新泰東南亞餐廳 (馬鞍山廣場)

營業中

休息中

係馬鞍山越嚟越多餐廳，雖然唔少都係連鎖，不過可以慢慢擺脫美食沙漠呢個名。以前新港城中心都有東南亞野食，不過商場裝修就冇左。最近馬鞍山廣場都裝修完，見到進駐左新嘅餐廳，呢間東南亞野岩岩開嘅時候都食過一次了。上次去岩岩開冇耐，比較靜，可以好好享受。今次適逢母親節，同媽媽一齊落去食lunch，好多人，我地兩點幾落到去都等左差唔多40分鐘。係用餐方面，我地叫左半隻無骨海南雞，一碟越南蝦米紙卷，加碗白飯。冇想像中等好耐，可能兩樣野都可以整定係度。個卷係室溫嘅，包左啲香葉，蘿蔔絲，米粉，上面有啲蝦米乾。味度比較淡，個人唔太中意好濃味嘅野，配上佢個酸甜汁，係清新嘅味道，加埋蝦米乾，脆脆的，口感唔錯。$68有8粒，cp還好。(媽媽快手已經食左幾舊..)至於無骨海南雞，唔跟飯，散叫要$128，就有少少貴了。雞肉係嫩嘅，亦都唔係冇味嘅雞！雞肉嘅鮮味，仲有雞油嘅香！而個醬一個係薑蓉，一個係泰式嘅酸辣醬。泰式果個我直頭拎嚟撈飯見到有薑，蒜，辣椒，雖然比較濃味，不過佢唔會令到你想係咁飲水。有少少蓋過雞嘅味，我還覺得可以。順帶一提個白飯都好好食，水嘅比例相當好！米粒分明，食落好香。埋單要加一，同時做緊2:30-4

上星期六，一行4人，6:45pm 途經這餐廳，朋友，突然話，想吃泰菜，見不用等位，立即入去試，門口侍應說， 可有預先book枱？我們說沒有，那麼要8:00前要交枱，我心想，都冇人等位😂入座後，竟然是內𥚃張張寬闊的卡位，6人坐可以，裝修也特色，叫了，幾款餸菜1） 柚子沙律，雖然細碟，但好入味，足料2）蠔仔煎餅🥞， 大大碟，新鮮熱辣上3）泰式乾炒牛河，夠鑊氣，但，甜左點，牛肉片，多一點，會好D 4) 雞，牛，串燒，好好味5 ) $68 芒果糯米飯，大大碟，黑，白糯米，可惜，太多椰奶，淋上面，太甜，應該，椰奶淋一邊，不喜歡太甜的我，覺得好難撥走6) 泰式紙米蝦卷這邊消費了大約$560，整體來說，也不錯👌侍應執好碗筷，真快，原來出邊門口已經，排隊入座了，真的8:00pm ，侍應示意我埋單

話說係呢個疫情底下已經冇得去旅行，就連出街都唔係好敢日日都係係屋企到發牛豆同自已煮野食，但早幾日我真係忍唔住去出去食番餐好既最多帶多兩個口罩出去！咁就決定去呢間係屋企附近既東南亞餐廳滿足下我想食幾個國家野食。入到黎坐低都幾舒服卡位好闊落，服務員都幾有禮貌上前介紹有咩好食，因為太多選擇我地都唔知點揀好，所以都決定聽下佢介紹試下啦。鴨肉生菜包呢個幾特別，將平時生菜包肉醉變左鴨肉醉令到更加香同口感，正！馬沙文牛腩呢個我最愛之一，好好味，剩係個汁我都可以食兩碗飯，配埋個牛油薄餅，不得了牛腩又夠淋，一定會再番食燒雞包黃油飯燒雞入面包黃油飯 ，仲要岩岩燒起 上枱都仲係熱辣辣 ，黃油飯食落去勁香，雞油香，燒雞都好好味，勁juicy，仲配埋個木瓜沙律，好開胃 ！仲有點左幾樣野，都好味道呢間唔錯，可以番食，絕對支持

值得推介嘅東南亞餐廳依家疫情嚴重，呢間餐廳都有實施相應防疫措施，令食客食得放心餐廳好闊落，座位舒適，裝修佈置同燈光都俾人一種好柔和閑適嘅感覺。Menu 嘅野食款式多，而且好多都好吸引！先點杯菠蘿沙冰再點咗以下幾款野食！鴨肉生菜包平時豬肉生菜包就食得多，鴨肉都係第一次食。鴨肉有一種特有嘅香味，帶少少羶味，再加上香葉，檸檬葉，辣辣地，非常惹味。馬沙文牛腩，印度薄餅呢個馬沙文咖哩嘅味道好特別，味道比較溫和，肉桂味突出，所以整體味道香甜，亦會食到有唔同層次嘅香料。酥炸香茅魚 配青芒果沙律魚肉先起好骨再炸，份量都唔少。外表炸得酥脆，但𥚃面嘅魚肉非常嫩滑 juicy真係意料之外咁美味！

馬𩣑山鹽焗鱸魚...夠滑.入味👍🏻炒菜苗...剛剛好爽口青木瓜沙律...有泰國本土水準🥰洋蔥蒜粒牛油雞翼...尼個我個人覺得.雞肉唔得來到有點甩皮甩骨.蒜粒過左火服務唔錯今時今日做足.度體溫隔1.5M...！龍眼冰.成杯都係龍眼係超過15粒🥰

今日約左朋友係馬鞍山食飯，朋友話近排開左間新既泰國菜，一於試試佢🤪呢度裝修都幾靚，昏黃色既燈光都幾舒服😌，啲位置好闊，傾計食野都係唔錯既選擇😛👍🏼因為我地都唔係好肚餓，所以唔係叫左好多野食，兩個人點左個米紙卷、大蝦炒金邊粉🍤、馬拉盞炒通菜🥬、同埋芒果糯米飯🥭芒果糯米飯🥭 （9/10）：呢個糯米飯份量都算大！有黑色同白色糯米😛 個椰汁好濃好稠😋😋👍🏼👍🏼 米紙卷（7/10）：清新之選， 塊米紙半透明都薄身，上面既脆脆帶出多啲口感，點住個酸汁好夾，一啖一舊幾正😛👍🏼大蝦炒金邊粉🍤（8/10）：個賣相好靚，有塊網蛋包住，都有幾隻大蝦🍤，蝦好爽口，金邊粉彈性ok,唔會太lum 太硬，個味道夠，但如果加多少少獲氣就perfect🤪馬拉盞炒通菜🥬 （8/10）：個味道夠，唔食得辣既朋友都食到😝😝但通菜唔係泰國幼細個款，所以如果想食幼細型索晒啲汁既朋友就要留意☺️總括黎講， 環境同食物既質素都ok😝,以後係馬鞍山食泰國菜都多個選擇喇😝😝👍🏼

記得十幾年前呢個位置係冒險樂園，後期曾經變成舒適堡健身中心。時代變遷，現在變左做一間泰國餐廳＂新泰東南亞餐廳＂，門口裝飾已經感受到濃厚泰國氣氛，呢間餐廳由泰籍廚師主理，我發現唔只廚師係泰籍，連其他店員都係泰籍。個個都有禮貎。最近做緊全單8折優惠，優惠時段係下午2點半至4點半。而外賣自取亦可享8折優惠。當日叫左3份午市套餐＄75，1）泰式海南雞飯，雞好滑，無骨。2)濕炒什箘肉片河，炒得好好食，肉片大大塊3）鮮椰汁海鮮焗飯，椰汁好香。全部都份量十足，好低食，高質素，仲要有8折！下次一定再幫襯。

放工去咗馬鞍山拎嘢俾友人，順便食埋飯聚下。跟佢帶路嚟到馬鞍山廣場搵食，試下呢間泰國嘢。好耐無飲泰式咖啡，正！無骨鳳爪沙律 - 口感爽脆，微辣酸甜夠開胃。冬蔭功 - 飲落唔算好辣，椰香味好香好濃好好飲。除咗有一隻大頭蝦，另外仲有好多菇做湯料。嗌咗細size大約可以分到三碗。豬肉碎生菜包 - 生菜好新鮮，咬落聽到”索索”聲。肉碎份量好多，用曬啲生菜都包唔曬。味道就比較偏淡，感覺幾健康。馬沙拉咖哩雞 - 第一次食呢款咖哩，香料味比較濃，味道微辣帶香甜，用印度薄餅點汁嚟食好好味。雞肉就食落有少少雪味，有點失色。串燒沙爹 - 有雞牛豬三款各兩串，燒得味香唔燶。重點係個沙爹醬汁超好味，味道清香配串燒一流。原個椰青大菜糕 - 份量比想像中多好多，入面將椰青先刮起啲肉，再撈埋整大菜糕。原汁原味啖啖肉，好味！

呢餐實在係相當有驚喜，直接介紹下野食先！香芒軟殼蟹米紙卷香口嘅軟殼蟹配上清新芒果非常夾，外皮口感有點煙軔，唔係薄如紙果種皮，食落有多重口感，點埋個酸酸甜甜嘅汁，整體感覺既豐富又清新。泰式燒春雞釀香茅黃飯目測附近幾枱嘅食客都有點，相信係呢度嘅招牌菜，所以我地都點黎試試。賣相非常吸引，同menu嘅圖片一樣。切開脹卜卜嘅燒春雞，裡面釀滿香噴噴嘅黄姜飯，睇到都流口水🤤味道都無令我地失望，燒雞烤得剛好，唔會太乾。建議切一半後先食一邊，另一半嘅飯繼續留喺雞𥚃面keep warm。沙嗲串燒點咗牛豬各半，豬肉比較岀色，燒得香之餘，咬開𥚃面非常juicy。沙嗲醬好香好惹味，yummy總體黎講，食物無論係賣相定味道都比預期中岀色，而且環境寬敞舒適，想舒舒服服嘆下東南亞美食，呢度係一個好好嘅選擇！

一直都係名牌泰菜新泰嘅fans，終於喺馬鞍山開咗分店，唔使出九龍都可以食到，方便好多！好鍾意飲泰式咖啡，呢度俾你自己加奶。食辣野模係多奶好飲。無骨鳳爪沙律夠酸夠辣，一向都係我開胃菜首選。份量好多，好抵食。豬肉碎生菜包好fresh，感覺食泰菜好健康，總會有蔬菜。不過豬肉唔夠辣，辣啲會更過癮。冬蔭功湯好足料，有蝦同好多菇，夠哂酸辣，真係啱晒鍾意食酸辣嘅我！串燒有齊豬牛雞，每樣兩串。好鍾意個沙嗲醬，甜甜地，好開胃！次次食泰菜都會叫青咖哩，今次想試新野，試咗馬沙文咖哩雞，係馬來西亞咖哩。椰奶味好重，好多椒，好fresh。夾埋薄餅一齊食真係一流，趁熱食仲正。最後叫咗椰青大菜糕，超大個，食完會好飽。不過啖啖椰肉，真材實料！

上次去完尖沙咀新泰食泰國野🇹🇭對佢既椰青沙冰一直都念念不忘😍有日係Openrice 發現原來馬鞍山都有新泰，決定即刻出發去食好東西🤩其實我都好似好耐冇黎過馬鞍山啦，今時唔同往日，呢到多左好多屋苑同大型商場，食物嘅選擇都隨之而增加🥰最驚喜係新泰都開左係到，唔洗專登出尖沙咀一坐低，第一時間梗係order 左椰青沙冰先啦🥥超級無敵巨型，兩個人飲都絕對夠，成餐飯我由頭啜到落尾🤣好香甜嘅椰味，比單純飲椰青更滿足🥰蒜蓉越南牛油雞翼🧄一碟有6隻，份量都唔少，每隻都好香牛油味，好脆，面頭鋪滿左好多炸蒜，食落好香口😋蝦醬炒飯🍤上次食新泰，試左南瓜海鮮飯好唔錯，今次就試下其他野，所以叫左蝦醬炒飯，配料有肉鬆、腰果、雞蛋絲同臘腸，個臘腸甜甜地，同平時食到嘅唔同，好好食！炒飯唔會太乾身，味道岩岩好👍泰式豬手🐷原隻豬手上，勁震撼！平時喺泰國餐廳食嘅泰式豬手 一般都係滷水，冇諗過新泰嘅泰式豬手原來係脆皮㗎🙈切嘅時候個皮真係好脆，確確聲😆豬手本身亦都好入味，但係因為實在太大隻，我哋幾個人都食唔晒🤣都差唔多打包左成三份一隻返屋企馬拉肉骨茶朋友提議試吓呢個肉骨茶，本身我個人就唔係太好肉骨茶，因我有陣藥材味，但係呢個肉骨

無啦啦嚟到馬鞍山依個疑似美食沙漠，人都係會肚餓，都係要食飯嘅。喺馬鞍山廣場行嚟行去都冇乜好食，結果都係入咗去新泰。上次食完尖沙咀個新泰感覺唔錯，今次再翻兜。裝修追番tone ，同尖咀都係咁上下，幾泰，幾舒服。再講番杯水，間間新泰針水補水都好快，呢個服務態度10分欣賞！今晚叫咗三樣野兩條友食，有睇開我食平嘅都知我會食椰菜苗。呢間椰菜苗同上次嗰間唔同，呢間會爽少少清新啲，味道冇咁重，感覺健康啲，仲有啲菇，感覺健康D！食完健康嘅嘢就梗係要啲香口野，就叫咗個大嘅拼盤。全部都好食，好脆，好香口，自己更加鍾意嗰個香茅魚餅勁有風味。生菜包啲肉碎加少少辣，辣到適中，唔會太辣啱我。最後都係要食個飯先填飽個肚，嗰個唔記得叫乜名， 但係條臘腸甜甜地，個飯用蝦醬炒，香口又好食，唔會太油。兩條友埋單400幾蚊，那那地脷，但係我真係好鍾意佢嘅服務， 算啦，抵比！因為服務真心好。

好耐無食過泰國菜啦，心思思又想食下🤪今日探完朋友，經過馬鞍山中心見到呢間餐廳都幾吸引喎！一於試下啦🤩原來員工都係泰國人黎，完全好似去左泰國一樣🤣叫野飲先，真係好鍾意飲鹹檸梳打😄之前一直都好掛住泰國嘅海南雞，無理由唔叫啦🤣好鍾意無骨嘅海南雞😍😍😍岩曬我呢啲懶人😝肉質真係好嫩滑🤤連雞胸都唔鞋口！點埋秘制醬再加埋熱辣辣油飯食，簡直無得頂👍冰鎮翡翠螺都幾大粒㗎加埋醬汁食，辣中帶酸，又幾開胃👍燒西冷牛扒今次叫左5成熟，燒牛好香，肉質好淋！邊邊又好脆口，正！點埋醬汁更惹味🤤

假日約左朋友仔食午餐聚聚☺️馬鞍山既商場最近開不少新餐廳，我地搵到呢間新開泰國菜試一試我地下就兩點幾入去，禁岩兩點半有下午茶，可以有午市套餐8折🥰門口有消毒酒精，可以先消毒雙手👍🏻環境幾大同有落地玻璃對住公園景幾舒服叫左個沙爹串燒配糯米飯肉串燒得好香，個醬汁酸酸甜甜同串燒非常夾😋食完熱氣野再食反個清清地既沙律好清新冬陰公海鮮炒飯第一次食用冬陰公整既炒飯，份糧都幾多😂海鮮亦好足料，不過冬陰公既辣多一點就好了

呢排變做ｈｏｍｅ office,做到好悶呀，決定出黎抖下氣，約朋友食個晚餐，要搵啲濃嘋野刺激下。即刻飲杯青檸梳打爽下先，少少酸都幾醒胃。泰式菠蘿炒飯炒得乾身又惹味，口感豐富，菠蘿汁令飯更清甜。泰式沙嗲串燒（豬/牛/雞）牛肉入口有咬口，雞肉嫩滑多汁，豬肉嫩滑，沙嗲味濃郁香芒軟殼蟹米紙卷清新少油膩感，香芒醬香甜可口。芒果糯米飯黑白糯米相映成趣，椰汁濃，芒果好甜。野食都帶甜味，同泰國食都幾似，職員有泰國人，感覺更地道