新桂香燒臘

營業中

休息中

超級難食…仲要賣到咁貴，幾個阿叔又寸，試完想叫回水。真心一次無回頭，買完都呻笨，買咗燒肉，油雞，叉燒，真心對唔住個價錢。同落樓下街市買果啲無分別。而且燒肉又鹹又硬好似食柴。中伏！真係聽聞係出名先走來買，三樣食物加埋都買左過五百蚊，半隻油雞都170，叉燒細細舊都100，諗住收到咁貴…實好食。點知… 真係無諗過咁差，燒肉出名真心三樣中最差，真係把鬼，但其他叉燒同油雞都係一樣唔值咁既價，好普通。唔會再幫襯。

呢間餐廳的叉燒油雞飯，讓我感到驚艷的是，它的味道非常美味。首先，叉燒的質地非常正。它外皮烤得金黃酥脆，內裡肉質鮮嫩多汁。每一口叉燒都帶著豐富的蜜汁濃郁味道，入口即化。這種絕妙的口感和味道讓我完全陶醉其中。油雞也是這道菜的亮點之一。它入味嫩滑，肉質細嫩又多汁。這種口感和質地的完美結合，讓我感到舌尖上的享受。每一口油雞都散發著香氣，讓人忍不住一口接一口。最後，飯的溫度非常適中。這碗叉燒油雞飯上的飯粒夠熱，保持了適當的溫度。這讓我感到這道菜是新鮮出爐的，而不是久放或加熱過的。總的來說，這碗叉燒油雞飯是一道令人滿意的美食。叉燒的烤制技巧和蜜汁調味非常出色，油雞的入味和嫩滑度也令人印象深刻。飯的溫度適中，讓整道菜更加完美。如果你喜歡傳統的港式美食，我強烈推薦你來品嚐這道叉燒油雞飯，它一定會讓你回味無窮。

今次撚吊咗胃口去試新張嘅燒臘舖，口水飛咗出嚟之前都起咗一大輪動靜！先講叉燒啦，半肥瘦嘅選擇真係得！整得出嗰種霜降嘅效果，入口即溶，肥嗰塊滑過港姐個大腿，幾好食嘅喂！🍖😍燒鵝件件都做到皮酥肉嫩，脆皮啪啦聲，珠光寶氣嘅油光真係好惹味！塊肉飽滿得黎，都唔會太乾，而且配埋佢嗰柚子醬，酸酸甜甜，撻實咗整個味蕾世界！最後，店家個環境都幾舒服，唔會太攝或者太擠擁，feel到嗰種老字號嘅感覺。服務態度都算可以，一問三唔唔，幾好。總之，肚餓婆姨衝過黎食個過癮啦！有機會一定要再試吓佢地嘅其他招牌。👍🤤🥢

新桂香一定係食叉燒‼️但係佢嘅叉燒真係好難買到原因係太多人去買而且每一次出爐嘅份量都唔係好多所以當佢賣晒嘅時候，你就要即刻拎籌大概等半個鐘之後就會有下一輪叉燒出咁你就要喺附近行一陣，早5至10分鐘要返去等都係我會卻步去買嘅原因講返啲叉燒先叉燒係有濃邊嘅你對叉燒有咩要求可以同師傅講例如要瘦叉、半肥瘦等等師傅都盡量比都會比嘅咁當然我去得都會買一斤我冇記錯一斤都$200多啲其實真係幾貴㗎一斤其實唔係好多雖然話就話幾好食，但性價比真係唔高而且又每次要等好耐想食都要諗一諗先去

今日有點事情去柴灣處理。大約下晝4點9路過。係差不多無野賣，亦無人排隊。有個大叔路過，問係咪5點有野出，有個阿姐話係。轉頭就有一條十幾人既隊係後面。好彩我戇居居企咗喺門口，阿姐問我係咪買野。我即刻答：「唔該半隻燒鵝，半斤义燒，外賣。」阿姐就叫我排頭位。燒鵝合格，皮脆，唔算太肥。义燒，最初見掛係度果啲好瘦。我膽粗粗話要肥义。斬义燒個師傅話肥义真係好肥 ga，你係咪要半肥瘦，我梗係話好。义燒係燒得靚，真係半肥瘦。題外話：見有幾位大叔堂食义燒飯，啲义燒個樣睇落好瘦，我估外賣一斤斤買有靚野機會比較高。當然，佢價錢同同區比唔算平。

外傳系全港最好食的叉境,今日特登去試.叫咗個叉鴨飯,D叉燒又乾又韌又厚又無乜味,D燒鴨肉鞋又無味,皮又唔脆,不好吃.這類形的店只靠充出來的名頭騙人,早晚要關門大吉.奉勸各位不要上當,這店不吃也罷.

⭐️叉燒呢度名物 叫左個例牌 叉燒半肥瘦 少少燶邊 燶邊微脆鬆化 唔會又硬又黏牙肉質腍滑 蜜味香甜 帶油脂香送飯一流 都幾唔錯⭐️燒豬面肉聽聞每日只得小量 食唔食到要睇緣份😆豬面肉肥瘦相間 燒到皮脆鬆化 肉嫩油潤味道鹹中帶甘香 但略嫌鹹左少少😂如果用黎送酒一絕 ⭐️白飯大大碗 軟硬適中 米香淡薄奉送嘅例湯 足料大碗 味道清甜總結：食物中上 但又唔算神級環境普通 服務好好 價錢可以同上次黎嘅體驗完全唔一樣 今次各方面都唔錯 絕對會有下次想試燒排骨😆

平時唔打食評投訴，但今次好嬲，所以要上黎投訴入到去話要一斤叉燒，師傅問要咩，當然係半肥廋啦，然後幫我揀左一條外表好靚仔，以前平時買開都無問題 所以今次無望住佢砍返到屋企一打開，嘩！咁瘦既 仲要好明顯2邊唔一樣 明明買個陣係成條 俾人換走左半條靚野 但公平咁講，靚個邊係好食，另外一邊唔係好差，但呃人就唔岩！偷雞換走一半靚叉燒好衰，好過份！

近兩年哩間嘢越做越差，以前燒肉叉燒係頂班，係幾好食，所以價錢比出面貴，都會幫襯，之後啲燒肉就越來越唔掂！今日剛剛去買半斤燒腩仔，返到屋企打開一睇，屎忽沙梨篤？唔係嘛，成兩百蚊斤燒腩仔變沙梨篤？而且仲好似一堆垃圾一樣，咁都賣得畀人食，有無咁離譜呀，你好嘢…！🤬😡😡😡暫時就剩返叉燒係好食，其他唔使買

前幾日朋友講開呢間喺柴灣嘅叉燒外賣，今日咁啱去開柴灣上堂，順便買左$100半肥瘦叉燒返嚟食，佢嘅叉燒其實唔平，要$209蚊一斤。喺度等師傅斬叉燒嘅時候，仲聽到佢講“而家呢個時候唔加價就傻”。😅😅講返佢嘅叉燒既質素，叫咗半肥瘦但係佢畀咗偏肥既，佢燒嘅顏色畀其他燒味舖深，加上佢嘅汁，係傳統舊式嘅味道，有麥芽糖嘅甜味，我覺得佢有少許偏死甜，不過都算咗幾好食。始終傳統風味嘅叉燒係香港買少見少，不過有點小貴，所以不能經常食。

對於很多本地人來說，叉燒是無可取代的香港美食，而新桂香燒臘就是其中的佼佼者。他們的叉燒使用了上等的豬上肩肉，經過精湛的手藝燒製，口感和味道都無懈可擊！🤤除了叉燒，新桂香燒臘還有其他美味的燒臘選擇，例如燒肉、燒鵝和燒鴨等等。他們的燒肉非常的嫩滑，入口即化，而燒鵝和燒鴨則是皮脆肉嫩，口感十分出色！😍新桂香燒臘雖然地點偏離香港島的中心，但是他們的美食絕對值得一試！無論是本地人還是外地遊客，都可以來這裡享受到香港最受歡迎的叉燒！😉如果你還沒有試過正宗的香港燒臘，那麼一定要來新桂香燒臘嚐嚐看！他們的燒臘絕對會讓你一試難忘，並且會讓你一試成癡！🤩新桂香燒臘的燒臘選擇豐富，價格合理，燒製技巧精湛，真的是一家非常值得推薦的香港美食店！👌

🍖傳說中既神級叉燒🍖-如果鍾意食叉燒嘅朋友，相信一定有聽過新桂香既叉燒，見好多人對佢既評價好兩極，按奈唔到自己嘅好奇心，特登搵日放假入咗柴灣試😜。為咗食到最靚嘅叉燒，特登有打過電話去問佢哋嘅出爐時間😆，有一輪就4pm出爐，3:50分去到店內基本冇叉燒賣，係門口行嚟行去等多一陣，就見到叉燒一份一份掛上去😆，正！即刻同叔叔講要一份肥叉，叔叔都有好有善咁樣提醒返，佢哋嘅肥叉係真係九成肥個種。即刻要轉軚要半肥瘦燶邊😛，叉燒飯以飯盒黎講算係非常貴，盛惠$50一份，叉燒食落去幾有肉味，唔係醃到得返叉燒醬味個種，外層係好香蜜味，食落幾甜口，因為新鮮出爐嘅關係，而且部位比得非常靚，係真係完美嘅半肥瘦叉燒再加少許燶，所以個人覺得佢係相當唔錯。不過前提係，真係要食到出爐嘅，同埋你自己叫叉燒嘅時候要做返啱部位😆，但係如果你本身偏好食瘦叉燒嘅話，呢度就冇乜太大特別。

唔係熟客，唔係單買义燒，只買飯盒，請勿期望比靚野你😞。大家都明白燒味會有頭頭尾尾，無咁靚部份，但都不會一盒飯裏，全部都係難食到爆的超瘦超嚡义燒。這個質地無可能出現係傳說中，全港靚义燒店之一的地方出現。已經買過兩次，今日諗住比多次機會你，點知一樣唔掂。如果你地都想食佢地义燒，我建議你地買整條，咁樣就有好招呼同好質感的义燒比你，但我就拒絕再幫襯。

叫左一盒外賣叉燒燒肉飯，當滿心歡喜開來食時發現全部叉燒都是肥膏，肥到根本食唔到落口而燒肉亦都係碎濕濕，一片脆皮都無。 食完一肚氣，行返鋪頭向職員查詢點解d 肉全部肥膏。燒腊師傳竟然理正氣壯話： 係咁呀，你買例牌囉，例牌最靚。 我表示： 做生意唔應該手法咁低劣，買飯盒就俾入唔到口既肉人個師傅仲要好得戚咁話： 咁你買個例牌返去阿媽媽食囉呢間鋪明顯係見你買外賣飯盒就俾垃圾人， 非常不老實，幾好食都無用😡好可惜當時太失望，唔記得影相

呢間叉燒久仰大名，專登慕名去到柴灣，但結果大失所望。未至於難食，但求其搵間酒樓嘅質素都同佢差唔多。而且叉燒好蘇，有一浸臭豬味。即係劣質嘅豬肉。係本身嘅貨源問題，唔係用好嘅豬肉。收呢個價錢，比蔗渣質素，完全唔合理。求其喺茶餐廳，或者係太興利苑都無收咁貴，但仲好食過佢。燶邊唔夠，叉燒汁得個甜字。肉質雖然柔軟，但係豬味不香且臭。要半肥瘦，但又比好多好肥嘅肥膏，劣劣劣！以後不會再試。大家亦都唔使嘥時間過嚟。