拉麵來

營業中

休息中

星期六出咗尖沙咀行街，行到過咗中午食飯時間都唔知。經過赫德道見到有間拉麵，裝修幾日式，決定入去試試鋪名叫做拉麵來，見到Menu有個牛舌牛尾湯拉麵，諗都唔使諗就即刻落單，因為我超鍾意食牛舌其實店舖啲位都幾窄，坐得唔太舒服，可能咁樣就令你食完都唔想坐，快啲離開，咁就做多幾輪生意等咗大約十分鐘，個湯拉麵就上枱，望一望，嘩！成百蚊碗拉麵得兩塊牛脷，真係要試吓你有幾好食先得相對個湯就夠哂濃牛味，但係鹹味爭啲。食牛湯拉麵我通常都會落黑椒，咁舖頭都有提供但係重點都係講返兩塊牛脷：牛脷心都夠腍，牛味都夠重，但係接近清湯煮嘅水平，一啲鹹味都冇，以呢個價錢嚟講，我可以話完全唔合格🙈而且碗麵嘅份量都唔算多，以男仔來講可以話有啲唔夠飽雖然知道尖沙咀地舖鋪租貴，但係你收我$108一碗拉麵交D咁嘅質素，麵又唔夠飽肚，應該唔會再幫襯啦😔

餐廳：拉麵來 (尖沙咀)地址：尖沙咀加拿分道25-31號國際商業信貸銀行大廈地下8號舖喺大坑好出名嘅拉麵來 @ramenkureha 一直喺果區嘅人氣店🍜，佢嘅第2分店喺2021年7月尾由旺角搬到尖沙咀，今次平日中午去食都坐滿晒客人，入到去仲好有surprise 添🎉透明玻璃設計隱約見到餐廳入面嘅裝修，佈置以日本昭和時代嘅懷舊日本風為主題🎎，昭和嘅風格同特色有好多延續大正時期嘅元素，同時包含住和洋味道，帶比人一種懷舊同好warm嘅感覺，純樸而充滿童年色彩🪆大坑店主打豚骨湯拉麵，而尖沙咀就主打牛尾湯同海老湯拉麵。午市有拉麵套餐，$92就有一碗拉麵、一款小食同一款飲品，比起午餐以外時間抵食好多👍，仲唔收加一，對比起一般拉麵店嚟講真係抵食🤑，另一樣比較特別嘅喺佢哋嘅拉麵可以揀軟硬度而湯底可以揀濃度，整一碗最適合你嘅拉麵😌✝️牛舌牛尾湯拉麵 $108話明喺尖沙咀分店嘅主打緊係要試吓啦，不過呢款拉麵就要加$16，即喺$108，小食就要咗隻日本糖心蛋🥚。牛尾湯底用咗牛脊骨同牛尾熬煮最少六個鐘頭🐮，面頭仲加咗黑椒、香蔥同香荀，未食就已經聞到好香濃嘅牛肉味道，飲落仲一啲都唔鹹唔涸喉，用咗真材實料去煮👏；

餐廳有日本特色，牆上面有細個玩嗰啲玩具好得意，掛咗啲懷舊嘅poster，雖然餐廳面積唔大，都坐滿客人，拉麵款式選擇多，仲有唔同口味嘅小食，拉麵可以揀軟、適中及硬，而且仲可以加錢加配料。極上海老吟釀拉麵$104加牛舌$32湯底濃郁，好似龍蝦湯嘅味，但係濃縮版，配有三大隻蝦及叉燒，牛舌厚切，肉質鮮味。香濃雞白湯拉麵$92加粟米$12雞湯清甜，拉麵另有一個骨膠原，可以放湯入邊，健康可口，另有木耳及叉燒，粟米分量好多。蘋果梳打$25好少餐廳有蘋果梳打飲，配日本拉麵正。自家製餃子五隻$40餃子肉質鮮嫩，皮唔會太厚，如果可以煎脆d就更加好。整體而言唔錯，坐滿客人，拉麵份量夠多，而且味道都唔錯，旁邊配有高菜、芝麻、生蒜，如果唔夠嘅話向樓面職員索取。

我今次一個人去所以沒有叫太多嘢食，只係叫了一個蝦拉麵，個湯底有小小濃，味道適中，小小似龍蝦湯，如果喜歡蝦湯底可以一試我個人覺得個味好過另一間用蝦做湯底既拉麵店。麵條煮得剛剛好（ 我叫普通）如果一個人又不用排隊會再考慮食

最近公司附近開咗一間拉麵店，就係拉麵來，拉麵控的我一定要去試試。我叫左一碗極上海老呤釀湯麵，蝦湯非常濃郁鮮甜，感覺係用好多好多蝦嚟熬製而成湯底好杰身，仲有啖啖味噌香味啊重點係湯底一滴油都無！啱晒我地呢d成日要減肥的女士。天氣開始凍，食完碗暖笠笠嘅拉麵，仲即刻個人開心晒

第一次寫食評估唔到會係因為太難食太差而令我要寫出黎希望各位唔好中伏首先座位狹窄到不能再狹窄 同隔籬枱幾乎手臂貼手臂咁坐地方小 窄點唔緊要 櫈底亦冇籃比客人放隨行物品 要攬住個袋食 我地點左兩款拉麵同一款小食- 極上海老吟釀湯拉麵 $104- 牛舌牛尾湯拉面 $108- 明太子雞翼拌酸辣青瓜 $40賣相方面 海老湯面個湯底睇落好濃好深色 另外有3隻蝦放面個湯杰到一pat pat 完全係罐頭湯個種感覺試埋隻蝦 不是新鮮蝦都算 仲要肉質係梅既最貼切可以用佳寶既急凍蝦黎形容大家可以想像到真係好離譜罐頭杰撻撻湯+拉麵配急凍蝦另外 明太子雞翼拌酸辣青瓜聽個名應該都好難會有錯上枱 數埋係有兩粒青瓜 係兩粒然後明太子雞翼只食到有雪藏味最後牛舌牛尾湯拉麵湯底似中式清湯腩有兩塊差唔多半張10蚊紙咁大塊既牛舌3款食物當中佢係最正常既一樣總括性價比係十分之低相我就冇影了不過大家係其他食評都可以睇到食物既賣相大致上都一樣 絕無誇張形容食完呢一餐真係好嬲嬲到要出呢篇食評黎提醒大家咁都配叫拉麵？

晏晝出到尖沙咀 諗唔到食咩 經過尼間裝修好有日式風味嘅鋪頭就入左去同好多拉麵店一樣坐低店員就俾左餐牌同落單卡紙我地麵嘅軟硬度，湯底濃度，蔥蒜等等都有得揀我地揀左雞白湯同牛舌牛尾湯加個小丸子雞白湯有附上骨膠原粒 幾好 味道都唔錯😋牛尾湯 牛味幾濃 但湯面成層油 牛舌就麻麻😕小丸子粒八爪魚肉好細粒⋯但個皮幾脆👍🏻每枱都有高菜 芝麻 生蒜 俾客人自助高菜冇寫明 但係辣嘅 最好唔好直接加落個湯度😂同行嘅無視左d辣粉一野就加左落湯 之後就食唔到個麵🙈

記得喺唔知邊度見到有人推介過呢間拉麵😂😂加上又未食過所以就去試吓💛💛.🌟湯嘅濃度同埋麵嘅厚度都係可以自選，配合返個人口味！.🐮🍜牛舌牛尾湯拉麵 $108湯底係比較清，唔係好油膩嗰啲。應該係我個口嘅問題，唔知點解第一啖飲嘅時候以為係雞湯😂😂😂💩💩牛舌有兩舊，size唔算好大但係都算厚切，口感好腍，牛味好重但唔會有牛嘅騷味。配菜仲有啲筍，份量好多食到尾都仲有！.整體冇話好驚喜，重口味人士可能會有啲失望。但支持下同路人一試無妨💛🐣🍜激辛雞白湯拉麵 $102面頭紅色嗰球波波就係辣嘅來源🔥真係幾辣！大家食嘅時候續少少咁整散佢‼️🌟Btw佢lunch有lunch set，抵食啲！

今晚同高太出發去大澳睇花燈節睇花燈之前要食反碗拉麵先有力行之前高太已經話想試下依度既蝦湯拉麵今日可以同高太去試下依度有我最鐘意既生蒜壓泥器，可能係處理比較麻煩，唔係間間拉麵店会做高太俾依度既懷舊日式玩具擺設深深甘吸引住可能啲人有反甘上下年紀就開始鐘意想當年依個蝦湯拉麵既有濃厚蝦香味再加埋一啲即壓既蒜泥，香味完全進一步提升我嗌多個北海道牛乳拉麵可能頭先果個蝦湯味道比較濃厚，食依個果時就覺得比較淡左啲應該食左依個先

北海道牛乳忌廉湯雞叉燒拉麵🍜湯底好濃嘅忌廉湯味👍🏻👍🏻👍🏻雞肉煮得好嫩滑，幼身嘅麵吸到晒d湯汁入口好好口感，糖心蛋整得好好有小小流心超正。牛舌牛尾湯拉麵🍜牛舌切得厚身所以好有咬口，煮得好琳身，牛尾湯底好濃👍🏻👍🏻👍🏻小食點左兩款，秘製自家手打脆炸蝦丸：用料十足啖啖都係蝦肉點埋個柚子汁好開胃。明太子雞翼拌酸辣青瓜：雞翼表面炸到脆卜卜，裏面餡料用左明太子撈埋雞肉，好香口，正。飲品好有特色：山葵姜味汽水，有汽嘅姜味好好飲。完熟蕃茄梳打：真係有好濃烈嘅蕃茄味，兩樣都值得一試。

工作累了，到放lunch時間唔想又食樓下茶記，同同事打算出去搵下D好嘢食，精神一下。見附近新開咗間拉麵店，就入去試試。首先店內環境以日本懷舊風格設計，見到有好多懷舊嘅玩具擺設，我哋依家冇得去旅行，就暫時幻想一下自己係日本先啦。極上海老吟釀拉麵(另加溫泉蛋+紫菜)湯底好濃郁，仲好重蝦味添！另外加左兩個小食：免治雞軟骨咬落去有平時雞軟骨既脆脆同時又有好多肉，感覺幾得意。明太子雞翼雞翼餡料充足，呢到小食比起拉麵更加比到驚喜我。飲品我地嗌左(綠茶可樂&山葵薑味汽水)汽水個樽好靚呀，山葵薑味汽水個味道好特別，飲到最後會有一下少少攻鼻，好過癮！值得試試！

第一次黎食拉麵來 見到好多好評都滿心期待🐷入到去裝修風格係以日本懷舊80-90年代，都幾有特色，而座位係木台木椅，同日本拉麵鋪一樣都係坐得非常之逼夾。咁我哋就叫咗溫泉玉子雞汁拌麵、牛舌牛尾湯拉麵(濃湯)。舖頭提供高菜(超級辣)、生蒜、芝麻、昆布醋同黑胡椒俾我哋任意索取。牛舌牛尾湯拉麵(濃湯)：牛舌都夠厚、但係無乜味、湯重牛味但係冇想像中咁濃、湯頭係偏清淡個一種，我自己就唔係咁鐘意。溫泉玉子雞汁拌麵(正常)：味道一般、無乜驚喜、撈麵個湯偏稀、要自己落生蒜茸同昆布醋先出味啲、啲肉有啲碎、食完都唔知自己食咗。 可樂最好味☺️結論我哋覺得好多拉麵舖都好食過佢 🙂有啲失望🛎5.5/10🛎

一心到場同男朋友食晚餐，原本打算早點食飯之後行街。大約6:00 到場，場地有點狹窄。但還好沒有人，但冷氣不夠，還好店員貼心提供風扇。兩人分別叫左店內推介的王牌 《牛舌牛尾湯拉麵》《北海道牛乳忌廉湯雞叉拉麵》牛舌牛尾湯拉麵 - 來到完全冇蒸氣！湯係唔夠熱嘅，而且表面一大層油脂。以為撥開啲油脂就會有蒸氣， 點知都係冇。湯唔夠熱已經係死罪，又肥又唔夠熱。食完成碗麵都仲有一大碗肥油喺度北海道牛乳忌廉湯雞叉拉麵 - 同樣湯係唔夠熱嘅（完全冇蒸氣）味道很淡。雞肉有雪藏味道。令人失望的一餐，完全浪費肚子空間。破壞了一天美好的心情。

開咗咁耐都未試過因為佢總店喺港島區好少過海依家有間分店喺尖沙咀即刻去試一試先.尖沙咀店面唔算好大要坐得比較親密裝修同樣係signature懷舊玩具風格.北海道牛乳忌廉湯雞叉燒 $98 : 湯底幾creamy，我揀咗”淡”，所以一啲都唔膩，唔錯.牛舌牛尾湯拉麵 $108 : 好有牛味，唔會太油膩，個麵份量都幾多.額外加咗牛舌、粟米、火炙叉燒&味付玉子 (我覺得呢兩樣必叫，好好食).自家製餃子 $40 明太子雞翼 $40 : 呢兩樣都好食，值得 encore.仲叫咗支好耐冇飲嘅綠茶可樂.

經過見到有新拉麵店開張，裝修好有昭和年代風格，木系裝潢加上一些古舊玩具裝飾及海報，好有風味，未食已經彷彿置身日本。平時食拉麵通常都是豬骨湯底，呢度啲湯底好有特色，分別有蝦、雞同牛既湯底。極上海老呤釀湯拉麵 : 湯底用白蝦頭、蝦味噌同日本清酒烹調，配上海花蝦、京蔥，湯底極濃郁，每條拉麵都索滿濃湯，極之美味。牛舌牛尾湯拉麵 : 牛尾湯比蝦湯清一點，但味道都好濃厚，厚切牛舌又軟又滑。加配既火炙义燒 : 炙燒過既义燒特別惹味，半肥瘦充滿油香。明太子雞翼同雞軟骨串 : 加配既小食價錢好合理，味道都唔錯。綠茶可樂 / 山葵姜味汽水 : 味道同樽既外型都好特別，第一次試新奇口味，好得意!