新肥泉海鮮大排檔

營業中

休息中

放工去佐敦辦事，順便同老細搵食。朋友極力推薦呢間「新肥泉」，話佢哋嘅小炒夠晒鑊氣，一於去會一會佢！ 🍤 蒜片頭抽煎海蝦 一上枱就聞到陣陣香氣，每隻海蝦都有手掌心咁大，蝦殼煎得金黃脆身。蝦肉結實彈牙，頭抽嘅鹹香恰到好處，唔會蓋過蝦嘅鮮味。最正係連蝦頭都有膏，吮埋啲蝦汁真係好滿足！ 🦪 碧綠炒象拔蚌花枝片 象拔蚌片切得厚薄適中（當然唔係新鮮象拔蚌啦～🤭😅），花枝片雪白爽脆，兩樣海鮮都炒得剛剛好熟。配菜用咗西蘭花，沾滿咗海鮮嘅精華，仲保持到翠綠爽口。最欣賞佢哋嘅火候控制，完全冇過火變韌。 🐸 避風塘炒田雞 田雞雖然唔係件件都係髀位，但夠晒大隻，啖啖肉之餘仲好嫩滑。避風塘炒法夠晒香口，洋葱片、蒜粒同辣椒乾爆得脆卜卜，微辣惹味但唔會太刺激，送啤酒一流！ 🐮 豉椒炒牛柏葉（老細至愛） 平時食開豉椒鮮魷、鵝腸就多，第一次見用牛柏葉咁特別！牛柏葉切得夠薄，炒得爽口得嚟完全唔韌，豉椒汁掛得均勻又唔會太鹹。老細大讚有驚喜，話下次嚟一定要encore呢味！ 呢度價錢相當親民，難怪我哋食到一半已經全場爆滿。如果想搵間有鑊氣又抵食嘅大排檔，新肥泉絕對係佐敦區嘅隱世好選擇！ **溫馨提示**：

有時一班朋友想吹吹水，啤一啤，就會揀香港地道大排檔，除咗份量多又抵食之外，仲唔會趕人走可以坐耐d 都唔怕！呢間大排檔位於佐敦熟食中心，地鐵站行過去都好近，雖然街市入面環境一般，但地方闊落，一圍枱都坐得自在。😋 味菜炒牛柏葉 ~ 酸酸鹹鹹既惹味又開胃，加上牛柏葉夠晒爽彈，極力推介！另外仲叫咗沙爹肥牛煲、千島汁蝦球、炸子雞、咸魚雞粒炒飯、銀牙豉油王炒麵等等，碟碟都夠晒鑊氣，香港本土大排檔風味就是如此！唯一有少少挑剔就係個粟米魚肚雞粒羹鹹咗少少 🙈🙈

佐敦站D出口出. 經過好有香港特色的小販檔乾貨街市，就到「官涌市政大廈熟食中心」 裡面有幾間大排擋今次試 「海鮮大排檔」!我都嚇一嚇，因為己經晚上１０點，仲有咁多人。。。香港夜繽紛～～　個廚房仲要係開放式， 見到火光熊熊 ～～ 鑊氣十足的小炒和海鮮！！！ 藤椒魚皮 ($68) 藤椒的辣好過癮 ~ 辣度剛好，魚皮完全沒有腥的怪味~ 送酒一流!!豉汁蒸白鱔 ($168)選用新鮮白鱔，肉質厚實肥美。豉汁調味恰到好處，鹹香入味，配白飯， 好味~ 金銀蒜蒸聖子王 (6隻$198)聖子王size頗大，搭配大量蒜蓉和粉絲蒸製。蒜香濃郁，聖子鮮甜，一啖入口相當滿足。餐廳位於熟食中心內，環境雖簡樸但都叫整潔。 菜式鑊氣十足，海鮮新鮮度有保證。 除小炒外，還提供火鍋和烤魚等選擇。

👈🏻新肥泉海鮮大排檔#japjapjap_佐敦#japjapjap_港式椒鹽九肚魚拼鮮魷 $168識嗌一定嗌雙拼咁就可以滿足晒兩個嘅願望🤩份量十足九肚魚嘅嫩滑同魷魚嘅彈牙形成強烈嘅對比好有口感 海鹽香煎雪花和牛粒 $108Order咗細份嘅和牛粒一上枱都比我預期嘅多用海鹽輕輕咁調味就更加帶出牛嘅鮮味👅每粒和牛粒都好有油脂香酥炸墨魚餅 $128必叫嘅一道菜墨魚餅炸到金黃色❤️外面脆卜卜 入面就好彈牙啖啖嘅墨魚肉 好有口感點埋泰式辣醬冇得彈可愛BB鴿 $52BB鴿燒到個皮好脆入面嘅肉質都好嫩滑又多汁配埋啲蝦片 好邪惡💕Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟📌服務：🌟🌟🌟🌟🌟餐廳名:新肥泉海鮮大排檔地點:佐敦寶靈街17號官涌市政大廈2樓熟食中心⏰:Mon-Sun 1200-23:45

噚晚同老友喺高鐵嗰邊過嚟新肥泉海鮮大排檔食小炒，入面熟食中心所以好有ｆｅｅｌ～🐟 黃金魷魚（$148）呢味黃金魷魚，炸到外皮金黃酥脆，啖啖魷魚肉滑溜彈口唔腥，鹹蛋黃香味濃郁～配啤酒一流！🦐 沙爹粉絲蝦煲（$168）一打開煲蓋就聞到超香沙爹味，粉絲吸晒啲蝦同沙爹汁，啱晒鐘意重口味嘅朋友。蝦都夠大隻，肉質爽口彈牙。🐄 黑椒牛仔骨（$128）牛仔骨煎到啱啱好，外焦內嫩，黑椒醬香濃惹味，唔會太鹹，食到最後都唔覺膩。啱晒配碟白飯，真係想再encore多一碟！／／／／／／／／／／／／／／／／／／  [📌] 佐敦寶靈街17號官涌市政大廈2樓熟食中心—————————-—————————-Overall 💗💗💗💗 #新肥泉大排檔

同幾個朋友敘舊，嚟到佐敦官涌街市，食返個靚飯先走，順便啤啤佢。今日天氣唔算熱，喺街市開餐，都是適合的。🍎鮑魚雞煲🍎 。入面嘅鮑魚大大隻，是新鮮鮑魚，非常清甜，而雞件肉質嫩滑，非常入味。🍎邪惡黃金大蝦球🍎 香濃鹹蛋黃嘅外皮，再配合大大隻嘅蝦仁，咬落去外脆內軟，十分美味。🍎薑汁炒芥蘭🍎 。芥蘭非常新鮮，炒出來是碧綠色的，芥蘭不會有苦澀味，食完都覺得很健康。最後唔少得可樂同啤酒，黎大排檔食嘢，一定唔少得呢兩樣絕配。

新肥泉海鮮大排檔(佐敦)如果你想體驗地道的香港大排檔風味，佐敦的「新肥泉海鮮大排檔」絕對是不容錯過的選擇！從高鐵西九龍站出發，搭乘地鐵到佐敦站，步行幾分鐘就能到達官涌熟食市場，交通超方便，對於遊客和本地人來說，這個位置真是加分項！這次我和朋友一同前往，點了三道菜：芥末牛柳粒、鮑魚雞煲和蝦醬炒通菜首先上桌的是**芥末牛柳粒**。這道菜的牛柳粒外焦內嫩，搭配上特製的芥末醬，味道香辣開胃，讓人一口接一口，根本停不下來！牛肉的鮮嫩與芥末的辛辣完美結合，真是令人驚喜。接下來是**鮑魚雞煲**，這道菜的鮑魚鮮美無比，雞肉更是軟嫩多汁，湯底濃郁，充滿了海鮮的鮮香。每一口都讓人感受到海味的濃厚，特別適合喜歡海鮮的朋友！煲中的配料也很豐富，讓整道菜的口感層次更加分明。最後是**蝦醬炒通菜**，這道菜的通菜炒得恰到好處，保持了脆嫩的口感，蝦醬的香味更是為這道菜增添了不少風味。每一口都能感受到蝦醬的鮮香，讓人忍不住想再來一碗白飯配著吃！如果你在佐敦附近，千萬不要錯過這個地道的大排檔，保證讓你吃得開心又滿足！新肥泉海鮮大排檔📍佐敦寶靈街17號官涌市政大廈2樓熟食中心港鐵佐敦站，步行約5分鐘#佐敦美食 #香港大

任食食得多 大排檔任食都係第一次🤣任食有分幾款價錢我地今次揀左$288套餐包括多款香港地道小炒小菜·煲仔·飯麵等等炒得夠哂鑊氣又大碟 充滿香港🇭🇰風味特色.🫧鹹魚雞粒豆腐煲熱辣辣渣渣聲咁上枱😍😍雞肉同豆腐吸收了豐富的湯汁 再加上鹹魚的鹹香鹹香 好正🥰豆腐滑捋捋 雞肉嫩滑肉味香濃撈埋白飯食仲正😙🍚.🫧 啫啫唐生菜煲同上面一樣見到渣渣聲咁上枱已經流哂口水唐生菜🥬好新鮮翠綠 入口爽脆入面仲有啲肉碎粒😝🫧翡翠帶子蛋白炒飯大大粒新鮮帶子好足料 另外仲有蛋白同多種配菜呢個炒飯炒得好有鑊氣 仲營養豐富🥰🫧特色金莎雞翼炸至金黃色外脆內嫩 一咬落去脆卜卜口感香濃大大隻雞翼咬到啖啖肉 勁滿足😙

同外國友人試下香港特色野，是晚揀左去街市熟食中心的新肥泉。雖然係街市，但無異味仲幾乾淨，店員熱情招呼，感覺唔錯。餐牌勁多野揀，小炒、火鍋、食品加工等幾乎有求必應，睇左好耐，最後決定點幾樣野😋⭐椒鹽九肚魚大排檔梗係要食鑊氣野，椒鹽呢啲屋企唔會整嘅餸係度食就啱啦。炸得乾身唔油，脆漿薄身，仲食到一條條九肚魚，外脆內滑，個椒鹽好香口🤤⭐涼瓜豉蒜炒牛仔肉一上枱就知得啦，涼瓜爽口多汁，牛肉嫩滑，豉蒜調味鹹香，下飯一流🤤⭐蘿蔔清湯牛坑腩煲呢個有驚喜，居然係一大鍋上，蘿蔔爽甜牛腩軟腍，湯頭重胡椒味，飲落好鮮甜，正到要食湯泡飯🤤⭐白飯勁大碗，店員壓到實一實，唔怪得佢問係咪真要兩個飯，使唔使一個share啦😝份量大碟又好味，果然係街市名店👍

得閒食下大排檔又幾好，呢間之前食過，值得再食，帶朋友去呢間大排檔，佢喺高鐵嗰邊，走到大排檔路程都係幾分鐘😀松子魚好足料，二人分量的話都幾足下，原條黃花魚甘上，實在值得點個讚👍🏻薯仔牛柳薯仔够淋，再加上醬汁既調配，牛柳肉汁嫩滑，加了不少滿足感😊黑松露帶子炒飯黑鬆露好香，帶有恰到好處的松露香，令人一食難忘😍好味指數：8/10 性價比指數：8/10餐廳名稱：新肥泉大排檔 餐廳地址：佐敦寶靈街17號官涌市政大廈熟食中心 2樓 電話：2730 4968

佐敦街市樓上熟食中心，新肥泉好有名氣！好多菜式選擇，地道又夠鑊氣～✨椒鹽雞軟骨 ($98)超香口大大粒有咬口，椒鹽簡單既調味令人食唔停，做送酒小食真係一流！✨香辣新鮮魚皮（$68)呢個小食勁有驚喜👍魚皮爽脆新鮮，滕椒口味又麻又辣！✨啫啫芥蘭煲（＄118）芥蘭好翠加埋咸魚蝦米肉碎，咸咸香香！令人停唔到口，成個煲嘅咸魚蝦米都清哂✨味菜鮮魷($128)點可以冇海鮮呢🤪鮮魷新鮮彈牙，加埋鹹菜豆豉青椒洋蔥爆炒，超級惹味但味道偏鹹～適合送飯！

新肥泉海鮮大排檔地址：佐敦寶靈街17號官涌市政大廈2樓熟食中心新肥泉海鮮大排檔，可以話係大排檔中既天花板😍😋！所有小菜新鮮即炒，夠晒鑊氣😆！廚房採用開放式廚房，係可以睇到廚師煮野食嘅英姿！見到每碟餸火喉十足！廚師下下拋鑊，手法純熟👍真係好厲害呀！而且每碟餸菜的份量好多😊好適合一家人或者一大班朋友去食😊👍店員服務好好，而且上菜速度都好快！值得稱讚！最後想講餐廳位置好近柯士甸站！行過去只需幾分鐘，好方便豆豉鯪魚炒油麥菜，港式人氣蔬菜😋好入味，菜好新鮮粟米魚肚雞粒羹，大大碗，份量好多，落足料呀👍蔥油霸王雞（半隻），皮爽肉嫩，蔥油香氣撲鼻，醬汁鹹鮮適中，雞肉緊實😊

今次係我第二次去新肥泉海鮮大排檔😍佢哋炒啲嘢真係好有鑊氣~有好多唔同特色小菜簡同朋友揀咗$288任食~仲有任飲可以試多啲唔同款式嘅嘢😋✨椒鹽雞軟骨椒鹽雞軟骨好香，炸皮好薄，好岩好酒✨椒鹽鴨舌今次都有叫返椒鹽鴨舌，喺出邊從來冇見過有得食，一如既往同上次咁好食😋✨香煎和牛粒叫咗個細份量，牛柳粒好香濃，食落去好腍果然係和牛粒😍✨辣椒炒爽肉爽肉好似豬頸肉咁，食落去好爽身，辣椒唔會好辣，但係好香😚✨豉油王鵝腸鵝腸份量好多，唔會過熟好爽，底下都有芽菜墊底，好好食✨啫啫芥蘭煲好有鑊氣嘅芥蘭煲，入邊有肉碎蝦乾上枱嗰陣熱辣辣🤤

全港首創？大排檔小炒放題😆 餐廳主打大排檔小炒 好似係全港唯一的大排檔放題！呢到係成個街市最熱鬧嘅地方🤣 平日夜晚都幾多人 不過多數都係單點 ====᪥ 120分鐘小炒+煲仔放題 $288/位 免加一放題包括小炒及煲仔菜任食 飲品任飲要留意翻都比較多規則～ 如果食得唔係好多嘅建議單點會抵啲～ 因為小菜份量係好多！🥴每人每次只可落單兩款 不限次數 食完先可以再落單如每碟剩餘食物超過100g一律以正價收費！==᪥ 菠蘿拔絲咕嚕肉᪥ 黃金有機茄子᪥ 啫啫芥蘭煲᪥ 黑椒薯仔牛柳粒四款小炒都幾好食！Above average嘅大排檔 但係份量實在太多🤣 我哋兩個人嗌四樣已經收咗隊😂🙏🏻

最近喺朋友介紹之下，終於去咗官涌市政熟食中心試下「新肥泉大排檔」嘅兩小時小菜放題，每人只係收 $288，以依家物價嚟講，真係超抵食！成個用餐體驗可以講係又開心又滿足，啲餸唔單止選擇多，味道仲好有水準，難怪咁多熟客幫襯。最吸引我嘅係頭盤嘅炸雞軟骨，炸得夠香夠脆，食落去啖啖驚喜，唔會太油膩，好啱開波食。跟住上嘅炸子雞配蝦片都非常唔錯，雞皮脆卜卜，雞肉啖啖肉又唔鞋，蝦片又脆又香，成件事好有傳統大排檔風味。之後嘅海鹽香煎和牛粒真係超驚喜，牛粒煎到外焦內嫩，唔需要太多調味，海鹽已經帶出牛肉嘅香味同油脂香，食完真係想encore！芥蘭炒臘味都炒得非常掂，芥蘭夠爽脆，臘味又香又入味，油香滲晒入菜入面，好有屋企炒餸feel。最後嘅欖菜燒肉粒炒飯就更加係完美收尾，飯炒到粒粒分明，欖菜鹹香開胃，燒肉粒焦香入味，食完真係心滿意足。總結嚟講，新肥泉真係有驚喜，平、靚、正，啲餸有水準，環境乾淨，侍應都幾有禮貌，$288任食小菜真係抵到爛，推薦大家有機會一定要去試吓！📍佐敦寶靈街17號官涌市政大廈2樓熟食中心