方榮記沙嗲牛肉專家

營業中

休息中

方榮記沙爹火鍋.知道九龍城出名沙爹鍋湯底最正,由於各種原因,BOOK MARK左好耐,在上星期六,終於試到, 一行3人, 晚上6點半已經到達,由於疫情及落雨天,不用等位直入, 職員做了相應防疫措施(登記會員, 探熱, 消毒雙手), 我地坐近廚房(對著門口右手邊), 一坐下冷氣風都幾強, 吹到好凍, 急忙落了單, 鴛鴦鍋(沙爹, 清湯) ,菜一碟(細) , 頂級手切牛肉 $298, 魚蛋,雜錦併盤, 墨魚滑, 胡椒豬肚丸, 想叫炸魚皮,點知無,唯改為響鈴, 一個伊麵, 一個公仔麵。最後7點23分火速食完, $7xx賣單走人,因為太凍了, 沒有火鍋既煙住真係頂唔順(備註:已經著左一人一年長袖外套),實在趕客.整體來說, 沙爹湯底好香花生味, 清湯亦不是清水, 是老火湯另加上大地魚干, 除了湯底值得一讚, 就是牛丸夠味, 其他都不如想像般好味及不敢推介, 建議大家叫沙爹湯底 (50)+麵+普通牛肉片,最多加條菜。古老的待客服務態度及方式,加上冷氣設備太舊,故未能調節適當溫度,讓食客能舒適地食一餐.試過便算.

方榮記最出名嘅就係沙嗲牛肉，其實平時嚟幫襯火鍋比較多，但係而家疫情,唯有忍下口啦,因為都唔想做邊爐家族。但係又真係好想食沙嗲牛肉嗰個汁喎咁點算呢，最後我決定有錯過無放過，一於沙嗲牛肉炒麵都照殺。可能平時大家食沙嗲牛肉湯河或者湯粉就食得多啦，炒麵你又試過未呢？可能你會奇怪點解我會係叫炒麵而唔係湯河，但係我咪講咗囉因為我真係好鍾意嗰汁啊，如果我叫湯河咪會削弱左個汁嘅味囉！！！我想講佢個沙嗲牛肉真係好好好好好好好好味呀，依個炒麵其實係非常之香脆而且係唔油㗎！！乾身嘅炒麵再配上極之香濃嘅沙嗲牛肉，一絕。唯然唔可以打邊爐但係都過足口癮😋 都算完成咗心願啦！

1/5方榮記真係差咗好多，湯底大不如前，材料又普通，有啲直頭唔得，魚皮都差咗但還可以。仲要好多隻大曱甴響樓上，嚇到我飯都食唔到。Fang Rongji is really bad, the soup base is not as good as before, the ingredients are ordinary, some are straightforward, and the fish skins are all bad but ok. There were so many big bells rang upstairs, so I couldn't eat my food.

鑱咀萬萬歲!🙌🏻🐭 “方榮記”萬歲！..🐭方榮記喺九龍城屹立多年，主打沙嗲湯底火鍋，亦有小菜，充滿港式大排檔風情！..🐭沙嗲湯底價錢大眾化，只係$60一煲。真材實料，超級濃郁！味道方面，食神鼠覺得其實比較似擔擔面湯底多於沙嗲，因為裏面有大量花生醬及麻醬味道，超級惹味。但亦有個壞處，由於真係好”杰”，所以好快會癡底，要不停搞住。..🐭火鍋食材方面，由於價錢真的很大眾化，所以並不能與高級火鍋店嘅食材相提並論。最優秀當然係大光面！即係即食麵，配上沙嗲湯絕對係港人最愛！另外，粉絲丶菜類，呢啲比較能索湯汁嘅食材都非常匹配。手切肥牛有啲失望，冇牛肉味，肉質較硬。海鮮類有少許沙，新鮮程度一般。..🐭食神鼠到方榮記滿足一遊，拜拜👋🏻

呢一間頂頂大名既九龍城邊爐相信好多人都識啦，聽講佢個沙嗲湯底好出色所以過嚟試試佢。·七點幾食飯，人流唔算多，唔知係咪如果質素又差咗呢🤨·是但啦，四個人食咗千幾蚊，但係性價比就一啲都唔正😰同大家分享一下自己個人嘅感受，令大家唔好盲目咁跟風。·首先當然係佢哋最出名嘅沙嗲湯底，聲稱非常之濃郁，配埋肥牛一齊食責任。但係，事實上，假㗎！我沙嗲湯底一啲都唔出色，而且味精味好出。濃得來非常之頸渴，根本就唔值得特登過嚟食😟覺得塘牛嗰個沙嗲牛肉仲好食啲🤔·配料方面，價錢唔平但係勝在單品入面都有幾多份量。最好就叫多啲人嚟食啦，如果唔係兩條友食就一定叫得好少野～呢個可能係營銷策略不過我就覺得有啲貴啦～·質素方面，肥牛、竹笙、生根、炸魚皮、餃子就中規中矩，唔會有一樣令我覺得嘩好味喎嘅感覺🙃應該係我期望太高搞到而家失望太大🥵·總結來講，只可以當佢係一般打邊爐嘅街坊質素，同酒樓打邊爐嗰啲有少少似。如果你係超級鍾意食沙嗲湯底嘅人，可以一試。但係對於我唔係沙嗲同埋來講，我只可以話唔使特登行去或者搭車去食，浪費時間。-沙嗲湯底美國肥牛竹笙炸魚皮豬紅餃子生根-方榮記香港九龍城侯王道85-87號地下-

這家位於九龍城的方榮記火鍋店已在區內有幾十年歷史，我們有空也會約朋友來這裏吃吃。今晚我們有約了四位朋友一起來這裏吃火鍋。我們點了不少美食。手切牛肉想來的時候感覺比以往份量少了，而且牛肉比起以前的顏色沒有那麼吸引。吃下去，牛肉不夠嫩滑，但配藥沙嗲汁湯底一起吃味道還是不錯的，之後我們還加了公仔麵，面很好吃。雞子和魚膘是我小時候最喜歡吃的東西，無論放在清湯還是放在沙嗲汁當中，都一樣令人回味。其餘我們還叫了雞肉、響鈴、餃子、蔬菜、魚片，整體他的食物都十分新鮮，味道不錯。

近來迷上沙嗲. 部電話又好似偷聽到我講野咁FEED咗方榮記既新聞出嚟. 去過九龍城咁多次都未食過. 因為次次行過我都覺得佢似粥店/茶記. 而每次行過都好多人等. 更加無興趣入去. 今次總於比篇報導吸引咗, 決定訂位嚟食準時到逹, 可惜前面既枱未走, 唯有再等下. 結果等多咗大約30分鐘先有枱比我地入今日嚟既目標明確, 就係沙嗲公仔麵同埋炸魚皮.  其他就等朋友發板.先嚟個鍋底,  好濃既沙嗲味, 一到已經勁想放個麵落去.  叫既野太多. 以下一次過講食後感. 第一個感覺係, 佢既價錢定位好得意, 有D野好扺食, 好大碟, 例如$48勁大碟鵝腸. $30蚊一大碟水餃, 連魚腩都只係$30蚊. 但珊瑚蚌就$78得4舊喎, 都唔知應該叫扺定唔抵炸魚皮, 可能我地嗰碟魚皮有硬骨, 好難咬, 好硬. 無人地形容得咁好食, 就算放咗落湯, 都係難咬.....個沙嗲麵就真係唔錯. 個麵吸哂個湯, 正呀. 

🥘沙嗲湯底 $60 🍜頂好大光麵$15 🍄金菇$30.終於試到傳說中嘅沙嗲湯底😆果然好足料，又濃郁又稠厚，鍾意沙嗲又鍾意濃味嘅真係冇得輸！重點一定要試大光麵，麵質彈牙又掛湯，索晒沙嗲湯嘅精華🤤另一個入味之選可以叫埋金菇，又係幾夾👌🏻🐮星級牛肉 $298 🐟炸魚皮$40.有朋友carry嘅關係今次食嘅牛肉又真係幾掂🤩😜睇落雪花幾靚仔，肥瘦適中👌🏻而且牛味都濃郁，配上咁重口味嘅沙嗲都冇話完全蓋過肉味，而家肉質嚼勁但唔會靱👍🏻.之前聽講過呢到嘅配料唔係樣樣掂，所以我地order得都selective嘅，但另一樣必點就係炸魚皮！雖然佢真係好香脆，但有魚骨嘅部分真係好硬，咬到牙都崩嘅感覺，可能再浸耐啲會好啲😂

我地呢兩個人 每次打邊爐都唔可以叫到一個準確嘅份量🤔。Haha 今次係Oppa最快最快叫投降嘅一次😆皆因全部野都大大碟。呢間野 久仰大名 不過又未至於出面吹棒嘅程度 個沙嗲湯底 配大光麵同午餐肉係一流 桶蠔好正 黑豬肉正 星級牛可以 。講到尾 火鍋我都係麻辣L 完。

今日行經九龍城,見到呢間PTU場景火鍋店,令我駐足觀望一下門口個餐牌,有無咁平呀？三十蚊即炒粉麵飯？十年前都食唔到呢個價,即管攞三十蚊去見識下,坐低點咗個什會炒麵,茶水任飲！唔使五分鐘個炒麵上枱---粉腸,鮮尤,豬肚,豬心,肉片各兩片,菜心五六條,面底兩面黃,剩係成本人工都唔止三十,老闆真係良心價大平賣,照計佢只做夜市都搵夠啦！使乜做埋D平價午市呢？可能開埋午市俾班伙計搵多個錢卦！三十塊錢一個即炒什會炒麵,相信全香港九龍新界加埋深圳澳門都揾唔到！

你有沒有遇過一些良師益友？他們總會在你身邊，支持你無論對與錯佢仲會幫你唔少，就是對你將仔女一樣。在我工作十多年，我遇上一位朋友，好多人叫佢勁哥，還記得在幾年，佢照顧左好多。到現在久不久，還是會見到他，我們還是非常好的好朋友，印象最深刻的是頭三年，我工作無憂無慮的日子。就是那個時候，佢帶我認識方榮記。自上次我同佢食過方榮記之後都冇再嚟過，應該都有十年時間。今晚來到，感覺更深，原來時光這樣飛逝。那個年代，還沒有什麼咁多飲食博客，依家求其一個人寫下都可以話自己係，老實講，識飲識食，傾兩句就知。我寫呢篇都唔係話想介紹你方榮記有幾好食，要推薦你，(老實講喺香港活咗幾十年喜歡打邊爐嘅人又點會唔識放幾) ，正等於我唔會好似柒婆政府做嘢永遠遲十拍，仲要馬後炮，前日同你講社交場合唔應該帶口罩，今日記者會冚家都戴口罩。相信呢間野就好似一個公開嘅秘密，情況就如麥字頭嘅雲吞駛乜飲食博客介紹。我成日經過九龍城都同我老婆講，我好想去方榮記打邊爐，不過講咗幾年，都冇一次成事。今晚寒冷天氣警告，然後前嗰排因中國冰室睇開《PTU》的關係，突然好想食方榮記。於是就決定來同肥沙聚下。這裏的沙嗲，我想到不用多講，嗰個濃度真係

價錢算合理，食物質素普通，呢間野唔試都無損失但條氣最唔順係間野焗人搵代客泊車，我食左個零鐘飯要我比$50泊車泊停車場都平過佢條街佢架？買左成條街？係咪老字號就大晒？

終於！可以一試九龍城有名的沙嗲湯底火鍋近一年多番獲社交媒體介紹1800準時入座 自備清酒🍶$50開瓶費店員多是上年紀的叔叔 他們很好 主動幫忙冷凍小編喜歡這種人情味餐館火鍋爐比想像中小點了招牌的沙爹湯底$60放眼菜單 價錢合理 唯需收取加一服務費湯底不濃稠沒有到很濃郁 小失望而且其後加湯只加湯非沙嗲醬覺得愈吃愈沒沙嗲味我們沒點海鮮 說實在話沒有資格評論食材新鮮度就都中規中矩 沒驚喜丸跟豬肉上桌時如果能先解凍會更好手切牛肉 (大)($208)份量不少 也是真手切 參差不齊的😂有牛味 但厚切有點韌黑豬肉 ($68)沒豬味沒存在感 可免墨魚丸 ($30)沒記憶 普通貨魚皮餃 ($30)不錯 跟湯頭搭 也有肉汁手打墨魚滑 ($68)必點！有吃到粒粒爽口墨魚！響鈴 ($30)普通貨 吸湯汁後有點咸鮮魷 ($48)可以喔！大片有咬口 喜歡白膳片 ($68)不評 沒試豬紅 ($30)很多很大塊 但沒有味 不了午餐肉 ($48)蠻貴！只有五片不會再點雞肉片 ($30)不要點 份量少 幾乎消失於鍋中頂好大光麵 ($15)一定一定要點！和沙嗲湯完美搭配！很讚！芋絲 ($25)就是超市芋絲沒什麼好說三人$1

想食好耐既方榮記沙嗲邊爐，終於約好去食，但我遲收工，去到朋友已經開始食緊，唉~呢度係室內大排檔 feel，枱同枱之間都有空位但唔算好闊落，全部坐圓椅，拎住大袋會有 d難放。不過尼得呢度都係食個風味，同埋最主要個沙嗲湯底姐~一尼到就食左好多蚌類，都幾好食，不過唔係特別吸汁。之後食左佢呢度獨有既炸魚皮，覺得驚為天人！佢係連骨都炸埋，成舊好酥脆，完全唔同平時既魚皮，好食到即刻叫多碟！平時食麻辣湯，烚菜會好辣同易濁親，但落沙嗲湯就唔會，仲好好味又索味。另外鵝腸都係一個唔錯既索汁選擇~最後最後，係一定要食公仔面~睇 ig 相朝思暮想就係沙嗲公仔面哈哈。明明已經飽飽地，望住個掛滿湯既公仔面，依然口水直留~ 不過亦有人話一開頭就食公仔面先會好 d，沙嗲湯最濃最夠味。總括尼講都幾好食，係地點唔就腳，難 d 有決心再尼二訪囉

呢個星期天氣開始轉涼，決定約埋班朋友進行今年入冬以來的第一次打邊爐！幾個麻甩佬，目標當然唔會係近年開到成行成市、主打游水海鮮的高級火鍋店，而是鎖定了一間九龍城老字號。提早兩日訂位，準時去到「方榮記沙嗲牛肉專家」。上一次幫襯「方榮記」最少是十幾年前，之後一直沒有幫襯，主要也是因為室內環境太過麻甩，只適合一大班朋友一邊隊啤、一邊烚下烚下；加上枱與枱之間很擠迫、員工服務態度又唔係太好，更加不太適合一家大細。難得今晚約齊朋友，當然不能放過這個機會。「方榮記」屹立九龍城幾十年，創店老闆是典型上一代生意人，賺了錢就自己買舖，但唔係炒舖炒地產；而是只求穩定長做生意、不需要擔心搬舖加租。也僥倖因為這種老派思想，老店才不會受到近年地舖租金飈升的影響，可以一直在原址經營。雖然已經由第二代接手，但仍然秉承上一代老闆（老豆）的脾氣；所以，不要奢望什麼優質服務，員工態度好不到哪裏去，總之，感覺似幾十年前的路邊大排檔打邊爐。雖然是自置舖位，但老字號就是有種脾氣：地方逼夾；裝修甚至有啲地踎、比普通街坊小菜館還要街坊；堅持唔翻新、唔花錢搞靚裝修。雖然用餐環境唔理想，又人多嘈吵；但仍然座無虛席，左右兩間並不相連的舖位全