新新酒樓

營業中

休息中

去年社運期間，到新新酒樓吃晚飯，店裡一片寂靜，人客寥寥可數，服務員多過客人。可能因為人少，食物質素反而幾好。今晚到新新，提早跟Honey吃中秋飯。疫情稍緩，又正值中秋前夕，所以食肆裡人頭湧湧。不知道是不是這個原因，食物質素退步了。我們點了「孖寶」$248：明爐燒鵝(例牌) + 香蒜蒸扇貝燒鵝一般，大路燒味。但是，那個蒸扇貝就不行了！蒸得過熟！貝肉「實得得」！而且，沒有鮮味。另外，我叫了蝦球忌廉汁天使麵：$128反而這個不錯。大大碟。忌廉汁天使麵煮得幾好食。中式酒樓，西式烹調法，反而更好，真奇怪 ！今晚的食物不太好，食物質素下降了！

朋友推薦的這家新新酒樓，由於疫情延至當日才跟太太去試試酒樓面積不大，同時間了2間包箱太太點的都是她在其他餐廳常吃的菜式鹵水掌翼鹵水味濃，份量亦頗多，味道算不錯菠蘿生炒骨咕嚕汁酸甜開胃，而生炒骨鮮嫩多汁，挺不錯蒜香一口骨蒜片把豬骨炸的很香口，豬油香加上入口即溶口感，值得一食啫啫滑雞煲瓦煲非常熱，雞件既新鮮又嫩滑，煲底的香蔥及花生很入味，配飯一流即蒸絲苗白飯食中餐怎可以沒有米飯，而這裡的更是即叫即蒸，飯香十足汽水我們都不大喜歡喝茶，因此加兩罐汽水，配合味道濃郁的餸菜一流整體感覺不錯，地點亦方便，在附近逛街的可以來試試

今日紅色暴雨警報，想坐得舒服d慢慢食。酒樓晚市又終於重開，當然要嚟支持下!搭𨋢上11樓，一開𨋢門就係開揚的餐枱。唔洗同人逼，又唔怕有人會搭枱，我倆可以慢慢食。睇下有咩食先見有個龍蝦伊麵做緊推廣$198如果胃口好啲，仲可以叫加少少錢變孖寶，多一大煲例湯。上湯龍蝦伊麵龍蝦肉滑溜彈口，新鮮。伊麵吸收咗龍蝦汁的精華及上湯， 香氣撲鼻。脆皮豬手皮脆，不油膩，無食到成口油。中層脂肪位，重骨膠原，好Q彈。豬手肉質軟腍，不會硬邦邦。南乳粗齋煲有蠔豉，腐竹，茄子，木耳，菇，粉絲，粟米芯，雪耳。南乳味有酒香味，又有甜味。不會過鹹或過淡。仲有送紅豆沙

工作大佬要調職，大家約出嚟食飯歡送佢，同事訂咗呢間飯店，去到是舊式酒樓feel，地方大，我哋訂嘅房都大，一張大枱之外，剩餘地方都可以好鬆動放了梳化及細枱！風景先驚喜，望到彌敦道，好開揚無壓迫感！不過剛入房有彈霉味，要開大冷氣先開始散去！佛山燻蹄（$52）薄切肉皮彈牙，肉唔嚡沾醋好味海蜇涼拌萵苣絲（$58）萵苣絲無乜，不過海蜇彈牙爽口，又醃得入味，加上芝麻香口好食！酒席全包（$6080）前菜六小碟：懷舊金錢雞：件肥豬肉太驚嚇，我唔敢食，食咗嘅同事話好好味陳醋雲耳：爽口彈牙，酸酸地開胃杭椒蔥燒鮑魚：鮑魚仔彈牙，咁嘅煮法我第一次食，雖然辣，竟然好夾鮑魚，好惹味（平時唔喜歡鮑魚嘅我都覺得好味金磚豆腐：炸得好靚，外脆內滑，香口好味鹵水豬仔腳：我唔食豬腳，，食咗嘅同事話好好味青瓜海蜇：青瓜爽脆，海蜇彈牙，醃得入味，好食鴻運乳豬全體：皮脆肉唔太肥，好味鹽擦奄仔蟹：超正！焗得透，鹹香好味！加上爆膏！膏好香濃軟滑！半隻真係唔夠喉粉葛鯪魚赤小豆豬小肚粉腸湯：夠火喉，湯起晒沙，夠味唔味精，唔喜中湯嘅我都飲咗兩碗豉蒜涼瓜燘沙巴虎斑：我唔食涼瓜，第一次食呢種煮法，汁煮魚肉都滑，多了汁醬嘅味道豐富口感！（不過我喜

屋企人生日 搵地方晚飯， 眾人表決唔想去連鎖式酒樓， 搵搵吓搵到去佐敦『新新酒樓』。 原本應該係新新酒店入面，不過酒店現在好像停業了， 酒樓搬到去莊士敦廣場。傳統舊式酒樓嘅格局，不過都乾淨企理嘅。有好多孖寶，特惠套餐。 價錢一般 唔算好貴，但又冇一蚊雞噱頭嗰啲咁平。『芝士龍蝦伊麵』呢個係小朋友指定要嗌， 雖然係本地龍蝦，不過肉質也算鮮甜， 伊麵底加芝士醬汁大人小朋友都啱食。衆人最滿意竟然係『蜜汁叉燒』， 肉質鬆軟， 入口甜美，當然最吸引係佢嘅半肥半瘦啦。龍躉兩食， 這個是老豆最喜愛的小菜， 無魚不歡。 龍躉炒球夠鑊氣味道標準！清蒸嘅都唔錯，不過調味可以稍為濃一點。片皮鴨個個都舉手要食， 因為人多分享冇咁滯！蒸籠裏面嘅 麵粉皮也實在太厚，有點似煎薄撐。片皮鴨熱辣辣 即叫即片， 不過襯番個薄餅皮都係好厚切～ 厚厚的肉連脆皮食落冇咁過癮， 亦比較難咬開。Order了兩食，另一款是『涼瓜炆鴨件』， 涼瓜夠曬入味， 吸滿鴨肉嘅精華， 味道唔錯！『豉油王煎大蝦』， 睇相以為大蝦得4，5，隻， 還好用了中蝦 😉👍足夠分配 每人份量， 煎得很乾身醬汁又惹味！『果皮蒸鮑魚』， 鮑魚嘅鮮味就欠一點點， 肉

今天佐敦收工，同事提議就在附近的新新酒樓食晚飯，有人推介最好不過。疫情下酒樓防疫措施做足。看看推介，酒樓正在做超值晚飯自選餐，都幾吸引，有龍蝦、有斑、有湯、有自選小菜，都係講緊每位168，都真係幾抵食。超值晚飯自選餐两位起每位$168上湯焗開邊龍蝦（每位半隻）啖啖龍蝦肉，用上蒜蓉調味，彈牙又惹味，肉厚有飽肚感。即日燉靚湯(位)先來燉湯，滋潤一下。我們兩個人所以可以點兩款自選小菜(每位一款)，清蒸沙巴虎斑仔和黑椒茄子牛仔骨煲；清蒸沙巴虎斑仔大條，肉厚又嫩滑，蒸得剛好沒有過火，淋上蒸魚豉油更加惹味，下飯一流。黑椒茄子牛仔骨煲，茄子和牛仔骨份量多，而且有鑊氣，茄子掛汁又軟稔，牛仔骨香口又入味。我們還不夠喉，另再點了一隻紅燒脆皮乳鴿$52，不算大隻但燒的可口，外皮香脆，金黃油潤，肉質腍嫩多汁，都夠入味。最後店員送上番薯糖水，好足料，吃得飽飽，十分滿足。

生日飯今次選擇食中菜，位於佐敦莊士倫敦廣場的新新酒樓，抵食夾大件，晚飯孖寶有片皮鴨，非常吸引。先來秘製豉油王炒蝦，炒得入味個個爭住食。叉燒最受歡迎，半肥瘦，個個食到舐舐脷，配白飯就最合適。龍躉炒球兩味，包括：炒球好大件，新鮮用油爆香；蒜蓉蒸頭腩也出色，蒸得好入味。片皮鴨大大隻，師傅即叫即烤即片，麵片薄餅跟籠仔上，好多塊，大家可以慢慢食，加$50片皮鴨二食，涼瓜炆鴨件，炆得入味夠淋，好香口，不過需要多一點時間，要有耐性等一等。美洲龍蝦上湯伊麵，份量都唔細，不錯呢。果皮清蒸鮑魚仔(六隻)，蒸得夠熟唔會韌，果皮香。壽包($45半打)叫了一打，白蓮蓉鹹蛋黃做餡料，正呀！最後送每人一碗糖水~海帶綠豆沙，加入應該係香的臭草，清熱滋潤好糖水。

因為想吃燒腩仔，所以晚飯選擇在「新新酒樓」。例牌的燒腩仔份量剛剛好，皮脆香且鬆化，肉嫩不過鹹，味道得宜，十分滿足！咕嚕黑豚肉，近幾年大歡迎受的黑豚肉，豬肉味道的確更勝一籌，炎炎夏日，甜酸的咕嚕黑豚肉與彩椒、菠蘿帶動我們食欲，色澤繽紛的咕嚕黑豚肉也很吸引。忌廉汁蝦球天使麵（四人份量），很足夠的份量，忌廉汁很香滑，撈天使麵是略嫌稠，蝦球口感爽口彈牙，有紅椒和西芹伴吃，棒的！免費奉送蕃薯糖水，「正」！除了免費奉送是開心喜悅，最重要夠水準，夠薑香、清甜、蕃薯軟綿可口，很喜歡哩！

全店服務奇差，由門口接待至店內服務員都一樣。門口亞姐冇禮貌，大姐咁款，來飲茶好似要跪低求佢比位你咁，真係唔該曬。。。服務員見到你竟會繞過你行，真是見所未見，果然大開眼界。食物質數與衛生環境尚算OK。。不介意冇服務兼來到門口要爆下粗既朋友，不妨來參考下

約了朋友來個簡單的2人晚餐, 這天剛好在尖沙咀工作, 選了鄰近的佐敦區落腳. 這家新新酒樓朋友在搬舖來這裡前吃過評價不錯. 看過菜單, 價格比想像中實惠經濟, 最後選了食評裡較多人好評的片皮鴨, 正好有晚飯孖寶, 價格超荀. 晚飯孖寶選了蒸元貝及片皮鴨, 上桌的是4大隻元貝, 蒸出來的效果不錯. 元貝大隻又鮮味. 主角的片皮鴨上桌, 餅皮用了蒸籠上桌, 上桌時熱騰騰. 配料上有青瓜, 蔥, 蒜.由於有一整隻片皮鴨, 每人最少吃上6,7件. 外皮脆, 油香不錯, 肉略厚. 整體水平合格有餘.     整晚只吃了2道主菜, 自然要追加一道, 便選了加$50的一鴨二食. 七彩炒鴨絲. 不浪費地用上鴨殼上剩餘的鴨肉去炒, 蔬菜炒得脆身好吃, 配上鴨肉很好. 埋單的價格連上今晚帶上的紅酒開瓶費$50, 不需$500, 十分超值抵吃, 值得經常來光顧. 

新樂酒店已經關閉，而之前在這裏的新樂酒家，很早之前便搬上了附近的倫敦廣場，並改名為新新酒家。由於限聚令放寬，今晚便有很多食客，來光顧這間歷史悠久的酒家。四位用例湯$138，粉葛鯪魚煲豬踭，俱清熱下火作用，而且用了新鮮豬肉煲成，所以味道和雪藏的豬肉很不同，果然是一個真材實料的例湯。炸子雞半隻$118，外皮夠脆，肉質嫩滑，點些點些淮鹽，可以增加雞肉的鮮味。清蒸鮑魚六隻$138，果皮的香氣，和豉油的鮮味，令到鮑魚更加鮮甜可口。飯後還有免費一碗甜品贈送，令這頓晚餐畫上了完美。

好耐沒有帶媽咪外出吃飯，今晚一於帶她到兒時最愛的酒樓吃個飯開心一下。酒樓現正做緊套餐優惠，每人$168已經包了龍蝦、湯及一款小菜，非常扺吃，反正媽媽沒有主見，一於交由我負責叫餸，媽媽坐低等吃就可以。上湯焗開邊龍蝦（半隻）龍蝦食落肉質鮮嫩多汁，爽口彈牙，上湯味道恰到好處，鮮味滿溢。鯪魚粉葛赤小豆煲豬骨夏天最適合不過，可以去濕消暑，味道香濃鮮甜，火喉十足。西蘭花如意炒蝦球蝦球爽彈鮮甜，西蘭花新鮮翠嫩，而且不太油，感覺非常健康。清蒸沙巴虎班仔魚肉蒸到剛剛熟，魚肉鮮嫩滑溜配上蔥段豉油，白飯也可以多吃一碗。粟米班塊酒樓貼心地將班塊跟粟米汁分開上，可以保持脆口，到進食時自己淋上醬汁，班班塊外層香脆，粟米汁新鮮熱辣，整體配合非常好，更能突出魚肉鮮甜味。又係時候同老婆食飯，去到佐敦覓食，之後選擇食中菜，

Booking未夠鐘，搵個地方hea先，想坐得耐除左咖啡廳，茶樓就係一個好選擇，到左莊士倫敦廣場的新新酒樓飲個下午茶。平日下午時段唔多人，唔使排隊等，哈哈。茶樓都唔使等位喎，坐左靠窗的一張枱，光線唔錯。好快就開到壺茶，洗洗餐具求個安心。開左壺鐵觀音，茶葉下得重手，水夠滾茶又濃，好正。未食晏加上成半年無飲過茶，好多野都想食，一口氣點左五樣點心，一個人食會唔會太誇張了？！哈哈，但最後梗係食哂無浪費啦。蟹籽燒賣皇半肥瘦豬肉加上大大隻蝦，很鮮味，一口一顆，入口滿滿的肉香。陳皮牛肉腸特價點心之一，但無將貨就價，一樣係大大條腸粉同滿多牛肉的，腸粉嫩滑有咬口，配上甜豉油就係好味。香煎腐皮卷同樣係特價點心，呢度個腐皮卷入面包滿蝦膠，唔係蔬菜卷黎喎，蝦膠彈牙鮮甜，腐皮煎得香脆，意外地不油膩，點一下喼汁更鮮味。椒鹽魷魚鬚想食炸魷魚鬚好耐啦，見有得點即刻點返碟先。炸漿略厚，但十分香脆，椒鹽鹹鹹地啱啱好，大大條魷魚鬚有咬口，而且好大碟，正啊！新新流沙包外表平平無奇的流沙包，但剛蒸起十分燙手。咬落去好熱加上爆漿，穩陣起見，都係搣開一半先食，流沙餡好澎湃，奶黃甜美蛋黃鹹香，混埋一齊又鹹又甜好正，邊個發明流沙奶皇

朋友生日。本想去那些大酒樓。因為最近大部分都有折。點知因爲疫症緩和。很多都暫停優惠了。所以就決定試些平時很少機會試的菜式。剛好發現這裡有一個名叫「金錢雞」的菜式。所以就想嚟試一次。這裡可以用whatapp訂位和收菜單。詳情可以打去酒樓查詢。都算幾方便。因為有時開飯網的資訊未必最Updata.講返今次經歷：首先我想講餐廳今次比的位置係近窗口。聽落都好似幾好。因為這裡都算高座數。但其實我想講係零景觀。只係見到對面大樓。還有最重要的事情就係超多蚊子🦟。勁討厭和恐怖。我自己都拍死咗兩隻。其實我都好唔明白。根本間酒樓就只有幾張客。唔明白為什麼唔可以比張大點的桌子。這方面真係好反感⋯⋯講返食物的：首先食的就係雞。因為容易處理和比較快完成✅。這隻雞都還可以。四人份量都算大。我地剛好食曬。上湯焗龍虾有伊面底。都算大份。都係四個人剛剛好。上湯都夠多和夠味。這個就碗上。開始時都唔知份量多少。但原來都可以每人兩碗。壽包就不過不失。一人一個。當做給朋友生日的一個好意頭。這個炒飯其實真係只作填飽肚。這兩個龍躉兩味都幾好食其實今次最主要係試食這個金錢雞。本人從來都未接觸過這味菜。一人一個其實都比較少。食落口感好有

今日在佐敦附近開完會，於是和朋友在附近食晚餐。朋友推介這間新新酒樓的中菜價廉物美，便決定選這間。夜晚客人也頗多，幸好很快等到有位。餐廳環境闊落，座位也較多，客人很多，環境熱鬧。晚餐孖寶優惠 一隻片皮鴨加六隻大連鮑魚晚餐時段有這個優惠的套餐，有不同孖寶組合，性價比很高。我和朋友選了這個一隻片皮鴨加六隻鮑魚的孖寶優惠。片皮鴨很大隻，職員端上枱時是用手推車送整隻過來，再慢慢用刀將鴨皮和肉切出來。片皮鴨顏色鮮艷有光澤，肥瘦適中，皮脆而肉滑，食落不覺油膩。餅皮即製熱騰騰，香甜煙韌有咬口，用餅皮包住片皮鴨，京蔥條，青瓜絲等一起食，爽脆香甜，口感味道豐富有層次。鮑魚即叫即蒸，新鮮即撈，蒸得剛好熟，肉質厚身而滑溜，用上陳皮等一起蒸，鮮甜入味。海鮮什菜一品煲整煲菜很大煲，有多款雜菜，例如菜心，白菜仔，西蘭花，生菜，金菇菜等，湯底清甜可口。菜都爽脆新鮮，加上有魷魚，鮮蝦肉等一起煮，鮮甜入味，粉絲爽滑彈牙，入口即溶，軟稔入味。