拉麵來

營業中

休息中

第一次黎食拉麵來 見到好多好評都滿心期待🐷入到去裝修風格係以日本懷舊80-90年代，都幾有特色，而座位係木台木椅，同日本拉麵鋪一樣都係坐得非常之逼夾。咁我哋就叫咗溫泉玉子雞汁拌麵、牛舌牛尾湯拉麵(濃湯)。舖頭提供高菜(超級辣)、生蒜、芝麻、昆布醋同黑胡椒俾我哋任意索取。牛舌牛尾湯拉麵(濃湯)：牛舌都夠厚、但係無乜味、湯重牛味但係冇想像中咁濃、湯頭係偏清淡個一種，我自己就唔係咁鐘意。溫泉玉子雞汁拌麵(正常)：味道一般、無乜驚喜、撈麵個湯偏稀、要自己落生蒜茸同昆布醋先出味啲、啲肉有啲碎、食完都唔知自己食咗。 可樂最好味☺️結論我哋覺得好多拉麵舖都好食過佢 🙂有啲失望🛎5.5/10🛎