新桂香燒臘

營業中

休息中

呢間叉燒久仰大名，專登慕名去到柴灣，但結果大失所望。未至於難食，但求其搵間酒樓嘅質素都同佢差唔多。而且叉燒好蘇，有一浸臭豬味。即係劣質嘅豬肉。係本身嘅貨源問題，唔係用好嘅豬肉。收呢個價錢，比蔗渣質素，完全唔合理。求其喺茶餐廳，或者係太興利苑都無收咁貴，但仲好食過佢。燶邊唔夠，叉燒汁得個甜字。肉質雖然柔軟，但係豬味不香且臭。要半肥瘦，但又比好多好肥嘅肥膏，劣劣劣！以後不會再試。大家亦都唔使嘥時間過嚟。

今天特意坐車來回差不多2小時去買出爐叉燒，平時間中2-3個月也會咁遠去買一次來吃，因為真的買親次次好吃（平時大約$100）今天也是要求半肥瘦，切叉燒果個人代我揀了一大舊盛惠$190，滿心歡喜回家嘩差不多全瘦而且超硬。肉質超硬完全不好味

去柴灣一定要識得新桂香燒臘，一間老牌燒臘店，每日都有好多人排隊，叉燒唔算特別平，因為口碑都唔錯我哋點咗叉燒燒肉飯（$50）& 叉燒骨飯（$55）叉燒一定要叫燶邊半肥瘦，叔叔會話「盡斬俾你」叉燒蜜汁甜甜哋，好入味，非常 juicy我自己覺得叉燒骨好食過叉燒，因為比較入味燒肉皮好脆，豬肉新鮮，少少鹹，唔會太乾仲要讚吓個白飯底好靚，粒粒分明，一啖飯一啖肉，好滿足😌一場入到嚟一定要試吓，買盒外賣喺對面公園食下，別有一番風味

炭香燒味會否在不久將來成為逝去的傳統？古法製作美食已經買少見少，有些只是得其型失其實。一間經營多年的燒味店，憑著實力令附近的街坊常來光顧；更打出了一個名堂，吸引不少人慕名而來。當中有人盡興而歸，有人到此一遊，也有人失望而回。上一代的人，追求濃味，肥美，香脆；新一代的人講求健康，清淡，服務。光顧一間老店，便應該換一換思維， 尋找那些年的味道。燶邊叉燒夠香，麥芽糖製成的叉燒汁份量十足。肥肉比例是多了一點；但叉燒夠淋，一點粗鞋感也沒有。如果買回家做餸，最好微微加熱，讓汁再一次溶化。這不是平時食慣的燒腩肉，一天只出爐一次，約十份左右，賣完即止。差點就趕不上當天最後的一份，俗稱面䏭墩。剛出爐，炭香味陣陣飄來，外皮非常脆，肉質與豬頸肉類近，有口感又幼嫩。如果住在附近，應該忍不住最少一個月特登早點起床光顧一次😋。

其實柴灣出名多燒臘店，但呢一間真係出名咗好耐，仲有好多明星係工業區嗰邊拍完嘢會過嚟呢邊食，就算係平時四五點都要排隊先買到。其實佢有陣時啲態度會好差，但佢啲叉燒係真心好食…所以試唔試就大家自己諗清楚😆

不知為何昨日開始已經好想吃叉燒😳 今天一起身床，立即上網search新桂香原來開8點，即刻落街買來做早餐🤭（叉燒做早餐好像有點過份）-_____________🍽食物🍽_____________🍖 蜜汁燶邊半肥瘦叉燒 $100 半斤（ 半斤數量大約有13至15舊 ）推介指數 ■■■■□🌶📝比較喜歡吃半肥瘦叉燒，因為通常肉質都會比較淋身，最好的是帶有少許根的部分，口感十足，而且肥膏在燒後會有點焦香味。 可惜今日的叉燒脂肪與肉不是太能結合，辣椒紙都直接把肥膏咬掉了，而且燶邊的位置苦到有點不能接受但整體來說，味道還是好的只是這個價錢來說， 會令人期待做得更加好。-_________🌶辣椒紙總結📝__________整體：🌶🌶🌶🌶 環境：🌶🌶🌶員工：🌶🌶🌶 食物：🌶🌶🌶🌶(滿分為五隻🌶) - 餐廳係經典老舖，店員親切，有種人情味，今次應該係第五次光顧，當然每一次質素都會不一樣，但基本都處於中等偏高。 而且蜜汁香甜與叉燒簡直是絕配🌟，但是價錢來說，真的越嚟越貴了，一斤叉燒叫價$200（走過幾個舖位的另一間燒味店，叉燒一斤才是$130），但偶爾放肆一下還可以。-__________________

平時好少過海同朋友過海去柴灣我就當旅行朋友有好多間柴灣必食推介《新桂香》就成為我頭一站專登冇食中午飯留返個肚仔特登嚟食叉燒既嚟到《新桂香》門口嘩！已經有長長既人龍排緊隊我只能夠加入其中食客們主要都係買叉燒我同朋友各買一個飯盒叉燒燒肉飯我特登叫師傅斬 半肥瘦叉燒因為我最鍾意食就係半肥瘦嘅叉燒瘦叉 - 我覺得肉質太實 太乾 太柴肥叉 - 成舊肥膏太油膩 食左又驚爆血管半肥瘦 - 肉質會軟嫩滑溜有彈性 同時又有油脂香最正！叉燒 半肥瘦 一流！燒到有燶邊 軟淋得黎有少少脆的口感甜度 味度都適中 唔怕食鹹食甜好正！燒肉燒肉我最鍾意食皮皮薄又好脆不過咁岩我個舊部位有少少鞋但都可以接受燒排骨主體味道同叉燒接近因為都係同同一個醬去醃製燒排骨嗰舊骨係軟骨嚟並唔係硬骨食落去有少少口感好似食緊雞軟骨咁肉質都好淋 味道都好好燒排骨都唔錯！飯底叉燒飯除咗叉燒飯底本身都好重要‼️飯底煮得好好粒粒分明飽滿軟硬適中有口感又唔會太硬加少少薑蔥食簡直係一流！正！

今日星期六晨早出發過海去試呢間名舖，到達已是中午十二点，好彩未有人排隊。同師傅講要靚义但唔要肥膏，佢就俾咗2條一望就見到大大嚿嘅肥膏，後來我自己選咗條肥瘦適中嘅濃边义燒，再加半隻燒鵝$250。想試燒肉，師傅話俾我試吓不見天部位，我信佢，要咗約半斤，合共$450埋單。回家即食，义燒果然好好味，尤其是加埋D蜜汁，讚。但燒鵝，完全唔想食，未食過瘦到似琵琶鴨咁，唔知点解每嚿都有鴨pat pat味，無下次。至於師傅推介嘅不見天，好鹹，又乾，唔易咬，食2嚿都唔想食，要飲多口水冲淡個口。總結：$450祇得一條义燒好味，燒肉（目測全部掛出嚟都無嚿靚,先叫師傅介紹）唔掂，燒鵝，怪pat pat味，食唔落。都唔會有下次！重点提示，唔好叫師傅幫你，靠自己睇，免中伏。

呢間新桂香出哂名叉燒正，最近又上電視講到燒肉都好正，今日心血來潮，諗住買叉燒同燒肉，燒肉太瘦，佢哋推介不如食乳豬，好！見真係靚好多，就信你啦！返到屋企打開盒，真係嬲到震！換咗一半唔係原本果件！點解可以咁唔老實架？係咪紅咗就唔休做？老闆不在，希望佢有機會見到呢個食評！其實呢個情況可以報海關嗎？我買A，你換咗B比我⋯講返舊叉燒，雖然好瘦（因為就嚟沽清，冇乜選擇）不過出奇地淋，唔係咬柴。不過幾好食都好啦，做生意咁唔老實⋯ 唉，遲早要還架！好自為之啦！

網上聽人講新桂香係全港最好食叉燒！💯今日專誠過嚟紫灣試一試~叫咗一份例牌$100💰的確係比出面貴但係你食落就知貴得有原因✅✅✅打開色澤已經好靚 瘦肉嘅部份都好鬆軟(˶‾᷄ ⁻̫ ‾᷅˵)肥膏嘅部份非常爽口燶邊非常脆💥💥佢啲豬肉係用新鮮豬肉🐖肥膏佔嘅比例唔會太多🤰🏻醬汁佈滿每舊叉燒 好正😋😋食慣瘦叉或者半時食得清淡嘅可能會覺得油膩☘️但係！食得叉燒一係唔食！一係食最好食！又要食又要怕仲有咩意思！(我覺得🪖⛑)店員都超級nice 舖仔細細 好有人情味🫂咁有心機嘅小店值得一試🔝

朋友極力推介呢間喺柴灣嘅新桂香燒臘嘅叉燒，所以今日大雨過後趁有機會就過來碰一碰運氣，因為朋友話呢度成日都大排長龍，一出爐之後就好快賣晒。可能因為之前落大雨，所以竟然我哋去到嘅時候完全冇人排隊，而且仲有叉燒買。見到佢都仲有好幾條幾靚嘅叉燒掛咗喺度，所以即刻二話不說就叫佢揀條靚嘅半肥瘦窿邊叉燒， $200一斤叉燒，如果好味嘅話，呢個價錢都唔算貴。忍到返屋企終於可以試吓啦。睇落去真係好多肥膏…但係一咬落去， 就係呢啲肥膏先至最好味。肥而不膩，成舊叉燒都好鬆軟。另外我記得係Ritz Carlton嘅中菜館食過佢哋嘅招牌叉燒，都係半肥瘦肉質又非常鬆軟嘅。相比之下，新桂香嘅叉燒有咁嘅質素，呢個價錢一啲都唔貴。蜜汁係名副其實嘅蜜糖，有蜜糖嘅texture同濃郁嘅蜜糖香味。朋友推介完之後我都會推介俾朋友食。

🇭🇰肥ne岀巡😺肥燶ne 今次帶埋佢兄弟肥白ne 殺入柴灣😼😼試食人稱「全港最好食叉燒」嘅新桂香燒臘😋為咗呢試真啲呢間店, 肥ne 們其實分別去咗4次柴灣…1st: 平日5點左右- 已經無哂所有燒味…🥹2nd: 平日12點左右- 叉燒+面珠墩燒肉雙拼飯 (配湯) ($50)3rd: 平日12點左右- 半肥瘦燶叉($100) + 面珠墩燒肉($50)4th: 平日2點左右- 瘦燶叉($160)+ 面珠墩燒肉($40)食物推介😼👍🏻👍🏻👍🏻👑瘦燶叉燒 - 佢哋選用咗新鮮梅頭豬肉, 每日新鮮制作! 所以肉質好好👍🏻唔會有凍肉嘅雪藏味😼識食叉燒一定係食燶邊😼🤤呢方面佢哋就掌握得好好喇👍🏻唔會過燶食炭, 出面啲蜜汁都好香甜😻 肥瘦方面呢…因為第三次叫半肥瘦燶叉都係偏向肥…真係成舊都係油…所以肥ne們集體建議大家都係叫瘦燶叉😹👑面珠墩燒肉 - 呢樣係比較特別嘅item…唔係周圍有得食🤫同樣係選用新鮮豬肉, 每日新鮮製作! 👍🏻而且每日份量有限, 賣完即止㗎🫢外皮非常之脆👍🏻雖然啲肉好肥, 但入口一啲都唔油膩, 非常香🤤一個飯盒得5件, 單數唔夠分啊ne (兩貓在一旁打架…)食物質素(🐈x6最高)

大名鼎鼎的新桂香，$200/1斤叉燒貴而好味道你情我願。今日買了兩條叉燒共$300並要求瘦叉，師傅仲問我我揀定佢揀，咁當然相信師傅啦！返屋企打開盒，發現d瘦叉仲肥通過肥叉，有幾件仲要是係齋膏無肉。幾經辛苦剪走d肥，睇下d相，一半都係肥，真係太過份！無瘦叉吾緊要，但吾該要出聲。買完瘦叉但半盒都是肥，有名氣都吾可以咁樣老屈。原本諗住慶祝生日食好d, 結果搞到㷫烚烚。呢間舖頭手法極不老實，以後吾會再幫襯。

新桂香d叉燒真係好回味無窮😂 次次都會買半肥瘦 佢果d肥 係有d 爽口 肉質又好林🥰仲有個叉燒汁 真係同其他店舖d蜜糖汁好唔同 香好多 只係個汁撈飯都可以食幾碗啦🥹🥹🥹

📌上午系中環辦事，下午無咩事，難得過海來港島，肯定要入柴灣新桂香燒臘斬料、斬料、斬件大大舊叉燒返屋企加送。40年來字號燶邊叉燒，系我地全家最愛。新桂香只用新鮮的梅頭肉，絕對不會使用凍肉，所以叉燒味道特別好食。🕠5:30到新桂香，半肥瘦的叉燒已經賣曬，只剩下瘦叉，所以大家想買肥瘦均勻的叉燒真系要早Ｄ過來排隊買，真系好快賣曬。🐷燶邊叉燒200蚊斤：雖然我買嘅系瘦叉，但系一Ｄ都唔柴，有豬肉的鮮香和肉汁，燶邊有淡淡豬油香氣，加埋Ｄ蜜汁，絕對系傳統叉燒中的極品。