新匯聚餐廳小廚

營業中

休息中

琴晚落堂去搵地方食飯都成10點半🤔同朋友幾個人咁啱喺觀塘，經過見到呢間工廈入面嘅大排檔，見佢咁夜都仲有好多人，差唔多坐滿，所以我哋就試吓啦🤭門口環境嚟講唔算話好乾淨，不過入邊都幾光猛，枱枱坐滿。一坐低店員推介咗幾個招牌菜，最後叫左椒鹽茄子、脆豬手、欖菜肉鬆四季豆、瑤柱蛋白炒飯、滷水鵝片、蠔餅😋另外店員有推介一個飲品叫做有汽鮮檸蜜，呢個飲品超好飲😍食住咁有鑊氣嘅小炒配有汽飲品同啤酒，一流👍🏻🔥餐廳最後仲送咗甜品俾我哋係自家製的🤣係椰汁馬豆糕😍佢呢個甜品椰汁味都幾香，而且幾挺身唔會一夾就爛，整體嚟講都好豐富，食到好飽☺️有機會下次帶埋屋企人嚟試多幾個唔同嘅菜式先🤙🏻

屋企人鍾情鑊氣小炒，剛巧電視節目介紹這間我曾經也光顧過數次，位於觀塘廠區內的食肆 ，印象也不錯，所以便提議帶他們來試試。餐廳環境和以前沒有大分別，老闆依舊會親自走到每一檯，和客人打交道，交流煮餸心得，遇上眼闊肚窄的客人， 偶爾會給予溫馨提示；夥記也很勤快，會主動提議今天有哪些撚手小菜，新鮮食材。【 滷水鵝片  $ 120 】喜歡這裏的鹵水鵝片，片片均等，厚薄適中，滷汁清香、入味，肉質軟嫩得來又有嚼勁，蘸少少醋，風味絕佳。底層還鋪了厚身綿滑滷豆腐，將豆腐完全揸乾水後再滷，故此非常入味。【 煎蠔仔餅 $88】非常大份，足料，滿滿一整碟，彷彿食極都仲有。 蠔仔粒粒飽滿、鮮味，金黃香脆，粉漿炸得很乾身，完全沒有油膩感，蘸漁露或胡椒粉最合適 【 乳鴿 $70 】老板話一日來貨約廿隻以內，即叫即炸，香味隨熱力四散，令人垂涎。較普通乳鴿大，多肉之餘，肉味亦濃，醃得入口，皮薄甘香、肉嫩多汁，質素不俗。【 招牌話梅骨 $115】話梅骨一口一顆，肉質纖細富彈性，醬汁稀稠適中，夾雜著話梅肉細碎，所以每一口都酸甜有致，老板話經過篩選，才決定用這批味道較為中容的話梅，不會太搶味，没有糖醋骨那種甜酸霸氣，亦更顯話

突然想去大排檔，朋友就介紹尼間室內嘅大排檔。環境有啲老舊，一睇就唔係覺得好乾淨同整潔嘅餐廳，門口地氈黑蚊蚊，走廊位仲有兩個爐頭。不過冇所謂啦，咁先有大排檔嘅氣氛😆啲叔叔阿姨都好熱情好客🫶🏻。因為係晚市時間無卜位，所以被安排到一個比較狹窄嘅位置，出入都有啲辛苦啊😌。有興趣嘅朋友，建議先卜位啊。▪️招牌話梅骨排骨炸得好香脆👍🏿肉質有啲硬，雖然唔會好柴，但都唔係好Juice囉😌味道酸酸甜甜禁好開胃。有啲似咕嚕肉，係白飯小偷啊😆▪️椒鹽九肚魚炸得好酥脆，但係入面啲肉好軟同嫩滑，連骨都可以食埋👍🏿。雖然灑咗好多炸🧄，但唔算重口味。另外，每一分都配有一碟豉油同淮鹽。▪️豉椒炒花甲花甲都好大隻，肉都算大塊啊。食左好多隻都無沙既👍🏿豉椒味唔係好重，但又未到無味既。▪️金銀蛋浸時菜係成餐飯既清泉😂材料好豐富，有鹹蛋，皮蛋，肉碎同娃娃菜。湯雖然好清，但有少少鹹蛋嘅鹹香，一啲都唔清湯掛水。娃娃菜好清甜，中和左成餐飯既油膩感。▪️馬豆糕臨走時餐廳亦會送佢哋自製嘅甜品🫶🏻。上一次係桂花糕，今次係馬豆糕，所以應該係會不定期更換既😆甜品既質感好挺身，動L動L禁😆。椰奶味好濃又唔會過甜。口感軟熟Q彈🫶🏻總括而言，個人覺得尼間大

食物係幾好食,而且價錢都算平幾抵食沒有收加一的但是!都忍唔到手要俾「喊喊」差評1. 入口好污濁門口好污濁,因為近廚房位,所以放滿晒D 碗碟雖然未到行路好濕滑,但地下都好污糟我一入去以為係後門...2.坐位好迫環境吵,超多人坐位好迫,我坐個位係侍應會行黎行去既位而且貼到好近,好多次佢都企到我好埋同我後面枱既食客落單之類,我要特登縮向我隔離朋友方向避開佢先得,好反感3.催唔停(最大問題,最差)有一個極大扣分位係,佢地催唔停total 5個人, 我地約左19:003個朋友準時到, 我19:10到,仲有一位黎緊3位朋友坐低先,朋友話D侍應已經不停問佢地「朋友黎未」朋友話我未黎個陣,洗緊茶杯個陣,侍應又問「你地飲唔飲茶架?唔飲唔好洗wo」...到我黎(19:10)了, 因為仲有一位朋友未黎,所以我地都係睇左一陣MENU 先我地都打算叫食物先,因為始終朋友遲到,唔會等佢黎先食野但係,睇緊MENU 既時候,好快手已經前後有5個老闆/侍應輪流問:「叫定D 野食啦」「朋友未黎呀?」「叫住D 小食先啦」真係冇吹水,真係所有侍應都問齊,真係!真係頂唔順,其實佢一係一開波就限時,唔好不停催不停迫我地俾錢食野,

來到觀塘，選擇了食成業街的新匯聚餐廳小廚。餐牌有較多大排檔中式小菜選擇。蓮藕羊腩煲$220， 送啤酒一支/ 汽水兩罐。現在是秋冬季節，是食羊腩煲的好時機，餐廳也正是推出了蓮藕羊腩煲，跟爐上。蓮藕煲份量都不少，裡面有蓮藕、腐竹、馬蹄、冬菇、香芹菜、芫茜蔥……等。羊腩切得較大件，炆得夠腍，也很入味，尤其喜愛連皮食，腍滑有膠質。蒜蓉蒸大元貝 $106大元貝面上有很多蒜蓉及粉絲，粉絲吸收了大元貝的鮮味，很入味。元貝是少見的大隻，大大粒又厚肉，味道很鮮甜。合桃糊，要了熱的，不會太傑，也不太稀，不太甜，口感帶點滑，好香合桃味。杞子桂花糕是餐廳免費送的飯後甜品，又軟又滑，而且很香桂花香。不愧是老牌大排檔起家，味道及菜式都頗有質量，而且食完後還送上免費甜品，無怪乎這麼多客。

高質鑊氣小炒同老公咁啱要去觀塘買啲嘢，買完嘢搵地方醫肚，咁啱經過見到呢間工厦入面嘅大排檔，見佢有好多客人差唔多坐滿，所以我哋就試吓。一坐低店員便推介餐廳嘅招牌菜式，見到餐牌有好多菜式選擇，最後點了三個小菜，另外店員推介自製檸檬薏米水，所以叫了一杯試試，這個檸檬薏米水檸檬味很清新，而且好足料，有很多薏米，啱晒食小炒解熱氣👍🏻首先來了椒鹽九肚魚拼蝦餅，九肚魚滑得來啖啖肉，配埋椒鹽外皮好香口，蝦餅Q彈爽口，熱辣辣好香脆，點啲泰式甜辣醬一流。之後來了蜜汁薯仔牛柳粒，這個牛柳粒牛味濃而且很嫩滑，薯仔外脆內軟，配上蜜汁非常之正😍最後來了薑蔥炒魚卜，用煲仔上枱夠晒熱，魚卜爽口彈牙，配上香口嘅薑蔥唔會腥之餘夠晒惹味，有個侍應叔叔還跟我們分享煮這個魚卜唔腥既秘訣呢😋餐廳最後還送了甜品椰汁馬豆糕，雖然已經食到好飽但點都要試吓甜品，這個甜品椰汁味幾香而唔會太甜，味道唔錯。我同老公呢餐都食到勁飽，因為我哋每樣小菜都想試吓但得兩個人，下次有機會多啲人一齊可以試多幾樣菜式👍🏻

中午來講觀塘所有餐廳都幾乎要排隊咁滯，途經呢一間餐廳以為要排好長隊，點知出奇地佢哋嘅位置都非常之多，安排咗一張枱俾我哋。由於佢哋午餐係冇得嗌小菜，所以今次就嗌咗每人一個午餐。食飯之前去咗個廁所，衛生情況一般，廁所入邊亦都掛咗一啲嘅衣物10分奇怪，不過最主要都係佢哋啲嘢食嘅質素，嗌咗一個炒烏冬，佢哋個份量都可以話好多，不過個炒烏冬就比較有，飲品嚟講就嗌咗奶茶，佢哋奶茶。非常具港式風味，甜度亦都非常之適中，呢個價錢來講喺觀塘算係性價比非常之高，不過始終嘢食有少少油同埋衛生情況可以再改善下

聽說觀塘工業區有一間大排檔風味的餐廳，經常都想來，終於約到朋友。餐廳位於工廠大廈一樓，但也十分容易找，老闆很熱情，我們坐下後亦介紹很多招牌菜，我們只有兩個人，老闆亦建議人少不要叫太多，吃完一樣才叫另一樣，不用急，實在難得。藥膳雞腳我其實對雞腳情有獨鍾，由其是藥膳，但朋友不吃，也不敢叫，老闆知道後便送我們一細碟，十分感動呀🥺雞腳軟糯口感，輕吸一咬便能脫骨，而且完全吸收了湯的精華，濃郁藥香，最後一定要喝湯底，超級清甜呢，火喉十足，一試難忘。滷水拼盤(細)雖然是細份，但份量超驚人，墨魚，豆腐，豬腸，紅腸，鵝肉，豬耳，全部都很入味，爽口，脆爽，香嫰，豐盈，彈韌，全部集結在一碟內，令人齒頰留香，滷汁不會太鹹，配啤酒白飯簡直一絕。蠔餅口感鬆化香脆但又帶點煙韌，蠔餅煎到兩邊金黃色，脆卜卜還帶點蛋香，每口都有肥美的蠔仔，吃時沾點魚露或辣醬，鮮味更提升，多重滋味。沙薑炆芥菜芥菜新鮮，初嘗時是有一點像苦瓜的苦味，但慢慢便嘗到苦中一點甜的感覺，回甘味香，沙姜太能提香開胃去油膩了，清爽極了。起初還想吃蠔仔粥，被老闆正確地回絕了，幸好真的沒有叫，不然一定吃不下。🙈最後老闆還送我們甜品，椰汁馬豆糕，不會太甜，透涼

前日係觀塘收工，心思思想食小菜，第一時間就諗起佢喇。自疫情而來，上次黎都好耐，今次乘機睇下水準仲得唔得先。 餐廳位於工廈內，要行一條短既樓梯上去，經過東廣場毫見到，唔難搵。 坐低後店員就用熱水淥住餐具送上，貼心。 當日叫左幾個餸，分別有炸蠔餅、節瓜蝦米粉絲、話梅骨及炸乳鴿。 炸蠔餅：一如既往，炸得香脆，鬆化唔死硬，蠔肉亦比出面既蠔餅大粒，而已份量不小。配上魚露及胡椒粉食一流，不過兩條友食哂成碟有小小熱氣。 招牌話梅骨：做法以話梅烘乾磨粉再較個汁出黎，排骨先炸後再撈上話梅汁炒，似咕嚕肉但比其更開胃。排骨半肥瘦，食落充滿肉汁，送飯一流。唯一挑剔既係排骨有小小大小不一，有幾塊太大舊較難入口，個人認為一口一舊既SIZE最岩。 節瓜蝦米炒粉絲：家常小菜，蝦米香、節瓜爽、粉絲份量多，叫左佢唔洗食飯都夠飽呀！ 炸乳鴿：此為店員推介，叫黎試下，即叫即炸。上菜時熱辣辣，咬落爆肉汁，五香粉調味亦入到肉，我就鐘意配埋淮鹽食喇，夠咸香！最後鋪頭仲送左椰汁馬荳糕比我地食，中和番成餐飯既咸味～

一諗起打冷就諗起觀塘新會聚，最啱就係過時過節一班人一齊嚟食中秋節提早同屋企人黎做節，今次試咗廚師推介炸乳鴿！乳鴿即炸熱辣辣，食落口香脆有肉汁，小朋友食到停唔到口嚟到梗係食招牌滷水拼盤啦！四個人叫一個細拼盤都已經夠晒，拼盤大大分四個人都食唔晒，滷水味道恰當唔會話太鹹，豬耳豬腸入味夠林又唔太肥，拼盤當然唔少得墨魚啦食落爽口彈牙！鴛鴦炒飯細個最鍾意食嘅飯份量十足，飯上面仲有大大隻大蝦🍤，每一啖飯都有唔同海鮮，果然係足料鴛鴦炒飯金銀蛋浸時蔬👍份量十足仲有甜品送！係懷舊甜品椰汁馬豆糕甜度岩岩好，唔太甜岩哂健康人事如果糕點唔啱心水仲可以叫埋糖水添！除咗有打冷小食之外仲有好多唔同嘅小炒，仲有最出名的炸豬手同炸蠔餅，價錢相宜而且份量又多

《新匯聚餐廳小廚 - 觀塘》近排食西餐食得多，突然間會好想食番中菜平衝一下，所以收左工就約左好姊妹去觀塘區食大牌檔小菜，觀塘區食小菜既餐廳其實都唔少，經網上面搵到幾間風評都唔錯既小菜館，我地就簡左間比較近地鐵站既試下。由於我比較早收工，順理成章就去拎位先啦，好彩早左去炸。7點左右已經開始人多同埋越嚟越少2人枱，朋友剛好7點3左右到，俾我地坐到卡位自成一角😎當晚經餐廳老細推薦下，我地兩個女仔點左三個小菜，兩杯特飲同埋兩碗糖水，以兩個人食的話份量其實都好足夠，因為佢哋D小菜都幾大碟下，好彩朋友同我當日都餓狼上身，最後無浪費任何野的🤓當日叫左既野食包括有：💁🏻‍♀️爽脆鮮魚皮 $65💁🏻‍♀️蠔餅 $88💁🏻‍♀️有汽鮮檸蜜 $20 x2💁🏻‍♀️蜂蜜欖角骨拼炸大腸 $155💁🏻‍♀️合桃糊 💁🏻‍♀️芝麻糊拼杏仁糊爽脆鮮魚皮係老闆推薦的，話送啤酒一流，可惜當日我有揸車無得飲So Sad，魚皮質地脆身，配上蔥絲同薑絲再點特製豉油食好惹味，老闆無講錯，用黎送酒無得彈，同埋碟魚皮都幾大碟，我地兩個人食每人最少都食左十幾塊，上面既花生咸香味十足，慢慢傾住計食都幾過癮 。唔飲得酒姐，可以飲梳打水嫁嘛，老闆又推介

想去觀塘區食鑊氣小炒，諗起成業街「新滙聚餐廳小廚」🫖🍚🥢有潮州打冷，生猛海鮮、傳統手工菜、廣東小炒甚至乎中西式甜品糖水都有。滷水拼盤（細）$140一啲都唔細，份量十足！我最喜愛染到橙色嘅墨魚🦑，咁先似打冷😋墨魚煙韌有嚼勁！滷水豆腐老細誇口話全觀塘區最美味～又真係唔錯👍🏻，滷水味道恰到好處，豆腐又滑又嫩，食完一件追住食😄紅腸大大塊，豬大腸豬面頰、豬耳入味夠冧。滷水鵝件：估唔到肉質咁嫩滑，肉質肥美但唔油膩，滷水味道甘香的唔會過鹹，比好多滷水鵝專門店更美味。潮式蠔仔粥（細）$86蠔仔肉大隻肥美又新鮮，份量多，每一啖潮州粥都會吃到蠔仔肉😋👍🏻薑蔥魚腩煲$100熱辣辣燒熱鐵鍋迫出薑蔥香氣。勁多蔥，香氣十足。有5至6塊厚切嘅魚腩。泡油再煎焗，保留着魚肉鮮嫩，惹味可口！黃豆椰汁糕餐廳贈送嘅飯後甜品，又幾香椰汁味，冰凍Q彈🌟雖然環境比較舊式，不過平日晚飯時間都差唔多坐滿，而且好多都係熟客，預先訂枱才有位置。餐廳中提供不少傳統手工菜，mark 定下次再來先😋❣️

這天晚上我約了朋友在觀塘吃晚飯，經過網上的推薦，我們便決定去到這間餐廳試一試，環境非常寛敞明亮和清潔衛生，坐得十分舒服，給我一種很舒適的感覺芒果西米露($28)椰汁十分清新，芒果肉十分鮮甜，白茫的西米露，夠凍，材料十分豐富，份量十分多，價錢十分合理招牌蜜糖薯仔牛柳粒($138)蜜糖十分清甜，夠味，薯仔粒煮得夠淋十分新鮮，牛柳粒十分軟彈煙韌，質素非常高，份量非常多，非常抵食椒鹽鮮魷($130)鮮魷十分彈牙和脆口，十分新鮮，份量非常多，鮮魷配上喼汁，味道酸酸的，令人十分開冑，還有一些紅椒作襯托乳鴿($70)乳鴿皮脆肉嫩，十分新鮮，份量廷多，再配上喼汁，准盬作調味粟米椰汁糕吃完晚飯後，每位客人都有免費甜品，今次係粟米椰汁糕，口感清新夠凍，味道恰到好處，不會太甜整體來說，食物的質素非常高，食物的選擇十分多，食物的份量非常多，食物的用料非常新鮮，食物的賣相十分吸引，食物是即叫即製的，十分有獲氣，廷有大排檔的風味，所以食物的温度夠高，食物的定價相對合理，而店員亦有積極的服務態度和有禮貌，所以我認為這間餐廳是值得再去惠顧

今日去左官塘工廠區買嘢，買野順便系官塘工廠大廈食埋晚飯，選左間有齊打冷和小菜的餐廳。爽脆鮮魚皮，魚皮好爽脆又新鮮，撈上芫茜，大蒜絲和薑絲一起食好香，又撈到好入味，花生好鬆脆。滷水拼盆有豬大腸，豬耳，鵝肉，豆腐，紅腸，墨魚片和花生。豬耳好爽脆，墨魚片好爽口，花生好淋又夠味道，紅腸又唔會太咸，鵝肉唔會韌，豬大腸又夠淋，豆腐嫩滑好味道。時菜炒牛肉，芥蘭炒到唔會老又碧綠，牛肉肉質嫩滑，牛肉香濃，牛肉又夠味道。最後想埋單同事話有甜品送，馬豆糕椰汁味香濃，好好味。

觀塘美食多籮籮！ 這一間餐廳還記得幾年前試過，但因為疫情，所以無再來！現在仍然回味它的小菜。因為現在很少有這種有鑊氣炒小菜。門口外亦貼出這店的大廚故事一入門口已經有熱情招待。這個就是家的感覺。店員上前介紹不少今日的美食。餐牌上亦有潮州食品，也不只有小菜這麼簡單。 我們最終叫了三個餸。因為只得兩個人。先來一個有鑊氣嘅蒜蓉炒白菜，白菜非常之甜美。蒜蓉味道也出眾，但又不會搶了白菜的甜味！ 店員介紹今日最新鮮的是花螺所以我們選擇了白灼花螺的煮法。這個花螺質感非常新鮮又甜美。這個才是重頭戲！ 平時食馬友只懂得蒸。但這次店員介紹時用煎炸的方法估不到另有一番滋味。外脆內軟。一啖咬落去外面個皮好脆。又能保持與魚的肉質。另外配以沙律醬這個食法，就更提升出魚的鮮味度。 這個食法真的不錯。