新桂香燒臘

營業中

休息中

新桂香d叉燒真係好回味無窮😂 次次都會買半肥瘦 佢果d肥 係有d 爽口 肉質又好林🥰仲有個叉燒汁 真係同其他店舖d蜜糖汁好唔同 香好多 只係個汁撈飯都可以食幾碗啦🥹🥹🥹

📌上午系中環辦事，下午無咩事，難得過海來港島，肯定要入柴灣新桂香燒臘斬料、斬料、斬件大大舊叉燒返屋企加送。40年來字號燶邊叉燒，系我地全家最愛。新桂香只用新鮮的梅頭肉，絕對不會使用凍肉，所以叉燒味道特別好食。🕠5:30到新桂香，半肥瘦的叉燒已經賣曬，只剩下瘦叉，所以大家想買肥瘦均勻的叉燒真系要早Ｄ過來排隊買，真系好快賣曬。🐷燶邊叉燒200蚊斤：雖然我買嘅系瘦叉，但系一Ｄ都唔柴，有豬肉的鮮香和肉汁，燶邊有淡淡豬油香氣，加埋Ｄ蜜汁，絕對系傳統叉燒中的極品。

位於柴灣嘅新桂香燒臘，開業逾40年，小店更一度被諭為全港最好食嘅叉燒🫶🏻叉燒採用古法炭火烤製，客人可揀選肥叉或瘦叉，小編當日叫咗半肥瘦叉燒$100/半斤。叉燒被蜜汁包圍色澤亮麗，邊位微燶有淡淡炭火香氣，肉味香濃，咬落口感十足🫶🏻整體而言，叉燒比市面做得好食🥺不枉搭咗2個鐘車程去買。

處所明天終於重開，前期工作實在有太多，太長時間無走在作戰嘅狀態之中，有點疲累😵‍💫.路過全港數一數二嘅燒臘檔，無理由唔對自己好一點，一於豪氣地幫襯吓😏。由細到大都係咁喜歡食燒排骨同叉燒，二話不說每款買咗半斤，帶咗個盒去裝咁就唔會俾啲索油紙吸晒啲叉燒汁💦.果然仍然係咁正，「燶邊香口半肥瘦」，選用五豐🐖鮮豬肉，肉質彈牙，鹹甜味適中而且古法烤烘味確係好出，幾個人真係唔夠分，配埋碗白飯🍚，好想再食🥺

今日放假，網上見到呢間燒臘店啲叉燒燒肉超出名，我專登係沙田搭巴士去買 ，但去到5:20pm 已經冇哂燒肉同叉燒，聽到有人問啲員工，員工話5點出爐，5點前已好多人排定隊，一出爐就賣哂了。我去到冇理由乜都唔買，所以買左燒鴨，估唔到都好好食。下次要5點前再去

廣東燒味遠近馳名，部分食店更以此得到米芝蓮 餐廳星級推介。《 新桂香燒臘 》只做外賣的燒味店，有大排長龍的人等候光顧其出神的品質。馳名肥叉燒更是按時出爐。早到就要排隊半小時或以上，遲到就更是望梅止渴吧。所以，今天選擇了兩點鐘出爐時段。一大條肥叉燒有，80%肉質係軟綿綿、5%全脂肪、餘下的瘦肉相對差少少，但也不會被扣分。五花腩叉燒佔整條叉燒的40%，令我非常欣賞。當一口一件燒到香噴噴的五花腩時，我知道運動的重要，有持續的運動更重要呀 ! 溫馨提示 : 在我等候購買出爐叉燒時，不斷有街坊購買其他燒味飯盒。應該值得一試。

🥢”only ca-sh, no賒住”個個叔叔都好幽默！入去買個外賣都聽左兩個爛gag🤣聞名全港嘅叉燒，外賣都要排幾分鐘！真係好好食值得專登入柴灣買🥺🐖燶邊叉燒半斤 𝗵𝗸𝗱 𝟭𝟬𝟬就咁叫燶邊冇叫半肥瘦都已經好半肥瘦，除非你想要好多肥膏，如果唔係咁就夠啦！燶邊真係好好食，蜜汁好香，叉燒又腍💯🍗燒鵝半隻 𝗵𝗸𝗱 𝟮𝟱𝟬叔叔同我哋推介佢哋嘅燒鵝都好好食，所以買咗半隻試下🤣返到屋企啲皮仲脆，就算唔係髀位都好腍😍

下巴仔評分（5星為最高）此次為外賣自取體驗味道：🌟🌟🌟🌟服務：🌟🌟🌟抵食：🌟🌟重點推介🤤👍叉燒（例牌）今次燒味師傅揀左條肥瘦適中既叉燒🥓雖然有肥肉 但係食落口唔會覺得油膩😌甚至有入口即溶嘅感覺 叉燒多汁👍叉燒邊邊位 有焦香味 即使返到屋企加熱 仲會有脆口既感覺 加埋甜甜既叉燒汁 飯都食多幾碗🍚🍚不過叉燒頭尾都比較肥 有啲肥到食唔到😅注意事項⚠️- 叉燒通常原條買😉價錢屬於偏貴- 可以自己係櫥窗望下邊條叉燒適合😋或者講下你想食點樣既叉燒 請燒味師傅👩‍🍳幫你揀- 叉燒都幾受歡迎👏想食要早少少去買就多D選擇

約咗喺柴灣工作嘅朋友食飯，終於有機會嚟到呢間燒味舖試吓。見到鋪內有幾張摺檯，於是決定堂食 - 外賣始終都打咗折扣。堂食嘅好處係唔使排隊，仲可以慢慢欣賞燒味師傅斬料嘅手勢。師傅好細心咁問想食什麼類型的叉燒，然後幫我揀咗一條比較肥燒得較燶嘅叉燒。叉燒燒得均勻，入口鬆化，梅頭肉係靚貨，腌得啱啱好。 但係老實講我比較喜歡舊式比較硬身有咬口冇汁伴上碟嘅叉燒。 純粹個人喜好。坐低食另一好處就係可以慢慢睇吓燒味舖仲有咩好嘢。見到有平時較少見嘅生腸即刻叫咗一碟。生腸爽口，從顏色嚟睇冇其他燒味舖染得咁紅，同叉燒一樣咁好。

仲有琵琶鴨、燒排骨、豬面肉都好正✌🏻特別推薦大家✅叉燒飯✅琵琶鴨✅鴨髀飯✅燒排骨飯✅豬面肉飯《叉燒飯》外皮有濃邊焦香😍，肉係半肥瘦好軟淋，有少少肥膏好好食🐽😭，叉燒味好濃，每日用上新鮮豬肉，所以肉質先咁好(不過如果太晏去/賣剩尾，就會得返瘦叉，咁就not good🤔)💰$45《琵琶鴨》📞早一日訂會好d，或者可以打去問吓有冇🤫呢個真係好抵食，$200有兩大盒🤫每日貨量較少，琵琶鴨個皮好香脆🦆，但始終係鴨，油香會少d，不過好香鴨味、帶炭燒味、好有肉香，肉質都好好🔥，對比鵝會少d油脂感，鐘意食冇咁肥嘅人啱晒👍🏻💰$200(一隻)💰$100(半隻)《鴨髀飯》可以淨叫鴨髀🦆🦵🏻，但數量有限，先到先得🏃🏻‍♂️佢性價比好高，建議叫免切，成隻拎住嚟食正好多😋，鴨肉好淋，連埋好脆嘅皮一齊食，好香💰$53 💰$38 燒鴨飯💰$45 淨燒鴨髀💰$60 鴨髀飯(唔切)《燒排骨飯》除左叉燒之外，依個另一樣名物必叫😎，連骨d肉係特別正🍖，排骨外皮微脆焦香，好食到爆💥💰$55《豬面肉飯》呢個係肥版嘅燒腩仔😍，佢比燒腩仔更肥、更香口、油份好勁，好邪惡但係好好食🥰，但份量比較少，要早d去先有(近兩次食都賣晒

疫情單日破2萬，人心惶惶出去堂食嘅意欲都大減唔少😔 難得多咗時間留喺自己區，終於有機會一嘗柴灣老店「新桂香燒臘」嘅燒味😋就咁睇真係同一般燒味舖冇分別，知佢哋最出名叉燒，分別叫咗兩盒雙拼飯🍚 經驗之談係除非你係熟客仔，如果唔係一定要特別𝘖𝘳𝘥𝘦𝘳燶邊半肥瘦叉先有靚叉燒食😄《 叉燒油雞飯 》 $45 4 / 5油雞變白切雞，忙中有錯都能夠理解🤨 不過雞肉真係頗失望，比晒啲骨位又碎濕濕🥲 好在燶邊半肥瘦叉夠驚艷🤩 真係一半肥膏一半肉，燶邊更食到炭火香🤤 外脆內嫩，蜜糖味唔會蓋過豬肉味👍🏻 的確出色😋《 燒肉叉燒飯 》 $45 3.5 / 5冇特別𝘖𝘳𝘥𝘦𝘳嘅叉燒明顯比較乾，瘦叉好處係啖啖肉，缺點鞋口無汁🤨 燒肉皮脆口，同樣小缺陷係肉質乾身🤏另外加嘅老火湯幾足料，但味道頗鹹可能都係有味精底😣總括而言要試就一定要嗌燶邊半肥瘦叉！

食過乳豬、較肥，又話一斤幾多錢，最後要買最少一份$150。燒腩仔，但連骨、不如買燒肉，又係最少買幾多。叉燒、油雞，其實都係一般，根本沒有網絡上講那麼好，但價錢比其他燒味、酒樓、美心、差不多貴一倍，真的不值。

📍新桂香燒臘新桂香 has got to be one of the best and most popular traditional 燒臘舖 in Hong Kong. Tucked away in Chai Wan, there are still loads of people who travel all the way to get their cha siu. Their cha siu is the traditional style without the excessive red coloring. It has a strong pork flavor and a meater texture when compared to those fancy Japanese pork cha siu in restaurants. They only use fresh pork and you can definitely taste the difference. They have the perfect 半肥瘦 and their marinate ain’t

話說聞名新桂香既叉燒係好好食，咁就老遠都開車去尋找美味的叉燒啦！入到去鋪頭見唔到有叉燒掛出來就問阿姐，仲有無叉燒？佢話賣哂要拎籌，下午4:00來買，咁就唯有照規矩辦事啦！實不相瞞呢次係我第二次嚟買呀，因為第一次夾硬買咗啲賣剩嘅最肥嘅叉燒都好好味不過太肥啦！所以第二次嚟都係要攞籌咁今次就買到最靚嘅半肥瘦叉燒真係好好味真係冇介紹錯！叉燒既靈魂係咩呢？淋、香、咸甜度適中，肥瘦適中。咁呢間燒味店真係做得到呢件事啊

3/5According to what taste is the best char siu in Hong Kong? Is too sweet for my taste and even the one I tried is fresh off the grill, you can’t taste the aroma of the meat, texture is fine tho. I feel like they are better on roasted pig, duck and sucking pig.