趁假日約埋朋友去飲茶，去咗呢間位於油麻地嘅點心店。我之前都嚟過幾次，今次帶埋朋友過嚟一齊食，估唔到都仲係無加一服務費，同埋茶費每位都只係五蚊咋，真心抵讚，而且兩個人叫左8款點心，埋單都係二百零蚊，堅抵食。 蝦餃 $16 (2粒) 燒賣 $16 (2粒) 潮州粉果 $21 香茜牛肉腸 $27 蜆蚧綾魚球 $26 沙律明蝦角 $29 豐料糯米雞 $32 三絲鮮蝦春卷 $28 點心全部即叫即蒸同即炸，保證新鮮，我個人就特別鍾意沙律明蝦角，外層炸到金黃色，香脆可口，入面塞滿超多蝦肉，口感堅係爽口，完全食到停唔到口。 另外蜆蚧綾魚球都值得一試，六粒都大大粒，仲要啱啱炸起，粒粒都脹卜卜，夠哂油香撲鼻，加上彈牙嘅鯪魚肉，再配上蜆蚧汁，更為突出其鮮味。 最後食埋隻糯米雞，都真係好足料，食完都真係要捧住個肚。 整體食物同質素都非常滿意，而且價錢合理，最緊要係食得好飽同好開心。😎

自家製叉燒 日本滑蛋飯 配旺記秘製甜豉油 $60 去到旺記必食嘅招牌菜，一定係叉燒滑蛋飯，肥瘦適中嘅叉燒，配合香濃軟嫩嘅滑蛋，加上秘製嘅甜豉油，拌飯食確實一流，真係好食到停唔到口。 特濃蕃茄湯 午餐肉粒 通粉 配鮮牛油多士 4.3牛奶炒日本滑蛋 $56 店員推介，的確有驚喜，湯底極濃，啖啖都品嚐到濃郁嘅蕃茄蓉，表面放上厚身脆口嘅餐肉粒，加上多士同滑蛋，份量十足，非常豐富。 鮮薑汁奶茶 跟餐加$4 一個幾特別嘅配搭，估唔到薑汁同奶茶都真係幾夾。 忌廉即磨咖啡 即磨咖啡入口幼滑，口感濃郁醇厚。

早排經開旺角，見到呢間新開嘅越菜小店，一直都想試吓，咁啱今日做完嘢，順便去食個下午茶。入到店內，裝潢新淨，環境寬敞舒適，加上店員多數都係越南人，感覺味道同質素都有一定嘅保證，而且全程手機落單，方便亦快捷。 1️⃣ 越式生牛肉湯河 $49 估唔到都幾大碗，湯底亦夠晒清甜，唔覺唔覺都俾我全部飲晒。牛肉生熟度亦剛好，入口軟嫩幼滑，整體份量十足，值得一試。 2️⃣ 越式鮮蝦豬肉春卷(2件) $28 即叫即炸，外層炸到好酥脆，咬落香脆可口，內𥚃餡料豐富，非常飽滿。 3️⃣ 越式蒜蓉牛油法包(4件) $28 烘烤至金黃色嘅蒜蓉包，賣相相當吸引，口感香脆，蒜香味道濃郁。 4️⃣ 越式煉奶咖啡（凍） 跟餐+$15 呢杯咖啡我幾鍾意，啖啖都充滿着香濃嘅咖啡味道，又唔會過甜，確實好飲。

1️⃣ 薄燒牛舌定食 $238 (1.5倍/9切) 第一眼見到已經覺得好吸引，肉質鮮嫩多汁，真係勁好食。外層煎至微焦，卻增添咗一種獨特嘅香氣同口感，食落爽脆美味，鮮嫩無比。牛舌有1倍、1.5倍同2倍可以選擇，定食Set會包茶碗蒸、小鉢、漬物同麵豉湯。 2️⃣ 牛舌京蔥燒定食 $158 京蔥燒煮法嘅牛舌都非常出色，香濃嘅醬汁，配上柔軟嘅牛舌，入口嫩滑，肉質細膩，而且有一定嘅嚼勁，令口感更有層次。 3️⃣ 清酒煮硯 $78 食落有淡淡嘅清酒香氣，硯肉亦夠新鮮，又夠大隻，而且連個湯都好好飲，十分鮮甜，最後真係全部飲晒。 4️⃣ 鹽燒白鱔 $58 白鱔新鮮肉嫩，香脆嘅外皮，內部仍然保持著鱔肉本身嘅柔軟同彈性，用簡單嘅調味，亦能提升鱔嘅鮮味。 5️⃣ 熊本一口牛 $58 一口牛即叫即燒，牛味濃郁，入口軟嫩，肉汁豐富，非常Juicy。 6️⃣ High Ball $68 入口就感受到威士忌嘅味道，感覺清涼易入口，慢慢品嚐，份外有格調。

招牌海南雞飯拼馬來西亞肉骨茶 $138 海南雞十分美味，柔嫩嘅雞肉搭配香氣四溢嘅油飯，口感鮮嫩多汁，搭配特製嘅辣椒醬同醬油，更增添不少風味。另外肉骨茶，湯汁香濃，有種獨特嘅味道，肉甜鮮美，配料豐富多樣。 炒貴刁 $118 炒貴刁真係超好食，又夠鑊氣，加上微辣香口嘅參巴醬，完全散發出濃郁嘅香氣，仲有蝦同魚片作配料，入口煙韌有嚼勁。 蔥油酥餅配咖喱汁 $68 蔥油酥餅煎至金黃酥脆，外脆內軟，配搭濃郁嘅咖喱醬汁，每一口都能品嚐到蔥油酥餅嘅香氣同咖喱汁嘅奇妙結合，真係食到停唔到口。 班蘭椰香戚風蛋糕 $48 蛋糕清香獨特，口感柔軟細滑，啖啖都充滿班蘭同椰香嘅香甜味。 美綠哥斯拉 $38 美綠加忌廉，飲落順滑，非常Creamy。 熱帶雨林 $28 入面有石榴、番石榴、菠蘿同香橙，味道清新，解暑一流。

餐廳：雙魚座咖啡館 (旺角) 地址：旺角通菜街123號地下A 及 B號舖 1️⃣ 德國咸豬手配酸椰菜及薯蓉 $178 咸豬手即叫即燒，外皮燒得相當鬆脆，肉質極為軟嫩，肉質豐滿，口感豐富。每啖咬落去，都能感受到肉汁同肉香嘅濃郁，搭配埋酸菜和薯蓉，增加咗口感層次同平衡。 2️⃣ 特選龍蝦碎蛋包配脆炸薯條 $168 麵包入面餡料非常飽滿，用料十足，龍蝦肉剁碎與碎蛋混合，每一口都品嚐到龍蝦嘅鮮甜味，配上牛油香氣四溢嘅麵包同脆炸薯條作伴，夠哂豐富同滿足。 3️⃣ 白酒煮紐西蘭青口(5隻) $78 青口清新爽口，鮮嫩多汁，嫩滑嘅青口與白酒嘅香氣相融，質感鮮美，彈牙可口。 4️⃣ 脆炸洋蔥圈 $78 新鮮即炸，外層酥脆，內裡鬆軟，金黃色嘅外皮包著甜蜜嘅洋蔥，加上脆卜卜嘅口感，絕對係美味又開胃嘅小食。 5️⃣ 自家製百利甜酒味巴斯克芝士蛋糕 $60 加咗Bailey嘅巴斯克芝士蛋糕，濃郁滑順，結合芝士和酒香，入口綿密細膩，啖啖都能品味到濃郁嘅芝士同甜酒嘅風味，確實令人回味無窮。 6️⃣ DRAFT BEER 惠比壽 Yebisu $58 惠比壽啤酒芳香四溢，入口順滑，清爽醇厚，泡沫綿密，酒精度適中，每啖都係一種放鬆同享受。 7️⃣ Whiskey Latte 威士忌鮮奶咖啡(含酒精) $98 第一次飲Whiskey Latte，遠遠已經聞到好香好醇嘅威士忌味道，奶香同酒香嘅結合，帶嚟豐富嘅層次感，確實令人陶醉。

餐廳：部屋咖啡室 (旺角) 地址：旺角登打士街43H號登打士廣場12樓 1️⃣ 烤雞磨菇闊條麵 $138 份量都算幾多，味道都唔錯，闊條麵質感軟糯，配上肉質鮮嫩嘅烤雞肉，加上香濃嘅忌廉，仲有蘑菇、洋蔥同青椒作伴，口感豐富有層次。 2️⃣ 越式炸蟹餅 跟餐+$25 即叫即炸，食落外脆內軟，餡料飽滿，彈牙爽口，真係幾好食，確實有驚喜。 3️⃣ 蜜糖雞翼 $55 外皮香脆，內裡嫩滑多汁，而且夠晒新鮮熱辣辣，搭配蜜糖醬汁，滿滿甜蜜嘅滋味，非常美味。 4️⃣KIWI SMOOTHIE 奇異果沙冰 跟餐+$23 酸酸甜甜，清爽可口，加上蓬鬆嘅冰沙，口感滑順，係夏日消暑嘅絕佳選擇。

餐廳：聚來車仔麵 (深水埗) 地址：深水埗基隆街172號地舖 1️⃣ 秘製蔥油雞扒飯配火腿煎蛋 $49 見到已經覺得好吸引，煎蛋放咗響飯嘅上面，旁邊就有大大塊皮香肉嫩嘅雞扒同火腿，再加上大量蔥油響表面，真係相當豐富。另外仲有豬扒可以選擇，配料亦有腸仔同餐肉添。 2️⃣ 招牌鮮炸肉丸 (10粒) $32 由於即叫即炸，所以製作需時。肉丸粒粒都炸至金黃色，外脆內軟，質感軟糯，肉味香濃，值得一試。 3️⃣ 瑞士雞翼 (4隻) $30 雞翼煮得夠腍夠入味，瑞士汁完全滲透曬𥚃面，鹹甜味適中，口感嫩滑，輕輕一咬就骨肉分離。 4️⃣ 招牌煎餃 (韭菜豬肉) $34/6隻 餃皮煎成金黄，入口香脆，餡料又多又新鮮，食落好Juicy，韭菜味道濃郁，甘香惹味。 5️⃣ Coke Zero 跟餐+$5

餐廳：鳴虎 (馬頭圍道) (土瓜灣) 地址：土瓜灣馬頭圍道63號啟岸地下6-9號舖 1️⃣ 鳴虎．日本魚乾豬骨湯拉麵 $88 湯底同麵質都可以自選濃度同軟硬度，兩款都選擇咗濃湯。湯底用上四種鮮魚乾加上豬骨湯底熬製而成，入口濃而不膩，魚香味道突出，配上兩片叉燒同完隻糖心蛋，叉燒肥瘦均勻，夠曬厚身，糖心蛋蛋香味道濃郁，非常滑溜。 2️⃣ 鳴海老．蝦味噌豬骨湯拉麵 $88 湯底加入咗北海道鮮蝦，配合鹹中帶甜嘅味噌豬骨湯，表面再灑上櫻花蝦粉，蝦味超重，十分吸引。拉麵同樣配以兩片叉燒同糖心蛋，整體味道都真係唔錯。

餐廳：K-Palace (紅磡) 地址：紅磡民泰街41-47號黃埔新邨安榮樓地下D號舖 1️⃣ 燒牛仔骨 $238 即燒牛仔骨，就咁睇已經非常吸引，份量都OK，牛肉醃得幾入味，肉質鮮嫩，牛味濃郁，而且肥瘦適中，入口軟腍，輕輕鬆鬆就可以骨肉分離，確實滋味無窮，加埋大蔥同洋蔥一齊食，味道更加突出同惹味。 2️⃣ 無骨半半炸雞(原味&甜酸) $198 即叫即炸，夠晒新鮮熱辣辣，Size剛剛好，唔會太過大件，件件都炸至金黃色，皮脆肉嫩。我就特別鍾意甜酸味道，越食越開胃，真係食到停唔到口。 3️⃣ Coke Zero $18