新新酒樓

營業中

休息中

看電視廣告覺得不錯，就黎試吓味，結果很失望。冇餐牌，環境擠迫又嘈雜。金錢雞凉的，味道一般。燒腩仔，脆皮雞，蝦酱魷魚炒通菜，魚香茄子煲，不過而已。所謂的老火例汤，清過水。黑松露蝦仁炒雞蛋，炒到一pat嘢咁。唯一個蝦多士叫做還爽脆可口。食到一半，比阿姐隔鄰枱執碗碟大大力叮叮噹噹吵到耳仔痛。4個人食佐近仟4蚊，一啲都唔值。

今日屋企人想食中式菜，但係又想食懷舊菜式，我就去了這一間酒樓。6頭南非鮑魚（四隻）鮑魚肉質爽口好厚身，而且係椒鹽味所以非常之嘢未濃湯雞煲翅（四位）這個就不得了，黐非常之多，而且用雞熬製這個湯底非常之有雞味濃郁4件 蝦多士好耐冇食過咁有質素嘅蝦多士，而且而家好少酒樓會做這一味餸，這個下多士外面脆脆食落刮刮聲就知好趣，而且一啲都。燒鵝拼叉燒燒鵝皮又是香濃，叉燒肉質非常有口感而且做好入味咕嚕黑豚肉這味餸好考功夫，知道程序也不少，而這個咕嚕用的是黑豚肉，所以味道更加昇華翡翠炒花姿蝦球這個蝦球是大大的配合花姿一齊就是絕頂的一個菜式濃湯灼生菜膽最後配合這道菜就更加令到這個套餐比較平均地吸收有肉有菜又有湯非常之好的配搭。

老朋友訂了彌敦道一間傳統懷舊粵菜的酒家~新新酒樓晚膳。當四人都沒有抉擇時，便隨意選了＜鹽擦鮑魚餐（四位用）＞。鹽擦六頭南非鮑魚～乾身丶惹味，肉厚彈牙，有嚼勁；濃湯雞煲翅~熱氣騰騰地端出來，食得出用新鮮雞來煲翅，翅的分量很足夠，沒有加添味精，肥而不膩，這款雞㷛翅確實材料充足，味道香濃，令人垂涎欲滴回味無窮；燒鵝拼叉燒~燒鹅皮脆肉嫩，油脂豐腴；美味多汁的叉燒～有半肥瘦、有全瘦，各得其所，而我喜歡食半肥瘦；翡翠炒花姿蝦球～夠鑊氣的一道菜，西蘭花炒得爽脆，花姿新鮮軟滑，大蝦爽口，有嚼勁；咕嚕黑豚肉～炸得外脆內軟的黑豚肉，肉質鮮美細嫩，混合菠蘿丶洋蔥丶三色椒等，味道酸甜適中，非常惹味，有咬感；濃湯灼生菜膽～簡單又清爽的一款新鮮菜，很嫩；最後來了清甜可口的海帶綠豆沙來完結這頓開心的聚餐。

今日同老人家一齊食晚飯，所以選擇了這間老字號的懷舊酒樓，叫了一個南非鮑魚餐。包括有以下多款菜式4件 蝦多士這個是全晚最出色的一個餸，真的唔係好多地方可以食到整個蝦多士非常趣身，而且唔油膩越食越滋味6頭南非鮑魚（四隻）這個鮑魚是鹽燒的，所以相對重好味，而鮑肉質非常爽口及鮮甜濃湯雞煲翅（四位）這個也是今晚另一個非常出色的雞煲翅，一啲都唔慳非常之多翅，而且湯底非常濃郁好有雞味燒鵝拼叉燒（套）之前聽人講這裏的燒味也不錯，原來真的燒鵝皮脆肉滑而叉燒有半肥瘦，所以食落好滋味翡翠炒花姿蝦球這個蝦球非常之爽身，再配以花枝就非常之配襯。咕嚕黑豚肉咕嚕肉原來用黑豚肉做上嚟滋味雙倍。這個咕嚕肉也做得不錯！因為外面是脆脆的以裏面的肉質配合外層的咕嚕是非常之入味濃湯灼生菜膽食咗正餐咁多肉，這個菜就更加變得更重要最後原來酒樓會送甜品，今日是黑紫米露這個媽咪非常之鍾意，因為不太甜而且這個糖水紫米都非常之淋身好好味

约了大舅一行四人到這傳統粤菜酒家探店，見到有四人鮑魚餐，正合各人食意👏典型中式酒家佈局，餐單内有多款手功菜，如金錢雞，蝦多士，焗魚腸😋决定先來一碟懷舊金錢雞，再上鹽擦鮑魚四人套餐:金錢雞層層口感不同，咬落甘香绵滑😋四人餐:鹽擦六頭南非鮑魚，彈牙有嚼勁， 甘鹹味適中😋濃湯雞煲翅，看上枱湯料有鮮雞半只，湯頭濃郁芳香但無肥膩感，每碗都有足量魚翅😋燒鵝拼叉燒皇，鵝肉嫩滑有鹅味，义燒有肥有瘦😋翡翠炒花姿蝦球，上枱時熱度仍足，西蘭花爽脆，蝦球花姿片香口有咬口😋咕嚕黑豚肉，富傳統甜酸味， 濃淡適中，豚肉外脆内爽😋濃湯灼生菜膽，湯底鲜甜，生菜爽嫩😋海帶綠豆沙，起沙又綿滑，甘甜可口，正好完结美味的傳統宴👏👏

新新酒家主打懷舊菜式，朋友聚會想試一試，於是提早booked位，可能是平日所以人流不是太多，室內環境裝修與一般中菜酒樓一樣。侍應推介脆香蝦🦐多士和懷舊金錢雞一隻大蝦🦐伏在一格炸多士上，沾上沙律醬，酥脆好味。😋🤤懷舊金錢雞以前是酒樓用的下欄菜式，今日係矜貴手工菜，由叉燒、雞肝及肥豬肉組成，伴著蜜汁一齊食，不過口感不似預期，有少少失望🤨。叫了精選孖寶（金蒜蒸元貝，燒鵝）金蒜蒸元貝元貝大大隻配上金蒜一齊食，很鮮甜惹味。🤤👍燒鵝🪿味道一般，不是很突出。另外叫了一個南乳粗齋煲，味道一般，有少少肥膩感覺。酒樓贈送飯後甜品，紅豆沙煮得幾軟綿，好食！👍

打電話想問下套餐資料 接電話既小姐真係高傲我話想要晚餐menu 姐姐叫我自己google同open rice. 可能我表達錯。。我話想要套餐， 佢話幾時幾多人。 我話4月21，7人 佢話無7人喎 得12，6同8人我話咁比唔比得6同8人 佢叫我等下先等佢得閒先喎 我唯有唔該完就收線未食都咁高傲。。唔夠人數就唔叫得套餐。。驚驚

打著懷舊菜嘅名堂, 諗住試下啦, 點知食物普通之餘, 千祈唔好諗住有服務, 明蝦角應該跟沙律醬, 潮州粉果應該跟辣椒油, 炸魷魚鬚應該跟喼汁, 一律欠捧, 你唔問佢唔會攞俾你最差嘅係, 攞張單出櫃面找數, 我連埋信用咭一拼交上, 收銀姐姐係尤得你企喺度等, 都唔緊要, 到佢想同你埋數嘅時候, 一手將你個單搶埋去, 跟住張信用咭就唔知飛左去邊之餘, 仲聲大夾惡話你無俾張咭佢, 好聲好氣同佢講話同張單一齊俾佢, 佢就鬧你應該夾好先至俾佢今時今日如果仲係咁嘅服務態度點得架

我幾年無在open rice寫過評語，但由於今日太嬲，我不得不說幾句。一間食店，我當然認為食物的好味會取決於會否再次光顧外，員工或是當中飲食中的過程也會形響我再幫襯的意向。這酒樓就是我覺得他的食物是好味的，但當中的餐飲的流程，是我決定不會再幫襯。我早於2星期前訂台，而在訂時，員工提醒在來前的一天，記緊再打來確認人數，這一項我是可以理解。所以，我在之前一日有打去告知人數,當時員工是話知道的。當天，早上，他們分別打了2次電話，跟我一而再，再而三確認人數及時間。我的人數是21人,當時告知我們是2張台分別是10人及11人台。當日我們有人到達時想拿位，他們告知我們已取消了訂台。但我跟本就無取消,安排好亂。當然最後也有餐台給我，但是它給我們的是變了一大一細台。大台當時只有一張，但要坐15人,完全是迫到死,有部份人需坐圓凳。而最其怪是另一張細台，是放了另一邊，中間隔開了一圍我們不認識的客人，我已叫了部長，我有訂台的，為何這樣，完全不是連在一起的台，這不是訂台應該出現的情況。但經理的說法，是因為一直有人入來吃，所以不能留台一起坐，而現在你們也可以坐到的。我完全是覺得訂台同walk in是無分別的，我們

服務態度極之差，安排座位非常混亂，負責安排座位嗰個肥婆，唔派飛唔寫名唔登記，總之認得你就得，完全冇寫名登記冇派飛，成班人企喺門口都唔知到底自己要等幾耐，排咗一個鐘話有枱，諗住入去嘅時候有人話佢已經排咗好耐，跟住就直接俾佢入先，又話叫我哋再繼續等，有冇搞錯，嗰度得嗰幾張細枱，座位安排極之惡劣，態度完全唔得，疫情嘅時候如果冇我哋呢班細枱嘅熟客，佢一早執咗啦，依家一回復正常即刻唔優做咁款，冇禮貌，咁嘅服務，嘢食好食都冇用，永不再去

這間新新酒家主打懷舊菜式，今次剛經過佐敦莊士敦廣場就可以試一試。 內環境與一般中菜酒樓一樣， 但味道真的不錯， 我們選擇了幾個餸，這個欖角骨做得非常出色，排骨啖啖肉外脆肉汁juicy 件件包滿欖菜蜜糖好惹味，份量亦非常足夠。薑蔥魚雲煲足料薑蔥炒得惹味臘味炒芥蘭非常夠鑊氣

不愉快的經歷，從未試一間酒樓坐得這樣逼夾，食一餐飯都唔係安安樂樂坐喺度，食食下要起幾次身比傳菜車過，環境嘈雜不在話下，食物質素又差，慘過大排檔，下次一定唔會再嚟，貼錢買難受。

今年同屋企人提早食冬至飯，揀咗呢間公司附近嘅酒樓試一試佢嘅晚市！佢嘅裝潢係一般舊式酒樓嘅style，原本對佢嘅食物都冇咩期望，估唔到食落口之後會有驚喜，整體味道都不錯！我哋點咗個鹽擦鮑魚四人套餐（$738），有六頭南非鮑魚、雞煲翅、燒鵝拼叉燒、咕嚕黑豚肉、翡翠炒花枝蝦球、濃湯灼時菜！鹽擦六頭南非鮑原隻鮑魚鮮嫩，再配合面頭嘅炸蒜一齊食，口感更加豐富，味道更好！濃湯雞煲翅呢個雞煲翅湯底雞味濃，而且入面材料好足，有好多翅！燒鵝拼叉燒呢度嘅叉燒真係值得一讚！可以媲美出面嘅燒味舖，叉燒味濃郁，而且肥瘦適中翡翠炒花枝蝦球味道足夠，不會太鹹或太淡！而且蝦球新鮮結實、蘆筍鮮嫩爽脆！ 咕嚕黑豚肉咕嚕肉肉厚，唔會好似出面有啲餐廳咁，粉多過用肉，而且佢嘅咕嚕汁酸甜度適中，好正！ 濃湯灼時菜生菜灼得太過火，會變成暗綠色，而且又淋又冇口感！但呢度嘅火候拿捏得剛剛好，生菜翠綠色，而且口感十分爽脆，十分讚 最後甜品有綠豆沙，材料足，而且煲嘅火候同時間都夠，所以出嚟有好多沙，味道好濃！

今日同屋企人一齊食飯，有老有少就去酒樓食。始終老一輩都會比較鐘意，所以去一間有feel啲嘅👍。南非鮑魚餐 $738鹽擦6頭南非鮑魚（四隻）南非🇿🇦鮑魚大大隻，食落好彈單新鮮，再煎得金黃，鮑魚味又濃😋。濃湯雞煲翅四位濃湯飲落雞味非常濃郁，同上面嘅雞油唔會太多，翅嘅份量多到令我估唔到😂分量十足。隻雞亦都會另外上碟，真係識落啖啖肉。招牌燒鵝拼叉燒皇叉燒皇燒得啱啱好，燒到有少少脆皮，加埋咁叉汁食落口真係好正。👍再嚟就係招牌燒鵝，鵝味濃厚，加埋脆卜卜嘅鵝皮食到舔舔脷。重點係啲鵝油，配埋飯又唔會太油膩。翡翠炒花姿蝦球蝦球大大隻，啖啖肉😋。魷魚點買啲蝦過好食啲鮮味出晒嚟，再加埋啲翡翠筍，條條都脆口有啲菜食吓一流👍。咕嚕黑豚肉本人最鍾意食咕嚕肉，少少🤏脆口啖啖肉再加埋佢啲咕嚕汁送飯超正🤣。重點係用左黑豚肉，食落真係味濃鬆軟啲😋。濃湯灼時蔬再嚟一味蔬菜🥬調配一下胃口冇得輸。綠豆沙綠豆沙做飯後甜品甜到唔會過龍。

跟家人提起新新酒樓，才知是六、七十年代的「明星飯堂」——新樂酒樓～今晚同媽咪嚟尋回懷舊味道😚全層座無虛席～好彩有訂枱！見到酒樓裝修，兒時飲茶嘅回憶浮現腦海😆叫咗個四人餐～有龍蝦有金錢雞～👍🏻🌟懷舊金錢雞我估而家無幾多間酒樓有呢個菜式，金錢雞其實係以前酒樓用啲下欄創作嘅菜式，昔日窮人恩物，今日係矜貴手工菜～由义燒、雞肝及肥豬肉組成，伴著蜜汁，甘香可口，一點都不膩口🥰🌟上湯焗加拿大龍蝦伊麵彈牙啖啖肉～上湯鮮味濃郁～伊麵加埋芡汁，食到Lam 晒脷～😋兒時回憶：伊麵永遠清得快過龍蝦🤣🌟覇王香妃雞雞本身已經有鹹味～蔥油錦上添花～雞皮爽口，雞肉嫩滑不過火～🌟海皇燴燕液有蝦、瓜、菇等材料切粒粒，入口有爽有滑，不同口感～🌟翡翠炒龍躉球🌟清蒸頭腩 一魚兩食～我鍾意炒嘅粗獷～肉質爽彈，香口又惹味！蒸嘅肉質較嫩滑～下面仲有木耳盛著魚汁～🐟🌟蟹籽海皇炒飯粒粒分明且金黃～好大碟好多料～大家口裡說飽～身體卻很誠實！最後都係清碟～用行動證明好食😋🌟蟠桃壽包壓軸登場嘅小壽桃，新鮮出籠～軟熟～香滑蓮蓉餡甜度適中～🌟紅豆沙好好招呼嘅侍應姐姐～送糖水比我地😆酒樓嘅紅豆沙感覺係唔同啲，口感好綿密～👍🏻#新樂酒樓#新新酒樓#懷