛肉麵$70一碗，冇嘢飲冇其他嘢，其實真係好貴，完全over price…不過見咁出名咪試一次,點知真係完全唔啱口味,因為佢個湯係好似你食泰國串燒俾你嗰隻沙嗲醬咁杰，正常人真係食唔到，第一啖你會覺得好食，之後第五六啖你就唔會想再食囉😅另外一個$125 嘅沙嗲牛炒大光面，完全貨不對辦，睇食評見到大家嘅炒麵都係會有少少脆邊，結果呢一個面係同$70嗰個湯麵一模一樣，只係大份啲同埋用碟上。我哋待應反映，佢堅持話呢個就係個炒麵，心諗完全冇炒過叫炒麵？我哋show埋其他open rice 評論入面炒麵嘅相俾佢睇,佢就hea我哋話唔係呢個,我真係唔知我叫左個水煮炒麵囉.我哋估計係因為接近晚市,佢哋唔想開爐炒個麵,所以就是但水煮淋汁上去就算。有啲地方太過出名，就太過自大，生意唔憂做，是是旦旦，就算價錢不合理都照有大把人去食，今次都要自我反省一下，唔好見到人哋啲相影得好靚就衝過去食😣希望大家唔好中伏。

九龍城名物沙嗲湯底打邊爐🍲老字號打邊爐店，仲係用緊煤氣爐，好有懷舊風味👍🏻沙嗲湯底🍲一開頭食嘅時候，唔係好鹹，但係都好濃郁，湯底入邊仲有好多花生碎粒，好足料，火鍋料已經濃味道唔需要點其他豉油辣椒醬👍🏻👍🏻重口味人士之選生菜🥬好新鮮，係一個咁濃郁嘅湯底入邊，呢一碗菜真係好重要，可以解下油膩👍🏻👍🏻四寶丸🐮🐟🦑正正常常冇乜特別，但係最好食嘅會係墨魚丸，入邊會係有芹菜嗰一種墨魚丸，坊間都比較少買到或者喺火鍋店可以食到👍🏻👍🏻頂好大光麵🍜加埋呢個面，就好似食緊沙嗲牛肉麵咁樣，但係我就好後悔帶叫呢個面🥲因為食到最後個湯底已經越高越行，呢個麵既鹹味係完全吞唔到落肚，最後我哋用啲水沖一沖先食得落，唔係真係要洗腎😅總括而言，係一間非常之傳統古舊嘅火鍋店，可以去體會一下，食物質素正常，價錢都唔算平，總之唔好食麵就OK啦😂

同一班兄弟黎打邊爐，第一次黎食，平日夜晚竟然全場爆滿，座無虛席！4個人叫左2個湯底。沙嗲牛肉關注組既朋友唔好錯過！😈個汁濃到有D杰配公仔麵🍜一流！食完夜晚有D口渴，個湯底真係超濃，連我呢個平時打邊爐要點勁多醬汁既人都唔使點汁就知咩料啦🤪。

📍方榮記沙嗲牛肉專家 (九龍城)九龍城侯王道85-87號地下見到沙嗲牛肉關注組嘅成員不停介紹，佢哋嘅沙嗲牛肉牛餐又好似幾抵食，咁啱去完複診，既然響九龍城，又講得切2:00之前，當然去試吓啦。我都係第一次去，入到去有啲懷舊風味裝修，而且個個枱面都有個炭爐可以打邊爐，有機會都會試吓。見到個餐牌，款款都$34，既然個個都話沙嗲牛肉好食，唔使諗即刻叫沙嗲牛肉炒麵。大概5分鐘上枱，感覺都幾快，而且都幾大碟，味道都唔錯，牛肉同平時食開嘅有少少分別，感覺上比較鮮嫩，$34呢個價錢的確好抵食😋

認識方榮記因為睇左網上一條短片, 話佢係🇭🇰香港唯一一間仲會自己炒沙嗲醬的店家。之後, 又睇左另一條短片介紹呢間餐廳。我地平日既晏晝去食, 佢地有客飯或打邊爐提供。當日有3個嬸嬸SERVE我地, 一個黑面, 一個黑面加串, 一個好好人(短髮瘦瘦地)。好好人個嬸嬸會主動加湯, 好好笑容仲會講唔好客氣, 好彩有佢令整餐飯可以維持一個愉快既心情。我地跟住短片介紹點左星級牛肉同大光麵, 仲有跟自己喜好點左響鈴, 桂花蚌, 🌽粟米, 菜同渣裝酸梅湯。方榮記係我食過咁多年打邊爐, 湯底最濃郁的一間。食到咁上下, 個湯底就會越煲越杰, D湯汁就會開始彈出黎, 建議唔好著🥼白色衫去食。星級牛肉 - 短片話星級牛肉即係澳洲牛肉, 果然無推介錯, 好味, 啖啖肉, 入口滑嫩, 有牛味。桂花蚌 - 厚身但新鮮程度一般, 有點難咬開。粟米同菜不錯, 尤其菜是必點, 沙嗲湯杰到好似沾醬咁掛係D菜上面, 個人覺得佢比大光麵同響鈴更適合配個沙嗲湯底。非常邪惡惹味既沙嗲搭配健康清爽既蔬菜減輕了不少油膩感, 無咁容易覺得飽滯。大光麵同響鈴 - 就算是大胃王, 我也建議二揀一就好, 非常飽肚之選, 短片講得無錯, 佢地既

機緣巧合地試咗大名鼎鼎嘅方榮記🍲我平時好少食沙嗲🤣今次食真係有驚喜😍沙嗲湯底食落唔咸但係好夠濃香👍🏻就算食到最尾都唔會係好咸💭蕃茄湯底本身望落以為係蕃茄加水🤣但係愈滾就愈出味🍅配料方面價錢唔算貴而且都幾大份👍🏻牛肉嗌咗星級牛肉🐂好食😋仲有通菜都同沙嗲湯底好夾😍而且嗰到有啲特別啲嘅配料👍🏻今次嗌咗平時蒸魚得一粒嘅烏頭魚扣😋份量好多好夠食😂👍🏻(張圖個份量其實係我放咗一半落爐先記得影，所以係再多啲㗎🤣)最後嗌咗嗰到推介嘅大光麵🍜淥落去已經煮到好濃稠嘅沙嗲湯底入面😍每一啖麵都充滿住沙嗲汁🤣食落超邪惡😈好食😋而且咁樣食都唔會係死咸👍🏻性價比好合理👍🏻絕對可以回訪👍🏻

老公突然想吃沙嗲牛麵，飛的到達方榮記試試。《沙嗲牛肉麵》下單不久就馬上送到，沙嗲湯底非常濃厚，花生味香，湯底較為厚身，呷下沙嗲味複雜多變，果然跟一般的沙嗲牛肉麵不同。牛肉似肥牛那種，薄薄的普普通通。整體是為了濃郁的沙嗲湯底而來。《廈門炒米》對沙嗲牛冇興趣的我，點了酸酸甜甜的廈門米。味道香濃，酸菜及其他配菜都非常豐富，唯獨炒得比較濕，如可乾身一點就更完美了。

沙嗲湯底OK，略嫌有d鹹。火鍋料質素好普通，其中一碟係韭菜餃，餃皮仲黐住透明膠紙，仲要係搣唔甩，請佢哋換過另一碟，但態度極差，真係唔知佢係客人定我係客人⋯⋯冇咩值得影相，淨係影咗個湯底。　兩個人埋單$1000 ，性價比低，唔會再去。

上網見蔡瀾介紹，好似好好食咁，就同家人卜位一齊去食，點知去到門口條友串過馬撚，服務態度超差！ 入到去湯底得兩種，咁就兩種叫晒，嚟到沙爹湯真係香濃，頭轉真係好味，係頭個轉，之後加湯係加清水，沙爹味當堂無晒，真係唔知點形容......清湯可以唔洗叫，無乜味！ 講到啲野食，叫左個手切牛，肉厚到似係燒肉咁都算，無牛味又鞋。海鮮叫咗蠔&珊瑚蚌，蠔就正正常常啦，都算有蠔味，重點係個珊瑚蚌，唔鮮不但之，切到鬼死咁大嚿，咬到牙都軟......炸魚皮難食到不予置評（想中伏可以試吓）再嚟係叫左芝士腸，正常無特別。 最後四個人食咗千六左右，一定一定無下次...

早排喺 social media 見到個 #blogger 介紹 方榮記沙爹牛肉專門店 嘅 #沙嗲牛肉炒河，佢講到又平又好食， 搞到 #小秘書 都心癢癢😚 呢日適逢陪mammy過嚟 #九龍城 入貨，當然要去 #潮聖 啦🤩一心諗住叫個$34午餐可以吃個飽，正當我想落單之際，阿姐提議我哋可以試吓佢哋推介嘅 #沙嗲牛肉麵🐮 佢可能見到我有啲猶豫，即時補句「啲 #牛肉 靚好多㗎」… 一場嚟到，都想mammy食好啲嘅，比貴少少$70就$70啦😅 真係冇諗過午餐嘅 #炒河，竟然變成面前「糊狀」嘅 #沙嗲牛肉湯河，杰撻撻嘅口感，真係有啲難頂😅 不過沙嗲味真係夠哂濃，牛肉嘅質感雖然唔係阿姐講到咁好🤤 Hmm… OK嘅👉🏻👈🏻 唉😕呢個故事就教訓我，下次千祈唔好咁耳仔軟，堅持就唔會比人呃啦😅🤣

方榮記平日夜晚去食唔使排隊就可以入去 但作為火鍋店 店內位置甚至坐位都有啲窄 四人位可能會好啲 兩人位就大啲更加好因為真係有菜放喺枱面（問都冇問） 姐係要逼你一定要食🙂$60 沙嗲湯底 非常濃郁 撈一下湯底甚至會見到好多沙嗲醬係底 用匙羹飲一啖都食好到好多碎花生 完全滿足左我對佢嘅期望 冇名過於失 比喺慈雲山食嘅 好食好多 $388頂級牛肉 失望 可以牛味不足 導致浸落湯底 啲牛味完全比沙嗲庶晒陣味 （唔建議叫）（性價比低）$280 聖子王 見店員推介就叫四隻試吓 結果完全唔伏超出預期 好大隻（差唔多好似筷子咁長）仲要烚完都冇縮水 好甜 而且有膏 正！就係有啲貴 $48 炸魚皮 少見唔係普通炸魚皮 而係非常少見嘅有骨炸魚皮 高質！ 真係好少見到有火鍋店會提供得到 因為通常都好難買埋同好快賣曬 $15 大光麵 同普通公仔面差唔多 但就真係必食 非常掛汁 完全食曬沙嗲湯底啲味 正 必食必食必食 $88骨腩 同平時食曬嘅素質差唔多 脆 但冇爆油 可叫可不叫整體來講 火鍋食材同湯底高 除咗牛肉 其他都算高質 特別係連骨炸魚皮同埋湯底濃厚沙嗲味豐富 非常加分 雖然服務態度麻麻 但啲店員收盤非

九龍城❣️火鍋首選相信大家都有聽過方榮記既沙嗲湯底火鍋🤤星期六好彩夜晚6點就到walk in，未夠7點已經坐爆左！📍沙嗲湯底📍炸魚皮📍珊瑚蚌📍脆肉骨腩📍加拿大桶蠔📍羊肉卷📍黑豬肉📍墨魚滑📍水餃📍響鈴好濃郁既沙嗲湯底🤤不得不讚過炸魚皮，炸得好透，又好大舊！咁樣可以浸耐啲個湯底，吸哂啲沙嗲味😬仲有個加拿大桶蠔，半隻手掌咁大阿omg！其他火鍋料都好新鮮👍🏻唯一係人一多就好嘈🙉太飽喇，下次要試個大光麵！好味指數：8.5/10方榮記沙嗲牛肉專家九龍城侯王道85-87號地下——————#九龍城 #九龍城美食 #火鍋 #沙嗲湯底 #沙嗲牛肉

方榮記嘅沙嗲牛肉湯底，喺出邊真係食唔到！非常香濃，湯底入邊食得出有細細粒嘅發生說，絕對係真材實料淆製出嚟。一開始湯底已經杰撻撻，味道有少少偏鹹，因為之後都係加水，所以建議一開頭唔好落啲太吸味嘅配料，如果唔係就會太鹹。湯底我就會比90分，不過配料就65啦。先講我覺得唔錯嘅配料，豬腰新鮮冇乜腥味，份量好多，每一舊都厚切，入口非常爽口。雞子每粒都大大粒，又係完全冇腥味，入口非常重油脂味，絕對係肥仔之選！蓮藕片係白切，雖然係咁但係每一嚿都非常之脆口。不過有幾樣嘢都幾失望新鮮魷魚鬚，非常之銀，即使我已經唔係殺咗好耐，依然硬過橡筋。水餃，水餃皮勁厚，入口淨係咬到層皮已經唔想再食，個餡都唔係好差，不過口感真係輸咗。黑豚豬肉，因為想食少啲牛就叫碟豬啦，首先豬嘅份量好少，而且肉質好鞋，冇乜豬肉味。

#方榮記沙嗲牛肉專家今次就同大家講下尼間好出名沙嗲湯底嘅火鍋店，一入到去就覺得係好有大排檔feel既火鍋店，入面嘅姐姐都好熱情，值得一讚2️⃣就係佢好出名嘅沙嗲湯底，沙嗲味好濃，入面仲有啲豆腐，如果你鍾意食沙嗲湯底嘅就一定去試下3️⃣大份既手切肥牛（ $258 ）嗰陣時諗住大份同細份既爭$40，咁不如要大🤣然後就出事啦，啲牛肉真係好多，好有牛味，兩個人真係會食唔晒，同埋佢嘅質地係偏韌，偏瘦，所以會食到塊面好酸😂建議牙唔好就唔好試，之後先見到有一個星級牛肉，應該嗰個先係我哋平時見到嘅肥牛，下次再去會想試嗰個多啲4️⃣牛胸油（ $88左右）依家火鍋店好難搵到牛胸油，都唔係成日有，以佢嘅價錢來講份量好足👍🏻💁🏻‍♀️當日仲叫咗啲菜、麵同埋鵝腸，但就冇特別影，兩個人埋單七百幾蚊，但佢嘅份量真係好足，比起而家出面手切肥牛，都係二百幾蚊，但係得嗰10塊，其實佢咁嘅價錢係好抵食，只係食完之後塊面有好酸嘅情況😂真係食到牙較軟，係可以值得一試嘅👍🏻👍🏻👍🏻

一行幾人去方榮記打邊爐，去到佢直指上樓上坐。但張枱係兩部冷氣底下，再加附近放滿雜物，所以要求轉隔離枱。但幾個侍應不停講唔轉得，定左。明明附近出面有幾張空枱都唔肯轉，淨係係到講好FULL，BOOK滿哂，最後要我哋一行人執哂野出返門口，再搵分枱個人再分過。幾經周折先俾另一張正常好多嘅枱俾我哋，一邊食都有見到有其他食客自己轉台，侍應都無人出聲，仲主動幫佢哋set枱。食物味道係唔錯，沙嗲湯底係好出色。 但個煲太細，四個人食應該要分兩煲先夠。