新記雞粥 (筲箕灣道)

營業中

休息中

偶然也會到這家粥店吃生滾粥、炒麵、腸粉等作早餐或午餐，這晚過來吃頓晚飯，價錢經濟，又快捷的一餐。蠔仔加斑塊粥在潮州食店中必定會點的粥品，但是這款不是那種蠔仔配稀飯，而是綿密的白粥加入粒粒蠔仔一起烹煮。我還另加斑塊。蠔仔數量算多，蠔肉大粒飽滿。蠔仔帶出海鮮味道和獨特的口感油膩感，應該沒有添加味精。炒米粉韭菜、紅蘿蔔絲，挺有爽口感。原本還有火腿的，不過因我們不喜歡火腿的關係，所以當作是素米粉就行了；米粉炒得乾爽又彈牙，調味及味道恰好。滾粥配炒米粉，簡單的配搭，卻是實惠又飽肚暖胃的一餐。

放工諗住叫個外賣  同屋企人食 見到有咁多好評以為無伏買左個揚州炒飯 同 xo醬叉燒蛋炒飯賣相好似唔錯 但係食落極咸最離譜係食食下 有支木枝係飯到 已經即刻無哂胃口再食食下又有蛋殻 都算 再食又有蛋殻 跟住咬多幾啖 有硬硬地既沙石 個心已經講哂粗口即刻搵下個飯 發現有埋d膠粒係飯到已經即刻倒哂落垃圾桶 完全唔係比人食真係忍無可忍 餐廳毫無衛生意識極度污糟  飯又有異物  有沙石膠粒  有蛋穀 隨時食死人完全接受唔到 完全唔知道其他分店係唔係都係咁樣

好耐冇食拉腸，所以今日專登去呢間粥店試下個鮮蝦腸。啱啱12點前入，所以仲有早餐可以揀。叫咗個吉列魚柳，因為自己鍾意食煎炸嘢，所以一定唔可以錯過！鮮蝦雲吞幼面竹升面爽口彈牙，我覺得係咁多樣最正嘅！鮮蝦雲吞大大隻，好吸引！吉列魚柳餐魚柳新鮮炸，配埋丘比醬係絕配！厚多士好香口，加厚口感好好味！煎蛋其實更鍾意流心，全熟有少少失望。鮮蝦腸蝦仁大大隻，可以覺得個粉底厚少少，再薄再彈牙少少再perfect。以粥店嚟講出品都好好，所以好正！

經朋友大力推薦終於黎試下新記既貴妃雞粥，完全無令我失望，好驚喜，因為從來未食過咁入味香濃既雞粥，而且雞肉肉質非常嫩滑，每啖雞肉連埋好香綿粥底好好味，一啲都唔水汪汪。小菜方面我好中意佢個海哲手撕雞，麻醬足夠，確保每啖都會沾到醬，海哲爽口易咬，絕對唔係橡根，手撕雞又滑，整碟份量都幾大碟，另外炸大腸都係好大碟，即叫即炸，上碟時有隔油，唔會比客人睇到成個碟底都係油，店員教落沾埋酸甜醬仲好味，又真係喎，外皮炸得香脆。冰爽咸檸七好爽，非常解渴。

聽講呢到貴妃雞粥好出名，果然名不虛傳！同朋友食晚飯坐低就叫左招牌貴妃雞粥同皮蛋瘦肉豬紅粥，呢到啲生滾粥全部用瓦煲裝，而且客人可以隨個人喜好自由配擭粥料，啱曬我呢啲心乜餸都想食既人！貴妃雞粥非常入味，粥底有好香濃既雞同酒味又夠綿，混合埋一齊味道非常濃郁，貴妃雞好嫩滑雞皮唔太肥，雞肉比既位置好靚啖啖肉！皮蛋粥都係鹹底，啲料全部都好足，好味！腐乳通菜好大碟好多，我中意佢腐乳汁既味道恰好，唔會太過鹹，炸大腸外皮香脆，酸甜汁好味！

叉燒海蜇燒味雙拼飯，叉燒肉質厚實、半肥瘦，蜜汁味道濃郁，叉燒食落好入味；海蜇加入左白芝麻、白醋、辣椒、芝麻醬調味，芝麻味道香濃，海蜇口感厚彈、爽口，味道酸辣、惹味；菜芯口感爽脆；白飯軟硬適中、有咬口。鮮蝦雲吞魚蛋河粉雙拼湯麵，鮮蝦雲吞、魚蛋各有3粒；鮮蝦雲吞皮薄餡多，豬肉、鮮蝦比例恰當，鮮蝦口感彈牙，味道鮮甜；魚蛋口感爽彈，鮮味十足；河粉口感厚身、爽滑；菜芯、韮黃味道清甜。炸芝麻球，即叫即炸，表面鋪滿白芝麻、黑芝麻，芝麻味道濃香；外皮口感煙韌；內釀紅豆泥，味道香甜。養顏蛋白杏仁茶，杏仁味道濃厚，口感微稠，蛋白口感滑溜，整體甜度適中。

 今次去左食雞粥曾經雞粥作為香港人既經典宵夜但近年已經好少聽人講會宵夜食雞粥所以雞粥餐廳化加埋家常小菜反而受歡迎粥底綿綿,單係啖粥底已經好出色以多種食材煲煮而成,不花巧最考功夫 招牌貴妃雞粥,脆炸魷魚,XO醬叉燒炒蛋雞粥$52,魷魚$55,炒蛋$63 加$17可配套餐例湯每天一款,今天是老黃瓜黃豆豬骨 由於小菜同雞粥都係即點即煮先上例湯,湯水清熱去膩開胃,只係略為多油係好常家既味道湯水招牌雞粥呢度既雞粥係招牌中既招牌點都要試一碗,上幾個月黎過食,好回味今次再食,水準依舊 即叫即煮,雞肉本身已經滷浸得好入味食既時候,雞肉仍然保持鮮嫩,肉質香嫩細心食仲會食得出有淡淡藥材香粥身綿滑稠身 脆炸魷魚 可能係香港炸得最好食既炸魷魚!!!係最傳統既港式口味,粉漿完全包裹粗身既魷魚每條魷魚鬚都係彈牙爽身,粗大有口感本身已經有調味,可以話係招牌2號!另外朋友就食左小菜連飯加湯 叉燒同蛋既比較1:1 啖啖都食到叉燒!!蛋炒得嫩,仍然保有蛋汁,加上自家XO醬令平凡無奇既炒蛋添加了一分辣香估唔到出奇地咁夾,最後仲食清曬!!蛋夠滑,叉燒夠多,XO醬令2者變得味道更豐富

酥脆炸魷魚鬚🦑 $55魷魚鬚好大條，即叫即炸,好香口，點埋喼汁鹹鹹酸酸🤪海蜇手撕雞🐔 $52係芝麻醬手撕雞再配海蜇，配搭新穎，海蜇份量幾多，青瓜絲幾入味🥒， 手撕雞唔會太大條，味道係小辣，所以幾惹味😋艇仔粥🍲 $30有魷魚，魚蛋片，花生🥜，魚撲，料好足，好大碗，加埋胡椒粉啱啱好鮮蝦腸粉🦐🍤 $27鮮蝦幾大隻，腸粉夠滑XO醬叉燒炒蛋飯🥘 $57XO醬好香濃，叉燒係半肥瘦，飯既份量好多，蛋都炒得幾香🍳

今晚三大兩小，叫左三個小菜、一個菜心、雞粥、魚蛋河。馳名雞粥，的確不俗，夠味，食開清淡可能會覺咸，我哋ok。三個小菜叫左粟米班塊，偏咸，但最後配飯可清碟；另一個係雞叉燒海蜇并盤，份量較少，叉燒肥，雞幾好；最後的蒸魚大約35mins先到，雖然條魚食得出梅梅地、唔新鮮但$56的而且確好抵食；另外的魚蛋粉，阿女可以一個人食曬，相信都唔會差得去邊。不過一邊食一邊傳來無數粗口由職員傳來，而小店偏小，坐位唔多。

在疫情期間，這一間餐廳早餐有外賣八折優惠，所以我今次選擇吃這間餐廳。原本他的價錢已經10分便宜，今次叫了沙嗲牛肉米配炒蛋多士熱豆漿，原本只是30多元再加上八折優惠的話只需20多元就可以吃到一頓豐富的早餐。味道正常，絕對10分抵食，不過現在優惠好像已經完結了。

「來自元朗的鑊氣小炒」～～～收工之後去咗筲箕灣同大舊一齊睇新樓盤 睇完就順道喺附近搵嘢醫下肚 😉～～～睇樓睇到好攰嘅我地 是但見到間餐廳就入咗去食 坐低之後認真睇一睇餐牌 先知原來呢間係喺元朗好出名嘅雞粥喺筲箕灣嘅分店😌～～～好肚餓嘅我哋一叫就叫左四樣嘢包括有帶子豬潤炒麵 香脆多春魚 薑蔥爆鯇魚骨腩 西芹炒帶子同一杯五花茶 😃～～～帶子豬潤炒麵 炒得乾身唔油膩豬潤有潤味 帶子有鮮味 令到成碟炒麵都好惹味😀～～～香脆多春魚 食落去就好似佢個名一樣咁脆 酥酥地嘅口感 加上入口化開嘅魚卵口感 非常好食 好適合一啖多春魚 一啖凍冰冰嘅五花茶咁食🤓～～～薑蔥爆鯇魚骨腩食落去啲魚肉好實 唔會好鬆散 食得出係新鮮魚嚟 好香嘅薑蔥味令本來好攰嘅我哋精神為之一振 即刻胃口都返晒嚟😙～～～最後西芹炒帶子亦唔錯 帶子厚 西芹冇渣夠嫩口😛～～～推薦度：🔥🔥🔥🔥🔥🔥🔥餐廳 新記雞粥 (筲箕灣)地址 筲箕灣筲箕灣道307號地下及1樓

🎈新記雞粥 (筲箕灣)🔍筲箕灣筲箕灣道307號地下及1樓-----中學同學生BB，所以過咗嚟筲箕灣探佢，探完佢之後B仔同朋友就喺附近食晚餐。見到呢間新記粥店，之前喺佐敦食過，印象中味道不錯，而且呢間分店嘅環境幾新淨，好似幾好坐，所以我地就揀咗佢做晚餐落腳點。-貴妃雞粥$52：既然個舖頭名都有雞粥 相信佢哋嘅雞粥應該唔會差 所以我哋就點左呢一份招牌嘅貴妃雞粥試下 果然 粥底味道好清甜感覺將雞湯嘅精華濃縮於當中 質感亦好綿密 雞肉滑溜 確係可以擔當得起招牌菜嘅美名-海蜇拼熏蹄 （$52）爽口嘅海蜇酸酸甜甜 熏蹄則QQ彈彈冰涼透心 好適合作為夏日消暑前菜🌴-蜆介鯪魚球（$52）酥脆扎實嘅鯪魚球配搭粒粒蜆肉嘅足料蜆介醬，味道無令人失望，一個人食太多粒會比較重味，同朋友分享就啱啱好。-紅燒脆皮乳鴿 （$65）乳鴿肉厚肥嫩，薄薄一層脆皮下，無多餘嘅脂肪，好味得黎，食完亦唔會有內疚感。-----👶🏻B仔整體評價：7.5/10個👍🏻👶🏻B仔抵食程度：7.5/10個👍🏻👶🏻B仔環境評分：7.5/10個👍🏻👶🏻B仔味道評分：7.5/10個👍🏻👶🏻B仔回頭機會：7.5/10個👍🏻-----#swallowh

超濃雞味綿密雞粥記得以前讀u每次食宵必備雞粥，最近心血來潮又好想食，於是就搵到呢間新記雞粥.貴妃雞粥 $51招牌必試一定係呢碗雞粥！雞味完全融入哂啲粥度，好香又綿密，雞件又多又嫩滑唔鞋，推介👍🏻.海蜇生腸 $52好爽口，開胃小食.紅燒脆皮乳鴿 $65新鮮炸起熱辣辣脆卜卜，肉質嫩滑，好入味。.xo醬叉燒炒蛋飯炒蛋好嫩滑又濃蛋味！有驚喜😋份量超大份，叉燒肥瘦適中。.豆漿 $9食粥梗係要歎返杯冰凍豆漿🥰好濃豆味

黃昏時份，往筲箕灣天悅廣場順豐站取件後，就去鄰近的新記雞粥晚膳。新記雞粥位於筲箕灣道307號地下及一樓 ，主打生滾煲仔粥、即拉腸粉、各式小炒、招牌小食、炒粉面和廣東菜等，招牌雞粥、貴妃雞和乳鴿更是遠近馳名。平時在新記，多吃粥粉面。正值晚飯時段，換換口味，捨雞粥，吃小菜。坐下叫了至愛的紅燒元朗脆皮乳鴿、杞子枸杞豬潤湯、豉汁蒸倉魚和椒絲腐乳炒生菜。我至愛的紅燒元朗脆皮乳鴿先行，即叫即炸，鴿身大隻，不是BB鴿，夠肉食，鴿肉嫩滑，外皮十分香脆。至於杞子枸杞豬潤湯，薄切豬潤，爽口幼滑，枸杞新鮮，顏色翠綠，配明目杞子，真是最佳時令湯水。豉汁蒸倉魚，倉魚大大條，魚身夠厚，魚肉新鮮嫩滑，用豆豉面醬一起蒸，帶出魚肉鮮味。椒絲腐乳炒生菜，新鮮生菜配香濃腐乳及辣味椒絲，加上鑊氣十足，創出平價配料，高質味道。自家製豆漿和自家製五花茶，豆漿潤喉，五花茶清熱，大杯又抵飲。最窩心系一坐下，侍應即送上自家製精美口罩封套，方便客人處理口罩，同心抗疫。

We hadn't had congee in a long long time so decided to have a congee lunch when we passed by this branch of the famous congee restaurant in Shau Kei Wan. It was not a simple congee restaurant but served a lot of other food  including different 中式小炒.Their lunch sets offered much better value for money with a congee including a side (cheung fun or fried noodles) and a hot drink. You could top up your drinks by paying extra.Not having had breakfast, we ordered two congee lunch sets plus two mains a