新記雞粥 (筲箕灣道)

營業中

休息中

訓到好晏起身，突然想食粥就出左去食，我地去到個陣已經下午茶，見到餐牌好抵食。及弟粥配炸兩 $42豬什份量多，無羶味，好爽口，粥底綿，唔會水汪汪。炸兩入面油炸鬼脆口，腸粉包住加上甜醬辣醬好好食。生滾貴妃雞粥配豉油王炒麵$55貴妃雞真係唔同d，油香肉質嫩滑，啖啖肉，雞令到個粥底好香甜。豉油王炒麵好脆，炒得乾身好均勻。香脆炸大腸 $52好邪惡，炸得香脆可口。加左醬汁好惹味。紅燒元朗脆皮乳鴿 $65乳鴿外皮香脆，肉質鮮嫩，唔會好鞋，仲好多汁，而且醃得好入味。

唔使過海都嘆到元朗嘅味道，大大間地舖加一樓，裝修好寬敞，光線十足，光線十足感覺好衛生🌟招牌貴妃雞粥，用嫩嘅母雞去煮，食落非常嫩滑，加上紹興酒嘅陣陣酒香，而且有淡淡的瑤柱藥材味道，層次非常豐富，第二道度地方真係食唔到👍🏻🌟叉燒腸粉，好滑足料🌟紅燒脆皮乳鴿，味道好好，不過炸得過咗少少火，如果唔係會好juicy，下次要再食過🌟蜆介鯪魚球，大大粒圓波波，好彈牙，加上蜆介汁，好懷舊呀🌟炸蘿蔔糕，不過不失啦🌟酥炸魷魚鬚，好有驚喜，皮好薄，魷魚鬚好有彈性而且好鮮味🌟泰式青檸冰，酸酸甜甜好醒胃

几年前嚐過這品牌的砂鍋粥, 印象中不錯. 今天到這邊, 小米認得這粥店, 所以我倆在此午餐了.  在角落的梳化位就座, 就是我倆的二人世界了! 經過商量後, 大家決定各自點喜歡的食物. 慢慢等得待食物來到.   XO醬叉燒炒蛋飯   多次光顧這集團的豬膶粥, 所以對這家粥品店有信心.  但這次看到枱面有其他推介美食, 所以點了叉燒蛋炒飯. 深黃色的炒蛋, 是大鐵鑊的出品, 有蛋香, 拌著鹹中帶甜的叉燒, 味道很和諧. 而飯粒較硬身, 足以承托厚身的叉燒炒蛋. 白飯不是單純的硬, 中間卻是煙韌. 白飯伴著叉燒炒蛋, 無需太多花巧的調味, 一口一口的慢慢細嚐, 就是最簡單的美味.  這個叉燒炒蛋份量實在超大, 需要小米來幫口呢!  碎牛粥      總覺得這是SHOW ME YOUR LOVE的親戚: 杰撻撻, 軟綿綿, 唔洗咬, 剛好二者顏色都是米白色. 大大鍋的碎牛粥, 小米已急不及待把碎牛粥倒在自己碗裡去. 自己食炒飯, 旁觀小米一人獨吞這鍋碎牛粥. 最後小米連砂鍋裡的粥也不放過, 直接使用2個匙羹來挖盡碎牛粥, 一滴不留.    香脆炸兩腸粉   食腸粉炸兩, 最重要齊醬. 不過剛

筲箕灣道有一家元朗老字號店在港島開設的首家分店新記雞粥。店堂寬敞企理，富有時代感。招牌生滾雞粥加黃鱔；以多種食材熬製；粥底非常稠綿，鮮甜美味，黃鱔新鮮爽口。紅燒脆皮乳鴿；皮脆香口，外脆內軟，仲好大隻。豉椒蒸魚腩；魚腩新鮮彈牙夠入味。芽菜炒河；大大碗，乾身夠鑊氣。仲有飯后甜品喇，鮮奶蛋白杏仁茶；不會太甜，暖笠笠的健康又暖胃。疫情限聚令期間，中午都好好生意，都滿坐的。二人食飽飽250有找，抵食。想轉下口味，清請腸胃，食粥是一個不錯選擇。

慢客，堂食坐低唔計坐喺度完全冇人嚟招呼自己，只係叫一個雲吞麵，唔係叫滿漢全席，樓面話就話就到就到，等足4 個字堂食都食唔到嘅雲吞麵，做唔切就唔好接咁多單！離晒大譜！一定以後都唔會再幫襯！廚房配合唔到，咪一開始同個客話要等囉，做咩要話就到呢？做外賣大過坐喺度嘅堂食客？咩態度？咁開餐廳法？人哋快嘅，五秒都有個餐啦。正常嘅俾佢5 分鐘好未？漉個麵至喎！唔駛開油鑊唔駛炒。已經叫最快嘅嘢。都出唔切。浪費我寶貴時間。

攸桐媽飲飲食食遊蹤！而家新冠肺炎嚴重，大家都不敢外出，而且又有限聚令，真係會每人足不出戶。但點都要抖抖氣嘛！所以星期六就同咗攸桐爸去咗屋企附近嘅新記雞粥食下午茶啦！我哋點咗一個貴妃雞粥配炸腸，XO醬叉燒炒蛋飯同埋香炸鯪魚球！貴妃雞🐔粥首先，啲雞🐔配埋啲粥真係一流，雞🐔好滑，而啲雞油又落哂啲粥度，兩者嘅配搭真係正呀！炸腸由於佢炸腸係新鮮製造，所以等嘅時間要長少少。嚟到又夠脆又好食，配埋甜醬麻醬！無得頂！XO醬叉燒炒蛋飯呢個係攸桐爸嘅至愛，每次去食必點！叉燒夠鬆軟，蛋又夠滑，仲有啲XO醬，辣辣地真係食到停唔到。香炸鯪魚球呢個都係新鮮製造，嚟度都係好熱好正！所以我都忘記咗影相，一客其實有6️⃣粒架！🙈總括黎講，我哋試咗幾次，每個菜式或食物都係9️⃣0️⃣分以上架！

外賣自取，打開個海蜇燻蹄，嚇左一跳，完全唔能夠接受個燻蹄得厚厚嘅皮，D肉去左邊？明白依家食市好難做，夜晚冇堂食，只做外賣，但都唔應該俾d咁既野客人！食店職員嘅態度亦有代改善！

以為新記係食粥粉麵飯，原來有好多小菜，適合一家大細，難怪疫市都咁多人啦。🦑酥炸魷魚鬚🕊大隻脆皮乳鴿見到餐單張相就覺得吸引，果然沒有令我們失望， 魷魚鬚夠香口， 乳鴿夠入味，啲皮脆卜卜，而且好大隻，我地都好鍾意食，加支嘉士伯啤酒，真係絕配! 全場最推薦依兩樣食物！招牌新記雞粥🐔🥣招牌雞粥點可以唔試？雞粥的雞夠味又滑，粥軟綿綿，😋 唔怪得係招牌粥蔥花蝦米腸腸粉好滑，而且食得出即叫即整，入面仲好多蝦米同葱， 好足料啊！食完飽又滿足。

好難得今日去筲箕灣，嚟搜尋下有乜好野食。轉角位嘅位置...見到呢度都有新記雞粥嘅分店。過咗Lunch Hour依然坐滿食客。下午茶時段都好抵食，但我比Menu隻紅燒脆皮乳鴿吸引咗，叫一隻試下...嘩！即叫即炸熱辣辣，外皮好脆好香口，仲好食過酒樓嗰d...好味呀😋天氣熱熱地，唔想食飯，揀咗個鮮蟹粥，wow...最初怕食蟹好論盡，但d殼已扑開咗好易就甩開，份量一d都唔少。粥底唔會太鹹掩蓋咗蟹嘅鮮味，食完又唔會口渴，食得出唔會係味精粥👍🏻粥底煲得好綿，真係直得一試。除咗粥之外，見到Menu仲有好多款中式小菜，下次要再嚟試埋🤗

今日早收工又約左老婆黎到筲箕灣搵食，比我地發現左呢間老字號餐廳。真係一定要黎試下。首先我地叫左呢道既招牌就係貴妃雞粥，一定要試下，煮到金黃色既雞粥真係好好味，十分之有雞味，大大鍋非常抵食。之後就叫左個椒鹽豬扒套餐，加多十幾蚊就有多個飯同咪飲品，我就選左豆漿，啲豬排炸到非常香脆，味道一流，咸咸地非常野味。覺得唔夠飽，可以叫多個芽菜炒河，只係27蚊就大大碟，非常滿足，非常有鍋氣，非常抵食。小食方面就選左炸豬大腸，外脆內軟，點咪啲醬汁食非常野味，而且洗得好乾淨，食得放心。重有叫左豬潤腸粉，十分之好味，而且價錢重好抵食，真係世界級享受。再叫多個蝦米腸，清清地另有一番風味。點啲甜醬食真係特別好味。呢間餐廳樣樣份量都好多，岩曬我呢啲大胃王。服務態度又好熱情，食得開心又放心。

午餐突然好想食粥，於是去咗馳名嘅新記雞粥食飯，叫咗碗豬腰肉丸生滾粥，生滾粥好綿，熱辣辣。仲叫咗碟豉油王炒麵配粥食，炒麵配上芽菜和芝麻特別香口。而夏天當然要飲番杯冰涼飲～就叫咗杯七喜龍眼冰，爽一爽～龍眼大大粒好好咬口🥰之後發現原來新記唔止有粥品，仲有甜品tim!!! 於是就叫了一碗鮮奶蛋白杏仁茶食飯後甜品喇！甜品品會太甜，暖笠笠好滋潤，一個人的午餐都可以好豐富好滿足架！下次要試埋佢哋個雞粥同炸大腸先～

雖然是炎夏，但是很想吃些滋潤的食物，勝在店內冷氣足夠，所以吃完滾粥也不至汗流浹背。粥很大碗，兩人份量，可以自由拼搭，配料多款選擇，有海鮮類、肉片、內臟等。最喜歡吃他們的招牌貴妃雞粥，這次還加了瑤柱絲。貴妃雞的鮮味滲進白粥底裡，雞肉醃料帶有酒香和香料味，越熬越濃郁，不加額外調味已經足夠。雞肉不老，肉質蠻厚。粥非常燙熱，差點燙傷喉嚨，還是小心點吃。涼瓜炒蛋，炎夏之家常菜，尤其涼瓜是下火食材。蛋炒得熟透，不是滑蛋的質感。苦瓜肉厚，不強苦味，口感清爽。沒想到那麼大份，很足料。沒想到粥品店會有甜品，這個薑汁紅棗糕，濃郁紅棗香帶點薑味，口感非常煙靭呢。

今天是小暑，爸爸提議去筲箕湾新記雞粥吃午餐，不用媽媽操勞。我們叫了兩個招牌生滚貴妃雞粥套餐。貴妃雞由三十年鹵水浸製，收到客人單逐煲煑雞粥，新鮮好味。粥底綿滑，雞鮮甜入味，未試過一定要試下。粥套餐跟飲品及腸粉/炒麵/炒米/炸両等。我們選了葱花蝦米腸和火腿炒米粉。蝦米腸又香又滑，加上甜醬更好味。米粉加上銀芽红蘿蔔火腿炒得很香，又夠乾身，令人食慾大振。餐加8元有一碟油菜。餐奶茶檸茶質量不比茶餐廳遜色。我們也叫了红燒脆皮乳鴿和蜆介鲮魚球。约十両重的乳鴿浸鹵水後浸冰水再風乾，即叫即炸。乳鴿肉嫩香滑有鲜味，又有營養。鲮魚球彈牙有咬口，加上蜆介，更有風味，是老爸至愛。乳鴿和鲮魚球下酒一流。一家三口吃得滿足不用操勞只是约二百五十元。小店不用加一或茶錢，性价比高，值得支持。

今日lunch決定食依間新記，佢平時早午晚市都好多人等，今日見有位就走左入去。舖頭唔係好大，但都算乾淨同坐到唔少客，伙記數目都夠，一叫就黎幫我寫野，出餐都夠快，可能係午餐set既關係啦。我就叫左個煲仔窩蛋牛肉蒸飯，黎既時候都好多熱，塊牛肉都幾大塊，仲有條臘腸同一條菜，都算幾好既，無hea我。咁食落都唔錯既，隻窩蛋撈飯真係幾好食，咁塊牛肉就不過不失，都唔太硬既。成個飯就對得住個價錢既。之後跟餐我要左杯凍奶茶，係奶多左Ｄ，下次可以叫佢少奶。

呢排都係食西餐，突然好想食下粥。見到呢間餐廳有好多唔同配料既粥揀，而且係老字號。坐低左見到餐牌，就忍唔住瘋狂點菜🤣🤣 兩個人點左五樣野😋鮮蟹粥（$52）- 原本想試推介雞粥，不過蟹粥好吸引又好抵食😂。蟹肉好鮮甜，粥底又滑又棉。金牌貴妃雞（$68）- 例牌都有雞髀，雞肉嫩滑，雞味好香濃，果然係推介👍🏻香脆炸大腸（$52）- 唔係好多地方有得食，見到又要點黎試下。外皮好脆，點甜酸醬最好😋。 豬潤肉片炒米粉（$56）- 我覺得米粉炒得幾乾身幾香。 加入豬潤肉片，味道比較濃。涼瓜炒蛋（$48）- 涼瓜苦苦地伴住滑滑既蛋，配白飯一流😆。整體來講食物質素都幾好，五樣野都係$276， 都幾抵食。