成記茶寮

營業中

休息中

聞名已久的元朗成記茶寮，今天一個人膽粗粗去試下。聽聞豬扒飯、雞翼水準一流，於是就叫了豬扒飯及雞翼，再加多杯凍架啡，合共盛惠$42，底食！猪扒飯的猪扒又真係好好味，大大塊厚切猪扒，口感鬆軟，豉油汁調較得好好，唔鹹又唔太靚。雞翼肉質幼嫩，滷水汁好濃味，熱辣辣好好味，雞翼上枱時仲有煙。而杯凍咖啡的味道夠濃，奶的份量又好適中。而間舖頭的環境及衞生就非常惡劣，側邊有公厠，芬芳撲鼻的味道迎面而來。附近不時又有雀仔飛來飛去食跌落地下的食物。總結，食物味道無得頂，環境衞生好難頂，因此標題叫天使與惡魔。