成記茶寮

營業中

休息中

放假的我當然元朗搵食啦😎其實成日都黎食，不過唔記得影相寫☺️每次終於相機食先☺️成記豬扒蛋飯招牌必食啦🤤🤤🤤🤤甜豉油load飯食🤤好好食！豬扒超級鬆軟❤️ 無牙婆都食得到！而且超有肉地😎飯量係地盤哥哥食用size😎成記豬扒雞球飯相對雞球就無咁驚喜！但贏在份量真係好多呀！(食到有小小雪味）不過總體都係好食🤤凍奶茶！係傳統既港式奶茶！所謂茶香奶滑！44蚊包一杯凍飲！成件事好地道絕對真。香港地！

辦好事情後才到這裡吃飯，已經是下午2點多了，相較係12點時段，座位多的是。 點了最愛的瑞士雞翼伴粟米汁豬排飯。假如是選豉汁的話，雞翼會比選粟米汁多一隻哦！個人偏好微甜的粟米汁，豉汁吃得最尾會感覺有點油膩呢！主角炸豬排吋零厚，卻是腍得以叉和匙就可以輕鬆切割，吃下去只有一個念頭，怎麼會比雞滑！？大大碟的碟頭飯絕對能餵飽男生，價錢也相宜才四十多元。老實說來了這裡好多次，真的想為店家抱不平。每每最看不習慣某些人慕名而來，但把架子端得高高的。這裡是不設拎籌帶位，自行併桌入座的，想下單要等也是常識，因為店家人手不多。至於什麼服務態度，環境衛生這些問題也真的是奇怪極了，有看到地址是街市地下嗎？！一般舊式的街市不都是沒冷氣，衛生情況一般般的嗎？假如真的在意這些的，建議還是不要來吃哦～

如果要數食肉獸必到嘅地方，我定會介紹佢食元朗的成記茶寮，其實成記係一間舊式大排檔，地方非常之簡陋，環境唔算衛生，而且佢每日淨係開中午12:00-3:30三個半鐘，服務態度也不算好好，食客大排長龍要等位唔憂做咁，但他們絕對串得起，因為佢嘅食物真係非常大件夾抵食！👍👍👍👍👍真要等耐啲都值得！佢最出名就係佢嘅厚豬扒同埋雞球，瑞士雞翼都唔錯，我每次去一定係叫佢嘅豬扒拼雞球飯，大大碟雙拼$44, 單拼＄40仲要包嘢飲，凍熱同價。佢啲飯真係好大碟😱，你係淨係見到肉睇唔到飯的，塊豬扒勁大勁厚，但係你唔好以為佢大塊就會好鞋，反而佢的肉非常嫩同juicy, 不過食落後邊會有少少鬆肉粉味， 應該落咗鬆肉粉先咁嫩，不過可以接受的。佢有雞球有六大舊，係六大嚿嫩滑又juicy 的雞球!配上不同嘅醬汁，有其他咖哩/粟米/蕃茄/豉油汁任君選擇，我最愛甜豉油，呢個飯就係無敵！，一碟飯有咁多肉，真係食肉食到我呢個食肉獸覺得有點多，我自己食晒覺得好飽👍我覺得兩個人食一個就差唔多，重點係咁大份先至＄44😭性價比太高了吧！值得一提係佢嘅瑞士雞翼非常入味嫩滑值得一試，如果雙拼嘅話就3隻肥美雞中翼😋🐣不過我至愛都係豬扒拼雞球飯🐷

曾在元朗讀書的我竟然不知這區有一食店賣豬扒雞翼賣到街知巷聞。尤其貴為雞翼愛好者的我，慨歎走寶多年。所以一聽到有這店的雞翼有幾美味，我就欲罷不能掉下手上的工作衝到元朗。平日的12：00已坐滿客，坐無虛席。客人高聲談話，周地漬水，店鋪燻黑，積塵如雪，枱櫈油淋淋，黏手黏腳，還有廁香味飄來，看見這個格局只能說：這是大牌檔特色，吃風味。說回今次主角，豬扒雞翼飯。碟頭厚豬扒飯，瑞士雞翼另上+凍飲 $43。價錢合理，不算特別平。這個招牌厚豬扒很淋身，用手上的匙羹就可以切開，而拜厚身所賜，吃時仍有咬感，加上甜豉油送飯，很快就清了整碟飯。而瑞士雞翼就有點失望，可能期望過高。很重甜豉油，很濃，雞翼很大隻，沒有出現炆到過火，骨肉分離的情況，時間剛剛好。只是給坊間神化了。不覺得有甚麼特別。其實在這環境用膳，就算給你全世界最好的食物都會大打折扣。到這裡吃飯你首先要接受自己坐在公廁旁用膳，若不能接受這點，到這裡吃飯只是受苦。

起元朗差唔多做左成年野先至聽朋友介紹哩間大排檔有一次見到朋友買外買一打開個外賣盒真係好震撼D肉係多到遮哂d飯忍唔住試左一塊 好好味今日我有自己帶飯 不過d餸麻麻地吸引 所以就想叫塊豬扒加料原來單叫一樣咁多咁大塊我鍾意佢係半肥瘦 豬排肉幾嫩滑易咬甜豉油好開胃加左料好幸福呀同事2個人share 一份白汁豬排雞球飯其實雞球都唔係球狀既係雞扒咁佢地都有試我個個豉油豬扒都覺得豉油好味d以後唔帶飯要食外賣既時候又多個選擇lu~~~

我三年前我公司同事帶我嚟食.我真係冇諗過.塊豬扒大塊好鬆軟好入味.我更加估唔到豉油雞翼好入味好好味三年後今日下午有機會過嚟買外賣同朋友分享下次我會食咖哩唔知道會唔會好味其實啲夥記幾有禮貌收錢嗰個可能係事頭婆真係唔差

今日黎食，我坐近馬路果邊。叫左豬朳飯加凍檸茶。茶先到，一眼已睇到茶入面有野，撩高啲，係張落單紙。我話俾呀姐聽杯入面有野，佢就話換過杯俾我。佢攞走後唔係即時倒左佢。係擺佢梯級上張枱，之後同水吧講有張紙。我一路望住，後尾見水吧個男仔撩起張紙掉左，行去近牆果邊啲客度擺低左俾個客。我明白大排擋一向睇不見為乾淨。但係掉左張紙轉頭又俾人，呢點大家自行定斷。

星期日的元朗，又熱又多人，再去熱鬧的成記真係要啲決心，見咁多人讚就去試下啦！侍應話假日冇單併，一定要叫雙併，點了豬扒雞翼飯，落單已講明要等25分鐘！豬扒係好淋好鬆化，但唔係傳說中咁惹味，豉油汁幾好送飯，甜甜地，瑞士雞翼都好多人推薦，但我就覺得幾失望，同一般瑞士雞翼有咩分別，入面仲略嫌唔夠入味添！肉既份量都幾多，豬扒大大塊，飯就唔算多，連埋凍飲$44都幾抵食既！我覺得住開呢區得閒黎食下都ok既，但特登跨區入黎試就唔值了。

又入元朗啦😍唔係呢面人每次入到黎都好開心！入到黎叫朋友帶我去食好西😌佢話有間想帶我食好耐了！."成記茶寮"完來在元朗人無人不知,仲深受街坊支持！我呢個大鄉里真係少見識呢😜幸好當日到來沒有爆滿！求到2個坐位！.店員大姐同廚房師傅好像來勢洶洶但我覺得其實佢地好好人😌😌втw上枱速度奇快！👉🏻 豬扒飯 $43•$43的價錢還包飲品, 凍飲更沒有加$2😭,連骨豬扒確實大塊(有约有半吋多點厚)🤤兩大塊手掌咁大！肉質彈牙又腍又入味, 不用刀只用匙羹也能切開啊😯保持到應有的肉汁,喜歡豬扒煎得香香脆脆好鬼惹味😍厚大豬扒加上足足有一碗半份量既飯,我係完全食唔晒既🙆🏻‍♀️🙆🏻‍♀️同朋友ѕнare都搞5店！佢個豉油汁味道偏甜又不會死鹹！大愛另一樣👉🏻瑞士汁雞翼散叫！見到色澤咁深一定好入味👅食落口帶點租香, 同樣惹味, 肉也是肉骨分離！天衣無縫啊！好吃好吃.試過之後我覺得呢度既嘅豬扒肯定係全港最大份既真係大件夾抵食🤓雖然沒有舒適講究既環境,但係有美味既豉油豬扒同瑞士汁雞翼, 吃過一口相信你會愛上,但前提你要接受欠奉既服務同麻甩環境🤣🤣

聽人講成記啲豬扒同雞扒大大塊，今日終於有時間去試試。呢個係茶檔，外面擺放咗好多摺枱，環境方面唔洗講啦，衛生程度當然遜色一啲。坐底後望一望幅牆，因為Menu貼咗喺上面，好快就決定叫個豬扒雞翼飯加杯凍檸茶。由於佢哋已叫即整，個飯大概等8分鐘。阿姐一放底就見到大大塊豬扒，一大一細有兩塊仲要肥瘦均勻，望到都覺得吸引。先試試個豬扒，食落真係好腍，配埋啲甜豉油又好夾。另外雞翼係瑞士汁嘅，做得非常入味而且大大隻啖啖肉咁。雖然成記環境唔得，但食物質素真係有返咁上下~

聞名已久的元朗成記茶寮，今天一個人膽粗粗去試下。聽聞豬扒飯、雞翼水準一流，於是就叫了豬扒飯及雞翼，再加多杯凍架啡，合共盛惠$42，底食！猪扒飯的猪扒又真係好好味，大大塊厚切猪扒，口感鬆軟，豉油汁調較得好好，唔鹹又唔太靚。雞翼肉質幼嫩，滷水汁好濃味，熱辣辣好好味，雞翼上枱時仲有煙。而杯凍咖啡的味道夠濃，奶的份量又好適中。而間舖頭的環境及衞生就非常惡劣，側邊有公厠，芬芳撲鼻的味道迎面而來。附近不時又有雀仔飛來飛去食跌落地下的食物。總結，食物味道無得頂，環境衞生好難頂，因此標題叫天使與惡魔。

朋友推介依間好味豬扒飯既其中一間店係大排擋黎既同一般大排擋環境就差不多，我地早左去打算試，11:30去到，原來要12點先開始午市，場內暫時都有好多位任坐，咁叫住個早餐食住等到十二點先早餐都係同平時既火腿通粉差不多，終於等到叫午餐既時候啦，店員話粟米汁既話等半小時，咁我叫正常既鼓油汁算了雞球豬扒飯，好肉有d配菜食下，豬扒整得十分好味，可惜個雞球食落有dd蘇味...估唔到雞翼豬扒飯等左成個鐘先到，雞翼又係好可惜唔夠入味，都係豬扒係最好味，下次要試下豬扒配其他食先！如去食最好早一點去到，12點後已經好多人等，野食黎都要半個鐘，可能隨時要等一小時以上先有得食！

這間茶寮其實是大排檔我已幫襯了十幾年，一切都冇變， 周圍地方污糟邋遢好一間大排檔千祈唔好要求話要裝修靚靚整齊。 家族形式經營只有可能係一兩個part time員工，到你叫落單寫嘢，到碟飯上你枱面，你必須要耐心等候静心意待，千祈唔好諗住趕時間食完就走 ！ 亦不建議在繁忙時間過嚟呢度食嘢 ！所以除咗價錢有變外，其它嘢都係保護文物！豉油豬扒飯兩塊豬扒大道遮住啲飯有椰菜當然還可以選其他汁， 粟米黑椒洋蔥鮮茄咖哩。 但係經驗累積落嚟叫豉油汁係最快 好耐冇嚟豬扒仍然是大件有兩件咁多厚切又林juicy全齊$44連凍O茶……响元朗仲想點？

今日同朋友食lunch ,朋友介紹我食豬扒飯，食到一吐氣，講個豬扒飯先，塊豬扒係好大塊好厚，都有成兩塊大大豬扒，食落去都好肥美好juicy ，飯都有好多，可以點一個飯兩個人share 食,落左好多甜鼓油😋講下服務態度，其實食個麻甩豬扒飯都5會預佢服務態度會好，但都5係差到咁掛😖😄我見朋友差5多食完個飯，而我個飯都未來，咁我就催左次，我都擔心會漏單架嗎，我都好明白佢地好忙，個哥哥仔反哂白眼咁同我講：知啦 豬扒飯呀嗎～整梗架啦小姐 ！等陣啦 ！你地5好催啦 ！好啦都算啦。我都預左會比人罵，咁我諗住叫個外賣，個哥哥同我講：要叫外賣上去叫啦，但要等3，4個鐘啦！其實我都5知佢講梗乜，淨係feel到佢好火爆！希望呢位哥哥新年好好休息啦！5係個個都受到你氣☺️

係元朗好出名的豬扒飯，但事先聲明，中午十二點先有得食嘅。 仲有，環境係污糟嘅，大排檔位，係惡劣少少。 但我都第三四次食了。 因為佢個豬扒真係整得好出色。 而且好大碟，豬扒好厚，仲要有成兩塊，好大塊嫁。 佢好食係因為個汁，仲有豬扒厚但非常鬆軟，老人家都一定食得好開心，唔會話咬唔到。 而且啲肉都唔「鞋」。豬扒一定要配多一個餸，好似豬扒餐肉飯，或者豬扒雞翼飯咁。 如果細食，建議食豬扒煎蛋穩陣🤣。食得曬嘅機會會較高。每次去食除左豬扒必食，就係雞翼喇！溫馨提示：如叫外賣，佢會話要等個半鐘或兩個鐘嘅，最好十二點前左右坐低，佢夠十二點會同你落單，佢地係唔休做嘅，無好好嘅笑容同服務態度，但佢地都真係忙到一腳踢，真係忍受唔到可以選擇唔去呢。