成記茶寮

營業中

休息中

豬扒雞翼飯連冷熱飲品 $43 😋：8/10.癲架 大大碟豬扒雞翼飯 仲要凍飲都唔使加錢 都係$43 真係識唔識做生意架 超級抗通漲 塊豬扒係平時焗豬扒飯1.5倍咁大塊 厚厚既豬排肉質超鬆軟 又唔似係用梳打粉發出黎 加埋秘製豉油汁真係冇得輸.瑞士汁雞翼係用左XL size既雞翼 隻隻都超大隻 出面單併飯都未必有3隻咁大既雞翼 呢度係雙併呀 肉質仲好juicy好入味 真係不得了 .呢個飯份量超大 見到好多打完波既學生同地盤工黎講都唔係個個食得哂 仲有唔少人兩個人share一個飯都食唔哂tim 自問唔係大胃王一定要叫少飯 以免浪費.不過呢度既環境真係好麻麻 好似冬菇亭咁既大排檔 隔離仲係公廁 不過好似dor呢啲麻甩系大菌食細菌黑洞胃垃圾肚就so far食咁多次都冇肚痛 如果腸胃唔好就自行衡量風險啦 不過真係好好好好好抵食 超推介！.P.S. 老闆堅持12點先會開始賣豬扒飯架 同埋weekend好多人 都要排幾耐下 加上好多時2,3點就賣哂 想食要早啲去

The chicken wings with pork rice came in a very generous portion. The chicken wings was bathed in a 'Swiss sauce' and it was so sweet that it overpowered the underlying soya sauce. But the chicken wings was very fat and juicy. The pork was also very tender but it tasted exactly the same as the chicken wings probably because the same sauce was used. The pork was quite a thick cut and a small portion of the bones was not well-cooked enough and some redness could be seen.

又到左星期日，唔知識乜好既時間啦，open rice search一下~元朗~cafe~乜餐廳都彈哂出黎~比我老公睇到呢間勁多好評既“穩世豬扒”說好的星期日靚咖啡呢？仲要係食我最唔中意既豬扒（因為好多鋪頭唔係整到乾就係整到鞋，所以我當然不寄望啦）算啦，比錢個個話事!原來係舊式八角亭個啲食市，乾淨既程度係經過都唔會想入去個種門口好多人，入面都坐得幾滿，應該真係好食既，左避右避禁避開哂地下啲污糟，坐落，跟大隊，豬扒必食!我老公要左~豬扒雞翼飯肥嘟嘟大大隻既雞翼3隻，同個豬扒飯係分開上既，可能因為個汁唔同，雞翼係瑞士汁黎! 雞翼好滑好嫩口，我老公超like豬扒飯既係尌油汁，好厚好大既豬扒，咬落好鬆軟，好香豬肉味，個種鬆軟，絕對唔係用鬆肉粉搞到軟哂霉哂個種，真係好正!我要左~豬扒雞球飯一上台，已經係超級香，係惹味個種香不過一睇就知，唔會食得哂，個幾舊雞球，係雞扒既份量黎件豬扒，食極都仲係好大件，同我老公個碟，一樣禁正~係雞球差啲，有啲部份乾左少少!我碟飯個汁，會唔會重手左少少好彩個汁真係好正，我全部飯食哂甜甜地，唔咸，如果唔係水浸禁，真係食唔到奉送凍熱飲品，一杯凍奶茶，一杯熱檸茶，茶底靚，所以

成記茶寮在元朗應該沒人不曉～～這裏沒有講究的裝潢及舒服的空調座位，低調實在，靠著招牌豬扒飯打響名堂，足料超厚重超大的豬扒蓋滿整盤碟頭飯，沒有多餘的配菜及擺盤，一樣吸引很多人慕名而至！成記就如默默耕耘的基層香港人～～看見男朋友叫的豬扒飯上枱有點嚇壞，居然兩大塊貨真價實的厚豬扒鋪滿整碟飯，$43 可包凍熱飲料，那有餐廳可媲美這個價錢？不要以為大排檔貨色價錢便宜，食物質素就馬馬虎虎，非也非也我叫的豬扒雞翼飯$43 豬扒應該係梅頭豬，肥瘦適中，肉質豐厚不韌入口不痴牙，用渴匙已經輕易地切開小塊，淋上特製的豉油汁有少少帶甜，配飯寧舍開胃～～難怪人人都一味叫豬扒飯！瑞士雞翼又是另一招牌，雞翼完全入味，輕易咬開，肉質嫩滑又夠香～～夏天怎少得凍飲，重點這裏凍飲不用加錢這裏不能要求有很好的服務，自己搵位坐，落單要快及清晰，這裏講求的是效率及不變的美味。只專心做好豬扒飯，客人仍是不斷回頭。

成記茶寮 經常經過的一間食肆 它是舊式冬菇亭式的大排檔 環境跟小時候一樣 都是那麼髒亂 夏天時 即係e家 一路食一路漂汗左擰右擰, 原來餐牌在頭頂, $39-$43 的價錢包冷熱飲品, 真好!! 凍飲唔洗加$$43 包了一大塊成cm厚嘅豬扒及三大隻雞翼, 簡直性價比極高 比小米電話還要高這個SIZE, 要係西餐廳食返個差唔多成舊水晚餐先會見到, e家.....e家.......只係$43個餐嘅其中之一, 呢塊豬並非一般炸豬扒而矣, 應該有經過燒烤, 味道有炭燒味, 且肉質鬆軟而多汁見到呢三隻雞翼, 我就諗起譚仔, 以前"譚仔"D雞翼就係咁大隻, 點解e家縮哂水, 點解.......點解........肥美的雞翼, 又在係"成記茶寮"出現, 雞翼味道偏甜, 但相當嫰滑去到最後, 埋門一腳, 點解.......點解........邊位會係唔熟嘅!!! 是我唔好彩? 於是超下隔離, 原來人地兩碟都係咁, 去到邊位就無食環境差可以接受, 無冷氣無風扇也可以接受, 但食物唔熟, 尤其是係"豬", 就不可接受, 所以............................

11時到達，不少顧客都在吃早餐，原來豬扒飯在12時準時開賣。我們11時45分再去，已經有不少客人等候，似乎大家都是為這個「豬扒飯」而來。幸運地，我們跟別人搭檯的情況下，能坐下吃第一輪的飯。點了「豬扒飯」和「豬扒雞翼飯」。等足20分鐘的豬扒飯終於來了！豬扒飯淋上偏黑的豉油汁，這就是店家馳名秘製的「豉油汁」，客人都是為這個又甜又香的豉油汁而來。豬扒夠厚又大大塊，即叫即炸，豬扒連骨大如手掌，一碟已是兩個女生的份量！連骨豬扒不但肉厚，吃起來更軟滑，加上師傅肯下工夫，豬扒肉吃起來軟腍有彈性，一點也不韌。豉油汁不死鹹，反而帶有甜味，聞起來亦似有焦糖般的豉油甜香，令人吃個不停。雞翼配上這汁，有如瑞士雞翼，無可比擬。這豬扒與雞翼配上黑豉油，餸飯一流，令人愈吃愈想食。怪不得有人將此「豉油豬扒飯」形容為「死前必吃」之物。要是這店在我家的附近的話，我一定每星期至少會去吃一次，天氣熱都咁話XD哈哈！ 

成記地方可以用惡劣形容，油煙、地板都好勁油膩！不過來嘅人應該唔介意！打仗一樣，搵車位、搵座位、再等落單，見每個客都好落力搵！草紙落單，放晒一齊！零電腦！所以無得查單！店員無停手！廚房無停手！出菜係嗌出來，食客自己認頭！所以唔好怕羞，有就應！同埋要有耐性！唔好催，因為催都無用，我哋坐廚房位，來到落單，豬扒唔可以單叫，已無汽水！2點半後已開始無雞扒！兼截外賣單！有啲客都等得好多不耐煩去催單，我哋唔趕無出聲，店員姨姨見我哋無催，又主動問番我哋嘅落單，即刻比我哋！其實好好奇佢嘅運作模式，睇落好亂但又唔係完全無譜！廚房叔叔同樓面店員合作無間！佢哋互相呼應！好熱鬧！最攪笑係我們坐得近廚房，基本上佢地所有動作睇晒，佢哋對住群情洶湧嘅人潮同落單，手好勤快又完全唔會急燥！比人催邊笑笑安撫邊盡快解決！呢樣我好欣賞！當然人多單多一定有亂！不過睇佢哋做嘢好似睇show一樣！講番食物：豬扒煎蛋飯（$43）我食嘅已經係最輕宜嘅選擇，雖然好似唔抵（因為兩款肉都係$43），但真係食唔晒咁多肉！賣相少許雜亂！煎雞蛋嫩滑，蛋白剛熟，蛋黃流汁！豬扒有一塊半，一塊差不多我塊面，肉質幾鬆唔乾，豬扒本身無味，靠香濃甜豉油嘅功勞，

12點佢一開舖就去叫外賣，已經話要等一個鐘。好，我等，等到1點3先去拎都仲要等多一陣先有得拎。因為等一個鐘既時間去左買野，本身抽住好多野，所以無特別檢查，點知返到屋企一開就發現得白飯、鼓油同幾塊菜，雞翼一隻都無。唯有拎住盒白飯又出去換，去到先知原來雞翼另外有盒裝住，有冇搞錯，咁都可以俾漏，啲員工一句唔好意思/sorry都無，仲要問我係咪我自己包既外賣，我自己包就會檢查下啦，收我四十蚊仲好意思問我係咪自己包外賣，講到好似俾漏雞翼係我錯，係我自己問題。呢間野幾好食都無用，第一次食就一肚火，飯都唔洗食已經無晒胃口，如果唔係因爲條氣唔順，我都唔會浪費十蚊車錢坐小巴出去要求佢俾返漏左既餸。第一次食已經係咁，唔洗指意我會再幫襯第二次。忠告所有買外賣既人，記得check 清楚，或者唔食就唔洗擔心。

好多料既豬排雞球飯，呢間野食過幾次，佢一碟$42有埋凍飲，好啱大食又鍾意食肉既食，佢啲咖哩飯味道都唔錯。啲份量係多到夠2-3個女仔食嫁。平時堂食覺得好好食，今次外賣又放耐左就覺得麻麻，因為啲排油俾啲飯吸晒，好油膩。平時新鮮整出黎好香好好食，個鼓油汁甜甜地，飯又香。值得食！呢間野我中學同學爸爸開既，但我中學未食過，係呢一兩年先食，成日聽到佢地話去食雞頭飯，以為真係雞頭。好似收三點，開12-3pm，有興趣可以試下。

常言道不可以貌取人, 但身處現實社會中, 外貌往往卻是先行, 不論人或事, 甚至乎餐廳也是。 自問不是奄尖腥悶的人, 但對餐廳基本的清潔衛生也是注重, 不過卻有一間大排檔令我破格動搖。位處建業街熟食大排檔的成記茶寮, 元朗人無人不知, 亦無人不曉, 開業多年, 仍然深受街坊的歡迎及支持, 而且經常爆滿, 一位難求, 雖然環境嚴格來說頗糟糕, 衛生指數頂多只可給兩分, 但假日跨區來搵食的, 仍然把大排檔迫滿。如有潔癖的你, 勸籲不要前往, 如要前往的也得要接受那環境啊! 當然服務也是欠奉, 位是自己找的, 店員大姐不會招呼, 亦無暇招呼, 下單也要看準時機, 只因他們來去匆匆, 光顧的實在太多。當人人都在討論九記、澳牛的態度, 這兒其實也不遑多讓, 不過其實只要你熟識他們的運作跟做生意的方式, 其實他們也很有人情味的 (某時候跟某程度)。 成記主打的主角 - 至少有半吋厚, 比面皮還要大塊的連骨豬扒, 最為深受食客的歡迎, 而且只於午市供應(中午12時至下午3時), 限量的供應, 所以造就這段時間店內總是水洩不通, 到晚市時段食店則化身回大排檔的小炒角色。除了主角的豬扒飯$43

近日要出元朗附近工作，有個同事話帶我去大排擋食lunch，問我介唔介意～我點會介意吖，我咁鍾意食野，唔帶我食好野我就介意喇～大約一點十分，去到依間，嘩～都好多人，好在剩係得我和同事二人，易揾位d，間成記雖然冇冷氣，但近排又唔係好熱，可以接受～我同事話依度最出名係豬扒同雞翼，咁我就order個豬扒腸仔飯，等左約5-8分鐘，飯到～嘩～～咁大碟既，塊豬扒又厚又大塊，腸仔足足有3條，真係抵食～豬扒唔靭，而個豉油汁又好味，仲好食過d高級餐廳～今次個同事冇介紹錯～下次有機會再黎食

青山OPEN DAY, 去之前朋友提議食呢間,十一點半黎到,D客仲係食緊早餐,我地要坐到等到12點先可以開始叫,伙記會行埋黎逐個落單~我同朋友各自叫左個雞翼豬扒同埋雞球豬排飯~由於都開始多人所以個飯都等左三四個字先到由十一點半到十二點半,已經由無乜人去到勁多人排隊,就算外賣D伙記都同佢地講要等兩個鐘!?好犀利…個飯終於黎,真係嘩左聲,好大份,豬同雞都好大好多,我叫雞球豬排,其實佢個雞球根本就係雞排….食落又夠入味,肉又唔老,雞球有少少乾,但豬排唔錯,另外朋友既雞翼都好入味~其實D送多到真係可以一碟飯三四個人食都得…食完除左好飽之外,仲可以話好攰,食到個口好攰LOL呢間大排檔,真係唔錯,不過大家要睇住自己既健康黎食啦XD

今日係平日，見得閒就黎成記食個平靚正+大大碟飯！😋粟米汁 & 豉油汁撈飯真係好好味！💰雞翼腸飯$41，豬扒雞球飯$43👍🏻送埋野飲添！抵！🐔最鍾意個雞翼,豉油汁甜甜,好入味!😆我朋友仔就最最最愛成記既粟米汁！

友人推介成記， 說這裡的豬扒非常有名氣。 今天中午到訪， 果然已經座無虛席。成記店鋪不大， 在室外搭幾張摺疊檯椅， 我們終於找到位置坐下， 還沒有看清餐牌， 店員便大叫今天只有豬扒雞翼， 那便每人一個鼓油汁豬扒雞翼飯吧！ 等了一會豬扒飯先來了， 碟子很大， 而豬扒竟然幾乎跟碟子一樣大， 還是厚切， 這份量實在是不得了！ 用匙羹砌下去，已經能感受到它的軟嫩， 一吃， 豬肉嫩味道濃， 沒有半點兒豬肉的腥臊味， 也沒有鬆肉粉的味道， 真是吃得開心又放心。然而驚喜不止於此， 原來這兒的鼓油汁也是名物，鼓油汁其實是自家製的甜鼓油， 咸甜度洽到好處， 越吃越想吃， 不知不覺白飯吃得比平常多呢！還有一點值得稱讚的是， 每碟飯中都有很多蔬菜， 正好解油膩！雞翼姗姗來遲，鼓油汁仍是美味非常， 雞翼卻略為過火且不夠入味， 並非必吃之作。整體來說仍是值得推介！

那是咁的！呢度我搵到大件夾抵食之外，佢個瑞士雞翼真係我最愛！好入味、好滑！飯係軟棉棉，水份岩岩好！個姐姐好幽默添！好好笑容！我係特登東涌搭入去食！所以你話呢⋯！