新匯聚餐廳小廚

營業中

休息中

今晚想食的是小菜，所以來到觀塘，就揀了成業街的新匯聚餐廳小廚。坐下後揀了一輪菜式，見到蓮藕羊腩煲好吸引，因現在已步入秋天，天氣涼爽，所以這個羊腩煲就特別吸引， 最終除要了蓮藕羊腩煲外，再加一個 火鍋唐生菜 ，及要了個脆皮大乳鴿。蓮藕羊腩煲(小)$220蓮藕羊腩煲有2款，細款的經已夠2人食，頗大煲的，裏面有蓮藕、主角羊腩大大件、冬菇、馬蹄、蒜、 支竹……等。羊腩切得夠大件，炆得腍度剛剛好，食落真是啖啖肉 ，點上跟配的腐乳， 夠入味又夠腍，真是現在秋天必食進補火鍋菜式。凡惠顧蓮藕羊腩煲免費贈送生力啤酒或生力清啤， 抵飲致極。還要了一 籃生菜脆皮大乳鴿$70大乳鴿真的頗大隻，外皮啡紅啡紅的，乳鴿上枱後，我們食羊腩煲正食得起勁，所以未有時間食，老闆經過見到就跟我們說一句:趁熱食啦，趁熱食是最好食的。乳鴿真是剛剛炸起，入口還帶熱，肉質嫩滑多汁又香的，真的美味！食完後餐廳還送上一個免費甜品，椰汁馬豆糕，非常香椰汁味，馬豆很腍，整個馬豆糕非常軟滑，又帶馬豆的口感，很香甜。

今晚去觀塘睇傢私，行過見到呢間新𠥔聚餐廳小廚，上OpenRice睇完食評好似不錯就决定試試一坐低，老闆老闆娘伙記都好熱情，就開始介紹招牌菜，老豆點咗個鱔魚蒸荷葉飯，飯係糯米飯，一上枱已經好香鱔味，魚既鮮味滲哂落糯米飯度，飯既硬度適中，唔太淋亦唔太硬，食得出係開叫即蒸，基本上唔落醬油都好夠味，值得一提既係條鱔真係好新鮮，冇骨又肉厚。期間，老闆有教我們如何去食同煮得好食，例如不好直接將鼓油倒落荷葉，否則鼓油不均勻，容易過咸...真的獲益良多。另外叫咗一個拼盤，有鮮魷同㰖角骨，㰖角骨啖啖肉，醬汁酸甜開胃。不過可能份量太多，兩人食到有點油膩。於是乎再點個金銀蛋上湯娃娃菜，又清又新鮮，中和一下油膩感。成餐飯都食得好飽足，因碟碟份量都很多，然後將食剩既糯米飯仲打包返工食，老闆教我地點翻蒸先可以好似餐廳咁好食，最後老闆送了份甜椰汁膏，今餐真係又食又拎，學到一堆冷知識。

觀塘工廈出名多美食！但唔係間間都係一致好評。新匯聚小廚絕對唔會令你失望！個人必食推介芝麻雞皮脆肉嫩，雞味濃郁。加上淡淡芝麻香味！避風塘茄子🍆將蝦膠釀入茄子，再配以避風塘。十分惹味而不失蝦嘅鮮味。再加茄子配上茄子控必試！蜜椒薯仔牛柳粒大排檔必食推介！必不會輸比其他大排檔甜甜地加上岩岩好既牛柳粒☺️☺️☺️☺️老闆好好人！成日會同大家吹下水！！當你叫得太多既時候，老闆會叫停你（本身想叫全隻芝麻雞，老闆話我多數食唔哂，好彩有聽老闆話） 飽到呢食完仲送返啲糕點俾大家試試。

諗起夠鑊氣的小菜, 係觀塘區一定係 ,自從食過一次真係難忘, 價錢便宜而且夠鑊氣。不過餐廳好多人光顧所以一定要訂位。新匯聚餐廳小廚位於觀塘成業街, 在觀塘站B出口觀塘廣場方向, 大約5分鐘就到。新匯聚位於一樓, 行樓梯直上便到。餐廳裝潢充滿港式大排檔風味, 地方好大。未到7點都坐滿7成, 眼見好多食客同職員有講有笑, 相信儲落唔少熟客。入餐廳前職員有禮貌請我們量體溫及使用安心出行, 一見我地坐低, 十分熱情介紹有乜野好食, 又推薦套餐。睇下餐牌, 最抵係套餐, 有2人及4人, 我和朋友揀了2人套餐 $170, 套餐包括 : A款餸(椒絲腐乳炒通菜), B款餸(薑蔥魚腩煲), 白飯2碗, 無味精老火湯, 精美是日甜品 (當晚係椰汁馬荳糕), 難得同朋友可以黎到, 我地都要叫其他餸, 為食既我地, 仲叫左 : 蠔餅, 北海道花皮 (水母), 脆皮大乳鴿。未到7點半, 餐廳就坐滿9成了, 雖然食客多, 但食物同樣很快送到。先黎無味精老火湯, 2人餐剛好2碗, 當晚係青紅蘿蔔湯, 果然無味精, 仲想添飲。椒絲腐乳炒通菜上枱時仲係熱辣辣, 夠鑊氣而且腐乳味好出薑蔥魚腩煲無揀錯呢個魚腩煲, 魚肉新

今天黃昏風大涼爽，外出散步，在工廈吃晚餐。飯店走懷舊路線，晚飯時段容許二人坐四人座位，座位寬闊，冷氣足夠，店員服務熱情。晚市特惠2人套餐190元，包括湯、自選兩款小菜、兩碗白飯和甜品粟米羮，金黃的粟米粒清甜爽口，加入蛋花，味道和口感均很匹配。店員推介小菜欖角骨，肉排多肉，肉邊香口，肉質有嚼勁，醬汁甜。椒絲腐乳炒通菜，通菜新鮮翠嫩，腐乳醬汁不會太咸，少量辣椒有助提升味道層次。散叫豉椒炒大蟶子，每隻50元，火候的掌握恰到好處，蟶子肉厚彈牙，醬汁加入了豆豉、乾葱、洋葱和青椒等，很惹味。甜品是馬豆糕，味道清甜可口。總結：座位寬敞，食品新鮮好味，服務熱情。

觀塘人先識嘅隱世高質港式餐廳～～～話說👦🏻大舊有個嘴刁叼嘅👵🏻婆婆 婆婆成日話呢一間喺觀塘工廠區嘅餐廳好好食 搞到我都忍唔住黎試下 坦白講餐廳唔係嗰啲靚裝修嘅餐廳 門面望落好地道 舊舊地 本身行到門口我哋都有啲擔心 點知入到去之後 見到成個場地超大 而且超多人 多到我哋都嚇一嚇 搞到我哋嘅期待心情即刻翻返嚟～～～🥢潮州蠔餅$80：見到檯檯都叫呢一個潮州蠔餅 我哋都跟住叫咗一個 大大份嘅蠔餅非常酥脆 蠔仔份量毫不手軟 有大粒又細粒 非常鮮甜 整體非常高質 佢哋嘅脆 唔係硬刮刮個種脆 而係入口即化嘅脆 感覺輕盈～～～🥢南乳藕片炒鹹肉$80：鹹肉有少少似瘦版嘅叉燒 南乳藕片炒得好脆身 食落去有少少似薯片嘅感覺 而且南乳醬嘅份量唔會太多 啱啱好～～～🐷招牌話梅骨$110：香香甜甜嘅話梅骨 亦都係見到好多人叫 就跟住叫咗個試吓 肉質扎實 甜而不膩 幾下飯 不過如果真係要比較嘅話 我就更加鍾意佢哋嘅潮州蠔餅～～～🐥藥膳雞腳 $60：雞腳非常入味 藥膳香氣濃郁 而且質感好軟腍 一咬就輕易離骨 一碟有八隻 值得encore～～～PS：食完之後餐廳仲免費送上大件清甜馬豆糕 👍🏻～～～新匯聚餐廳小廚 (觀

觀塘工廈多高質餐廳，當然不乏中菜餐，同朋友傾開想食小菜，於是黎新匯聚撐枱腳。招牌蜜糖薯仔牛柳粒 $120幾鐘意個薯仔，外皮香脆好似食緊薯角，牛柳粒一啲都唔un，煮得入味又鎖住肉汁。椒鹽鮮魷 $120魷魚外脆內煙韌，炸粉唔厚，痛鹽香但唔太油膩。欖菜肉碎四季豆 $73 呢道小菜夠晒鑊氣，四季豆最岩送飯，加埋粒粒肉碎口感更佳，有住家菜既味道添～～～檸檬薏米水 $22天氣咁熱飲飲呢個夠晒清新解渴，薏米都係健康之選。

觀塘工廈多嘢食，今日黎到新匯聚餐廳小廚黎食lunch。Menu第一頁已有好多懷舊鐵板餐可以選擇。選擇困難症下，最後揀咗羊架拼雞扒。個鐵板勁有鑊氣，淋汁上面後，聽到熱辣辣嘅汁淋上去嘅「滋滋聲」，每次聽到呢個聲都諗起細個阿媽帶去食鐵板餐嘅畫面。羊架軟熟程度剛好，咬落去，好有口感，加埋個汁同上面嘅香草，無得彈！雞扒勁美味，咬落juicy多汁，加埋薯菜，一個人絕對夠飽！不過，如果驚唔夠飽，都可以加$5要個意粉🍝茶餐廳可能度度都有，但有人情味就更加分。我去嘅時候人唔多，可能見我一個人，同樓面都傾咗幾句偈，之後個餐送上來時，師傅送多個甜品，勁驚喜！下次黎開呢頭，再上黎食飯！🍽新匯聚餐廳小廚 (觀塘)📍觀塘成業街15-17號成運工業大廈1樓1室

今晚帶媽咪黎呢度晚飯，呢度有潮州打冷又有鑊氣小炒同大排檔風味，選擇好多，對有選擇困難症嘅我地真係花多眼亂，經店員向我地介紹一下，終於決定到食乜。炸乳鴿新鮮即炸，熱辣辣，色澤油潤，皮脆，肉質不會嚡，唔會乾巴巴。蜜糖薯仔牛柳粒好有鑊氣，好惹味，薯仔炒得好香口，外脆內軟，蜜糖加上黑椒，令人忍不住一口接一口。牛柳粒啖啖肉，如果牛柳再多啲就好啦。韭菜豬紅好耐冇食啦，今日見到菜牌有即刻點來試。賣相好吸引，澎湃的翠綠韭菜鋪在份量超多的豬紅。豬紅滑滑的，微微的Q彈，口感不錯，一點腥味也沒有，汁料調味剛好，不會太過咸，韭菜亦尚算嫩。潮式蠔仔泡飯我地兩個人叫咗一個細size，但每人都分到兩碗，蠔仔湯好鮮甜，全部蠔嘅鮮甜精華都喺晒啲湯飯度，蠔仔份量好多，目測有十幾廿隻，隻隻都大大粒好飽滿肥嘟嘟，口感好滑，味道鮮甜，完全冇沙，好正。依間餐廳嘅嘢食份量都好大，味道唔錯，適合幾個朋友或一家人一齊嚟，可以試多幾樣野。

試過了打冷小廚，適逢今日路過觀塘約了舊工友聚聚，又試試這家餐廳小廚好吃不。一坐下就有熱情嘅伙計介紹推薦美食，因為之前在外逛了一會有點熱，伙計就建議飲杯冰涼自家制薏米水涼一吓再慢慢想食咩野，好貼心。2個人叫了3款餸開大餐，椒鹽鮮魷拼欖角骨(5件)~鹹甜拼好特別，鮮魷炸得外脆內軟，炸粉夠薄魷魚夠鮮，欖角骨啖啖肉，甜酸咸都有，非常惹味。鹵味拼盤~超大碟，樣樣有，最好味係大腸同豆腐，超入味又夠林。南乳蓮藕炒鹹肉~入味好送飯，鹹肉大大塊好食。最後伙計送了馬豆糕給我們做甜品，可能做街坊生意，感覺超有愛的一間餐廳。

以前細細個間中都會同家人去食下大排檔，但而家係香港，大排檔都買少見少，今晚食完新匯聚，就令我想起兒時大排檔既風味。潮州蠔餅蠔餅好大塊，係6-8人份量。蠔餅炸得好香脆，麵粉唔多，蠔夠鮮，有蠔味，加魚露食好好味！酥炸大乳鴿乳鴿滋味鮮美，肉質細嫩，size 算大，有肉地，我就至鐘意加淮鹽食！招牌蜜糖薯仔牛柳粒薯仔外脆內軟，食落甜甜地好香口，而且仲有黑椒粒，又甜又辣好開胃。牛柳粒肉質軟嫩，有嚼勁，味道香口！夠鑊氣！清熱健脾薏米水薏米水好清甜，檸檬味重，食完煎炸嘢飲返杯薏米水就冇咁熱氣，夠哂正！

餐廳位於觀塘工業區內，經過停車場之後半層樓梯上去舖頭門口。餐廳鋪面尚算光猛，地下嘅路都冇油淋淋，比街邊大排檔好。進入後就會見到開放式嘅水吧，水吧出邊擺放左唔同嘅餐前小食例如咖喱魷魚同埋雞腳等等。餐廳小炒種類算多，菜式亦不會太死板，例如有避風塘茄子、蜂蜜欖角骨等等今次一行二人就直接進入戲肉，食小炒。當日帶咗三個餸分別係酥炸鹹豬手、椒鹽鮮魷、同埋蜜椒薯仔牛柳粒。炸豬手配上自家調製嘅芥末沙律醬，醬汁偏甜可中和鹹豬手嘅鹹味到時芥末可以刺激到味覺，唔會食兩舊就覺得好膩。豬手皮炸得香脆，入邊嘅脂肪及骨膠原亦唔會太過UN，惟肉嘅火候可以再掌握得好啲。椒鹽鮮魷上面鋪滿左炸蒜，每一塊都食到滿滿嘅炸蒜，魷魚肉質爽彈，亦都冇過老，可惜調味有啲重手，小咸，建議點少少喼汁中和番。薯仔牛柳粒做法是先將牛肉薯仔走油炸脆，在以蜜椒汁炒，包着甜甜蜜椒汁既薯仔外脆內軟，忍唔住一啖接一啖咁食，而牛柳屬正常冇乜筋，呢個餸薯仔先係主菜。食到咁上下有啲口乾叫咗杯特飲，特飲用蜂蜜、檸檬、梳打水製成，驚喜嘅係飲落味道似益力多。餐廳內另有打冷同小食但係當日太飽試唔到，下次可以再試下。總括而言餐廳種類食物多，小菜價錢由80-200不等。

今晚又想做無飯主婦，就來觀塘逛一逛，順道來這新匯聚餐廳小廚，見平時上班時間也有不少捧場客，想不到星期日晚上來也是這麼熱鬧😁🙌🏼家鄉炒銀絲老公想吃點小炒，於是點了這炒銀絲，非常有鑊氣💕有蝦仁、芽菜、瘦肉絲、芝麻、紅椒、蔥、蛋、粉絲😎好足料呢！而且蝦仁有四五粒👍🏼👍🏼👍🏼這炒銀絲的份量大，兩人吃實在非常飽肚。芝麻雞第一次吃芝麻雞，雞皮炸得香脆，配上芝麻粒粒，吃起來像薯片一樣脆卜卜🙈🙈半隻雞的份量足夠兩人吃，不錯。金銀蛋浸時菜我們選了娃娃菜，喜歡這菜式有很多的配料，有皮蛋、蛋白、肉碎，而且湯底很夠味，令到娃娃菜更加鮮甜。這道菜的性價比不錯。下次一家人再來吃晚飯！大大碟的小炒，非常性價比高😋

今日嚟到觀塘工業區搵食，搵到呢間類似大排檔嘅港式餐廳，去試吓先！「蜜汁薯仔牛柳粒」薯仔煮得好琳，外表脆脆地，加上好多蜜汁，甜甜地好好味😋牛肉粒都有好多舊，大大舊啖啖肉「西檸雞」嚟到港式餐廳，梗係要食西檸雞啦！好多西檸蜜汁，甜甜酸酸好開胃，啲雞都炸很好脆，有成十幾件雞，算係好大碟好抵食「炸乳鴿」乳鴿好大隻，肥瘦度適中，外皮炸得好趣，又夠熱，應該係即炸嘅！啖啖肉，兩個人食啱啱好總結：好多菜式揀👍🏻

觀塘開源道一帶很多嘢食，今日來到觀塘，揀了食這間成業街的新匯聚餐廳小廚。見這個晚市特惠二人餐$170抵食，A+B款菜式任揀各一款，及配白飯兩碗，無味精老火湯和是日甜品，所以就要了個2人餐，及加多個豉汁蒸白鱔。今日老火湯轉了做粟米羹，粟米羹裏面有蛋白、粟米……等等，口感香甜又夠滑！套餐要了兩個菜 ，馬拉盞炒油麥菜及 薑蔥魚雲。馬拉盞炒油麥菜炒得真的很入味，油麥菜青綠入味又爽脆 ，是一個鑊氣小炒！薑蔥魚雲炸的連魚頭的邊邊都很脆，經醃過很入味 ，魚雲軟軟的又腍又滑，伴著經炸過的香蔥食，更添魚雲的鮮味！豉汁蒸白鱔$130 白鱔一入口就知道非常新鮮，蒸到剛好熟，肉質帶爽口，鼓味剛好帶出白鱔的鮮甜！！二人餐甜品椰汁馬豆糕，馬豆帶腍一粒粒的，令馬豆糕腍滑又帶點口感，很香甜。我們見到這裏的甜品很吸引，所以要多一個懷舊甜品，芒果西米露+涼粉，芒果份量都較多，令整個甜品很香甜！