新肥泉海鮮大排檔

營業中

休息中

呢度大排檔嘅菜色很有香港風味，久吾久都會同朋友嚟呢度食地道小菜。✨️白灼海大蝦雖然目測一碟得七隻，但隻隻都有手指公咁大。肉質结實，點埋豉油，滋味無窮。✨️番茄新鮮魚雲薯仔湯部份薯仔容於湯中，加上新鮮蕃茄 和 嫩滑魚雲，個湯十分鮮味。同時，呢個湯係好足料，除了有以上食材外，仲有冬菇、薑絲。✨️椒鹽鴨舌鴨舌混左椒鹽，十分香口。有少許紅椒，但不是太辣。✨️飲品玉泉，食左咁濃味嘅椒鹽鴨舌，飲返杯玉泉解喝，特別夾!📍佐頓 寶靈街17号官涌市政大樓2樓

今天晚上， 我們在柯士甸站（鄰近高鐵站）落車，沿廣東道前進 ，轉入寶靈街，去到官涌市政大樓二樓熟食中心新肥泉海鮮大排檔 ( 佐敦） 晚餐。新肥泉是一間傳統的大排檔 ， 充滿了懷舊風味。 大排檔的小菜，勝在鑊氣夠， 小菜夠熱。今天的晚餐非常豐盛，首先是豆腐肉片魚雲湯，湯頭鮮美，豆腐滑嫩，配上魚雲更添風味。接著是蝦醬通菜炒鮮鱿，鮮鱿彈牙，通菜清脆，搭配濃郁的蝦醬，令人垂涎欲滴。還有手拍小黃瓜，脆口的黃瓜配上蒜蓉，清爽可口，讓人食欲大開。最後是咸魚雞粒炒飯，咸魚的香氣與雞粒的鮮嫩交融，炒飯粒粒分明，讓整頓飯菜更加美味。每一道菜，都讓我們感受到家的溫暖，真是一頓難忘的晚餐！

之前睇呢間評價唔錯，咁啱今日喺附近睇完戲好夜，見佢咁夜都仲有開，所以就過去試下！荔芋雞煲 $128超大一煲，係會比普通嘅大排檔店更加大煲，嚟到係勁香，仲帶點椰香味，勁多芋頭，而且個雞好有鹹香味，送飯一流🤤黑椒薯仔牛柳粒$138牛柳好嫩，大大粒唔會有筋，好有牛味，薯仔走過油，有蜜糖同埋黑椒嘅味，又脆又香，其實我最鍾意就係薯仔牛柳粒入面嘅薯仔🥰黃金魷魚$148勁多鹹蛋黃包圍住炸魷魚，呢個大排檔必叫，真係勁香，炸粉又唔會好厚，大大嚿魷魚勁過癮😍😍酸薑皮蛋$38媽咪話食咗啲好多煎炸嘢，食左啲酸薑感覺會解吓膩，所以特登叫埋，估唔到皮蛋係流心，加埋酸薑真係好開胃🤣總結嚟講，我覺得呢間大排檔份量係會比其他大排檔偏多，我同媽咪兩個食到一半已經飽咗🤣，但叫咗幾樣嘢食都真係好食，唔會踩雷，所以都好推薦👍🏻

Blingbling美食推介✨ 📍佐敦 🦞 新肥泉海鮮大排檔 熟食中心探店！超有鑊氣海鮮大排檔 😍💠💠💠💠💠💠💠💠 之前聼人講官涌熟食中心有間超有鑊氣既大排檔，所以今日特登同朋友黎試下！好彩有訂位，如果唔係，平日晚飯時段都好多人，無訂位未必有位架！提提大家想試下記得預先訂位啦！ 💠 沙爹肥牛煲 $128上菜既時候仲滾架！bob-bob-bob咁！分量超多！真係對得住價錢，好多牛肉，我地兩個女仔完全食唔曬！而且粉絲吸收曬沙爹汁既味，調味岩岩好！好好送飯🧡 💠 黃金魷魚 $148黎到海鮮大排檔緊係要試下海鮮~ 黃金魷魚超級脆，炸粉唔會太厚，加埋鹹蛋黃炒成，好香口，魷魚肉質柔軟，一咬就斷，一d都唔un~ 👍🏼 💠 椒絲腐乳通菜 $98肥泉既特色就係可以望住師傅爆炒！！超有鑊氣！離遠都睇到好大火，好誇張！！爆炒出黎既椒絲腐乳通菜當然係超級好食啦~ 💠 酸薑皮蛋 $38酸薑皮蛋好似而家好少地方有得食，呢度既皮蛋有小小流心，配搭埋酸薑一齊食，各自中和左大家既濃味，好夾好好味😋💠 白飯 $10 餐廳環境：💎💎💎💎💎/5 服務質素：🌸🌸🌸🌸🌸/5

第一次去到位於佐敦嘅官涌市政大廈熟食中心，見新肥泉咁有名氣就決定同朋友試試！果然超有驚喜，好多菜式選擇，夠地道又夠鑊氣🔥Open kitchen睇到我嘩嘩聲，班師傅真係好犀利好型👨🏻‍🍳另外超驚訝嘅係，首見大排檔會做放題！最平每位$288，120分鐘任點小炒同煲仔，飲品啤酒任點，啱晒食量大酒量勁嘅人！我就同朋友兩人食量唔算大，所以決定散叫小菜。辣子雞(半隻) $168————————————爆香又勁入味嘅辣子雞🌶️餐廳選擇用雞件而唔係用雞粒，真係足料半隻雞，炒到外焦內嫩真係好正，麻麻辣辣食到流口水🤤豆豉鯪魚炒油麥菜 $108————————————非常新鮮嘅油麥菜，色澤翠綠口感爽脆🥬份量好多！炒豆豉鯪魚夠晒鹹香，看似簡單嘅炒菜都可以炒到都有鑊氣又惹味，其實都好考功夫㗎！椒鹽雞軟骨 $98————————————超香口，大大粒超有咬口，令人食唔停，做佐酒小食真係一流！位於熟食中心但好坐，食物質素好，又非常抵食，下次要約三五知己嚟聚聚！

新肥泉海鮮大排檔地址：佐敦寶靈街17號官涌市政大廈2樓熟食中心 佐敦高質有鑊氣既海鮮大排檔🤭勁啱一大班朋友或者一班同事黎食飯👍👍地方環境寬敞，坐得舒服😊👍主打港式大排檔食物，每樣食物都係即炒，夠新鮮！而且款式好多，基本上你想得到既港式小菜全部都有！超級正😋我就係一家人黎食，叫咗幾樣小菜👍全部人都食得好滿足呀！😋如果係高鐵過黎，可以先行去柯士甸站，再係E出口過行人隧道，一上地面就見到官涌市政大廈 黑椒薯仔牛柳粒 - 薯仔煮得微脆少甜，食落勁好味，好鍾意食，薯仔比牛柳更好味😋當然牛柳絕對唔差，一口牛，啖啖肉古法蒸游水大桂花魚 - 超大條桂花魚，食落無咩魚骨，所以可以放心大大啖咁食😊魚肉好味又多營養，必叫！豆腐肉片魚雲湯 - 大大碗魚湯，鮮甜可口，加埋豆腐滑捋捋，好飲！西蘭花炒象拔蚌片 - 份量足料，西蘭花大大粒，象拔蚌片口感好好！好正呀蔥油霸王雞 - 叫咗半隻霸王雞，肉質好滑，好味！

新肥泉海鮮大排檔佐敦寶靈街17號官涌市政大廈2樓熟食中心依間位於佐敦市區既港式大排檔餐廳，可以話係黎香港必食之店！超高性價比，平民價錢，但食物質素非常高，可以媲美酒店級別既大廚！超級抵食！非常適合一大班朋友或者家人黎食～份量又多，餸菜高質好味，款式都超級多，所以香港款式的小菜，海鮮都有。而且店員很好服務，有禮貌，不會催你走，可以慢活人生，品嚐美食😊 餐廳亦好近高鐵站，基本上到柯士甸站E出口，然後過一條行人隧道上地面便能看到官涌市政大廈，相信易找！內地的朋友來香港不要錯過喔！古法蒸游水大桂花魚 - 大大一條桂花魚，色香味都有，份量很足，一家人食都食不完，而且沒什麼魚骨，很易入口蔥油霸王雞 - 雞的肉質煮到很滑嫩，好好食！黑椒薯仔牛柳粒 - 一口食掉一粒牛柳，好好味，易咬，薯仔亦煮得脆脆的，口感很棒豆腐肉片魚雲湯 - 鮮甜可口的魚湯，營養價值高，好飲西蘭花炒象拔蚌片 - 西蘭花很多，很大粒，象拔蚌片也是好吃到停不下來

最近，又掛住香港地道嘅美食，去佐頓嘅《新肥泉海鮮大排檔》食下港式菜色。今次嗌左以下：✨️冰鎮大鮑魚 $96鮑魚兩隻、大大隻，肉質Q彈夾嫩，含有燒酒味。係凍食嚟，配合豉油 和 Wasabi 食用，比較特別。✨️黃金海大诲蝦 $168咸香十足，隻隻手指公咁大隻，肉質結實鮮美，目測约有十隻。✨️可愛 BB 鴿 $52BB鴿個皮炸到香脆，入面肉質鮮嫩，超級好味。✨️招牌豉椒炒大蜆$128火喉十足，青椒翠綠，蜆的份量都幾多，味道濃郁。✨️飲品玻璃樽玉泉特別好飲，仲有免費茶無盡提供，食多野都一定能夠解到喝。📍佐頓 寶靈街17号官涌市政大樓2樓熟食中心#新肥泉#港式美食#地道美食#大排檔

呢間大排檔係熟食市場入面！豬潤啫啫鮮雞煲 - $128這道雞煲的味道濃郁，豬潤與雞肉呢個組合少見！雞肉保持了多汁的口感，同有炸香過！有洋蔥菇類等等一齊炒肥泉小炒王 - $118小炒王味道偏重口味～有超多配料 腰果、大蝦乾、炸銀魚仔等 使得每一口都充滿層次感 非常適合搭配白飯椒鹽九肚魚拼鮮魷魚 - $168拼盤好一次過食哂兩款！椒鹽的香脆外皮！個人推九肚魚 連骨都可以食！新肥泉海鮮大排檔 (佐敦)佐敦寶靈街17號官涌市政大廈2樓熟食中心

自費凍凍地最啱嗌返個煲我哋食咗香芋煲我最鍾意食芋頭㗎啦，個芋頭真係超級好食個質感超級好我哋仲嗌咗炸魷魚個魷魚脆卜卜即叫即整真係好有口感嗌碗白飯配落去真係好好食，又唔會太過鹹口味真係十足一流㗎我哋亦都嗌咗肉類就係腰果甜酸骨去個甜酸骨唔會太過鹹佢哋嘅黑醋亦都係自己條配嘅勁有質素同埋好有特色嘅菜式，其他舖頭都未必有呢一種價錢適中份量好大碟兩個人食已經食到好飽啦我覺得凍冰冰食吓大排檔幾有質素㗎如果有興趣都可以去食

呢間大排檔好好食，但夏天食真係有啲熱🙈而家凍啲就可以黎番食飯！除左小炒仲有打邊爐！豉汁蒸白鱔白鱔有十幾舊，份量好足👍🏻入口爽脆，好厚肉，豉汁調教得岩岩好唔會太鹹😋黑椒野菌牛柳粒平時成日都食薯仔牛柳粒，今次試下襯野菌。牛柳粒肉質軟腍，仲好juicy!!菇類有好多款，炒得小小乾身好香口🤤黑椒汁都好濃郁！上湯浸豆苗冬天一定要食豆苗，個豆苗好嫩，面層仲加左啲雜菇更有鮮味！原來而家仲有八周年優惠，八點後入座全單8折，10點後係6折！好抵啊！！！要再黎食😂😂

菜做的就算还好， 反正都是旅游的地方，价格都大差不差，但是从进去到结账，并未标记需要加收10%服务费吧。。。。 也没有提前告知。结账的时候看单子才发现。况且，一个大排档，这样的环境，满屋跑老鼠，何谈服务费呢。 你又不是米其林，又不是多精致的餐厅。不知道是不是只对旅游消费者收服务费。你收也可以啊，起码明确告知吧。点了一个避风塘炒蟹，一盘炒青菜，一个粉。光“服务费”算下来就70。前一晚去了炮台山的一家大排档，也没有服务费啊。。 接受不了，想不明白。 不知道服务我啥了。。。有点当大冤种的感觉。

好耐無食大排檔啦! 放工就去左佐敦官涌熟食中心呢間新肥泉食晚飯，一坐低就見到師傅在廚房炒菜夠火喉!! 我地既晚餐就叫左：.🦪醬皇燒生蠔 幾鍾意食呢個，夠香夠鑊氣!! 有4-5件蠔，大大件，加埋醬汁、彩椒同蔥炒香，惹味!!.🍲粟米魚肚雞粒羹呢個湯羹幾足料，每一口都係滿滿的配料：粟米、雞肉、魚肚、蛋花，湯汁香甜，簡單又美味! 4-5人share都得! 我地兩個人每人都起碼飲左3碗.🐟香辣魚皮開胃既前菜，魚皮爽，加埋辣油幾香.🥬雞油炒豆苗估唔到用雞油炒豆苗係咁香! 其他咩都唔駛落已經入味

聽朋友講哩度幾好食, 所以今次專程過去試吓味。按照平日習慣我中意飯點前去book定。但係估唔到遲咗少少幾乎坐滿，隔離台仲話嗰日幾乎未停過遲少少仲要等添。🥘【啫啫雞煲】/ $128雞煲雞肉好嫩滑啲味道完全入晒😋😋每一啖都食得出香。雞肉吸滿汁水，咬落去嗰啲味道好濃。煲汁味道層次分明唔滯🥰🥰淋飯度都已經好絕。🍽️【蒸鮮魷】/ $138勁爽脆，彈中又帶點嚥韌，魷魚甜味與鮮味十足🥰夾上金菇更加清爽。🍳【小炒王】/ $118小炒王就係魷魚蝦米韭黃，味道好香超有鑊氣。蝦乾又夠大隻😮😮甜鹹皆有夠鮮。🥢【炸酥蠔】/ $168新鮮炸起又係好香脆，不過熱氣嘢唔敢食太多🤣

「新肥泉」位於佐敦官涌街市，地鐵站行五分鐘左右就到，幾方便～！ 炸乳鴿佢哋有散叫，亦有唔同價錢嘅任食套餐～ 小炒任食 (HK$288@)～ 9️⃣0️⃣分鐘， 首次落單開始計時間～ 玩法係每次每人最多叫2️⃣款食物，要完全食哂先再可以叫下一輪㗎‼️ 啤酒同selected soft drinks都included 㗎！真係要號召大胃王‼️ 我哋top up 另外叫咗份辣酒煮花螺，好惹味！喜歡食大量海鮮嘅可以試下佢哋嘅海鮮放題 (HK$488)，所有餸都order得～～