新泰東南亞餐廳 (馬鞍山廣場)

營業中

休息中

泰國嘢香港真係好少有邊幾間好好食，所以今次就同朋友特登揀一間貴嘅試吓。呢度餐廳嘅環境幾舒服，而且服務都幾好啲侍應仲識得泰文，搞到我覺得自己都好似去咗泰國旅行咁。餐牌整得好靚，而且款式都幾多。我同朋友兩個人首先嗌咗一個蒜蓉包同埋串燒，比自己開下個胃先。個人覺得佢個蒜蓉包都整得幾好但係如果佢嘅蒜蓉多番少少，咁樣就會更加惹味！而佢嘅串燒配埋啲沙嗲，真係好好食！佢啲肉完全唔會黐住支竹籤，而且食落口唔會好肥，點埋啲沙嗲，同我之前喺泰國食嘅口感同味道差唔多。之後我哋嗌左呢一個見到隔離枱都有嗌嘅菜式。佢入邊包住左成大碗份量嘅炒飯，入面啲炒飯炒到好乾身好好食，而且佢嘅味道唔會好重，所以即使唔係咁鍾意食濃味野嘅人，都會覺得接受得到。而佢呢一個牛扒，我哋嗌左五成熟，但係佢就熟咗少少，不過味道同口感都比想像中好。首先係佢嘅表皮，已經醃製過嚟，食落去唔同普通西餐嘅牛扒咁。