拉麵來

日本昭和懷舊街角Feel！期間限定雙倍海膽三文魚子拉麵勁澎湃來到「拉麵來」，都會有種時光倒流嘅感覺。呢個以昭和年代為主題嘅拉麵屋，令人一踏入就瞬間「穿越」去日本街角。今次仲好幸坐到大玻璃窗前面，一邊望住街外車水馬龍嘅夜景，一邊享用熱辣辣拉麵，真係寫意又具情調。🍜 雙倍海膽加三文魚子黄金海膽三文魚子拉麵餐牌上有超過十款拉麵同拌麵選擇，另有數款期間限定款式，季節感滿溢，令人每次嚟都有新驚喜。當晚我就揀咗期間限定「黃金海膽三文魚子拉麵」，再升級為「雙倍海膽加三文魚子」——完美俾我呢啲海膽控大滿足! 🧡💯呢碗拉麵用上加拿大海膽，配以香濃雞白湯為底，加入海膽豐厚鮮香；湯汁金黃順滑，入口濃郁卻不膩。上面鋪滿新鮮又光澤閃亮嘅三文魚子、溏心蛋、自家製叉燒、水菜同紫菜絲，色香味俱全。麵底可揀軟、適中或硬身，仲可自行加配料。貼心嘅係，店方特備「蟹酢」俾客人調味，為海膽湯底去腥提鮮，令味道更顯細膩層次，鮮甜之中多一份深度。🦐 秘製自家手打脆炸蝦丸除咗主角拉麵，當然唔少得小食加持。我點咗「秘製自家手打脆炸蝦丸」，外層金黃酥脆，咬落去內餡彈牙多肉，真材實料。配上店家特調酸甜醬汁，香口好味! ❤️‍🔥🍢🍇 麝香葡萄梳打飲品選擇「麝香葡萄梳打」，淡淡果香帶少少甜氣，清甜解膩，同拉麵嘅濃厚湯頭互相平衡。💚🍹拉麵來亦有提供自家製香辛高菜、生蒜、芝麻等調味料，供食客根據個人口味加入拉麵享用。對我嚟講，呢啲細節正正顯示出店家對餐飲體驗嘅用心。💖享受呢度嘅昭和懷舊份圍、💖鍾意佢哋插畫風格嘅菜單、💖喜歡充滿創意嘅食材配搭、正宗又有特色亦都感謝店員嘅詳細介紹🙏🏻臨走前已經諗好下次要再嚟試「大閘蟹味噌雞白湯粒麵」🦀同「廣島牡蠣牛尾湯拉麵」🦪，聽個名都夠吸引！…查看更多

《拉麵來》廣島牡蠣 🦪牛尾湯拉麵 🍜 + 小食 (紫菜 5 塊) + 飲品 (Coke Zero)📍尖沙咀加拿分道25-31號國際商業信貸銀行大廈地下8號舖呢間店嘅地理位置非常好，正正就喺尖沙咀嘅最旺嘅心臟地帶，人流不乏。店入面目測大概廿幾個位，就算我平日12:30pm到，已經要排隊先入得，重要排第6。從店內大部份客人操嘅語言，我估計呢間店有部分麵友未必會有好感。我以前有食過牛舌牛骨湯麵，我就覺得幾好食嘅。今次見有款期間限定，一於試試啦。香味 (3.5/5)我一直認為牛尾嘅味道係好獨特，牛尾湯嘅香味應該一聞就識認到。如果從呢個角度睇，佢嘅香味就唔夠風味，因為牛尾嘅味並不強。反之，蠔嘅香味即非常明顯，加埋佢有唔少蔬菜增強風味，特別係片青檸，所以香味都係幾好。湯 (4/5)雖然唔太夠香，但湯嘅味道係唔錯。牛尾嘅味係食到，而且算濃郁，撞埋蠔嘅鮮味上互相輝映。鹹度剛好，甜度就偏高。麵條 (3/5)麵就普通d，中細直麵偏白，口感正常，配個湯效果都係普通。好彩我揀左 5 塊紫菜做小食，連埋麵一齊食，增加風味同口感。配料 (4/5)因為個價格都算進取，我對主角廣島牡蠣 🦪有住幾高嘅期望。蠔有三隻，當中兩隻算大隻，一隻奀d，味道都夠鮮，我收貨。豬叉燒係五花肉，有燒過不過唔夠香，肉質稍柴，算中規中矩啦。溏心蛋都係普通，唔夠蛋香。反而想講下d蔬菜，有海苔，蘆筍粒，洋蔥粒，少量薑絲，我覺得佢地發揮得幾好，連個湯同麵一齊食好夾。本身個湯食到中段係會有少少膩，不過有呢堆蔬菜嘅襯托下，增加唔少清新爽脆口感，解膩效果唔錯。整體，我認為雖然價格唔平，不過有小食有飲品，而款麵本身都足夠好食，蠔算大隻夠鮮味，連同配菜食充滿住海洋氣息同旨味。…查看更多

經過尖沙嘴呢間拉麵見到門口全部都係明星相就知來頭唔細店內裝修走昭和風格 好有懷舊玩味feel估唔到仲有好多特別嘅拉麵口味😳三文魚子海膽拉麵 $188 （期間限定）一上枱已經俾金黃色嘅海膽震撼到三文魚子粒粒飽滿 咬落去爆開海水味海膽入口即融 濃郁鮮甜完全無苦味湯底用咗雞白湯 鮮味層次好豐富食到中段會有少少漏 但餐廳有提供蟹醋 落完又係另一番風味🤤🤤白松露雞白湯拉麵 $112一攞近已經聞到撲鼻嘅松露香氣餐牌寫係用意大利嘅白松露醬自家製嘅叉燒都非常厚身 糖心蛋都煮得啱啱好脆香雞皮餃子 $49 (配Asahi $85)外層雞皮炸到金黃脆身 入面肉餡滿滿肉汁 仲非常嫩滑必點！！！食完真係超滿足 …查看更多

🍜雞白湯拉麵 - 油浸臊味雙重攻擊！一上枱以為自己叫咗碗「雞白油」！湯面浮住層金光閃閃嘅油浪，飲一啖直接反胃——陣臊味攻心，似足阿媽煲雞湯唔記得劏雞膽！麵底更加離譜，淋滋滋冇咬口，似喺湯入面浸足半日嘅即食麵，師傅係唔係計錯時辰煮麵？😟😟😟🍜北海道牛乳忌廉湯 - 廚餘界天花板！朋友，你飲過水溝奶嗎？呢碗就係！淡茂茂嘅清水加啲忌廉浮屍，落埋蒜蓉黑椒都救唔返，仲要越撈越稀！我懷疑廚房用緊「餿水配方」，一路食一路講粗口😠😠！雞叉燒 🐥- 梅過梅菜扣肉！肉質霉爛冇彈性，咬落去似濕紙巾！唯一優點：裝修救咗佢🔥裝修係幾靚，日式昭和風打卡位唔錯總結：伏到核爆！呢餐飯教識我——靚裝修唔等於靚食物，行過門口當去咗旅行算啦！ （利申：食剩九成，寧願返屋企食出前一丁）…查看更多

位於尖沙咀加拿分道的拉麵來Ramen Kureha以獨特海老湯底拉麵聞名。餐廳裝修別具懷舊日本風格，牆上掛滿復古玩具和手繪菜單，空間不大但環境舒適，座位數量約20席，氣氛輕鬆溫馨，非常適合喜歡正宗又有特色拉麵的食客。我們嘗試了招牌的極上海老吟釀湯麵，湯底以海老和吟釀酒熬製，鮮味濃郁且帶有微妙的酒香，非常獨特。自家製拉麵麵條彈牙，搭配充滿風味的湯底，令人回味無窮。…查看更多

首先，你千祈唔好預期係日式拉麵係就會好有強烈既預期落差仲要每碗定價超過$100，高期望就一定有。講真出品真有極大進步空間，以現時呢個味道及食物質素，真係唔掂。蝦麵 $108賣相- 唔錯（比佢呃咗）湯底 - 強烈不似預期，質感較稀，味道類近星馬既蝦湯底，絕對唔係西式蝦湯既濃厚。蝦既新鮮程度與份量- 有很大進步空間，3隻細蝦，肉質唔實兼有的腥，收過$100/碗，好過份麵質-冇亮點整體質素，只係food court質素，但係唔好食果類food court…查看更多

尖沙咀人氣懷舊風格拉麵 見到竟然有大閘蟹拉麵 係秋季限定 星期一至五有午市套餐可以追加小食同飲品 即刻沖過去試吓.可以自己選擇 拉麵軟硬 湯底濃度 蔥同埋蒜⭐️大閘蟹味噌雞白湯拉麵 午市套餐$178😍表面有一大球金黃色蟹粉 叉燒半肥瘦都幾大塊😋今次揀左正常濃度 味噌雞白湯底已經好濃郁😍湯底加埋金黃色蟹膏蟹肉 都幾邪惡😈.同樣高質仲有⭐️廣島蠔牛尾湯拉麵 午市套餐$168三隻蠔都肥美飽滿 鮮甜少少爆汁嗰種😍😋最重要湯底蠔鮮味好突出 好似游緊水咁🔥小食加多兩塊火炙叉燒 同樣都好大塊 有焦香勁特別連Wasabi汽水都有少少Wasabi味 但味道比較似薑味汽水餐廳有個不明文規定 如果唔叫飲品 都可以叫多一款追加‼️你哋又有冇試過呢？.#hkfunfoodrecord窮遊香港#hkfunfoodrecord_尖沙咀.#拉麵來 (尖沙咀)地址：尖沙咀加拿分道25-31號國際商業信貸銀行大廈地下8號舖.#hkfoodie #foodiehk #hkfoodblogger #hkblogger #hkfoodies #hongkongfood #食評 #旺角美食 #旺角必食 #油麻地美食 #油麻地必食 #佐敦必食 #佐敦美食 #尖沙咀必食 #尖沙咀美食 #香港美食 #尖沙咀 #大閘蟹 #拉麵 #蟹黃 #蟹粉 #雞白湯拉麵…查看更多

位於尖沙咀加拿分道的拉麵來Ramen Kureha以獨特海老湯底拉麵聞名。餐廳裝修別具懷舊日本風格，牆上掛滿復古玩具和手繪菜單，空間不大但環境舒適，座位數量約20席，氣氛輕鬆溫馨，非常適合喜歡正宗又有特色拉麵的食客。我們嘗試了招牌的極上海老吟釀湯麵，湯底以海老和吟釀酒熬製，鮮味濃郁且帶有微妙的酒香，非常獨特。自家製拉麵麵條彈牙，搭配充滿風味的湯底，令人回味無窮。另外也點了濃厚魚介豚骨湯麵，湯頭濃郁而層次豐富，結合了豚骨的醇厚和魚介的鮮美，傳統拉麵愛好者必試。自家製餃子同樣值得一試，外皮薄脆，餡料鮮美多汁，為整餐添加豐富口感。拉麵來Ramen Kureha營業時間靈活，平日中午和晚市均有供應，地點便利，就在尖沙咀寶勒巷附近，價格約在HK$100至130之間，性價比合理，值得特地前往一試。…查看更多

啱啱做完手術又唔可以食生冷嘢，咁啱經過拉麵來，有個限時海膽三文魚子拉麵。又可以滿足我食海膽嘅慾望。，一貫水準食完唔會口渴，賣相又好，食完啱啱好又唔會滯，佢呢個海膽拼三文魚子拉麵，出奇地又好夾。原來三樣野結合咁出色，相信你廚師自己都試過無數次先推出，不過而家唔知仲有限定王😛呢間真心推介，仲有檸檬水任斟，店主熱情有禮，環境舒適，可能呢個價錢而家呢個市道真係未必會咁多人食，平日下晝去得我一枱，希望大家多啲去啦，唔好令佢消失…查看更多

海膽三文魚子拉麵，正常份量要 178 蚊，我點咗個雙倍海膽同魚子嘅，228 蚊。第一次見到咁大份嘅海膽，配佢哋屋企嘅蟹醋，真系好正啊😋​我哋一共點咗 4 碗拉麵，因為急住想試味，結果有兩碗忘記影相添🤦‍♀ 總結一句，4 碗拉麵都好好食！​店鋪細細間，有啲逼，睇落去基本都系大陸客人，估唔到都系社交平台帶過來嘅。不過店員嘅服務態度幾好，值得贊一個👍…查看更多

成間鋪頭嘅裝修麵好有日式懷舊風嘅感覺，好多懷舊玩具做裝飾，手繪風Menu仲好精緻🥰 試左2款拉麵，整體感覺正正常常，無太大驚喜～😂北海道牛乳忌廉湯拉麵 $98成個湯底麵好濃郁，忌廉味麵好出😍不過飲完就真係會好口渴🤨配菜都幾豐富，比較少食拉麵見到咁多款～有唔同種類嘅蔬菜，紫色卷心菜、菇、甘筍、木耳等～～櫻花蝦雞白湯拉麵 $98勁多櫻花蝦喺面，面質都彈牙 😍而湯底就好重口味，略為鹹咗啲～叉燒唔會太韌，正正常常～～…查看更多

位於尖沙咀十字路口的拉麵店比呢間餐廳嘅裝潢吸引咗。。香港有這些餐廳但很少，亦都吾會晏晝營業。。。光係門口已經好吸引好有趣，好似去咗日本博物館。 紅白藍嗰盞燈夠晒吸睛，入邊有好多懷舊玩具和廣告燈牌，雜物作為這間舖頭的點綴，很喜歡呢。 平時食嚟食去豚骨湯底、味噌湯底同醬油湯底。 近年七年都潮流柚子拉麵，拉麵有好多種配搭。 Menu有一款都好吸引㗎，好多人都食。 海膽三文魚籽拉麵，佈滿魚子同埋海膽，見到都覺得好吸引好豐富。 三文魚子海膽就成日食啦，所以試吓去個白松露雞湯拉麵。白松露醬都幾香口，唔會太濃太腥，溝埋白雞湯一起飲好滋潤好溫暖，湯底濃郁而不油膩，很喜歡。 叉燒肥瘦均勻，都切得幾厚好飽。麵條份量適中。…查看更多

溫泉玉子蛋雞汁拌麵💰85最近想食拉麵所以去咗呢間拉麵店試下，佢可以揀麵嘅粗幼、要唔要蔥、要唔要蒜、湯嘅濃度果啲😍大約有10款拉麵左右～仲有啲預食！我叫咗呢款拌麵～亮點係顧客可以自己揀醬料，自己鐘意食咩就落咩！餐廳提供多種醬料，包括胡麻汁、鼓油，七味粉甚至仲有芝士粉🤣🤣🤣個人認為雞汁冇話好濃🥹～但勝在啲麵都幾彈牙🫰🏻 但位置偏細坐得有啲逼🥲 枱嘅旁邊有掛鈎比人掛住啲袋，整體黎講，呢間拉麵算唔錯，…查看更多

拉麵味道也很不錯，海膽三文魚子拉麵真的給我鮮掉牙了，老闆說每隔一段時間都有新的期間限定，12月是蟹肉拌麵，在香港的朋友快衝！這家拉麵店的特色之一就是每次都能品嘗到不同的期間限定口味，每一道菜品的用料都很新鮮，湯頭濃郁卻不油膩，海味十足。海膽三文魚子拉麵中的海膽和三文魚子非常新鮮，搭配上湯底和拉麵的Q彈，真的是一口接一口，完全停不下來。除了拉麵，他們家的蟹肉拌麵也是每年的12月限定，蟹肉非常鮮美，麵條搭配上特製的醬料，吃上一口，彷彿整個冬天的寒冷都被融化了。老闆非常用心，每隔一段時間會推出新的期間限定，讓食客每次來都有不同的驚喜。不僅如此，這家店的服務態度也十分好，員工總是熱情地推薦菜品，讓人感受到滿滿的溫暖。如果你在香港，真的不能錯過這家充滿驚喜的小店！…查看更多

香港海胆拉面测评美味程度：⭐️⭐️⭐️⭐️⭐️海胆三文鱼籽拉面是178，双倍料是228，果断选了228的，第一口汤加拉面真的非常非常好吃，汤是非常浓郁的鸡汤加海胆味，甜咸甜咸，以前从来没有尝到过的风味，新奇又适口。拉面的口感很不错，不硬也不软烂，美味可口！关于海胆的分量，我模糊数了一下不算散在汤里的大概是有六块左右，还不错。菜单上有写海胆来自加拿大。我是属于那种最好吃的东西最后吃的那种人，所以除了一开始吃了一块海胆以外面就没有再配着海胆吃了，我配着三文鱼籽吃，三文鱼籽咸香咸香的很配面，哐哐炫，等到单这两样东西吃腻了夹起面里的叉烧一看，发现这两块叉烧和其他拉面店的叉烧不一样，是有厚度，大块，且肥瘦相间的，咬一口甘旨肥浓余香满口，再喝口汤吃口面太幸福了！又继续吃三文鱼籽配面，夹起第二块叉烧的时候发现我高超的筷子技巧刚好把三文鱼籽包在了肉里，谁懂这一口的含金量啊啊啊。很轻松就吃完了面，但吃到现在还是感觉有腻到饱到不愿再吃。。把特意剩下的海胆捞到一勺一口吃掉，非常鲜甜，这一餐就在无上的幸福感中结束啦！感恩！环境：⭐️⭐️⭐️⭐️一家不大不特别小的店，店里的位置有一点点拥挤，椅子没有靠背，不过我不是很在意这些。卫生：⭐️⭐️⭐️⭐️没有注意到哪里有脏的地方。服务：⭐️⭐️⭐️⭐️⭐️店员态度很好，热情，面带微笑。菜单上还有其他口味的拉面，都是在其他地方比较少见的口味，如柚子鸡汤鹅肝，我之前有一次来吃海胆结果说卖完了我就点了这个，也是好吃的，有机豆乳担担冷面，北海道牛乳忌廉汤鸡叉烧拉面等。…查看更多