影片
更多
2020-03-23
2517 瀏覽
上次去完尖沙咀新泰食泰國野🇹🇭對佢既椰青沙冰一直都念念不忘😍有日係Openrice 發現原來馬鞍山都有新泰，決定即刻出發去食好東西🤩其實我都好似好耐冇黎過馬鞍山啦，今時唔同往日，呢到多左好多屋苑同大型商場，食物嘅選擇都隨之而增加🥰最驚喜係新泰都開左係到，唔洗專登出尖沙咀一坐低，第一時間梗係order 左椰青沙冰先啦🥥超級無敵巨型，兩個人飲都絕對夠，成餐飯我由頭啜到落尾🤣好香甜嘅椰味，比單純飲椰青更滿足🥰蒜蓉越南牛油雞翼🧄一碟有6隻，份量都唔少，每隻都好香牛油味，好脆，面頭鋪滿左好多炸蒜，食落好香口😋蝦醬炒飯🍤上次食新泰，試左南瓜海鮮飯好唔錯，今次就試下其他野，所以叫左蝦醬炒飯，配料有肉鬆、腰果、雞蛋絲同臘腸，個臘腸甜甜地，同平時食到嘅唔同，好好食！炒飯唔會太乾身，味道岩岩好👍泰式豬手🐷原隻豬手上，勁震撼！平時喺泰國餐廳食嘅泰式豬手 一般都係滷水，冇諗過新泰嘅泰式豬手原來係脆皮㗎🙈切嘅時候個皮真係好脆，確確聲😆豬手本身亦都好入味，但係因為實在太大隻，我哋幾個人都食唔晒🤣都差唔多打包左成三份一隻返屋企馬拉肉骨茶朋友提議試吓呢個肉骨茶，本身我個人就唔係太好肉骨茶，因我有陣藥材味，但係呢個肉骨
其實我都好似好耐冇黎過馬鞍山啦，今時唔同往日，呢到多左好多屋苑同大型商場，食物嘅選擇都隨之而增加🥰最驚喜係新泰都開左係到，唔洗專登出尖沙咀
一坐低，第一時間梗係order 左椰青沙冰先啦🥥
超級無敵巨型，兩個人飲都絕對夠，成餐飯我由頭啜到落尾🤣好香甜嘅椰味，比單純飲椰青更滿足🥰蒜蓉越南牛油雞翼🧄
一碟有6隻，份量都唔少，每隻都好香牛油味，好脆，面頭鋪滿左好多炸蒜，食落好香口😋
蝦醬炒飯🍤
上次食新泰，試左南瓜海鮮飯好唔錯，今次就試下其他野，所以叫左蝦醬炒飯，配料有肉鬆、腰果、雞蛋絲同臘腸，個臘腸甜甜地，同平時食到嘅唔同，好好食！炒飯唔會太乾身，味道岩岩好👍
泰式豬手🐷
原隻豬手上，勁震撼！平時喺泰國餐廳食嘅泰式豬手 一般都係滷水，冇諗過新泰嘅泰式豬手原來係脆皮㗎🙈切嘅時候個皮真係好脆，確確聲😆豬手本身亦都好入味，但係因為實在太大隻，我哋幾個人都食唔晒🤣都差唔多打包左成三份一隻返屋企
馬拉肉骨茶
朋友提議試吓呢個肉骨茶，本身我個人就唔係太好肉骨茶，因我有陣藥材味，但係呢個肉骨茶雖然有藥材味，但係有肉嘅香甜味中和左，飲落又幾順口喎！
芒果糯米飯🥭
椰汁西米糕🥥
雖然話好飽好飽，飽到連豬手都食唔晒😝但係甜品永遠都係用第二個胃黎裝嘅！加上泰式甜品係我嘅favourite，所以都係忍唔住叫咗芒果糯米飯同埋椰汁西米糕😍芒果糯米飯好食就唔洗多講，有，正常白色嘅糯米飯同埋糯米飯，芒果都好甜，我地4個人share，每一都分到一大淡！至於椰汁西米糕，屬於誠意之作，西米糕入邊有芋頭粒粒同埋粟米，有椰香得來亦都唔會太甜👍
張貼
