新泰東南亞餐廳 (馬鞍山廣場)

營業中

休息中

邊個話馬鞍山係美食沙漠？至少唔駛出九龍城都食到有水準泰菜～而價錢又合理！行完街經過見到呢間餐廳幾靚，一於試下！先嚟個必食泰式生蝦，合乎期望，冇失望，掛住食又唔記得影相🤣🤣🤣再嚟蕉葉烤爐魚，魚身搽滿香料，蓋上蕉葉烤，魚肉又香又滑，點埋個酸辣汁味道層次提升不少，一流👍🏻👍🏻主菜叫左個香草肉碎炒飯，炒飯夠鑊氣，飯粒粒粒分明，少少咸左啲，面頭炸九層塔好香，幾好椰青飲得多，椰青沙冰未試過，原來更冰涼，更好味，食完唔駛叫甜品！好彩我地早入座，到7點幾見到都唔少人喺出面等位，到差不多9點走都仲有客人入座，可想呢間餐廳有一定受歡迎程度😄

今晚和蝦子餅撐枱腳，去咗間東南亞餐廳食飯，叫左泰式生蝦（$98/6隻），好新鮮，爽口彈牙！有少少辣椒粒，怕辣可以撥開，點埋魚露汁好味呀！另外「麵包焗咖喱軟殼蟹」（ $208 ），賣相好吸引，一大個麵包刮開個窿，裝滿咖喱，仲有幾舊炸過嘅軟殼蟹，呢個咖喱汁完全唔辣，啲麵包索晒啲汁，好好味呀，軟殼蟹都OK。我哋仲一人一杯飲品，我要左龍眼冰（$38），好有龍眼味，龍眼肉有好多粒，夠晒凍夠晒甜！老公要嘅係椰青沙冰（ $58 ），真係好大個椰青啊！啲沙冰重多到推到上頂，好吸引，飲落都好清甜，唔錯唔錯！

馬鞍山都仲有好多間食肆未試過，呢間東南亞菜館經過幾次都見到排晒隊，今次訂定位就唔使等啦！夜晚冇套餐，全部散叫，選擇都算多，今晚食嘅其中幾樣包括我嘅至愛「公車腩霸」，即係泰式生蝦（ $98 ），新鮮得來又爽口，質素唔錯！令我回憶起去泰國食嘅那一次，好懷念啊！另外有個「鴨肉生菜包」（$78)，份量夠多，包到8-10塊，生菜夠新鮮，鴨肉碎混入洋蔥、蔥和香草等，喜歡那種香草味道，令人好開胃。不過碟底比較油，食既時候格一格好點。今晚另一個驚喜就是「麵包焗咖喱軟殼蟹」（ $208 ），附近2枱都叫，果然是廚師推薦！麵包烘得剛好，配合黃咖哩好食，軟殼蟹肉質和味道不錯，成碟食哂！食泰國嘢就梗係要食芒果糯米飯（$68），原本想要個有雪糕球嘅，點知冇晒，就食個普通版啦！佢有黑糯米和白糯米，前者比較有口感，後者好煙韌，加埋椰漿甜甜的好好味。芒果都幾多舊，甜呀！正！同埋呢度既服務都值得一讚！店員都幾細心！

今晚同朋友嚟馬鞍山食東南亞菜！一入去覺得間餐廳地方寬敞，燈光柔和，環境舒服，有好多泰式佈置，仲有一大幅牆有2隻大象，不過坐得遠冇影到～成個感覺好似去左泰國咁～去唔到旅行，嚟食返餐泰菜都可以止下痕～食物方面，價錢合理唔算貴，份量都岩岩好～蕉葉烤爐魚 $128烤魚食得多，未試過蕉葉烤，一上枱，未打開蕉葉已經好香，打開後仲有魚汁流出嚟，加上香茅同其他香料，魚肉又香又嫩滑泰式青咖哩 $88 + 印度薄餅 $32又係有3款肉可以揀-豬/牛/雞，揀左牛肉～咖哩有椰香唔太辣～薄餅同平時食果啲有少少唔同，佢比較酥脆同重牛油味，點咖哩食一絕最後整返個椰青～又一個完美既泰國之旅！

媽媽一向都鍾意食泰國菜，呢晚決定同佢嚟馬鞍山廣場既新泰試下～屋企過去搭屯馬線唔駛轉車，好方便～餐廳環境好靚，我地仲有卡位坐添！2個人好鬆動，幾舒服～.串燒沙爹（6串）$88有豬肉、牛肉、雞肉各2串，好香，唔會乾爭爭仲有啲juicy，點埋甜甜地既沙爹醬一流 .冬蔭功海鮮金邊粉 $78冬蔭功湯又香又濃，好多菇同香料，辣度適中得嚟幾惹味，金邊粉夠幼，唔會太淋，每條都索晒啲湯，正.椰青沙冰 $58一嚟到勁心心眼😍，見到已經透心涼，見到椰青已經覺得好涼爽，而家啖啖椰青沙冰，入口即溶，咁熱既天氣，咩暑都消晒☺️

今日又食我最鍾意嘅泰國菜, 唔知係咪閒日呢，又唔使等位喎， 今日點咗幾個菜式， 分別係 泰式蝦炒金邊粉 賣相都好靚，有一個蛋網罩住佢出嚟， 炒得都唔錯， 每條金邊粉都 分開， 亦都夠曬味酸甜度夾得剛剛好👍🏻再嚟過腰果炒雞丁 腰果爽脆 加埋酸酸甜甜嘅芒果， 再配埋嫩滑雞丁 口感相當豐富， 再叫埋老公最愛嘅 鴨肉生菜包 淡淡嘅鴨鬆配埋生菜食， 特別有清新嘅感覺 我再叫咗椰汁冰，一杯好有泰國風情嘅椰汁冰， 加埋淡淡嘅椰汁奶香味我好鍾意 下次會再同老公嚟食

好耐冇一家三口出去商場行吓，今晚興起去咗馬鞍山廣場，個仔最鍾意旋轉木馬附近個影相位，成日有新嘢!行到攰搵嘢食，原來有間手3¹1東南亞餐廳，食過尖沙咀嗰間好好味，所以決定入去試吓!座位好舒服，光暗適中，侍應有禮貌，未食已經有好印象!“鴨肉生菜包”微微辣，夠惹味，連包3個嚟食!“越南鮮胡椒炒牛展”第一次食呢個菜式，好特別，送飯一流，所以立即叫咗一碗，牛展重點係唔可以硬，呢度夠淋入味，KO碗靚仔!“腰果芒果炒雞丁”最啱個仔，有芒果有腰果仲有雞肉，酸酸甜甜夠開胃，唔錯嘅配搭!“泰式蝦炒金邊粉”，上枱個賣相靚到不得了，估唔到係炒金邊粉，食落亦好好味，食咗碗飯嘅我都食咗兩碗!“鹹檸七”就唔算好但正常!“椰汁冰”太座話超好味道，連唔太嗜甜嘅佢都讚，應該唔錯!有咗呢間就唔使再去尖沙咀食喇!

泰國嘢香港真係好少有邊幾間好好食，所以今次就同朋友特登揀一間貴嘅試吓。呢度餐廳嘅環境幾舒服，而且服務都幾好啲侍應仲識得泰文，搞到我覺得自己都好似去咗泰國旅行咁。餐牌整得好靚，而且款式都幾多。我同朋友兩個人首先嗌咗一個蒜蓉包同埋串燒，比自己開下個胃先。個人覺得佢個蒜蓉包都整得幾好但係如果佢嘅蒜蓉多番少少，咁樣就會更加惹味！而佢嘅串燒配埋啲沙嗲，真係好好食！佢啲肉完全唔會黐住支竹籤，而且食落口唔會好肥，點埋啲沙嗲，同我之前喺泰國食嘅口感同味道差唔多。之後我哋嗌左呢一個見到隔離枱都有嗌嘅菜式。佢入邊包住左成大碗份量嘅炒飯，入面啲炒飯炒到好乾身好好食，而且佢嘅味道唔會好重，所以即使唔係咁鍾意食濃味野嘅人，都會覺得接受得到。而佢呢一個牛扒，我哋嗌左五成熟，但係佢就熟咗少少，不過味道同口感都比想像中好。首先係佢嘅表皮，已經醃製過嚟，食落去唔同普通西餐嘅牛扒咁。

夜晚同屋企人近近地去新港城食dinner，最近食得清想食返d濃味野於是就去食泰國菜。3個人食叫左3個餸一個甜品，當然唔少得我最愛既泰茶！不過就略嫌太多冰味道唔夠濃。蟹肉金邊粉，蟹肉比我想像中多，調味方面幾好唔錯，但蟹肉唔算好夠甜味。軟殼蟹，略嫌咸左少少。3樣餸入面我最鍾意就係呢個炒飯，臘腸夠香，飯炒到粒粒分明，調味方面帶少少甜，吊起成碟飯既香味，添左幾次😍最後食埋甜品芒果糯米飯，芒果或者唔係當造唔算甜，佢一碟有糯米同紅米，但我個人都係鐘意糯米～

中午約了朋友到馬鞍山共進午膳，是多個月來的第一次，久違了。朋友立刻介紹馬鞍山廣場的新泰東南亞餐廳，以往曾經在灣仔店聚會，對出品有信心，二話不說便走進去。入座後見 lunch menu 有供應多款套餐，海南雞飯目測不錯，但我們卻看中了燒烤menu 內的燒西冷牛扒。先來越式蝦米紙卷 $68，外型已非常吸睛，米紙透出豐富的餡料，清新爽口，加點泰式魚露醋，酸甜平衡，好醒胃。點了一客燒西冷牛扒 $118，半熟粉嫩軟滑認真吸引，份量十足，入口黑椒味道濃郁，再加上兩款醬汁，蒜蓉酸辣甜醬及加了新鮮辣椒的是拉差辣椒醬，三種味道也討好。最後來一客芒果糯米飯 $68，芒果沒有期望中的甜，但配上椰漿糯米飯又剛好清新，我偏愛黑糯米的煙韌口感，慢慢咀嚼出香甜，不錯的經典甜品。服務殷勤，卡位有一級樓梯，店員都提醒了兩次，座位舒適寬敞，以後不再須要跑到老遠的灣仔店，馬鞍山也可品嚐有質素的泰式料理了。

今日出街同朋友討論緊要食啲咩餐，睇咗個網頁香港介紹嘅香港嘅泰國菜同越南菜，發覺香港嘅哩一類型既比較好既水準既餐廳都唔係好多，但是我地就近馬鞍山附近行，就揀咗一間評論唔差水準嘅餐廳， 聽日早餐廳做緊一個服務態度幾好，首先而家最緊要嘅量度體溫都有做足， 跟住我哋睇餐牌不過咗好多林林總總包羅萬有嘅菜式，越南菜既米紙捲生菜包肉碎蒜蓉包都有， 仲有最令人最心心眼嘅係有好多種泰式串燒可以選擇，我同朋友睇咗一陣餐牌，我哋第一樣雞蛋一串燒拼盤喇有豬牛雞三款串燒，啲串燒上到枱嘅時候都覺得真係同我哋心入面諗嘅一樣水準誤差，配上佢哋特有嘅沙爹醬食過去真係好惹味，仲有蒜蓉包同埋印度薄餅，蒜蓉包的蒜蓉唔會太搶啲香味都一陣陣 而家到薄餅都估唔到分量都幾多，食落去好香嘅油酥味同牛油味， 自我哋呢啲食肉獸仲嗌咗西冷牛扒， 佢哋嘅生牛扒配上一張辛辣，同埋另外一種酸辣嘅醬汁食落去仲要惹味過啲串燒，之後仲有一個就係燒春雞包飯，一上到抬陣陣嘅黃薑粉香味，佢雞皮雞肉燒得皮脆肉嫩， 燒春雞食落去啲肉都好嫩滑唔會好柴， 啲飯應該係事先炒過食落去一黃薑粉嘅味道仲有少少微辣， 燒春雞隔離仲會配埋一個細細泰式沙律 相當之醒胃

其實之前都有去過新泰東南亞餐廳，已經有一段日子冇食泰國菜，咁今日去馬鞍山就去咗新泰東南亞食，因為我對佢嗰個海鮮喇沙念念不忘。入到去坐低先叫個海鮮喇沙同埋椰青，兩個係我嘅必食之選，今日比較肚餓所以另外小食叫咗個蔗蝦，甜品就係芒果糯米飯。先講喇沙個湯底真係好好味，好有海鮮嘅味道而且唔太濃郁又唔太淡，好啱香港人口味，而且入面啲海鮮材料好十足，亦都有傳統泰國嘅香料喺入面，好味，椰青就好fresh，夏天飲真係好解渴，同埋跟泰國嘢食 係一個好配搭，蔗蝦亦都俾我有一個好好嘅驚喜，因為我平時比較少叫，個蝦肉外脆外軟，因為炸過嘅關係好香脆，而入邊啲蝦膠好有蝦味，最後個芒果糯米飯就好煙韌，同埋個芒果好甜，連埋啲紫糯米食一流！

超好食既椰青大菜糕，大菜糕都係用反原本既椰青水做，所以感覺好清新，而且一片片既椰肉，增加啖啖口感， 唯一要挑剔，只可以話大菜糕落多少許，唔夠QQ生菜包有豬，牛，鴨三種口味，雖然我地簡左鴨，但就食唔到鴨味，唔知係送錯左黎定還是真係冇鴨味呢？就唔知勒點菜個陣都冇唸過個燒春雞係咁大，仲以為2人份應該難唔到我地，點知俾隻燒春雞KO左(飽到暈),建議叫左燒春雞就唔好 side order salad,因為伴碟既salad 都已經好多

今午我倆突然之間好想食泰國菜，於是去了馬鞍山新港城打算食泰國嘢，結果見到好多人唔想等於是行咗去對面商場～馬鞍山廣場，結果行行吓發現有一間泰國嘢，於是即刻入去試！入面座位寬躺，佢哋在下午茶時段做全部八折優惠，於是我們揀了泰式海南雞飯+龍眼冰，黃咖喱海鮮飯+鹹檸七，比想像中好食雖然上菜比一般等好耐，但都值得嘅！

實在太令我失望啦！本來諗住同阿媽一齊慶祝母親節搵間食好啲坐得舒服啲嘅餐廳，點知響門口排隊又唔可以攞飛又唔可以訂枱企左成1小時20分鐘先有位，坐低仲要話「冇雞冇魚」點解響出邊排隊又唔講呢🤬🤬老人家要食呢啲㗎嘛。之後叫咖喱菜雞翼都喊到爆勁難食😡😡😡炒飯又乾爭爭👎🏼冇樣掂。媽媽好耐先出嚟一次食飯，行動又唔方便。食呢啲咁嘅嘢好似對佢唔住咁😓😓😓大家千祈唔好再幫襯👎🏼👎🏼👎🏼