拉麵來

營業中

休息中

🍴香濃雞白湯拉麵 $92 + $17 溏心蛋💁🏽‍♂️唔錯👩🏻跟拉麵附上一粒雞湯精華，放入湯入面溶好就食得。雞湯夠鮮味，不過因為試過更加好飲嘅雞白湯，冇比較冇傷害🥹 日本糖心蛋偏心，價錢都比較進取，不過味道一流。🍴極上海老吟釀拉麵 $104 + $27 火藥玉👩🏻咩嘢係火藥玉？💁🏽‍♂️唔知，可能係火炙玉子燒個類👩🏻似bo(嚟到係一個球狀嘅醬料，睇個樣都知非常之辣🫣🫠)💁🏽‍♂️…(辣到出唔到聲）有冇tissue…👩🏻 極度後悔冇問吓店員咩係火藥玉🤣好彩佢係分開相。極上海老吟釀湯底非常之濃郁好飲💗完全值回票價， 係必試推薦👍🏻湯底用蝦熬煮，每一啖都係精華💗

這次去了一家裝修特別的拉麵店，店舖位置尖沙咀加拿芬道。以懷舊風的木系裝修，環境不大但座位舒適☺️。食物有套餐和散點，菜單上詳細介紹每款湯底，也可因喜好而選擇所需口味🙈。-▪︎溫泉玉子雞汁拌麵 HKD$92配料選擇了火炙叉燒，是分開另上的，火炙後令油份滲出更香口。把玉子弄穿攪拌吃，令到麵質更滑身☺️。裡面有切件叉燒，肉質爽口腍身，醬汁味道濃郁。-▪︎原味豚骨湯拉麵 HKD$92選擇了日本溏心蛋，流心的賣相很吸引🙈。拉麵選擇硬身，吸入湯汁挺入味的☺️，湯底味道濃厚微咸叉燒肉質腍身，半肥的質感挺好的。配料有蔥花、紫菜及雲耳，整體口感較豐富。-▪︎醬油炸年糕 HKD$28/2件細細件的賣相很可愛，炸年糕外脆內軟，口感煙韌軟糯。味道香口惹味🤤，咸咸甜甜的挺特別。-

天氣涼涼地好想食碗熱辣辣既湯麵😋😋於是黎到呢間日式拉麵店🇯🇵 — 拉麵來 ～～裝潢擺設別緻，有種去左日本旅行既感覺❤️❤️🍜原味豚骨湯麵 $85✨湯底熬煮到十分濃郁，帶清甜豬骨味道🐷～～配料有叉燒、木耳、青蔥等，額外加配左隻溏心蛋🥚！口感軟滑，蛋黃味道香濃～好正🤤🤤🍜激辛雞白湯拉麵 $105✨以雞白湯做底，加上由豬、雞、牛肉碎混合既辣醬🌶️～感覺幾特別👍🏻👍🏻叉燒肥瘦均勻，口感軟腍～木耳絲新鮮爽口！！麵條好幼滑，吸滿辣湯好惹味呢🔥🔥🥟自家製餃子 $40✨餃子外型飽滿，口感好香脆！！咬開見到滿滿的肉餡，好足料😍😍🍤秘製自家手打脆炸蝦丸 $42✨外層炸得酥脆，內層蝦膠彈牙🍤～～醬汁偏酸，蘸少少食已經好開胃😋😋🍎蘋果梳打 $25✨味道酸酸甜甜，帶清新蘋果香！好解渴呢❤️❤️

牛舌牛尾湯拉麵🍜 $108麵嘅硬度我揀咗硬，一定要有彈性先好食😋牛舌好軟淋～好清嘅牛尾湯🤤夠味但唔會過鹹作為一個鍾意飲湯嘅人來講勁鍾意呢個拉麵！極上海老吟釀拉麵🍜 $104朋友叫左呢個蝦好新鮮，口感彈牙我飲咗啖湯，好濃厚！好重海老味🤤湯底較杰所以麵會好掛湯，岩曬重口味人士～明太子雞翼🐥 $40無骨雞翼入邊釀咗好多明太子！就咁食可能會有啲鹹，配埋拉麵就啱啱好啦好方便，啖啖肉😋😋自家製餃子🥟 $40食拉麵一定會叫餃子，佢哋係一個combo 🤣餃子就不過不失啦～自家手打脆炸蝦丸🍤 $42炸到脆卜卜，口感彈牙，啱晒鍾意食香口野嘅朋友～

尖沙咀雖然有好多拉麵店，但好多營業時間到10:00，想搵一間夜d既店都唔容易，上網見呢間拉麵來收11:30，打去問原來last order係10:50，即刻趕過去食。上網見menu都幾多特別既拉麵，因為我麻麻地叉燒豬骨湯拉麵，見到有個牛舌牛尾湯拉麵就試一試佢先，個牛舌好軟熟，湯底清清地幾好飲，麵質揀左普通我覺得軟硬適中幾不錯，加$17有一隻糖心蛋，蛋就比較淡味。另外極上海老吟釀湯既拉麵湯底濃到好似羹咁，蝦味好濃，不過蝦就應該係急凍蝦，隻蝦有d縮咗水同偏乾。整體上都好唔錯，一定會再去試佢其他味道既拉麵

天氣凍 出街繼續想食熱野 拉麵都係好選擇 🍜今次去左係香港都開左好耐既拉麵來尖沙咀分店既裝修係昭和風 日式復古FEEL 📸以木系為主 牆上有好多日本舊海報 玩具等位置大概20個位 有BAR枱 亦有TABLE位 再播住日文經典歌曲 成個格局同氣氛令人好掛住日本🇯🇵個MENU都係用心製作 手繪風配以好多圖案👍🏻食物選擇上 除左招牌豚骨湯 仲有雞白湯 期間限定等唔同湯底亦有串燒 同自家製既特式小食 2個人叫左2碗拉麵加個小食同飲品 已經大滿足✌🏻💥極上海老吟釀湯拉麵 🦐🍜呢碗拉麵勁吸睛 濃稠既湯底 配以3隻大蝦海老湯底用左蝦頭 蝦味噌同清酒煮成好濃郁 滿滿既蝦味 蝦既鮮味都好突出拉麵係幼身既 軟硬度剛好 爽口彈牙 掛汁一流 😋淨食麵都有種食緊蝦既感覺3隻蝦新鮮彈牙 仲追加左好流心既溏心蛋🥚💥原味豚骨湯拉麵🐷🍜招牌豬骨湯底熬左好多個鐘湯底果然有濃厚既豬骨味 奶白色 香而不膩仲有木耳絲 2片薄片叉燒 半肥瘦 岩岩好😋同樣都追加左溏心蛋🥚相比起蝦湯 豚骨湯就順滑D💥明太子雞翼拌酸辣青瓜個雞翼炸到金黃色 好脆入面有好多明太子 標準既外脆內軟辣辣地 勁惹味呀😍💥厚切牛舌2大塊 勁厚 牛味好重 正😌💥山

好耐冇嚟拉麵來食拉麵。今日過咗嚟食晏，試吓佢哋新限定拉麵：黃金海膽三文魚子拉麵。拉麵湯頭係雞白湯，配上加拿大海膽同埋三文魚籽。配菜有半隻味玉、二塊叉燒、水菜、紫菜。湯底味道清鮮，油膩感比較低，黃金色好搶眼，可以撈埋三文魚子同海膽一齊飲更加誇張。自己再加多隻蛋加餸。叉燒質地淋，少少肥，可以接受。冬天食碗熱拉麵係正嘅。飲品叫咗佢地自家出品嘅無花果蜂蜜啤酒。好香蜂蜜味，但係唔會好甜，可能轉化咗做酒精。泡唔多幾解渴。

大閘蟹食得多，crossover拉麵又試過未？🤪曾獲日本拉麵獎嘅「拉麵來」，將日式拉麵🍜結合中式大閘蟹🦀，中日合壁下完美糅合創新體驗✨.餐廳裝潢充滿日式風情🇯🇵木系主調，牆上掛滿日本海報、招牌及玩具🤖好似去咗日本拉麵店咁🤓菜單全部以人手繪畫，色畫俱全🎨.🍴蟹肉味噌豚骨湯拉麵💰$158拆好嘅巨量蟹肉蟹膏堆滿成小球，放於拉麵中央🦀蟹控🐻見到已經無法自拔😍湯頭充滿蟹嘅鮮甜，亦有豚骨嘅膠原質感😚記得加埋專用蟹醋，醋嘅酸味有提鮮作用🆙麵條軟硬度自由選擇，富小麥香且掛湯力強🍜一啖蟹肉一啖麵非常奢華😎另加$17味付玉子，蛋半熟狀態啱啱好，入味之餘好濃蛋香🍳.🍴牛舌牛尾湯拉麵💰$108選用牛脊骨、牛尾熬製6小時，湯頭清甜無比😋牛舌厚身大大塊，以鰹魚及昆布湯醃製後，肉質軟腍且入味🥰.🍴自家手打脆炸蝦丸💰$42餐廳推介小食💕香脆金黃外皮下，係彈牙爽口蝦肉🦐配以酸甜汁，夠晒開胃😆.華麗邂逅的晚餐🦀近排天氣轉凍，夜晚食碗拉麵暖笠笠好幸福🥰地點就腳，菜式又夠創意，下次試埋其他拉麵款先😆

原來呢間個駐店拉麵師傅係「全日本拉麵大賽」獲獎過 難怪成日行過都見到大排長龍聽講過招牌豬骨湯底熬足16個鐘以上 但今次反而想試下其他創新口味 入面昭和風懷舊裝修仲要勁啱打卡❣️牛舌牛尾湯拉麵 $108精選牛脊骨 牛尾用鰹魚同昆布湯熬製6個鐘 加上黑椒、香蔥同香筍 採用安格斯牛舌 厚度相當有份量🤏🏼 食落彈牙鮮味 湯底略帶有牛肉油脂 清甜得嚟帶出淡淡牛味❣️山葵蟹肉拌麵 $128秋天個個都食蟹 見到呢個期間限定配搭都幾新穎就試吓 一隻🦀份量嘅蟹肉 吱啲檸檬汁加埋Wasabi酸酸辣辣 有啲攻鼻但唔係辛辣 好過癮❣️炸廣島蠔 $49炸粉薄薄一層蠔身都頗大粒 熱辣辣嘅生蠔🦪沾上凍冰冰嘅沙律醬 冰火感多重層次❣️醬油炸年糕(2件) $28紫菜包住外脆內煙煙靭靭嘅炸年糕 口感好似麻薯咁當餐後小食都唔會太濟

山葵蟹肉拌麵配溫泉蛋$128原味豚骨湯麵配糖心蛋$92山葵薑味汽水+$20Coke Zero$0好味指數：😋😋😋😋😋抵食指數：💲💲💲💲環境舒適：😌😌😌😌 環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：幾年前在銅鑼灣工作，有去過大坑的拉麵來午餐，記得拉麵好食，裝修又特別。今次有事去尖沙咀，想食拉麵，經過位在K11附近的拉麵來，就試試尖沙咀店。尖沙咀店裝修同樣特別，有昭和風感覺，其中一幅牆掛了懷舊玩具🪀，憶起了不少童年回憶。跟爸爸每人點了一碗拉麵🍜。原味豚骨湯麵湯底豬骨味濃，呈微微奶白色，就連平時彈多過讚的爸爸也覺得好味😋拉麵雖然不是我喜歡的粗拉麵，但夠彈牙。薄片叉燒不會有層肥膏👍🏻山葵蟹肉拌麵配溫泉蛋好特別，可以有多種食法。先試試蟹肉、蔥、溫泉蛋、紫菜拌勻的吃法，能夠吃到蟹肉蟹膏的味。然後再唧了點青檸汁，味道更鮮。再來加了蟹醋，蟹🦀️味更突出。跟著便是拌入山葵，帶來點刺激感。又加了點芝麻，好香。最後加了高菜，辣得過癮。一碗麵多個吃法，抵😎午市時段，拉麵送汽水。某些飲品就要另外加錢。山葵薑味汽水🥤夠特別，薑味濃郁，不太甜。侍應服務好好。見我一袋二袋，主動讓我把物品放在

🍜香濃雞白湯拉麵加火藥玉 ➰ $92一黎到就緊係飲啖湯，真係好濃嘅雞湯味，店員仲俾左一粒稱為骨膠原的粒粒我地加入碗麵，濃上加濃。拉麵可選軟硬度，我選左硬，好彈牙。仲有免費送一個配料，選左火藥玉。呢個肉醬球真係極辣，辣既程度係譚仔大辣，拎少少拎食已經辣到噴火。叉燒係半肥瘦,入口即溶，加埋d生蒜蓉勁香。〰️〰️〰️〰️〰️〰️〰️〰️〰️〰️〰️〰️〰️〰️〰️〰️🍜原味豚骨湯拉麵加牛舌 ➰ $92豚骨湯底比雞白湯更濃厚，更順滑。豚骨湯果種濃香唔係味精果種味。叉燒都係一樣半肥瘦。牛舌好淋，入哂味，好食。〰️〰️〰️〰️〰️〰️〰️〰️〰️〰️〰️〰️〰️〰️〰️〰️明太子雞翼拌酸辣青瓜 ➰ $40雞翼釀左明太子好香，啖啖肉，少少辛口，外脆內軟。好食😋〰️〰️〰️〰️〰️〰️〰️〰️〰️〰️〰️〰️〰️〰️〰️〰️環境幾好有昭和時代feel，好有家庭日式小店感覺，地點仲要好方便。〰️〰️〰️〰️〰️〰️〰️〰️〰️〰️〰️〰️〰️〰️〰️〰️

秋風起🍂，涼涼地，一於去食碗拉麵暖一暖身，呢間喺香港屹過十年嘅拉麵人氣店，行緊懷舊昭和風🎌，所有佈置都好靚好似睇緊卡通片嘅情景，佈置着重小細節😊，餐牌採用手繪風，更加特別❤️午市有套餐更加抵食👍🏻明太子雞翼🐔 （$40）炸到金啦黃色，而且炸得好均勻，漲卜卜塞滿左明太子，明太子惹味得來又唔會太鹹👍🏻，同雞翼完美配搭，惹味多汁，就連雞翼尖位都好香脆，仲有醃青瓜俾你解膩香濃雞白湯拉麵🐔🍜 （$92）雞白湯湯底用左40公斤雞熬出湯頭🐔，顏色清澈，有清甜濃厚嘅雞湯味，仲有膠原波波，成件事更有儀式感，而且令湯底變得更香濃👍🏻，自家製叉燒肥瘦適中，有大量嘅木耳😊極上海老吟釀湯拉麵🦐🍜 （$104）海老湯底超級香濃😍，飲一啖湯已經Feel到海老嘅精華，令你置身大海🌊，湯底鹹香鮮味相當突出👍🏻👍🏻👍🏻，會比普通嘅拉麵湯底更加濃稠，蝦身已經好貼心咁去左殼🦐❤️，麵條煙韌，極度掛汁👍🏻，濃味控必試🌟日式汽水🇯🇵，配搭埋呢個環境真係夠哂feel綠茶可樂🍵（+$20）普通汽水，係尾段有淡淡嘅綠茶味山葵薑味汽水🥤 （+$20）薑啤帶少少山葵味，味道接受到，唔會好濃烈📍 拉麵來 (尖沙咀)尖沙咀加拿分道25-31號國際

今日再嚟食，而家係秋冬季節噃，梗係order個期間限定試吓先啦：蟹肉味噌豚骨湯拉麵～蟹粉味道濃郁，豚肉軟滑，又可自選麵質軟硬度，以及湯底濃厚度👍🏻起動前記得加幾滴蟹油嚟個錦上添花，咁我再加啲啲個人喜愛的辣味蒿菜，仲有食粒真係個人喜好的爽脆蒜頭😉⋯爽呀😋朋友今次就試食呢個：牛舌牛尾湯拉麵，大大塊又厚度適中，加隻糖心蛋呢，呢個配搭真係洽到好處⋯⋯佢一路食住話好味噢😋小食就嗌咗：廣島蠔，外表鬆脆肉質軟滑🦪仲有叫：燒河豚乾，送酒真係好啱🤣咁就啱伴飲：無花果蜂蜜啤酒👍🏻蘋果梳打😉

講到雞白湯拉麵，我記得第一次接觸雞白湯拉麵就係去第二間拉麵譜，不過而家已經冇晒，所以見到雞白湯拉麵，我都抵受唔住誘惑好想食，最後嚟到拉麵來，叫咗一個雞白湯拉麵，一個餃子，個餃子感覺上非常出色，最緊要夠熱，個皮切係有少少焦脆，但係就唔會脆到好似塊餅乾咁。皮薄餡都好足料。個雞白湯拉麵就有進步嘅空間，個人就覺得啲湯唔夠杰，做唔到嗰種掛湯嘅效果，嘉德骨膠原就想過湯更加掛，所以有少少失望，如果雞湯雞味都唔係好濃，整體嚟講俾原味水準冇咁高。

行過尖沙咀搵拉麵食，亂行亂撞見到拉麵來，星期一，時間仲係7點前，冇乜人等位。不過我估呢間拉麵都唔係大排長龍嗰隻，但勝在佢唔洗等，快快趣食個麵嘅最好選擇。叫咗個廚師推介牛舌牛尾湯拉麵加咗隻蛋及叫咗兩份紫菜，碗麵嚟到時見到好多油，我諗緊係咪牛尾湯會比較油，但佢成碗湯係非常之熱，好似自己喺屋企煮麵咁，出哂煙仲辣咀，麵熱就已加分，碗麵唔係十分好有牛味，但起碼成碗麵都熱辣辣，非常好。其他嘅麵款，我原本想試蝦味道，最終揀咗牛。朋友係揀雞白湯，仲俾咗個骨膠原你自己放落湯度。個雞湯都有雞味，但唔太似出面嘅雞白湯拉麵，佢似中式雞湯。正常拉麵價錢，不過質素係好一般。