影片
更多
2021-06-04
8915 瀏覽
認識方榮記因為睇左網上一條短片, 話佢係🇭🇰香港唯一一間仲會自己炒沙嗲醬的店家。之後, 又睇左另一條短片介紹呢間餐廳。我地平日既晏晝去食, 佢地有客飯或打邊爐提供。當日有3個嬸嬸SERVE我地, 一個黑面, 一個黑面加串, 一個好好人(短髮瘦瘦地)。好好人個嬸嬸會主動加湯, 好好笑容仲會講唔好客氣, 好彩有佢令整餐飯可以維持一個愉快既心情。我地跟住短片介紹點左星級牛肉同大光麵, 仲有跟自己喜好點左響鈴, 桂花蚌, 🌽粟米, 菜同渣裝酸梅湯。方榮記係我食過咁多年打邊爐, 湯底最濃郁的一間。食到咁上下, 個湯底就會越煲越杰, D湯汁就會開始彈出黎, 建議唔好著🥼白色衫去食。星級牛肉 - 短片話星級牛肉即係澳洲牛肉, 果然無推介錯, 好味, 啖啖肉, 入口滑嫩, 有牛味。桂花蚌 - 厚身但新鮮程度一般, 有點難咬開。粟米同菜不錯, 尤其菜是必點, 沙嗲湯杰到好似沾醬咁掛係D菜上面, 個人覺得佢比大光麵同響鈴更適合配個沙嗲湯底。非常邪惡惹味既沙嗲搭配健康清爽既蔬菜減輕了不少油膩感, 無咁容易覺得飽滯。大光麵同響鈴 - 就算是大胃王, 我也建議二揀一就好, 非常飽肚之選, 短片講得無錯, 佢地既
我地平日既晏晝去食, 佢地有客飯或打邊爐提供。
當日有3個嬸嬸SERVE我地, 一個黑面, 一個黑面加串, 一個好好人(短髮瘦瘦地)。好好人個嬸嬸會主動加湯, 好好笑容仲會講唔好客氣, 好彩有佢令整餐飯可以維持一個愉快既心情。
我地跟住短片介紹點左星級牛肉同大光麵, 仲有跟自己喜好點左響鈴, 桂花蚌, 🌽粟米, 菜同渣裝酸梅湯。
方榮記係我食過咁多年打邊爐, 湯底最濃郁的一間。食到咁上下, 個湯底就會越煲越杰, D湯汁就會開始彈出黎, 建議唔好著🥼白色衫去食。
星級牛肉 - 短片話星級牛肉即係澳洲牛肉, 果然無推介錯, 好味, 啖啖肉, 入口滑嫩, 有牛味。
桂花蚌 - 厚身但新鮮程度一般, 有點難咬開。
粟米同菜不錯, 尤其菜是必點, 沙嗲湯杰到好似沾醬咁掛係D菜上面, 個人覺得佢比大光麵同響鈴更適合配個沙嗲湯底。非常邪惡惹味既沙嗲搭配健康清爽既蔬菜減輕了不少油膩感, 無咁容易覺得飽滯。
大光麵同響鈴 - 就算是大胃王, 我也建議二揀一就好, 非常飽肚之選, 短片講得無錯, 佢地既響鈴一D都唔脆, 當佢普通腐皮咁食就好。
酸梅湯(唔記得影相) - 必點推介, $40, 份量非常多又好飲, 酸甜剛好, 開胃解渴。
到方榮記打邊爐是一個特別的體驗, 值得為呢個香港少有又有特色既沙嗲湯底去幫襯一下, 可惜的是食材質素有點參差, 服務態度也令人卻步。
張貼
