成記茶寮

營業中

休息中

今日eatmug9 #16元朗友一定知依間成記出名咩？係大件夾抵食呀😋成記平時係開十二點但係十一點九嘅時候張張枱都已經坐滿晒人等十二點落單座無虛席，何其壯觀呀咁啱師傅我餓底，同行友人都極烈推介豬扒雞球飯畀各大食友豬扒雞球飯碟飯呢，睇落就唔算大但食落就另一回事塊豬扒厚L 過林奠個臉皮，啖啖肉但肥膏都唔少雞球坐底都有4舊男人老狗食完都濟濟地純粹想填飽個肚嘅，成記都係唔錯嘅選擇(留意返，如果怕污糟就唔好去因為個舖位係喺街市隔離，環境唔算係太好)

今日再黎元朗人不想告訴你既在地系列🤐🤐 你要去成記茶寮食嘢, 除咗錢之外, 唔該帶備你既耐性同時間⌚ 因為佢哋同一般冬菇亭 (熟食中心)既食肆, 佢地係做到無停手🤹‍♂️🤹‍♀️都不停有客黎🏃‍♂️🏃‍♀️新鮮炮製比你, 至少預等20分鐘2️⃣0️⃣ 12點未到黎到, 八九成坐滿😮個個都好似輪街症咁靜靜地坐係度, 枱面無嘢食,玩手機既玩手機📱發吽豆既發吽豆😑 其實個個已經提早黎落定單等佢12點鐘開爐煮, 街坊慣晒佢既做市方式, 唔介意去等😌 人手唔足, 家庭作坊😲我都等左10分鐘… 先落到單😂嗌咗最出名既豬排雞球, 但要咗咖哩底🍛落單已經話明你知要等4個字以上，比心機。。。等🤗 熱啡上枱飲住等, OKAY, 少少甘, 比好多茶餐廳水準好☕ 等足15分鐘後飯上枱, 一大PAT黃色咖哩🍛飯🍚豬扒🐷雞球大兜亂, 賣相係唔好架喇; 但呢度出名既係熱度🔥味道😛份量⛰️飯底係港式唔係日本米, 用番中國/泰國米, 黏度高啲, 溝埋汁係有少少杰, 但呢啲就係正港地踎香港味🇭🇰 雞球大大舊, 新鮮炸起, 肉汁係入面, 豬扒厚厚一塊👏👏其實按番市區份量呢個應該係雙人份量, 好癲… 好多人都係食唔晒, 我都係食晒啲肉😎 埋單

今日專登同朋友嚟元朗，試下呢間好出名嘅豬扒雞翼飯，佢話呢度超好食！去到門口的確係人山人海， 其實只係一個冬菇亭，裏面放滿枱凳而且座無虛席，甚至要等位！我們兩點鐘去到，已經淨係得豬扒、雞翼、豉油汁飯，沒有其他選擇！慶幸地我可以加兩條腸仔！其實感覺真係麻麻地，豬扒真係鬆軟，但係相比亦較多肥膏，豉油雞翼真係好嫩滑！凍奶茶味道有一小點怪，煎腸仔都係普普通通 ，真係唔明白點解咁多人排隊去呢間幫襯！嚴格上嚟講地方，都唔算十分乾淨， 只能說係好便宜嘅頹飯一餐！

又去覓食，之前睇到有媒體報過三間元朗必食豬扒飯！好慚愧地浦開元朗但居然一間都未過，我就要3間試哂，今次去左收最早既「成記」先，可以話又一次朝聖豬扒飯老店茶寮環境係一間大排檔，衛生各方面就真係唔好咁講究，男人老狗都冇所謂，不過佢隔離係廁所，又真係有陣味飄下飄下，但食個大排檔你都唔會當佢Café咁坐咁耐啦！食物選擇痴哂係牆，一係豬扒一係豬翼，係主打呢兩樣，再配個汁，大排檔就係簡簡單單已經食飽好多人而且好滿足！豬扒雞翼飯 $45(包凍/熱飲)可以揀配豉油皇/粟米/蕃薯/咖哩汁，當然試佢招牌豉油皇汁！豬扒勁大塊，肉質鬆化帶少許肥膏，完全唔韌，唔似用鬆肉粉，就算用都唔會覺得係食空氣，係啖啖都有食到肉既質感，再淋上咸度適中既豉油汁，夠哂多汁，食2碗飯絕對無問題！雞翼係另上，肉質都OK，瑞士汁又係夠哂多，都幾入味。仲要包凍/熱飲，邊到搵？果然實至名歸，$45包埋凍飲真係不得了，不過大家要食一定要做早起既鳥兒，因為收15:30，14:45左右就開始冇野食，要早啲黎！

今次又係介紹元朗嘅豬扒飯，其中一間成記茶寮，位置係喺建業街嘅冬菇亭公廁旁邊，所以衛生環境都幾差下，但由於佢抵食夾大件所以都好多人都會食午餐。其實今次我冇嗌豬扒，我係嗌咗佢個雞球雞翼飯，即係俗稱雙雞飯，飯方面比較爛，如果想食硬身嘅飯可以放棄成記，雞球大件好食，雞翼分開上，差唔多食晒碟飯物上，所以無影到！不過雞翼係好入味，有時間又唔怕等嘅話其實係可以去食下㗎。

#double_元朗-【必食豬扒飯🐷】認識#🍋👧🏻 朋友都知道 一直以來👧🏻都唔多鍾意食飯 咁點解山長水遠去到元朗食飯 其實佢為咗佢嘅豬扒🐷-🔻豬扒雞翼飯 配冷熱飲品（$43）呢度嘅豬扒🐷系👧🏻暫時食過全香港最好食嘅豬扒🍚份量多 又厚又大件😆加上豉油汁 甜甜的😚仲有粟米🌽蕃茄🍅咖喱🥘三種汁可以選擇🍗雞翼係另上 同樣都係大隻多肉😍唔介意環境up dup 嘅話真係不妨試吓⭐️評分：8/10－－－－－－－－－🍴餐廳名稱：成記茶寮 (元朗)📍地址：元朗建業街街市地下C8號舖-🔎餐廳類別👉🏼#double_大牌檔🔎菜式類別👉🏼#double_港式🔎選擇口味👉🏼#double_咸-#double_official #double_兩姐妹#double_mango #double_apple #doubleig #doublefood #相機食先 #hkig #hkgirl#hkfood #hkfoodieblogger #hkfoodie #hklife #hk#hk852#豬扒#雞翼#豉油汁#香港美食特色

元朗有一間幾得意嘅舖頭。佢開喺公廁側邊嘅大排檔，摺枱摺櫈無冷氣。每日淨係開12點至2點，周末12點坐低的話要等到12點8有得食。但如果你1點先去到，佢會同你講要等個半鐘，唔好嘥時間。由於要等起碼半個鐘嘅關係，啲伙計都唔會殷勤幫你落單，要你嗌佢或者行出去搵佢先落到單。落咗單又唔好諗住佢會順次序上喎，有時啲伙計唔係即刻將你張單入落廚房。總之佢已經同你寫咗單，你就乖乖地等，唔好心急，唔好催單，唔好投訴隔離有得食你未有得食。總之皇天不負苦心人，等得嘅就總會有得食。『豬扒雞球飯』4草野，有一塊大豬扒加四舊好似人哋早餐雞扒咁大嘅雞球，連凍飲。唔好以為得個平字，佢啲豬扒係新鮮嘢，煎得香口，配上自家甜豉油一齊食，係令人暫時忘記呢度嘅環境同服務。如果唔鍾意食豉油汁，仲有番茄汁粟米汁任君選擇，全部真材實料，絕不欺場。以我嘅經驗，呢碟飯應該係全港最抵食+好食嘅碟頭飯。糧尾嘅食肉獸絕對要去朝聖。

朋友介紹便來了品嚐，由於夏天季節，室外地方會比較炎熱，只有一把大風扇吹著，所以必定會吃到汗流浹背。一開始感覺不太好，只是一間街邊的餐廳，但當你吃過後，便停不了口。雞翼雞球飯$42朋友說雞翼和雞球都是必吃的，我便叫了這兩樣和一杯凍檸茶，消消暑。當我吃了一口，這鼓油汁非常出色，試過很多豉油雞翼，都不能比下這間的豉油汁。雞翼和雞球也是啖啖肉，非常足料。不過下午時段會比較多人，所以要曬著太陽等一等才能吃。

冬菇亭豬扒飯，3號風球涼涼地我哋嚟啦12點賣，都要等20分鐘先有得食😭😭😭阿姐成日講唔等得就唔好黎食啦😭😭😭霸氣！久唔久等一次都唔錯成日聽到侍應阿姐同阿叔吵吵鬧鬧，雖然覺得好嘈好煩，但聽唔到佢哋吵吵鬧鬧又好似唔係咁習慣😝😝😝豬扒好大塊有我塊面大，肉厚、腍滑、甜甜地，雞翼用瑞士汁者係我死穴👍🏻👍🏻👍🏻仲有我最鍾意的甜豉油配飯。真係好味值得試吓，衛生環境就差啲係公廁隔離🤦🏻‍♀

難得一日放假特登帶阿媽去元朗朝聖，食豬扒飯，有幾個汁揀，但係做咗功課知道豉油王最好食就叫左啦。送到過嚟，賣相OK，豬扒又大塊又厚身，一啖嗌落去係好鬆化，啲汁都好味，不過嗰塊豬扒好似無醃過又無肉味，唔講都唔知係豬扒。啲肉鬆得嚟似落左鬚肉粉，食到一半就唔想食，但如果你淨係追求個汁嘅話就可以一試嘅。

星期六就係屬於我自己一個人既時間，諗住落大雨無乜人去成記啦，點知準時12點到都係勁多人，好在唔駛等位 ，照舊大大聲搵人落單，等幾個字就送到，大大塊啖啖肉既厚豬扒，豬扒可以唔駛用刀用匙都切到好方便，當然用叉成塊豪邁d咁食都得，+甜豉油撈飯好難抗拒，仲有椰菜墊底減少罪惡感不過豬扒實在太大係食唔哂，加杯凍奶茶都好差下，普通茶餐廳質素都無，加埋個雞翼3隻只需$44，抵到爛

成日聽D朋友講，元朗有間豬扒飯好抵，今天經過便去試下，雖然環境唔係太衞生，但都尚可接受，叫咗一碟豬扒雞球飯加凍檸茶，嘩！真係D餸多過飯，豬扒仲幾厚身，個豉油油都好正！

星期日入元朗睇裝修，就去探探呢個馳名豬排飯！餐廳係露天冬菇亭之類，環境都頗惡劣，隔離就係公廁😰但坐入小小離遠d係ok既你要自己搵位，因為成間野得2-3個人做野，全部踢曬腳，無人會招呼你！搵到位就自己坐低，一定要主動d叫人落order！大提示：依家暑假有兩個後生仔女唔知係咪暑期工，一定要搵佢地落單，唔好搵個阿伯！一來佢地態度比較好，二來佢地唔會漏你單！但正常落單都要等15-30分鐘先有野食，大家要有心理準備講返食物豬排雞亦飯 $42全部飯都要雙拼，唔可以單叫豬排！豬排雞亦分開上，典型碟頭飯，好大碟豉油汁好多，覆蓋左成個碟面！豬排厚切，入味！而且肉味濃厚，好鬆軟，真係好出色！雞亦水準比以前差了，無以前咁入味，個皮都可以睇得出無以前咁深色，可能人流多，無浸咁耐，但隻隻雞亦都好大隻，仲有三隻之多，抵食！豬排雞球飯豬排係上面已經講完，真係好好味！雞球係雞排切半既size，份量好多！同樣入味，肉質軟又嫩

豬扒飯只於中午12至下午3點供應，但通常未到兩點便收爐冬菇亭大牌檔，隔離就係公廁！環境就真係麻麻夏天天氣熱時真係好辛苦剛好12點路過，見到坐滿晒人，但仲有空位置，咁就坐低，不過亞姐話豬扒唔夠要雙拼先得，可以拼雞球、雞蛋、雞翼啊~見大家都是拼雞翼多咁我都一樣啦～不過亞姐話人手做要等20分鐘，今天唔趕時間就等吧😝想叫外賣拎走係唔可以😅平日都要等足30分鐘先有得食架，好誇張！豬扒飯肉厚夠腍有彈性，既有焦糖般的豉油甜香，亦有煎香豬扒的肉汁，豬扒好大塊有我塊面大腍滑，雞翼用瑞士汁者係我死穴，仲有我最鍾意的甜豉油配飯，今餐全部給我食清啊！真係好大碟，排多過飯

經常獨自搵食的小人是日辦完事又找食是也。瑞士汁，即港式甜豉油汁，又多油又肥又重口味，但就正正乃小人之所欲也！又不是天天吃，偶爾的放縱一下，令自己開懷！雞翼大大隻夠件頭，而且入味非常，沒有雪味，較之太X館或來X餐廳的不遑多讓！豬扒亦是鬆軟，容易扯開，那理得加了多少鬆肉劑，反正就是港式茶記豬扒，抵食夾大件，好吃得無與倫比！不得不提的是飯也是超正，較為硬身；不過撈了汁以及加上軟軟的肉，超級的絕襯！唯一要提的是現場環境頗為一般，不介意潔淨度的還可以……因乃是潔癖者的地獄，食肉獸的天堂！