新泰東南亞餐廳 (馬鞍山廣場)

營業中

休息中

今晚都是泰國夜🇹🇭·燒西冷牛扒上次食完唔錯 今次再Encore都係一樣咁好味 而且呢間佢既配菜係醃蘿蔔 酸酸甜甜 可一解油膩🤎·泰式濕炒海鮮河個汁做得好好 而且唔會炒到推河粉散修修 仲好足料 好味·青檸梳打比埋支梳打水飲幾多 加幾多💚 個濕炒河真係可以再Encore♥

成日都以為馬鞍山係美食沙漠，但今日搵朋友食飯先知原來馬鞍山有好多新開嘅餐廳，今日就試左泰菜！入到去地方好闊落，配合柔和燈光，令我哋好似置身於泰國中，真係好想快啲有得去真正既泰國呀！ 我地點左3款食物，份量都俾我哋預期中多。蒜蓉越南牛油雞翼面頭鋪咗好多蒜片，味道好香口，但炸得未算好乾身，不過肉質都好嫩滑馬沙拉咖哩雞配手抓餅咖喱同手抓餅真係絕配，每次去泰國餐廳都必點，今次我哋點左唔辣嘅馬沙拉咖喱配雞，真係完全唔辣，個人覺得如果可以多少少辣應該會更加惹味。手抓餅好鬆軟，食停唔到。鹽焗鱸魚好鮮味，唔會好咸，又keep到魚肉既juicy, 最重要係要配埋特製既泰式酸辣汁，兩個人清曬一條魚。泰式椰汁冰一個字甜，又係必點既泰式飲品，完美既一餐。可惜飽到試唔到芒果糯米飯，有藉口下次encore再返來食。

之前係尖沙咀朋友推介過呢間🤩食完覺得整體表現都十分岀色作為馬鞍山人，佢上年終於開咗係mos感到十分興奮🥰平時都食過幾次，中午lunch比晚餐較抵今次晚上落去，見到不少人外賣，而家外賣有85折🥳座位都比較寬闊，坐得舒服😌泰式奶茶🥤比普通奶茶多一股濃烈的茶味🍵十分好飲，甜度適中叻沙蝦米線🦐湯底濃郁米線粗身和較硬身少少🤏有4舊豆卜🤤重點嚟🤤索曬湯底精華仲有4塊大魚片和4個已去殼的蝦泰式明爐魚(烏頭)，可以選擇鱸魚🐟，但喜歡烏頭肉質較實，上碟的魚都挺大條，整體味道酸酸甜甜，十分開胃配菜有西芹、蔥、青椰菜、紅蘿蔔🥕紅椒、肉碎、香茅和少量香料味道絕對唔會腥，肉質嫩滑下面的火係一直滾緊條魚的，食到最新鮮的味道，十約15分鐘後會自動熄咗可再占上酸甜汁，味道更有層次注意⚠️魚碟會傾側一面，魚尾要揾個湯碗整住🐟避免魚汁流岀，唔夠湯時，可以再冧上魚汁

好耐冇約朋友食飯, 今日去左馬鞍山搵朋友食泰國菜, 朋友話呢間泰國餐廳佢成日幫襯, D店員都係講泰文, 夠晒正宗呢間餐廳地方都幾大, 兩個人坐一張大卡位, 坐得好舒服揀左以下食物:泰式奶茶: 好有泰國既風味泰式蝦餅: 有四個, 每個仲會幫你切開一半方便食, 炸得熱辣辣, 入面既蝦肉幾結實, 好有口感鹽焗烏頭: 條烏頭都幾大條, 一打開外皮, 配料既香味就出晒黎, 魚肉岩岩熟, 夠晒嫩滑, 加埋佢既醬汁, 好開胃南瓜咖哩海鮮: 上枱既時候係一整個南瓜咁上, 咖哩海鮮既濃度剛好, 配埋鬆脆既薄餅, 忍唔住一塊接一塊最後食埋個芒果糯米飯, 有黑白糯米, 勁滿足

疫情好轉啦！又可以同朋友一齊吃喝玩樂👻今晚去咗附近既一間餐廳食泰國菜😳呢間我之前已經食過，食物有水準👍🏻鹽焗烏頭：好正，魚肉嫩滑，一啲都唔腥，我好怕腥嫁，但自從上次朋友叫過一次就一試難忘，所以今次都有叫返，果然無錯，好味道😝南瓜海鮮咖喱：海鮮好足料，有青口，蝦，魚肉同魷魚🦑，配埋隻咖喱醬再襯薄餅食，口感非常好👍🏻咖喱醬仲好濃郁呢炸蝦餅：熱辣辣上碟，啖啖蝦肉，無得頂呀😋泰式奶茶：我好鍾意飲泰式奶茶㗎，因為奶味同甜度都非常之重口味，really my cup of tea🤪最後畫龍點睛要多一個甜品，就係芒果糯米飯，芒果香甜，配黑白糯米飯，雙重享受🥳呢間泰國餐廳好值得推介，知道佢係其他地方都有分店，下次再試下先🤩

餐廳喺馬鞍山廣場的角落頭，如果唔行入啲有機會錯過。餐廳好大坐得好舒服，同埋我哋早食飯唔使等位🤓睇個Menu都好多選擇，應有盡有！叫咗個越式蝦米紙卷呢個清清地，餡料都幾多，有一小碟泰式甜酸汁點，都幾開胃！鴨肉生菜包，平時食開普通肉碎生菜包，估唔到有鴨肉，所以就叫咗呢一個試吓。呢個辣辣地，而且有一股後勁越食越辣！不過食得出加咗啲青檸汁，味道唔錯😛泰式青咖喱（雞肉） 呢個出奇地好食，咖喱甜甜地唔算好辣，可能係因為頭先個肉碎太辣😂幾creamy ，同埋都好大碗，我哋加咗一份薄餅，佢嘅薄餅一啲都唔Hea，唔似有啲餐廳就咁拎雪藏薄餅煎一煎，似係自己整嘅，上菜嗰陣熱辣辣，好香酥餅味！叫咗一杯珍多冰，估唔到入面會有啲芋頭最後仲叫咗個甜品，芒果糯米飯，呢度係想食糯米，有黑糯米白糯米，啲飯仲暖暖地，都幾好食😋我哋今次冇嗌粉面飯，估唔到都食到好飽呢一餐每人大約$200 ，食咗咁多嘢都唔算貴！

天氣熱冇乜胃口，Lunch time 想食啲辣野醒下胃，兩丁友去咗呢間泰國菜館，位置唔係好顯眼，一直都未去過，估唔到有驚喜😍我哋兩個女士胃口麻麻，所以只係叫咗一份青咖喱牛肉、一份印度薄餅同一碟泰式炒雜菜。泰式炒雜菜好惹味，又唔會太咸。青咖喱味道好好，少少辣，好有椰奶香味，但啲牛肉就太靭，完全咬唔開囉！同事仔平日鐘意食牛肉乾，佢食晒啲牛肉，我就一件都咬唔開😩印度薄餅好香脆，點青咖喱超級好味，又開胃😋😋整體而言都尚算滿意，不過下次叫青咖喱嘅話就唔會配牛肉，會改配雞。

最愛泰國菜，見馬鞍山開咗泰國菜一直都好想去試，現在疫情嚴重，見舖頭唔算多人就入去食過早飯。家下早去食仲可以食到午餐餐牌嘅嘢，仲要買單有八折，真係超抵呀！叫咗個四人餐，一家人食實夠啦！一上枱係豬頸肉沙律，話勁多豬頸肉，個汁酸酸辣辣，小朋友就食唔到咁辣啦，大人食就剛剛好！豬頸肉吸收左豐富嘅汁，加上有燒烤嘅香味，真係好開胃好味！夾埋配菜，有爽口嘅芹菜，青木瓜，洋蔥等等真係好夾呀，泰國嘅沙律真係好好食，又開胃，，正！再嚟就係炒貴叼，麵質彈牙非常好味，剛剛炒起仲有蛋香，面頭係一陣蛋絲網嘅裝飾，我個女仲以為係芝士，不停話要啊！貴叼配上豆乾，口感非常好！另外再上左串燒同蝦餅，串款有齊三款肉（豬牛雞）每款肉都好好食，我個女搶住食呀！佢個沙嗲汁又香又濃，同啲肉好配合啊！蝦餅都好有蝦嘅香味（真係有蝦味呀！唔係度度既蝦餅會有蝦味架！），炸到好香口，真係小朋友嘅恩物啊！另外仲有咖喱大蝦配蒜蓉包，話個餐真係好多嘢好抵食呀！另外仲有四杯嘢飲，我哋加錢轉左一個做椰汁冰，個椰汁冰有少少甜，椰汁味好香濃。另外仲叫咗香茅茶同埋檸水。食到咁飽飲番一杯檸水真係覺得心曠神怡啊！由於疫情嘅關係好早就食完飯，食到飽飽都唔怕啦！臨尾

去馬鞍山玩完沙，曬完一輪，最好就係去食泰國菜！由於疫情嘅關係好早就去食晚飯，四點幾就坐低竟然仲可以叫做午市套餐，佢仲話買單會有八折優惠， ！真係超抵呀！叫咗個四人餐，小朋友想食燒菠蘿，同埋飲椰青，當然唔少得加咗個甜品啦！期待呀！加嘅燒菠蘿好快就上枱，佢擺得好靚，真係令人食指大動啊！菠蘿微微有少少燶邊，小朋友見到真係即刻搶食呀！食飯之前食少少菠蘿，有酵素幫助消化，真係無敵㗎 ！再上咗豬頸肉沙律，啲汁好開胃，豬頸肉份量好足夠，配上洋蔥芹菜等配菜好好味呀！另外再上左串燒同埋魚餅拼蝦餅，全部都係我自愛嚟㗎，佢啲沙嗲汁好香濃好好味呀，我哋一家快手快腳，好快就消化左所有嘅錢財啦！跟住就上咗炒貴叼，咖喱大蝦，配蒜蓉包，全部都煮得好好味！另外仲叫咗耶青，我真係想特別講佢個椰青，佢個定價要$45，比一般貴㗎，但係亦都比一般質素好喎。佢嘅椰青水特別飽滿，而且有椰青味，又甜，出邊都飲唔到啲咁靚嘅椰青，我諗佢選材方面都好落本！連椰青肉食埋真係一流呀！最後仲叫咗個甜品拼盤，所有甜品都好好食，佢嘅糕點仲要暖暖地，真係好有誠意啊！馬鞍山來講，呢間泰國菜真係一家大細去嘅一流選擇，食品高質，環境舒適，推介呀！

放假同家人路經商場，突然好肚餓想搵食，又好掛住泰國菜，原來馬鞍山都有一間唔錯嘅泰國餐廳！我哋三個人叫咗好幾種美食，包括： 軟殼蟹卷、冬陰功雞湯丶炒金邊粉、西冷牛扒，另外仲叫咗兩杯飲品，包括：青檸梳打、珍多冰！其中要大贊西冷牛扒，佢肉質嫩口，配合自製醬料非常之夾！另外冬陰功雞湯， 又差唔多半隻雞，分量十足，好彩原本叫咗馬拉盞通菜冇黎到，如果唔係一定食唔晒！總括全部嘢食都不錯，明顯地即叫即整！佢哋比一般餐廳需時，所以我哋有足夠時間傾偈！

同朋友喺新港城行街，心血來潮想食泰國菜，一search之下發現隔離馬鞍山廣場真係有間「新泰東南亞餐廳」，一於去呢度食，過下泰式癮！店內環境非常寬敞，三四點時間入座，客人唔多。各式泰國美食應有盡有。串燒沙爹（雞牛豬）$88/6串串燒有雞肉、牛肉、豬肉三款，各兩串。沙爹醬惹味濃郁，甜甜地，帶有花生香味，唔錯。泰式生蝦 $98一共有6隻生蝦，隻隻新鮮肥美，好爽口！配蒜頭辣椒，重口味得來又鮮美👍🏻芒果糯米飯 $68每次食泰國菜都必點我摯愛的甜品——芒果糯米飯，新泰整得同樣出色。黑白糯米飯香甜軟熟，芒果份量多，味道夠甜唔會酸，甜椰漿淋面，超吸引！芒果沙冰 $38馬鞍山的泰國餐廳唔多，相信「新泰」以咁高水準，能在這區獨佔鰲頭。

成日同家人去馬鞍山廣場，之前都食過尖沙咀嗰間，原來廣場行到最盡頭，都有新泰東南亞餐廳嘅分店呀，唔洗諗即刻去食個美味午餐先😊我哋兩大一細叫咗👇🏻🌟燒烤拼盤，拼盤以海鮮為主，有芝士蒜蓉牛油燒超級大蝦，生蠔和扇貝，大蝦大過我隻手掌，生蠔好鮮甜，扇貝大隻之餘好彈牙，蜜汁燒鱔皮脆加上燒汁好正，菠蘿燒過後特別甜架👍🏻🌟泰式生蝦，大熱天時食生蝦做冷盤，一流，個汁酸酸甜甜辣辣，非常醒胃🌟泰式海南雞飯，雞件好滑，薑黃飯好香🌟馬拉盞炒通菜，有鑊氣🌟青檸梳打，爽呀

lunch 成日光顧灣仔新東南亞泰國餐廳，馬鞍山都開左，成日都想幫襯，次次行過都好多人得位。終於等到老公放假，六點就黎到攞位食晚飯。餐廳坐位寬敞，好有泰國 feel 。泰式街頭豬肉串～豬肉又霖又爽，用左香草醃製，再加上泰式酸辣汁，好好味。麵包咖焗軟殼蟹，個咖喱汁好香吾辣。炸過既軟殼蟹吸收左咖喱汁，好正。仲有大大個面包沾咖喱汁食。鹽燒烏頭～烏頭入面塞左香矛南薑，外面塗粗鹽去燒，燒得剛剛好，魚肉好滑，帶有香矛既味道。蠔仔炒蛋～炒得好有鑊氣食得咁開心，當然要啤啤佢， 泰國Singha ，有淡淡既清香，好好飲。

宜家， 我本來應該係泰國晒太陽，游水，按摩，食泰家菜。但一個COVID-19, 邊度都去唔到。 唯有係香港自製【泰國假期】， 星期日大晴天， 係沙灘玩左一日， 今日又係屋企附近揾到一間好正泰國菜餐廳。泰國嘅感覺返晒來。餐廳係馬鞍山廣場， 開左唔算耐。裝修有泰國feel. 座位好寛闊，坐得舒適，又有social distancing. 今晚叫左咖哩軟売蟹，泰國街頭豬肉串，鹽焗烏頭，鐵板蠔仔旦， 當然少不了啤酒。本以為泰國街頭豬肉串都係一般串燒，點知一入口有驚喜。肉質好冧滑，不似一般串燒好乾。跟泰式辣醬， 好醒胃。鐵板蠔仔蛋， 蠔仔處理得好好 唔腥又嫩滑。 蛋煎得鬆脆配合辣醬好好味。鹽燒烏頭 ，肉質有口感，跟泰式辣椒醬，冇得頂!咖哩軟殼蟹， 個樣好靚仔! 放好酥脆。咖哩同軟殼蟹放係一個麵包裏面 ，用麵包嚟食咖哩，好香好味又飽肚。絕配!最後當然有我哋今晚嘅主角， 就係泰國啤酒。 食泰菜又點可以冇泰國啤酒呢？當冰涼的啤酒流進喉嚨， 完全係置身於泰國一樣!

馬鞍山出名係美食沙漠，但原來都有甘泉。之前食過尖沙咀分店，覺得唔錯，朋友生日，近近地係馬鞍山食，揀返呢間，發現仲好食過尖沙咀果間，環境又舒適，以後唔洗去咁遠食野喇！